霸嗎拉麵 (德己立街)

Open Now

Now Closed

同朋友揀咗個一模一樣、最basic嘅豬骨湯底拉麵麵底幾好食 彈牙 掛湯我一飲個湯就覺得好咸 朋友話佢覺得啱啱好我一試佢個湯就發現完全唔同味證明個湯底係溝粉唔係用豬骨煲嘅呢個價錢 ($83+10%)有好多更足料嘅選擇~~紫菜好韌 真係唔比好過比溏心蛋好好食 流心 味道啱啱好叉燒就見仁見智 我就覺得太肥鍾意肥叉嘅朋友仔應該會幾鍾意

期間限定既天婦羅軟殼蟹蕃茄豬骨濃湯，一講到期間限定幾張枱都叫依個，點餐既時候都會提你依個要等，不過其他炸物都好多人叫，都要等15～20mins,其間仲要聽到其他枱落錯單，送錯野食，㕑房同樓面大大聲咁嘈， 兩位師主你當我地D食客 聾傢咩等左咁耐顧名思義隻軟殼蟹係即叫即炸，但就咁放落個湯到有D嘥料,視覺上係好睇既，但冇哂脆口感，即叫即炸既意思何在，實在太高深，我看不懂好奇下試下人地D蒜粉, 漏哂氣又冇蒜香，好采試左小小ja多謝哂

豚骨濃湯底得個咸字期間限定 蕃茄湯底炸軟蟹穀 完全唔夾味未試過甘難食嘅拉麵....濃湯可以煮到甘咸都幾勁完全顛覆我對拉麵嘅幻想真係未試過咁咸 咁油...可一不可再中意試伏朋友 可以挑戰一下

店外門面好吸引，好有日式感覺，入到店裏面更加有覺得自己好似去左日本食拉麵店甘添，好想去日本呀!不過拉麵湯底味道一般，太濃味，軟殼蟹肉地好''冧"，值錢微貴，希望下次再嚟幫襯，會有改善!

突然想食拉麵就點左霸嗎外賣，辣味一般，原味好食d, 拎上手輕飄飄，女仔ok男既應該食唔飽重點係竟然漏左我附加既味玉。。。白加左錢，點外賣真係要小心，除非你會為左十蚊行返去同佢理論

【檸檬控必試拉麵】之前試過一虎嘅檸檬拉麵，原來霸嗎拉麵都有得食。霸嗎嘅豬骨湯底比較濃，酸味可以靠自己調節，表面仲鋪咗少少櫻花蝦同埋木耳絲再加埋好似火焰豚肉，好好味😋

第一次食呢間拉麵，星期六夜晚黎，成間店都幾吉，得3台客，可以隨便坐，於是我地叫左一個雞白湯拉麵，一個石鍋豚肉飯，免加一，埋單$150左右，但座位都幾唔舒服，d凳好矮，椅背又低，所以食完就想走。拉麵碗唔太大，湯還可以，偏鹹，飲完會口渴，拉麵正常，叉燒有驚喜，好厚身，有兩大塊，好似食緊雞板咁，好有口感。呢個石鍋飯一黎到既時候，熱到za za 聲，所以整到有飯焦係底，但食落去就失望，豚肉比較肥，蛋冇味，飯好硬身，成個石鍋飯都好乾，又冇汁，搞到冇咩食慾。整體來講，我覺得呢個價值可以有其他選擇，其他拉麵既雞白湯仲好食，所以下次應該唔會再幫襯。

喺中環蘭桂坊附近有一間超級日式嘅拉麵舖頭,係中午嘅時分人山人海所以我冇入去堂食轉左外賣買咗兩碗拉麵濃厚豬骨肉玉子拉麵舊豬骨肉好大嚿!好香濃嘅白湯!真係好足料,細食既,兩個人都夠食...藤維叉燒拉麵呢個叉燒麵比較清少少,但係分量十足,非常好食,好多木耳因為外賣嘅關係佢哋有優惠一個優惠淨係八五折另外一個優惠就係送炸雞同埋汽水，我就揀咗要炸雞兼汽水!而且外賣佢會將水同埋餸分開，即使要搭車都唔怕會浸林啲面佢哋做外賣做得好細心

中環蘭桂坊附近向來都多嘢食，記得霸嗎拉麵幾好味所以今次專誠去買外賣。Order咗炙燒豚肉味玉拉麵，另外叫咗照燒餃子五件，同埋元祖彈珠汽水。重點想講係炙燒豚肉真係燒得超正超好味又厚身，咬落去絕對有口感，同埋食得出好個秘製日本醃製方法好味道。另外個湯底超濃郁，撈埋個拉麵食好似置身日本食拉麵咁，根本味道同賣相無分別。而餃子就煎得啱啱好又甘脆，入面d餡料又豐富。最後飲埋元祖波子汽水成件事就好滿足，有機會大家都可以嚟感受下個日本風味。

太耐無得去日本真係好辛苦 唯有食住拉麵止癮揀咗d外賣返去食，好想咩都食，可惜胃容量有限夜晚無得堂食，煩，要拎走，不過可以食得安心d又舒服d炙熱豚肉味玉拉麵湯同麵分開，本來都驚浸住會淋晒不過日本人嘅心思就係細心好厚嘅豚肉义燒，肥美，肉好鬆軟，想咬埋d脂肪落肚唐掦炸雞，外賣搞到淋咗少少，肉嫩滑，仲有檸檬比你，清新羽根燒餃子，最高！好滿足啊！有醬汁點餃子呢餐滿足晒3個願望，如果有得堂食就perfect池！

其實時不時都會跟同事去吃這間「霸嗎拉麵」，但疫情影響我們都轉了買外賣，雖然堂食開放，但中午還是買回公司慢慢吃吧。而且外賣自取優惠多，「霸嗎拉麵」有主餐牌 85折，而且拉麵送炸雞和汽水！於是我點了一個《炙燒豚肉味玉拉麵 $88》因為是外賣關係，外賣碗分兩隔，下層是熱湯，打開香濃撲鼻 而下層是拉麵餅及配料。厚身的炙燒豚肉有脂肪分隔之間的肉，入口爽嫩，膩感不大，味道香。味玉半熟流心，味道蛋甜好吃。可能我是男生想吃肉，所以多點了《炙燒豚肉 $58》，一客四大件，再配上醬料，大滿足。下次再和同事去堂食。

今天是假日，疫症期間，懶懶地又不願煮飯，阿女提議不如去霸嗎拉麵買外賣啦，這個都是好提議啊我們叫了兩款拉麵，阿女喜歡吃辣，她叫了一碗是辛辣炙燒豚肉味玉拉麵(小辛)，我就叫了炙燒豚肉味玉拉麵。拿了外賣回家，真的急不及待便要打開來吃，見到辛辣味那碗有一條原整辣椒🌶️在碗內，一看便知是原汁原味。而兩碗拉麵的份量及配料也十足：炙燒豚肉大大件，肉質嫩滑，入口即溶化，非常有驚喜；拉麵很有口感，而且非常彈牙；湯底夠濃味，飲完一口又一口。哦！現在明白為何阿女那麼鍾情霸嗎拉麵呢

繼續食外賣的日子但今天星期五，想食好啲啲🤣於是便決定食日本拉麵中環拉麵店有很多選擇，我特別喜歡這家叫霸嗎拉麵，位於蘭桂坊，地點非常易找。我係男仔好大食，所以叫特盛炙燒豚肉拉麵，女同事則叫了雞叉燒辛辣雞湯拉麵，另外加了五件炸雞及一罐可樂😊特盛炙燒豚肉拉麵非常有份量，豚肉共有四件，油香非常豐富，經火炙後有輕微的焦香味，湯底也特別濃郁，有淡淡的紅油浮在湯面。女同事的雞白湯拉麵加了輕微的辛辣，叉燒則改用雞肉燒成，少了一份油膩感，雞湯亦較清新。還有一點餐廳十分窩心，在選擇麵質時，有軟麵、適中及硬麵的選擇，適合喜歡食有咬口或是喜歡焾身的人。日式炸雞通常都不怎麼令人失望，這間也有如此，經過10分鐘路程回到公司進食時，表皮還有脆口感覺，十分香口。整體而言以這個價錢在中環區算是十分合理，質素也不錯，會繼續幫襯，希望盡快可以回復堂食不限人數的安排😋

拉麵外賣自取全日優惠都幾吸引外賣自取85折 or 送炸雞+汽水 （二選一）今日想食平啲，我就揀左85折雞叉燒雞白湯拉麵用左分隔膠兜，所以唔駛擔心拉麵會被浸淋食落仲好有彈性添塊紫菜都會分開上，唔會浸到淋哂，餐廳好貼心有木耳、炸乾蔥，令碗麵更加香雞叉燒肉質好滑，又厚肉，完全唔肥膩但個湯就肥左啲，一打開，有一層好厚既肥油浮係面，有啲嚇親！唯有唔飲啲湯！不過拉麵掛左呢啲有油份既雞白湯，又特別好味啲喎！雞油香令拉麵多左一個層次

行過中環果頭，甘岩見到霸嗎有下午茶餐，而自己又甘岩肚餓，決定入去一試。因為夏天熱到死，本身熱湯既拉麵就已經無太大興趣。但見有一款係撈面，幾特別，就叫黎試下。一黎時見到都好豐盛，食材鋪滿碗面。而我先將生雞蛋攪拌，撈勻所有面後先開始食。首先，夏天食青瓜，清新既感覺正好舒緩夏天既燥熱感。帶一點涼意，提升食欲。而生雞蛋醬正好提升拉麵既滑度。加上蛋既鮮，正好令麵條更多層次感。而日式醬油底做得好好，濃而不膩。更易帶出蔥香即細膩感。由於拉麵本身無味，更易吸收醬汁而5會搶走原有味道。整體食落好易入是，加上嫩滑既豚肉，又真係幾物有所值