拉麵台風 (Moved) New Location

紅色暴雨拉麵$83期待已久嘅紅色暴雨拉麵終於都翻返嚟啦!!!!!!!1/10當日已經一早去排隊去食，人龍依然十分之長，但無損我一定要食到佢嘅心情😂😂😂講返個拉麵先😂拉麵依然都係用漁介湯底做膽，配上辣醬同辣油，香辣十足，如果食得辣話，不妨叫個大辣嚟食吓，辣度同香氣更好，上次有講過佢個溏心多差少少，但今次已經冇呢個問題，生熟程度剛剛好。

近排好少食日式拉麵了 ，原因係香港嘅拉麵質素實在參差喇， 無論好食唔好食都要八十幾蚊一碗， 未食過之前好似賭大細一樣， 但突然間都會有拉麵癮， 所以穩陣都係去返呢間拉麵店。入到店內完全充滿日本拉麵店嘅裝修， 而且同日本一樣提供檸檬水，日本感覺返哂嚟。今次選擇咗魚介豬骨湯拉麵，首先當然試吓個湯頭先啦，濃濃豚骨香味，而且不太油，叉燒大細適中，肥瘦均勻，而且充滿肉味，而麵底選擇咗硬麵，麵質充滿口感，美中不足係今次嘅蛋稍微過熟，但都充滿蛋香其實好耐都冇食過咁滿足嘅拉麵，無論店鋪裝修以及整體成碗麵嘅質量都非常相似日本， 而家無得去旅行都可以過一下正宗日本拉麵癮

住荃灣佢開咗咁耐我都冇去因為我次次經過佢都排隊到佢係黃店我先終於忍唔住要走去食/魚介豬骨湯拉麵其實呢種湯都可以好香 好濃郁 但始終唔似得天然豚骨湯 又或者鬼金棒嗰種辣味噌湯底咁得我心之前食過丸京 都係同一種感覺係唔會掛住佢哋嘅感覺/個湯係比較杰身嗰種 係好濃味 但又未到好有香味麵好彈牙 我鍾意 但就冇乜麵嘅香味叉燒 蛋 都正正常常 冇咩特別但係佢上面嗰堆要加$10嘅芽菜我就好鍾意食haha

我第N次黎台風食拉麵。我耐不耐都黎食，好耐都無見個個日本老師博了，我都不停keep住食都有5,6年了，我平時都中意試食拉麵店，但永遠到最後都返黎呢間食拉麵，暫時無一間可以代替佢我每每點都要註明硬麵。我中意個咬口，今次黎台風點了個黑蒜黑麻拉麵。我平時中意食原味，個湯底好黑蒜好濃厚感覺。大體不錯，麵好咬口是粗既，啲肉就一般，如果燒翠啲可能好啲，我食係食佢既拉麵同湯的。第日大便啲顏色同拉麵一模一樣哈哈。值得推介，

作為一個荃灣葵青人 點都唔會對台風陌生架喇！由中學睇住佢開一直旺場足咁多年唔係冇佢嘅原因！餐廳座位有限 但上菜快 大家都自覺食完會起身埋單 就算等都唔會等好耐🤣裝修後光線好咗 個人舒服咗每次去都有日本師傅坐陣 監察水平80元就食到魚介湯拉麵 平靚正唔太咸 麵質彈牙 睇住師傅過冷河！掛湯力強 啖啖滋味滿分重口味人士注意！利申重口味haha 佢地蒜蓉任加！食到滯又可以加白醋消濟80元就買到快樂唔收加一教大家外掛：筍可以轉蛋架！自由度高！香港精神

之前晚餐時間經過荃灣台風見到勁長龍 已經好好奇係咪咁好食 ヾ(*ΦωΦ)ﾉ　咁啱又係銅鑼灣附近見到有間分店唔洗排 即刻決定試下 分別叫咗墨汁黑松露拉麵同魚介豚肉沾麵黑松露味好香好濃 同墨汁都夾鋪頭仲好貼心 有提供圍裙仔唔洗擔心食嘅時候啲墨汁會整污糟件衫啲叉燒好食 我本來唔係好中意食拉麵嘅叉燒 但係呢個超鮮嫩🤤魚介沾麵嘅沾麵汁好濃好夠味 店內仲有好多figure😍𓏲𓏱𓏭𓏭墨汁黑松露拉麵 $88魚介豚肉沾麵 $83

台風一直都聽朋友仔話正正正好無奈每次去荃灣附近經過都覺得太多人所以唔想排隊但係今次係為咗食呢間而特登搭車去食所以就算我個frd係度游說我不如下次再食我都完全無理佢🤣🤣(完全私心很抱歉🤣有理無理終於入咗去試一次～真心幾唔錯喔🥰🥰🥰🥰！(總算可以令我個frd食完無聲出哈哈哈😂😂😂如果你睇到唔好打我😂😂)點都好喇💛其實我地都鐘意拉麵/沾麵既💛都好開心可以同佢試到呢間高人氣拉麵店💛☺♡我點咗👉每日限定30碗既沾麵＄83😛呢度既沾麵評價一直都高自己都覺得好正首先個湯底 未食之前我飲咗一啖魚介豬骨湯 好鮮味好香濃 飲完真係有齒夾留香既感覺 正💛到啲麵 口感好煙靭好好咬 份量就超級無敵多💛🤣但！大食既我都係食得哂既(雖然都真係好飽🤣🤣)叉燒又係好多 基本上係我食過既拉麵店入面叉燒份量最多既一間數量多之外都好高質💛肉質鬆軟到不得了 沾落啲湯吸哂啲精華好好好入味 超好食💛！隻溏心蛋都好正～💛成碗麵其實真係唔錯 不過因為如果攤太耐會好易令啲湯凍哂就無咁正無咁好味所以我都比較建議如果食呢個就唔好搞太耐先食🤣🤣(自己影相手腳比較慢🙈)如果唔係就會錯失咗呢份滋味啦💛💛💛！下次再試我應該會試極限台風😛💛！

伊台風$ 88太好啦!!終於都可以係夜晚出返嚟食飯!!可以食到熱辣辣哦嘅拉麵真心正。 番茄漁介湯底配上芝士真係絕配，拉麵煮得啱啱好，唔會太硬或太淋;至於隻溏心蛋就熟吃少少，但個調味冇問題;叉燒方面雖然佢冇其他 拉麵鋪咗再火灸，但食到嘅係肉味香濃嘅又燒。店員服務態度親切有禮，所以我都係回頭客嚟🤣🤣🤣

朋友好鍾食拉麵，介紹我一定要來荃灣食呢間台風。舖面唔大，得好少位，但好搶眼係黃色外牆。周日下午來到，有5-6個人等緊位，都排左大概15分鐘先有位。我同友人分別哎左期間限定的黑色暴雨拉麵&1號魚介豬骨湯拉麵。要讚下個拉麵好多料，超肚餓來真係正！我們揀左濃湯，個湯底好厚好濃，個人覺得黑色暴雨拉麵的比1號豬骨好食，超like咁濃的黑蒜味，不過就唔太覺有芝麻同辣。配料荀一般，覺得唔夠新鮮。叉燒同蛋正常，不是太出色。但湯底我比8分！所以會再來幫襯，不過下次會哎番正常湯底，濃味食完有d咸，整日好口喝。下次想試沾麵，見好多人食。

第二次黎拉面台風都係要排隊先有得食質素真係唔錯嘅～所以好值得😝第一次試伊台風我覺得相對清淡嘅一款拉面食面先飲湯 第一下覺得有微微茄酸嘅豬骨湯 幾特別湯底都煲得非常濃厚 唔稀我中意佢係叉燒上加燒過嘅mozzarella cheese味道好夾又好香而且依間拉面店面量好足我覺得自己都唔細食 都覺得依間面量多我諗普通女仔叫75%面量就足夠所以拉面黎講都幾抵食😢唯一美中不足係 湯底清淡 可能我重口味啦 食食下覺得冇咩味 落左好多七味粉調味🤣不過都好食😋我自己就中意沾面多d 因爲湯底超濃味 又香💛 同埋真係幾鍾意依間嘅叉燒 又厚 又大塊！好滿足❣️

好掛住去旅行既時候唯有食返啲正宗日本野黎減低思念既心🗾呢間係食過番尋味既好日本風既拉麵🍜而且又係良心小店緊係要黎啦雖然係疫症期間我去到都已經兩點🕑但係都要等20分鐘2️⃣0️⃣證明佢係幾咁出名🥢魚介豬骨湯拉麵 $78個湯底未加魚介粉已經超濃濃得黎又唔咸👍🏻加埋魚介粉係超香啲拉麵軟硬度適中🍜粗粗地好有口感叉燒係好淋之餘唔乾身🐷好有肉味溏心蛋連個蛋白都好有味🍳十分出色🥢極限台風 黑色暴雨拉麵 $85係由黑蒜油黑芝麻同麻辣椒整成既湯底🌶️黑蒜油本身好香加埋麻辣椒粉個味好濃😋加上唔會辣到食唔到又有我鐘意既麻🔥叉燒同蛋就樣咁好食店舖仲有優惠每儲夠三張單就有一隻溏心蛋🧾變左可以同友人一人一隻全蛋🥚

成日有人同我講荃灣有間拉麵店大排長龍，就算疫情之下亦都要等位。去到先發現原來餐廳位置唔算起眼難得今日落到荃灣，時間又尚早去唔到日本🇯🇵就唯有喺香港食拉麵啦咁我哋就決定入去試吓，我哋17:45嚟到， 原來餐廳開18:00，門外已經有人開始排隊好彩到我哋既時候，都唔需要等太耐拉麵嘅款式唔算有太多，我揀咗最普通果隻叉燒拉麵🍜另外再加嗰隻流心蛋平時我係一個大胃王，但呢度嘅拉麵分量驚人，建議如果女仔去食嘅話可以叫少麵湯頭非常之濃郁，味道豐富濃郁。而麵質亦彈牙。果然名不虛傳

今次同大家介紹既係呢間荃灣隱世拉麵：拉麵台風 好耐之前已經聽唔少朋友介紹過 不過好少去荃灣 今次咁岩去開荃灣 當然要去試試佢啦！食完既感覺係：真係好驚喜！完全冇諗過係荃灣都有咁出色既拉麵！魚介豬骨湯拉麵：魚介豬骨湯底非常濃既深色 加埋魚介粉令成碗湯底更加香濃郁 但又唔會過份咸 麵條係屬粗麵條 軟硬度適中 掛湯能力亦非常高 叉燒好大塊好稔 但對女士而言略嫌有點偏肥 不過可接受 溏心蛋亦做得好出色 真係好溏心另外值得一讚既係佢地既拉麵都幾大碗 食到好飽呀 大食男都唔怕唔夠食下次想再黎試下佢地既沾麵

呢間荃灣嘅拉麵已經食咗好多年，雖然佢來來去去得嗰幾款。就係咁...佢可以做到實而不華👍每次食完都好滿足，建議細食嘅朋友仔可以揀小麵，不要浪費。普通正常份量真係幾飽🙈。今次揀蕃茄果款。無論佢個湯底，佢啲面質，佢嘅餸...冇一樣係可以挑剔❤️枱面有個好貼心嘅教食方法，不妨可以根佢食，可以食多種唔同嘅層次🍜。呢間小店，正常晚飯時間都必定要排長龍，如果大家真係有心去食嘅話建議不妨喺下午茶時間去 (2-3點）會好一點😊

呢間喺荃灣起家，長期排隊的拉麵店，相信好多人慕名而來，亦有更多係忠實粉絲，一食再食。而且價錢同6-7年前第一次黎食都仲係一樣拉麵師傅係日本黎的師傅，所以啲職員溝通都會講幾句日文，拉面就得幾款，亦無太多變化，唔怕有選擇困難。長頭髮的客人，店員會細心送上頭髮橡筋，令你可以食得舒適。椅下面有放袋的籃子，所以整體黎講，店長都係一個暖男黎。咁講返食物質素，首先面條係粗面，麥味都幾香，而且要留意份量係平常店的1.5倍! 小妹唔小心點左個正常份量，唔浪費食到尾，最後係飽到想嘔。黎到食沾面，配料有紫菜，香蔥，肉碎，好大塊叉燒，調過味的筍，仲有檸檬。豬骨湯汁點左正常，加左少少鮮檸檬汁令整體味道好豐富，有唔同層次，不過食食下，湯汁變冷，亦沾上面條的水份，令湯汁的味變淡了。下次食會點濃味。調左味的筍好好味，但可以改善的係叉燒，雖然大大塊好抵，但係叉燒如果外表燒一下令油脂溶化，會更香更惹味。湯汁可以保持加熱住的話，亦可以令沾面的味道更能發揮得好。食完面條再加魚湯，飲哂個豬骨汁，十分滿足。