金色不如帰 (國際金融中心商場)

Open Now

Now Closed

同朋友一起12:00準時到，等待三分鐘後入座服務完全不像之前評論說的那樣不知道是針對我們這一桌說國語的客人還是怎樣入座水也沒有上旁邊後入座的日本客人坐下一分鐘之後就有倒水🙄️兩杯水叫了兩次期間拜託一位女服務生在她旁邊問了三句都裝作沒聽見想說我跟你半米不到有必要嗎？然後點單：醬油➕鹽巴➕炸雞➕沙拉➕豆腐那位點單人員不像其他幾位用筆記下來結果後面就上錯成煎餃⋯⋯面的口感跟很多評論提到的一樣完全沒有嚼勁鹽巴口味的完全就是濃濃松露味，根本食不出其他味道醬油味拉麵的味道單一，配上這種麵完全就是不行唯一值好吃的就是溏心蛋。食過一次便可不會再來

這間來自日本的金色不如帰從2015年起榮獲東京米芝蓮必比登推介，2019及2020更連續兩年勇奪米芝蓮一星拉麵殊榮，帶著這樣戰績來香港喜歡吃拉麵的我又怎能不會一會它呢！ 金色不如帰開設於IFC內環境十分開揚，廚房亦以開放式示人很真的Open。  當中最出名的莫過於那新鮮大蜆熬成的貝汁湯，另外再配以用100% 北海道產上乘特製小麥粉自家製成的拉麵。 在貝汁醬油拉麵和貝汁鹽味拉麵之間周旋了好一會，最後決定點上後者另以＄15添加一顆味玉，溫泉蛋以小碗分開上檯有賣相不夠體面之感，不知日本店是否同樣上檯呢？ 貝汁鹽味拉麵亦已上檯！湯色清澈金黃帶幽幽的白松露油香氣，呷一口湯味道是清新派那邉比我想像中的鮮味弱，而拉麵表面放上了一小撮香草、牛肝菌醬及煙肉碎，混和後再試一口湯是多了一份味道但不是我喜歡的！不過我試了好友的貝汁醬油湯覺得更合我口味。 拉麵內帶三層肉和低溫慢煮叉燒各一片，前者入口即化肥而不膩後者亦淋身入味，最可惜是有點細片感覺不夠爽耶！ 溫泉蛋質素不俗蛋黃弄得流心靚仔味道亦尚算不錯，但好友的那顆據聞略帶有腥味，其餘我們仨的可幸沒這問題。   整碗麵最

過百碗拉麵已經是常識吧！用過百蚊食碗肥米的拉麵也是最少門檻😀今日係平安夜有得放早唔使排隊等位就有得食因為未夠六點！要試就一定試貝汁醬油拉麵，不用等太久就來！嘩！香噴噴！一碗來的時候就香味直入鼻孔！又熱辣辣！再淺嘗一啖充滿有油份的湯、有松露、醬油在內實在芬芳撲鼻！麵身夠硬淨、冇糊口、冇沾身！五花腩肥瘦適中，肉質鮮嫩又鬆軟、只是比較簿身冋同細件，义燒相對比較入口甘香！但多喝兩口清湯就發現唔對路啦！係好鹹！

啱啱由日本返嚟，實在太掛住d拉麵😂急不及待要試吓e間過江龍。裝修算係半開放式，非常明亮整潔，一入去所有店員熱情招呼，步入後一整張 bar 枱，差不多圍住整個開放式廚房，一直可睇住師傅煮拉麵😊講返食物先貝汁醬油拉麵-先識一口湯，熱呼呼的，很鮮甜，麵質正常爽口，叉燒只有二件，太薄了溫泉蛋-朋友的熟了點，我的較流心❤️好味燒豚肉叉燒小碗飯-有三片燒豚肉及三片叉燒+半個溫泉蛋，豚肉比叉燒更好味，汁略甜。肉的份量比拉麵多，很抵食啊😄黑豚肉煎餃-餃子🥟非常飽滿，肥嘟嘟，很鮮味店員很細心不停加添冰水，很有禮貌😊整體用餐非常滿意很好

米芝蓮一星 開係IFC 3 樓「店舖主打蜆貝湯底醬油拉麵，用上每日新鮮直送60斤大蜆熬製，絶無添加任何味精，味道清新帶鮮味。」依個係雜誌既介紹⋯ 咁睇到上網都有人推介 今日又咁岩去開個頭 就去試下啦反正都唔係要排好耐一行六人，職員話無可能等到六個位咁就分開4個兩個咁坐明既 拉麵店 無所謂啦 反正都好快會食完。餐牌 食物種類唔多（預左）咁除左主打具湯底仲有咩呢？咁仲有詳細介紹個拉麵既食法同材料 係幾貼心既我地叫左三碗鹽味三碗醬油味嗯 女士們均覺得 鹽味比醬油清D無咁濃好味啲貝湯係好味既不過都幾幼叉燒都好薄麵條係自家製既 都掛湯 都有咬感 係唔錯份量 係唔多既 岩哂我地本身都唔餓既人去食可惜 你話 會唔會食完 想再食咁又未必會係⋯除左拉麵 我地仲試左 餃子 老實講 餃子係直情係差又唔夠脆 又痴實哂 一夾就爛哂餡料唔特別最後特別少少既係京葱味噌豆腐 佢個味有少少似炸兩 幾特別 但都成$68蚊都係個句佢依個價錢 應該大部分都係俾緊鋪租佢叫金色不如歸我都真係唔會再回歸食佢啦⋯

日本榮獲米芝蓮拉麵店相繼到香港開店，肯定是2019年香港拉麵界的特色之一，繼多賀野在尖沙咀K11開店後，金色不如帰亦在中環IFC開店，店舖位置就是以前美心集團經營的超高檔拉麵店GOGYO五行，當然細分一點可稱為拉麵酒吧，主要賣拉麵之餘亦主流銷售酒水。香港金色不如帰格調亦可以歸類為拉麵酒吧，其巨大吧枱正正放在店舖的正中間，一邊是厨房，一邊是水吧。拉麵酒吧的特色是飲品種類比起主食及小食的種類比起麵食及小食的種類多，而拉麵的制作及評價亦要高，務求一碗拉麵飽肚後，之後拿著酒杯慢慢傾計品嚐。金色不如帰在飲品方面除了汽水啤酒外，還有清酒紅酒白酒，亦有香檳米酒大呤釀供食客選擇。我在吃拉麵的時候，客人並不多，員工在傾談酒品存貨，厨工向經理表示尚有些剩餘已開的貴價白酒將要過期，詢問可否作為調味材料，而另一名經理正向新員工講解工作，我無意中聽到這裡的赤武F呤釀是受歡迎的，要時常檢查數量。我不太好酒，反而可爾必思引起我的興趣。麵食主打貝汁鹽味拉麵及貝汁醬油拉麵，如何好食我今次不會重點寫出，大家可以參考其他食家留言及報章介紹。我認為一分錢一分貨，名店收過百元的拉麵，金色不如帰的加拉麵入了牛肝菌油牛肝菌粉，或白

終於試到米之蓮一星既金色不如歸，餐廳試業期間，15:30-17:30午休。店鋪裝修用上金色，加上小鳥，好似黃昏，雀仔返屋企食野咁。我地一眾小鳥分別叫左三個拉麵，兩個小食。服務好好，不時有侍應斟水，收碟。叫左杯可樂，唔係用機斟，係親自係你面前開罐斟出嚟，保證夠氣。先黎一個小食，炸芝士豚肉。好好味，有一個侍應係我地面前親自剪開一條條，芝士味好香。雞蛋叉燒豚肉迷你飯，淋上甜豉油，食拉麵應該未必夠飽，可以叫依個，流心蛋煮得剛好，叉燒豚肉都煮得好軟綿綿，入口即溶。醬油拉麵，用上蜆肉敖製嘅湯底十分鮮甜，麵係屬於幼既麵條，清清地既拉麵黎。辛豚骨拉麵，個醬好咸，都真係辣既，同頭先醬油拉麵好大對比，但係如果講特色嘅話，呢個拉麵就冇頭先嗰個咁特別，建議第一次你都係試咗嗰個拉麵先。蒜油豚骨拉麵，無咩特別，都係屬於濃味拉麵。最尾叫多咗一個炸雞，啲粉炸得個皮好厚，入面嘅雞肉係juicy ，但我唔太鍾意。總括嚟緊，都係一個開心既體驗，去日本冇食過，喺香港食返夠本。

由日本過江到香港的拉麵店眾多，如名店一蘭、一風堂等，不乏高質選擇。不過，最近係 IFC 開左「金色不如歸」，佢係東京連續3年入選米芝蓮指南「超值餐廳」嘅實力派拉麵店。而近日成功奪2020年東京米芝蓮一星殊榮！鐘意食拉麵嘅我又點會錯過丫！e間拉麵店其中必試兩款米芝蓮星級推介：貝汁醬油拉麵同埋貝汁鹽味拉麵。我同男朋友都叫左貝汁鹽味拉麵加蛋同加左叉燒，係因為有d人話醬油拉麵嗰款會蓋過蜆本身嘅鮮甜。鐘意食蜆嘅我地，緊係叫返最基本果款啦佢個湯底好鮮甜，海鮮和豚骨湯底內加入大量大蜆一起熬製。拉麵配以白松露油、牛肝菌醬、香草及煙肉碎，調味恰到好處，我鐘意飲佢個湯，同埋值得一讚，食完個麵到飲埋最後一口湯嘅時候，湯還是暖的！仲有，係叉燒好過Juice好嫩，正！鐘意食海鮮的話一定要試呀

東京米芝蓮一星拉麵貝汁醬油拉麵：大蜆熬製而成的秘製蜆湯混合豬骨湯及清湯三種湯底，入口清新而且加入兩款廚師自家製醬料黑松露醬及牛肝菌粉及牛肝菌油，配合醬油蒸豚肉片，讓拉麵口感及湯底層次性昇華，拉麵屬於爽口個款，所以相對比較難掛湯，呢種麵質也不是我的至愛，慢煮豚肉比較嫩口，有肉味，糖沁蛋是額外加，呢款拉麵既湯底就真係比較清甜，雖然係醬油味，但唔會太重口味，食完唔會覺膩

號稱Tabelog最佳拉麵之一😍貴氣十足黑松露拉麵💃🏻媽呀！我終於食到喇！😂 貝汁醬油拉麵🍜 ($128)識食緊係品嚐湯底先❗️「黃金湯底」精選大蜆同海鮮用心熬製😮入口頓散發陣陣蜆肉鮮味🐚湯底充斥濃郁海鮮精華👏🏻尤如品嚐海鮮盛宴😋相比平常豬骨湯底拉麵🐽確實與眾不同呀！🤟🏻 亮點仲有黑松露醬！😍仲同場加映牛肝菌粉及牛肝菌油🍄真係一上枱就松露香撲鼻🌬影相的時候已經嗅到香氣😂令人忍唔住食指大動！😛 黑松露醬完美為拉麵提鮮💪🏻令湯底層次更豐富👄馥郁香氣滿溢而岀🙌🏻麵條口感幼軟順滑🍜掛湯能力足。用料上乘😁完全吸收蜆湯精華！🐚 拉麵配上叉燒鮮嫩薄片👍🏻先喝一口蜆肉濃湯🥰再品嚐沾滿黑松露香的麵條🍜以鮮嫩叉燒作完美結尾👄Oiishi呢～😍

IFC新開張的米芝蓮 一星拉麵店招牌湯底是以貝汁熬製而成，加上蜆、豚骨及魚介湯底製成。店內主打推介：貝汁鹽味拉麵及貝汁醬油拉麵。與友人各點了一款，我倆都認為鹽味是比較出色的。醬油拉麵加入了黑松露醬、牛肝菌粉及牛肝菌粉提鮮；依然味拉麵改配以白松露油、牛肝菌將、香草及煙肉碎。兩款拉麵上枱時都傳來陣陣的松露香味，加上低溫慢煮叉燒， 相當吸引。但是以小麥拉製成的麵條容易變軟，口感麻麻。百幾蚊的一碗拉麵，性價比不大。幸好在晚上九時多不用排隊就諗入座，否則要我排隊食呢個拉麵，就不太值得了。

今日lunch等登12點15早d去排隊，都要等成差不多半小時。終於有位了，我同朋友都叫咗貝汁醬油拉麵。份量比相像中近少，個湯好有黑松露味，幾香，但真係比較咸同油，平時我好鍾意飲哂啲湯但今次都冇飲哂。叉燒都只係得兩小片。因為碗麵好少，所以我地仲叫左個煎餃，不過不失，68/5隻的價錢真係有點貴。

米芝蓮拉麵店金色不如歸香港店，店家選擇喺中環國際金融中心商場開業，店內設計一個U型bar枱圍住中間一個煮拉麵嘅廚房，旁邊仲有幾張枱，當日嚟到店外大約有二十幾人等位，等左大約20分鐘，入座後睇餐牌有五款拉麵選擇，因喺日本東京本店食過貝汁醬油拉麵，所以當日都點貝汁醬油拉麵($128)比較下，拉麵上枱睇到湯頭顏色幾靚，再聞下有幾清香醬油同松露香味，湯頭入口首先有清甜豚骨清湯味再慢慢滲出少少蛤味，配合獨特醬油整個湯就充滿鮮甜香醇感覺，麵上仲配有牛肝菌油同黑松露醬，拌勻湯頭味道更香更特出，麵條係細麵，帶有幾香小麥粉味道，入口爽滑有彈性，低溫叉燒做得唔錯，肉質嫰滑，仲有至愛半熟蛋做得好流心，師傅煮蛋時間掌握得好好，味道就比較淡左少少，應該唔係用日本蛋(加配半熟蛋$15)。呢碗拉麵同日本比較個人覺得可以做到日本大約七成水準，或許水質同原材料始終唔同，所以個人想如果喺香港食日本嘅拉麵分店仲喺唔好同日本店比較太多，我想根本無可能做到日本嘅水準，只要自己覺得滿意好食就好，另外仲叫左個小食京葱味噌豆腐($65)，外層係用炸漿包住豆腐炸，炸熱後再喺豆腐面加上香甜味噌汁同京葱，味道唔錯，雖然係油炸食物但唔會覺得

今日去完中環，都九點多，又不想再行咁遠就在IFC找飯食，見到一間新開的米芝蓮餐廳拉麵就入去食，我們叫了貝汁鹽味拉麵，貝汁醬油拉麵二碗再加溫泉蛋一共二百八十一元，價錢以這裡開來講還可接受。等了一陣食物就來到。貝汁鹽味拉麵，貝汁醬油拉麵麵質都是一様，口感有點似蒿麥麵幾爽口彈牙，自家制幾特別，不過份量不多。肉有二款每款一片，但好薄身同豬味好少，湯底咸了點但牛肝菌味好香好濃，蛋味道不錯而且蛋味好香，這價錢不用等位一試都可以。

128蚊一碗拉麵。識飛嘅？唔係。好食到識飛？唔覺。一碗平民充飢的拉麵要$128真係要好食到飛起我先覺得抵。我食完之後嘅感覺係⋯⋯佢有佢嘅得着，佢真係冇（乜）味精，我食咗之後三四個鐘頭都冇頸渴嘅感覺👍（喺香港食拉麵成日三四個鐘頭後都有頸渴嘅感覺）；個湯底真係好清淡👍。不過碗拉麵唔係我杯茶。個麵嘅份量只係多過一碗雲吞麵少少。還有，個湯同個麵底好似雲吞麵啲鹼水麵同埋個湯。冇話好唔好嘅，可以比大家知道我哋傳統嘅雲吞麵湯底係真材實料，値$128。