皇后飯店 (Closed)

高級茶餐廳～皇后咖啡店，位於九龍塘站又一城商場，交通方便，揸車嚟亦都好方便商場樓下有大型停車場，我哋係公眾假期去的，去到等咗一陣位，大約5分鐘，咖啡店座位寬敞舒適，裝修雅致，店員服務一向好，我哋二人食咗兩份下午茶 ，$220埋單，兩份下午茶份量都十足，其實當係午餐份量都無問題，英式炸魚薯條熱辣辣好味，忌廉大蝦伴帶子意粉，非常足料，忌廉汁香滑燶味，意粉啱啱好唔會太軟也唔會太硬，雖然下午茶已經覺得好飽 ,值得去完再去。

長輩生日，一家人係度晚餐。懷舊嘅西餐廳，老人家入到去都開心有feel 嘅🙂工作人員都係一啲中年人。服務態度親切。起初見到comment話啲人服務態度差，都有啲擔心，但今晚全部嘅職員都好有禮貌，係上餐有少少甩左😅我哋一行五人叫了5份晚餐，味道都ok。

話說中學開始係又一城蒲已經知道皇后飯店存在，但睇落係高級餐廳所以一直都考慮佢，十幾年之後突然興起就走去試下。星期日二點後去都有4-5組人排隊，好彩都係等左20分鐘左右，而且啲人係keep住黎等位，直到食完都仲有人排🙈黎之前上過openrice睇資料，見到出奇地多負評，於是降低左啲期望，不過親身體驗完係覺得service好正常，食物質素亦唔錯，唔係幾明白點解會咁多負評🤔🍴美國牛肩扒 配飯/意粉/薯菜$160🍴俄國紅燴牛仔肉 配飯/意粉$160另配餐湯、餐包及餐飲呢餐算係近年食過坐得最舒服嘅港式西餐，真係覺得有啲懷舊嘅感覺，特別係見到好多一家大細黎食飯，令我諗起細個嘅時候都係咁，仲會好期待放假一家人去食好西！我同同伴都揀左羅宋湯，超足料超濃味，啲什菜好似要溶晒落啲湯度咁，加埋牛油餐包蘸湯食勁正🤤我揀嘅俄式牛仔肉超大兜，個汁幾有特式但啲牛肉冇乜肉味，完全被牛肩扒比下去👻同伴揀左蒜蓉汁，同平時豉油西餐啲汁好唔同，好似有啲類似孜然味咁，好惹味，更加吊到牛肉味出黎😋

今日出左九龍塘食野,諗住又一城應該都唔會太差!!之後行下行下就去左呢間門面幾好既餐廳,我地下晏11點半到, 唔駛排隊直入!!坐低左就睇下食乜啦...我地都係叫SET LUNCH為主!!見佢價錢都OK, 所以諗佢水準應該OK!!我就叫左個B餐...初頭對佢都有D期待!!點知第一啖食落口,全部都凍冰冰...隻蛋, 碟飯, 塊牛扒, 雞扒, 豬扒, 煙肉...全部都係凍架...雖然我知佢係現盛執落碟度上菜,但係都無理由咁無水準...全部凍冰冰, 果下真係接受唔到囉!!仲要俾呢個價錢, 食D咁既質素...講真真係無下次... 唔會再幫襯!!

呢間老字號俄國菜餐廳😚食物款式總能保持水準，而且不時轉換餐牌✨香煎三文魚扒配刁草忌廉汁 $117個人覺得塊三文魚扒都幾大塊而且食落都感覺幾新鮮 食吾出有任何雪藏味👍忌廉汁味道偏淡 成道菜整體算清淡口味✨紅酒燴牛尾 $117（超級推薦!!! ）見到餐廳好多人都有叫🤤又抵食又好味❤️牛尾份量好多而且煮得好入味好淋 牛尾仲有好多豐富膠原蛋白😍#lky九龍塘 #lky西式📍九龍塘達之路80號又一城L1層18號舖

#kopo九龍塘#kopo💸舊式西餐廳🧑🏻‍🍳 ⁡豬排叻沙 ~$85 🔖 4/5分- 份量算多 豬扒厚身 醃得夠入味👍🏼- 叻沙湯底有點辣 椰香味適中😋- 整體水平中上 ⁡乾炒牛河 ~$85 🔖 3.8/5分- 河粉炒得夠乾身 有鑊氣- 牛肉嫩滑 但份量略嫌太少🤨- 味道偏淡 醬油味有點不夠🧐⁡🐨 餐廳屹立又一城廿年 聽講裝修一直不變 十分懷舊 當日我地係食lunch 食落似高級茶餐廳 ⁡📍 皇后飯店 (九龍塘)九龍塘達之路80號又一城L1層18號舖 #kopo港式#kopo觀塘線#kopo東鐵線

一個自以為高級的女服務員就可以用命令的態度去對待客人嗎？簡直係趕客。一間餐廳有這樣的職員，食物再好也吸引唔到回頭客，貼錢買難受。對這間餐廳非常失望，沒有下次的。

第三次黎，唔會再有下次。第一次果次冇蛋糕，但總體感覺還OK。第二次都係冇蛋糕，都感受到服務態度差，同個frd都好不解，因為我哋全程都係有講唔該同多謝，但係都理解有可能某個員工當日心情不佳。 今次第三次，非常失望。午餐set嗌咗綜合扒餐，雞肉正常，牛肉同豬肉真係一言難盡，切到切到手酸，更不要講吃得有幾痛苦😂 服務員講野好似蚊叫咁，語速快又細聲，麻煩佢重複多次態度都好差。食物都係求其擺低就走人。 完全唔明白，唔開心咪唔好做呢份工，影響大家心情。

放假想嘆個tea食cake入左好耐無食過既Queen’s cafe 15:15坐低已經話今日cake set 無cake 食😦問多句侍應態度差到好似茶餐廳咁😡之後叫個蝦多士薯條，全部都係凍上餐態度仲衰😡就咁掉向枱角邊咩都無講

以往一向對Queen’s 都有信心。但今晚我哋三個人好失望。三個湯。弟弟的洋葱湯正常，只係稍鹹。我嘅周打魚湯，竟然一舊魚都冇，而且似係忌廉菜粒湯多啲。同部長講，佢幫我跟廚房check過之後發現原來已經賣剩尾。提議我轉過另外一個湯。我唯改點羅宋湯。但我真係冇諗過件事會咁樣發生。爸爸的牛尾湯亦都是一點牛尾/牛肉都冇。而且偏鹹。未上桌前亦見湯已溢瀉於碟邊，但侍應當睇唔到。照上桌。唉。蝦多士一般般。爸爸話佢食其中一塊好似唔覺有蝦！🙈雜肉冷盤是我們必食。今次都算沒有令人失望。中規中矩。俄國牛柳絲飯就最正路。牛肉夠軟琳，個汁好味。只是啲配菜粟米有點千差。甜品選擇唔多。雪糕蘋果批都唔錯。但係唔明白點解要用朱古力雪糕而唔係雲呢拿雪糕？咁嘅價錢，咁嘅質素……我諗好耐都唔會再幫襯啦。

以往經過又一城，多數都是到food court 覓食，今次特別想試試這間有歷史的餐廳，外觀看上去比較傳統的英式餐廳，餐廳內亦貼有以往舊香港的照片。餐廳提供午市套餐選擇，價錢較為便宜，份量亦比想像中多。先上菜的是麵包和餐湯，羅宋湯配料多，但味道與罐頭湯差不太遠。而主食份量算多，白汁和雞肉味道不算特別，以口感和用料而言算是中規中舉，但有蔬菜襯托加分不少，整體質素和普通茶餐廳分別不多。餐廳裝修和服務予人感覺高檔，但不值得這個價錢，可能晚市會有更多特別的選擇。

今日和太太, 外父和外母往九龍城又一城皇后飯店午餐慶祝母親節, 我們點了鐵扒雞餐, 燴牛利飯和兩客新西蘭肉眼扒配洋蔥汁。鐵扒雞餐有忌廉湯, 餐包和凍奶茶。鐵扒雞雞扒食落肉質鮮嫩, 雞皮香脆, 配菜西蘭帶和甘筍仔鮮甜爽口, 白飯軟綿；忌廉湯溫度適中, 飲落香滑；最後凍奶茶茶味香濃, 整份鐵扒雞餐份量十足, 美味高質；太太點的新西蘭肉眼扒配洋蔥汁, 太太點了7成熟和意粉, 肉眼肉質香濃, 入口即熔, 配上洋蔥汁口感豐富, 意粉食落爽口。總結餐廳座位舒適, 食物美味, 適合家庭聚會和慶祝好去處,食了一頓高質午餐。

舊式西餐廳，入到去已經有童年回憶，裝修都係懷舊嗰隻，叫個扒餐，會諗起細個屋企人講据扒就係嗰浸味道，先會有個牛油甜餐包，濃濃嘅羅宋湯！只有舊式西餐廳先會有，牛扒通常係肉眼/西冷/或牛柳，通常我會揀牛柳因為最近似外國牛，因為本人以舊式西餐廳牛扒我會自己形容為本地牛(唔知大家明唔明我講咩😂）通常唔可以太生，但我喜歡比較生有血汁嗰啲，所以牛柳係最接近嗰隻味道，亦會有薯菜意粉或飯俾你配，有黑椒蒜蓉蘑菇汁俾你揀！加杯凍檸茶所有回憶返哂嚟，香港好似越嚟越少呢啲餐廳了！服務亦好好

上星期來點了一個串燒雞套餐，足足等了45分鐘，整個餐上來無論賣相及味道都是101分。雞肉非常juicy, 其他配菜也燒得非常出色。都是星期五，但只是隔了一個星期，點了一樣的套餐，但今次不用15分鐘就可以上枱，心知不炒。所有配料燒到燶哂，雞是干的，西蘭花是黃的，為什麼大廚會容許這樣一碟的出品可以客戶面前，兼且收225。只有說聲失望，可能第一次水準太高，以至第二次反差太大。相信第一次是由生燒到熟，所以非常juicy, 亦需要較長時間。第二次是材料已經預備好，收到訂單後只需要燒一燒就上碟，所以食物才會燒到燶哂。明白做餐廳需要翻枱快，材料要提前預備，但食物水準是餐廳的命根，要是沒有翻頭客，D 枱空哂係到亦無補於事，那怕你翻枱幾快。

見甘多人等位所以又走去排下，餐包係下價貨式，羅宋湯太咸，焗豬扒飯塊豬扒超瘦超鞋，啲飯吾係靚米，不過吾油膩，亦好少飯，好少飯我都食剩一大半既飯，因為真係劣食。好處係職員服務好，會主動加水，但係裝水果個係一個好舊既膠樽，見到其實有啲反胃，坐亦坐得舒服，雖然出面好多人等位（因為上餐速度真係好慢）都吾會催人快啲走，可以慢慢食慢慢傾。不過甘難食，對我黎講真係可一不可再