紅茶冰室

Open Now

Now Closed

▫️冰火脆皮菠蘿油 (HKD30) - 今次遇著新鮮出爐嘅菠蘿包，菠蘿皮特別酥脆。跟菠蘿包塊牛油唔夠厚，否則邪惡感倍增😂😂你哋可能覺得冇乜特別，不過我覺得要做到菠蘿皮脆口而又鬆開唔係一件容易嘅時。套餐配嘅紅豆冰轉咗做凍咖啡😆另外叫咗份招牌沙爹牛肉麵(早餐 - HKD39，跟炒蛋及多士) - 呢份沙爹牛肉麵湯底夠晒濃厚，最緊要嘅係我一啲都唔覺得鹹😬有食評話呢間茶餐廳嘅侍應態度差，我又唔多覺喎，幫襯過兩次呢度啲阿姐都幾nice，應該係我好彩啦😂😂⭐️寫post時先發覺原來喺港島區係冇分店嘅😂

好耐未試過去一間餐廳可以啲員工咁冇禮貌， 之前我見人等位又嗌交， 我之前打電話去叫嘢啲態度已經很差， 今時我去到攞外賣嘅時候 ，已經說明唔好意思我忘記號碼， 員工同我講你下次記得，我話知道再一次道歉！ 但他還不停喺度講十幾廿份個個都唔記得number唔得㗎嘛！ 我都已經道咗歉喇！ 還要瞓話我！ 一路以嚟聽到啲人問這間餐廳服務態度很差我都唔信！ 今天終於領教到啦！ 現在做生意仲有啲咁嘅服務態度真係難得難得

食物味道: 晚餐食物味道中規中矩，可惜晚餐可能屬於預製食物，已攤凍晒，上枱變成冷飯菜汁，大打折扣，凍冰冰嘅情況之下試吓味道，雞扒和雞髀菇尚算OK，不過杯奶茶嘅茶味苦澀，相信已煲過籠。食物份量: 份量充足價錢: 一般冰室價錢環境: 地方好大，由於開張冇耐，裝修新淨，坐得舒服。服務: 侍應態度散漫，十問九唔應回頭指數(10分滿分): 如果嚟食晚餐我就唔幫襯，所以只俾0分，除非再俾個機會佢，試下其他食物啦，否則都唔會再嚟。

紅豆冰奶扣水冇味好似飲水咁，咖喱汁太稀，焗黑椒雞飯，肉是焦的，還太鹹！！店員很串，服務很差！！！唔會在去食！食過旺角和油麻地嗰間都冇問題，但係尖沙咀呢間真係好唔掂！

Happy morning~ 路經尖沙咀，試下這間紅茶，簡單地叫了個早餐，試下經典的沙嗲牛肉麵！的確，不錯！沙嗲湯底味道夠濃，剛剛好，再配上香滑牛肉，一絕，搭上每一口公仔麵，雖然有些邪惡，但是忍不住的享受😙炒蛋配丹麥酥，同其他的茶室所配的方包又或厚多士不同，又加分了，雖然都是好多牛油，但少少脆，好味😋炒蛋都炒得好滑，味道不錯👍難怪咁早已經大排長龍！下次要試下個下午茶先😎

平時叫開戶戶送食呢間，真心覺得食物好食，今日落店坐低食，真係不得之了，啲職員高高在上。話說我一個人去，樓上就叫我落樓下坐，下面大把位，落到去想請個職員比我坐出少少等我收到電話訊號（因為地牢位置坐入左收唔到），佢就專登安排我坐最入，問佢出面個位無人比我坐得唔得，佢發哂惡“唔坐入面就上返去等”，O哂嘴，有位都唔比人坐，算啦，唔同佢計較就上返去睇下有無得坐上面，點知下面個職員用對講機同上面嗰位話我玩野（仲要比我聽到哂），上面嘅職員都好惡咁閙我叫我企出門口等，心諗發生咩事，我想坐出少少啫，點玩野呀？又唔係殺你全家😔唉！唔食啦，買個包就算啦，問阿姐有無椰絲包，估唔到連賣包嘅都係奇人，“依家幾點呀，喺哂度自己睇啦”無咪無囉，唔使咁講野呀。最後我咩都無幫襯，亦都以後唔會再幫襯，連叫外賣都唔會。我唔會要求佢茶記有五星級服務，但都唔係一黎就出口傷人架佢個老闆有啲咁嘅員工真係啲野再好食都無用。

冇禮貌，啲嘢食有幾好味都冇用啦！熟客可以打尖！周圍都有位重要人地等！等都唔係問題，重點 係點解要受你氣 >本人係十分樂意搭枱！經過今次之後係絕對唔會再幫襯（而家香港仲有咁嘅服務態度）超差劣！！！

平時收銀個阿姐做野又快又妥貼，今日換左個個帶眼鏡攣毛阿姐手腳又慢，態度極惡劣，同佢講野問非所答，仲係客面前勁大聲講粗口閙員工，明明係佢自己問題，挑剔員工，極差，請D咩人

趕住去科學館參觀，跟住就想快啲搵嘢食。咁啱經過見到呢間茶餐廳，有位唔使排隊，就入去食。因為想留肚食甜品，所以嗌咗好小份量嘅小食。薯角炸雞翼。都等咗幾耐時間，差不多20分鐘，雖然時間係耐咗啲，但係證明佢哋係即叫即炸，夠新鮮。食物嚟到，嗰個薯角同雞翼個樣都幾靚，但係唔知個雞翼點解冇咗少少皮咁，好搞笑！薯哥係好食嘅，炸得好脆，好熱！雞翼個味道都醃得幾好食，炸得都啱啱好，又唔會炸太奈太乾身，我都覺得幾好味。佢外層仲落咗少少黑椒粒，雖然我唔係好鍾意食黑椒，但都覺得OK ！不過因為好快就到晚餐時間，侍應不停咁樣巡視枱面，希望可以快啲做到下一輪客人，所以我哋都食到好趕就要走了！如果唔趕時間食呢間嘅話，味道都唔錯！價錢就有D 貴吧, $38, 因為我岩岩過左下午茶冇SET。

生活總是充滿未知的驚喜。當我想著頹食一餐，隨意走進一家冰室。我本就有選擇困難，所以一旦想不到吃什麼，我便會選擇最保險的粉面。但是那天不知為何，在下單那刻，到嘴邊的魚蛋河突然被泰式菠蘿炒飯取代。我隨即後悔，應該是對未知的畏懼。當泰國炒飯上桌那刻，熱騰騰的咸香氣從鼻腔進入，刺激唾腺分泌更多唾液。粒粒分明的絲苗米裹著金黃色色的醬料，和同色系的雞蛋融為一體。粒粒分明的帶子、菠蘿和葡萄乾穿插其中。我舀了一口飯，菠蘿的果汁在口中綻放，而後滲透到炒飯中，一絲甜蜜和咸香融合，讓炒飯的香氣更加突出。帶子很嫩，增加了整體的口感。當你咬到葡萄乾，黏膩的葡萄乾在牙齒之間遊走，然後味道越來越明顯。這時我恍然大悟，葡萄的作用是解膩。自從吃到如此令人驚喜的泰國炒飯，我好像開始有勇氣嘗試了一些新的美食。 

呢一日朝早11點左右經過尖沙咀諗住搵個地方坐低吃午飯，見到有一間新開的冰室，在門口問11點有午餐未，侍應話有所以就入咗去，午餐選擇唔多，只有三四個，另外就已經係餐牌嘅一啲其他焗飯焗意粉等等，所以唯有係午餐裏面揀左其中一個吉列龍利柳炸蝦配薯菜，多數配薯菜嘅都會係炸薯條，冇諗過上枱嘅係一個焗薯，可能本身吉列龍脷樓同炸蝦已經係比較熱氣嘅煎炸食物，所以薯菜就配左焗薯，都係我第一次見有餐廳的薯菜系用焗薯，不過龍脷柳偏鹹，炸蝦無味，反而焗薯配忌廉醬好好食，係我食過咁多次最好食嘅一次薯菜，下次再有機會都會再去食，唔使每次食炸薯條咁熱氣。

🍗紅茶冰室🍗下午茶就是要選茶餐廳，嘆個西多士😋今天去了尖沙咀紅茶冰室，尖沙咀分店今年才開始營業，樓高足足有兩層，店舖超大可容納很多人👍🏻————————————————————————🌟招牌芝士流心西多士 @$36真的有流心！利害，一邊切西多，芝士一直流出來，味道還好，正正常常，就只有流心比較特別，整體是好吃😋🌟脆炸雞脾伴沙律 @$41雞脾炸得滿滿油光，色澤不錯，但調味有點過咸，雞脾肉還是嫩的，沙律就是普通港式沙律。🤔意料之外的是西多士夾芝士味道配得不錯，但個人還是比較喜歡吃全甜的西多士。

🇭🇰紅茶冰室·呢間我之前係觀塘翻工既時候已經想食架啦 但係個間實在太多人排隊啦 所以一路都無試過 前排見佢係尖沙咀開左終於有機會試佢啦😎😎·招牌沙嗲牛肉麵配丹麥酥火腿奄列$52我覺得佢個麵煮得好好 軟硬剛剛好 而且好索汁😋😋之後佢都幾多牛肉既 不過我自己就覺得佢個調味鹹左少少🤭佢跟餐係有個丹麥酥既 佢真係幾酥 食落唔錯 唯一係佢正中間積得太多牛油 食落好肥膩 之後佢個火腿奄列都整得好好味 可以一戰🤤·#rbyeat#rby港式#rby尖沙咀 #rby觀塘 #rby旺角 #rby荃灣 #rby油麻地 #rby佐敦 #rby大圍·📍尖沙咀加拿芬道18號恆生尖沙咀大廈地下5號舖📍觀塘駿業街56號中海日升中心地下📍旺角通菜街186號地舖📍旺角彌敦道594-596號地舖📍油麻地彌敦道498-500號地舖📍佐敦偉晴街65-75號偉景閣地下📍荃灣大壩街49-51號庚發樓地下📍荃灣大窩口大廈街5-7號地舖📍大圍村南道51號地舖

一入到去諗住嗌外賣 就即刻俾個收銀用好差嘅態度講出去話喺出面睇餐牌 仲話堆哂係度做咩 生意好就咁差態度 係度趕客。門口收銀個金毛阿嬸態度好差，以後都唔會幫襯，抵制間野！

作為尖沙咀返工的一份子，見到紅茶開店真的很興奮，仲成功荼毒同事幫襯😂😂雖然10次有7次嚟都見佢排長龍，質素保證，成日都擋著格黎裝修中的麵包店，遲下開張人地都幾慘。我地次次見人多都排，因為好大間有2層，轉台好快！ ✅沙嗲牛麵餐 有熱飲 $52我平時少食，但係食完會掛住紅茶碟沙嗲牛，味道好濃，唔係一pat 汁放係d 麵度跟餐有奄列同一件丹麥酥，呢件包勁油膩，我怕怕...所以有一次我單叫不要餐✅蛋撻 $7有時唔餓就甘食沙嗲牛麵+ 蛋撻， 真係好好食！酥皮好鬆脆（我平時唔食酥皮底）✅午餐有薯蓉揀，有埋酸忌廉配好好食(附近冇乜茶記有薯蓉食），仲有湯