平昌 Premium (Closed)

老實講 300蚊個人頭我唔要求高質素放題但都唔係質素可以低成咁抽風設備差 油煙多 食物質素差 牛肉豬肉好似食緊香口膠咁 咬極唔爛 好野~落單收野埋單 有服務可言? 服務費加一 加左去邊? 我差在未自己收野去下欄盤 自己拎張單出去埋 自己拎張單去入機講真漢陽苑都好過你地我都係做飲食 既然你地做得餐飲 麻煩你地老闆注重下食物質素唔好阻住個鋪位 好多小店食物做得出色 但係就係你地D垃圾霸住左個鋪位香港繼續多D你地D垃圾餐廳 前景不樂觀

今晚一行五人攪生日聚會，之前都去過旺角個間平昌不過不失，所以諗住試下佐敦哩間，因為款式比較多，地方又好似舒服啲，點知中曬伏。。。按鐘無員工理會，都諗住佢哋忙（因為食8點半個轉），但一路食都無人嚟收野，要自己整理啲碗碟！到9點8就話最後落單，但可以坐多半個鐘，心諗就算食兩個鐘任食，都唔洗甘早cut 單啊…啲野又成日漏單同俾錯款。。都算啦～最嬲嘅係唔爆場嘅情況下，都未夠兩個鐘係10點20分時就叫人交枱囉…真心覺得唔得囉，成3百蚊食野，仲人俾啲甘嘅態度我哋受，真係永遠唔會再食

好耐冇食韓燒啦,今次朋友介紹去尖沙咀 食平昌。我地行人4位，點了國王御膳餐。 有醬油蟹及醬油蝦，不是每一間韓國餐廳都有得食。前菜～有壽司卷,醃製豆芽,醃製黑豆,醃製蘿蔔,仲有韓國的醃製泡菜。醬油鮑魚，醬油大蝦，醬油蟹～ 除鮑魚是煮熟後醃製的外， 醬油蝦及醬油蟹都是用新鮮蝦及蟹醃製，有些人不喜歡食生的，我會提議他把醬油蟹及蟹放在鐵板上燒烤一下，味道非常之特出及好食。服務員還提醒我，醬油蝦蟹直接食就可以，我說因為朋友不太喜歡食生的，所以我提議烤熟食。服務員的服務非常之好，仲會不停的轉換燒烤盤。一層層的肉類及海鮮放在架上給客人慢慢燒烤慢慢品嚐，是任點任食。雪花牛肉，調味牛排骨，韓牛肩胛肉，韓牛後上腿肉，韓牛後腿外側邊肉，濟州五花腩，濟州梅頭肉，香草黑草羊架，鮑魚，6寸大蝦。值得 encore是那些牛肉，又新鮮又嫩滑，但一定要掌握時間非常準確。 因為燒得太耐會肉質會變靭。另外，我叫了個一些小食有軟殼蟹，韓式豬肘，海帶湯。飲品也是大部份來源於韓國飲品。最好如果在Facebook like餐廳的網頁，仲可以有雪條食。

OpenRice 預約6位為屋企人慶祝生日，下午有職員致電確認Booking，已經同職員講要國王餐，職員話ok。收工早左到，職員都好好可以比我入坐先，問職員拎國王餐牌時，職員話依幾日國王餐既牛都番唔足，所以唔好意思，已經好失望，因為係為國王餐而黎，最後我地點左世子餐。可以選擇既肉類其實好小，肉質（比漢和差) 環境煙霧瀰漫，仲要醃眼嫁🙈唯一好既係職員有禮貌既，最後職員比左9折。

上月已在OpenRice 預約！一行5人第一次去平昌韓燒，見佢有醬油蝦～滿心期待！我地目的係醬油蝦所以我地揀咗中間嘅價錢，無記錯應該係$278 + 1， 開始食時醬油蝦幾好又入味，但唔知係咪開始多人食嘅關係，醬油蝦已經完全蝦有蝦味，醬油有醬油味，味道完全分開哂無醃製過！！ 另外中間價錢所包嘅肉類仲差過最平嗰個價錢嘅肉！！ 最大問題係～！！！！！個抽煙機好似用嚟裝飾咁～完全抽唔到煙，攪到一邊食一邊流眼水就連邊都塞埋，無心機再食落去！！ （但如果主打唔係醬油蝦又唔受煙影響，呢間都可以嘅～因爲佢地生日嗰位，生日正日前3或後3日5人以上生日嗰位免費！ 侍應服務都好好

忙碌左成日 好想食一餐豐富既晚餐就拉左男朋友入黎食韓燒～佢餐牌上面除左有各式各樣既肉類，仲有海鮮類，仲可以叫傳統既韓國美食，我覺得選擇都好多同豐富。🤤佢d五花腩配燒汁一流👍🏻 仲可以加d爐邊蛋同泡菜包住d肉食👅👅佢除左燒汁仲有麻油鹽同微辣麵豉醬。佢d肉類，集齊左豬牛雞既唔同部位，除左原味既肉類，佢亦都有唔同醬料調整成既肉，一d都唔dry！佢個雞翼好夠味，本身醃得入味，我幾喜歡佢個蠔，加少少檸檬汁，仲保留左個個海水味，幾讚👍🏻呢個海鮮煎餅，個人係好喜歡，煎得好香口，入面既配料用薄薄既麵粉揉成既薄餅，當小食一流！呢個炸蝦熱辣辣，外面又炸得脆，真係估佢唔到😋野飲同雪條既種類都好多，滿足到花心既人

任飲任食韓燒在香港雖然都有、但以我試過的質素來說、這間是暫時最正宗最好食的。首先一入去的時候、已經有一位韓國小姐帶位、而且坐下發現隔離位的一台都是韓國人、可想而知正宗程度。我們選了中間價錢的、因為重點是中價就已經可以任食醬油蝦啦！！太開心了！然後你未開始點食物的時候、先來前菜，前菜食完可以再跟店員再要的他們亦會先來些少牛和海鮮。所以最好是食完他們安排好的份量再寫啊、反正食物來得很快、所以不需要太急。蜆好好食啊，又滑又甜、醬油蝦我食了半打左右。肉類包著生菜加少少泡菜就是我最愛的食法！爐邊蕃薯粒粒到最後食會有少少外脆內軟、記得最後食！然後自己可以去飲品櫃自取飲品，很多韓式飲品圖片的雞翼好像沒什麼顏色、但我想說的是非常好食、味道調製的惹味、叫完一輪又一輪。鯖魚可以燒到外皮脆、內肉滑、加上檸檬汁就是一流！鰻魚意想不到幾厚身、鰻魚汁一點都不吝嗇地滲透鰻魚肉、好食！還有我到韓國食店最喜歡的水冷麵，已經調好酸度、開胃到呢！最後當然不少得韓國雪條、我選了草莓乳酪味，酸酸甜甜太完美啦！所以食物都好滿意啊！

主打韓燒烤肉的店舖越開越多，也不僅限於過江龍，不過，要歎正宗在地口味，君不如選擇由韓國人開的，似更地道更食到韓國風味吧！辣醬牛五花肉、牛肋骨肉、牛脷、牛腸、牛T骨扒等，濃郁牛味加上豐富肉汁，食完好似食完成隻牛咁，賺晒！每位奉上的3款醬汁，有辣有唔辣，增加口感更滋味。烤五花腩、豬頸肉，肥美不在話下，肉質更見爽彈，燒紅後油脂甘香惹味，外脆內軟。烤豬腸、豬皮、鷄腎，豬腸非常辣，好此道者莫不開心。驚喜的是豬皮，香脆爽口，好有嚼勁兒，鷄腎亦靭脆有致。海鮮控注意，大蜆、乾貝、大蝦、魷魚和鰻魚，都好鮮甜，值得留意鰻魚做得好精采，蘸滿鰻魚燒汁，稍稍烙熱就食得，風味媲美日本料理。熱盤方面，點了韓式辣炒年糕、韓式炒粉絲、炸蝦等，燒得多也可以食些現成的熱盤中和下，超讚。 韓燒當然有各種必備前菜：泡菜、大豆牙菜、辣薯仔等，在地風味冇得輸。我們一行多人點了任飲的士多啤梨味韓國燒酒，想不到酒精濃度都有14%，女士們要小心慢慢飲。另外點了朝鮮半島用米發酵而製成的濁米酒，分別有香蕉味和橙味……酒精含量6%到8%，較易入口，飲多幾杯都不會醉。還有韓國桃味氣酒和不帶酒精的韓式飲料如忌廉溝鮮奶，選擇眾多。甜品時間，我們點了

韓燒係香港食過唔少，第一次黎食呢間平昌，佢有幾款set可以揀，平中貴，不過都係任飲任食既。今次都叫左唔同類型既食物。肉類，有牛有豬，牛肉牛舌等牛類質素幾好 ，口感唔差，而且牛都有唔少款式揀，算多款。豬就五花腩不過我對於五花腩本身就一般，所以就無特別正唔正啦。豬皮反而口感唔錯，可以試海產海鮮類都唔錯，有帆立貝係幾正，蠔都大大隻，不過始終係韓燒就唔同蒸或生蠔咁食同味道，但係我已經覺得好好，味道又唔錯。蜆都大隻，所以質素係有既。有叫青魚鰻魚不過青魚都難燒，始終都係韓燒形式但味道唔錯。服務唔錯係因為服務員會主動換盤收野，而且都無甩單，有效率。食韓燒吸油煙機係幾緊要，呢度抽風唔算好勁，見到有部分煙都抽唔走不過又唔算成間店都係煙。總結唔錯既韓燒，食物有質素。服務又夠快，值得試一試。

這幾年韓流襲港, 不同形式的韓食文化都隨之流入, 今日約同幾位好友試試位於佐敦的平昌 Premium, 這裏主打韓燒烤肉同海鮮, 最特色的是這裏有韓國燒酒, 濁米酒同氣酒任飲, 令我們今晚不醉無歸！！先講講飲品有士多啤梨口味的韓國燒酒~酒精濃度有13.5%, 是一種源於朝鮮半島的燒酒, 主要原料是大米, 通常還配以小麥, 大麥或者甘薯等, 喝下醇香綿軟, 口感極好！另一種是朝鮮半島用米發酵而製成的濁米酒, 酒精含量6~8%, 有多款口味, 我們選了香蕉同橙口味, 酒中带有甜味, 略带勁度, 但勝在香蕉同橙味出眾！還有韓國桃味氣酒~酒精濃度只有3%, 容易入口, 酒味清淡, 桃味香濃！前菜有多種款式, 有泡菜, 大豆牙菜, 辣辣薯仔等等, 煮得很入味, 且清新健怡!主菜烤肉有辣醬牛五花肉, 牛肋骨肉, 牛脷, 牛腸同牛T骨扒~濃郁的牛味, 以及豐富的肉汁, 不同部位帶出不同的口感, 提升了嗜牛者的味覺體驗, 絕對是一場牛的盛宴！接着有烤五花腩同豬頸肉~爽而帶有靭勁, 五花腩瘦中带肥, 烤後油脂甘香, 更覺惹味, 外層带焦脆, 保留肉汁！緊接有烤豬腸, 豬皮同鷄腎~豬腸帶辣勁, 滿足味蕾,

上星期與老友在佐敦揾食，經過莊士頓樓下接過傳單，見韓燒幾吸引便選了去平昌平昌位於莊士倫敦廣場5樓全層, 這裡的燒肉任食放題有幾個價錢,  當然價錢越貴能吃的食物款式就越多我們選了中間價位的世子御膳，所以也可以食到價錢最大眾化的大君御膳ＭＡＮＵ飲品選擇多, 連韓國啤酒也有呢🍻🍻🍻我們選的世子御膳就連燒酒也可飲呢🍶只要在facebook like & share, 就免費有一支韓國雪條甫坐下不久, 店員便遞上前菜數碟以及較大路的肉類, 當中以醬油蝦最為特別!🦐烤爐側邊有迷你蕃薯和蛋漿, 蕃薯甜甜地幾好食, 注意只有蛋漿可以無限REFILL沒有經驗的我們一開始便把大大塊的牛T骨放上燒烤爐, 眼見已佔滿烤爐8成位置,  不足一會便有'痴''底的感覺需要換爐底了之後店員告知其實最好先烤豬肉等等較肥的肉類, 把油弄滿整個鑊才去燒牛是最好的牛T骨肉味最濃，口感鮮嫩多汁又富肉香~但緊記不要烤太久海鮮豆腐辣湯不會太辣, 海鮮味香濃, 送白飯一流~~每款肉的分量剛剛好, 不會浪費就最好了各款肉類也非常新鮮，個人認為眾多款式之中，牛前胸腹是最美味的, 值得再encore牛前胸腹，肥瘦相間，筋也較少，肉質鮮嫩

食同事食飯，佢哋話想去食韓燒，一於試下佐敦呢間先。先講前菜，前菜泡菜同紫菜包飯有驚喜！泡菜酸香開胃，比一般嘅辣少少，同燒好嘅肉同生菜一齊食特別好食，我地encore左兩碟。飲品任揀任飲，值得一讚嘅係佢有白色版可樂（唔係度度餐廳都有㗎！）適合燒烤時想飲有氣飲品又怕肥嘅朋友。一開始佢會倒啲蛋漿同放幾粒蕃薯起爐邊度慢慢整熟佢 。爐邊蛋同番薯需要長時間的烹煮，不過正所謂慢工出細貨，爐邊蛋蛋味濃郁口感滑嫩，小蕃薯外脆內軟，味道香甜。一開始我地先放下一啲脂肪多啲嘅肉去燒，好快個爐就夠油去燒其他嘢，唔洗額外再落油。肉類色澤紅潤肥瘦均勻，醃得好入味。牛肉算嫩口，五花肉都夠爽口。而海鮮就真係哇一聲！估唔到餐廳啲啲蠔、蝦同元貝新鮮得黎仲咁大隻！最後要讚一讚嗰度嘅service，職員見到我哋個爐燒到黑哂就會自動幫我哋換，值得一讚！

香港有好多連鎖大品牌韓燒店,平昌係其中一間,仲有好多分店,但我一直冇食過。朋友見我咁outdated,就帶我黎見識下。我地星期四7點3就來到,餐廳未算多人,所以店員安排我地坐卡位。面積好闊落,所以唔會坐得好逼,而且餐廳安排左圍裙俾食客,好細心,d衫唔驚俾油濺到啦~我地揀左最basic既大君御膳,店員好快送上小食: 泡菜,芽菜,小卷,醃青瓜,等等仲快快手幫我地加左爐邊蛋&小蕃薯即使係最平既plan,肉既種類都唔少,牛加豬有15款,雞加其他(如腸仔,餐肉)都有7款。海鮮有6款,仲未計9款熟食,同4款蔬菜,其實兩個鐘真係試唔哂~我鐘意呢到既烤牛肉&豬頸肉,牛肉醃得好入味,不過燒嗰陣就要勤力炒,因為醃過既肉好易燶。豬頸肉爽口多汁,燒耐左都唔會乾。另外都encore左燒雞肉串&烤鰻魚,兩樣野都用燒汁醃左,雞肉串燒完外面有少少脆,烤鰻魚更係第一次見,好特別!!我地仲加左錢試傻豬任飲,其實傻豬=soju,即係任飲燒酒,不過我唔係好飲得,所以只係試左桃味&菠蘿味既真露(3%),當汽水飲都幾好飲,啖啖果汁~唔飲酒呢到都有飲品櫃,樂天既罐裝佢都有,例如忌廉鮮奶,不過雪糕要like左fb再問職員拎。職員好友

因為今日實在太肚餓，所以同朋友提議食放題，好彩即日打去book 8點半時仲有位😬去到全場都滿座，好彩我地book左，兩個人都有張大卡位坐😽。不過一出lift，已經聞到好大陣油煙味😕好既係餐廳有提供圍裙，我即刻著左上身，希望食完個身無咁大陣味。一坐低，店員就會主動介紹佢地有3個唔同級數既menu，我地簡左最平既大君，$188呢個價錢想食韓燒係出面已經好難搵到，仲要係任食。以大君menu黎講，全晚最好就係烤牛肋骨肉同照燒牛五花肉，至於其他肉類，就普普通通，無咩驚喜，但都對得著呢個價錢。最大問題係佢個板😫，每燒一轉野食，塊板就lon曬，要換。全晚換左9次😫😫😫😫，建議可以搽啲油上去如果like and share左佢地fb，會送一支雪條，解下油膩亦不錯。

This restaurant is in the 5th floor off Nathan Rd. You have the choice of 3 buffet menus. We went for the lowest price, $480 for 2 including good choice of Korean dishes, beef, pork, noodles and some veg. Oddly no kimchi. Next price had some intestines and others. Top price had abalone.When we sat down, we were asked to move table. Frustratingly, we were then asked to move table again back to the original table. Reasons weren't clear. Then the guy who looked like the manager told us to pay in ca