豐鍋雞煲 (京瑞廣場1期)

Open Now

Now Closed

呢間火鍋店平日都好多人，主打火鍋雞煲。我哋點了豐鍋招牌麻辣雞煲半隻$178，辣度揀了BB辣。辣味適中，雞肉已炒好放入鍋，好惹味。食完雞煲就落湯打邊爐，火鍋配料揀咗手工黑松露墨魚丸$96，墨魚丸彈牙，有淡淡黑松露香。自製韭菜餃$60，餃子🥟夠大隻，滿滿韭菜，口感豐富。極品本地手切牛頸脊$238，牛肉結實，啱晒啲唔鍾意食肥嘅朋友～～打邊爐，當然要叫汽水，忌廉同可樂@$16，好解渴。另外每位醬油費$8。

嚟開石門一定會嚟食，唔book位真喺要等8:30左右，不過可以等到9：30後又有八折。雞煲先佢都有分乾鍋同湯鍋，都喺鍾意爆炒乾鍋招牌嘅麻辣雞煲，其餘三款都係湯底雞煲，分別有螺片花膠、花雕藥膳同椰子湯。呢度嘅辣度，會比出面重少少，都喺叫返招牌麻辣雞煲BB辣。佢地嘅秘製醬汁，加上好多唔同香料爆炸之後就會上鍋，色香味俱全嘅雞煲，唔同嘅香料配搭起上嚟，就係為咗陣間加湯嘅打邊爐。邊爐配料最令人驚喜嘅就係即炸爆芝紫菜響鈴，呢個響鈴裏面夾住一層芝士一層紫菜，呢度菜式真係10萬個推薦，真係超級驚艷，必須要吃。十優狀丸，合共有5款自家手工丸，分別有蝦丸、墨魚丸、黑墨魚丸、黑松露墨魚丸、綾魚丸。每一款丸都各有特色用料真係好十足，三款墨魚丸都有唔同嘅口感，特別係黑松露墨魚丸，黑松露味突出。佢哋啲手工丸真係必點，同出面啲店舖好唔同。手工雜餃都有好多唔同款式，都喺一隻大大隻蝦喺入面，魚皮餃都好好食。另外試左個順德涼泮魚皮，魚皮爽滑脆口，好清爽。

之前已經試過呢間嘅椰子雞煲，今日試試麻辣雞煲，不過我只敢叫bb辣，感覺真的很易入口，食得辣的可以進取點小/中辣！食完雞煲可以直接加湯食火鍋，但我們想食得健康點，就半價$50點了養生湯底，挺划算的//麻辣雞煲 已經有半隻雞，炒好才上枱，可以馬上開餐//台式養生鍋湯底有桂圓紅棗杞子喜歡它清清地 又有啲配料食 //冬瓜片 竹笙 蜂巢豆腐趁未落其他肉類 湯底未有太多油時加一些可以吸湯的配料// 手工墨魚丸 手打魚蛋兩款都好彈牙weekday 晚餐趕得切7:30pm前離席，全單8折✌🏻

📍 豐鍋雞煲 (京瑞廣場1期) (沙田)沙田石門安群街3號京瑞廣場1期1樓137號舖「豐鍋雞煲」主打菜品是各式各樣的雞煲,包括椰子雞煲、麻辣雞煲、酒釀雞煲等,都以新鮮雞肉為基底,搭配不同的秘製醬汁和食材,煲製出濃郁鮮美的滋味。除此之外,餐廳也提供一些配菜和小吃,如鮮竹荀、讓客人可以點上幾份搭配主菜一同享用。👉 滋潤椰子雞煲(半隻)💰198😋😋😋😋.9/5 這道椰子雞煲味道鮮美,雞肉無比柔軟嫩滑,與椰汁融合在一起,營造出一種天然的鮮甜滋味。作為一道養生佳餚,這道菜營養豐富,值得一嘗。雞煲配菜🩷十優狀丸($108)這些丸做工精細，內餡鮮嫩多汁。不同的調料搭配,令人回味無窮。🩷西班牙頂級黑豚豬梅肉($125)這款頂級黑豚豬梅肉肉質鮮嫩多汁,帶有淡淡的煙熏香氣,口感絕佳。作為一道高級肉品,它定能滿足挑剔的饕客。🩷自創爆芝響鈴($43)這道自創菜品創意十足,外層酥脆可口,內餡濃郁香醇。三種不同口味的響鈴,各有特色,相得益彰。作為一道時尚創新菜品,它絕對是一大亮點。🩷鴨血($59)這道鴨血煮得恰到好處,軟嫩滑順,入口即化。🩷鮮腐竹($39)這款鮮腐竹清脆爽口,帶有淡淡的豆香,搭配其他菜式,能夠提供

夏天雖然好熱，但係都冇阻我想打邊爐嘅心，去咗石門豐鍋雞煲打邊爐，無論係湯底定係材料都極之高質，而且每樣嘢份量都好多，性價比超高。滋潤椰子雞煲半隻$198，湯底有大量椰子同椰青水，真係鮮甜到不得了。諗住落其他材料之前，記得先飲一碗湯，超香嘅椰子味加埋雞味，真係好正。而且半隻雞都好靚，佢煮5分鐘就啱啱好，非常之鮮嫩而且有雞味。另外，自家製鮮蝦木耳雲吞$68，呢個真係必點。呢度嘅雲吞超水準，餡料足得嚟彈牙，連木耳味都好香，食到我以為自己喺雲吞專門店咁。牛舌芯$118，超大碟，薄切食落非常爽口彈牙，係成條牛舌最靚嘅部份。至於西班牙頂級黑豚豬梅肉$125，呢個超級鮮嫩，肉質細膩，配埋湯底一齊煮，真係一流。即炸紫菜響鈴三件$43，呢個真係大大嚿，炸得超香脆，點一湯就即食，口感非常好。菜就點咗萵筍片$36清新爽脆，仲有稻庭烏冬$30，煮完吸滿湯汁味道一流。另外叫左鹹檸七$34大大杯幾解渴。

今日去接家姐放工，去開沙田區家姐話想食雞煲，就試咗呢一間豐鍋，後面唔係好明顯入到商場要上一層轉過彎先見到入到去啲職員都好親切，我哋叫咗半隻招牌麻辣雞煲（$178），我唔食得辣，所以走辣另外叫咗手工四寶丸（$89），頂級安格斯牛小排（大）（$278），白鱔片（$102），唐生菜（$36）出前一丁（$22）同埋叫咗兩杯龍鳳檸樂（@$34）雞煲非常之惹味，我哋好快食晒之後就叫職員加湯俾我哋打邊爐，手打丸果然口感好好，四款唔同嘅味道我都好鍾意，安格斯牛小排份量好慷慨，好有牛味，白鱔片份量亦都唔少，好新鮮，不過小心都會有啲小骨，唐生菜夠新鮮，打完邊爐剩低嘅湯再煮多一個出前一丁食到爆肚打邊爐再加一杯鹹鹹甜甜嘅凍冰冰龍鳳檸樂，成晚都覺得好滿足，一路傾偈一路打邊爐好開心

又一次黎位於石門既豐鍋雞煲開餐😋😋😋今次黎水準又進步左👍👍叫左半隻椰子雞煲，啲雞堅滑，連我老公唔鍾意吃雞既都吃唔停，真係高質👏第二推介嘅係麻辣雲吞🫶🏻🫶🏻自家製嫁！出面真係搵唔到，出面吃雲吞通常吃1-2粒就飽，唔想吃，但呢隻麻辣雲吞真係顛覆咗我味覺，吃唔停，想吃真係只能黎返豐鍋🤣頂級雪花肥牛，肉質好靚，你睇啲肉紋就知👍另外叫咗兩樣海鮮，貴妃蚌同脆肉鯇，鯇魚好厚肉，貴妃蚌好鮮☀️❤️

豐鍋招牌麻辣雞煲🥘配料豐富，有花椒、洋蔥、姜、蔥、芫茜等等，我地喊左小辣，啱啱食落去既時候覺得雞肉嫩滑香口惹味，每件雞隻都均勻醃製，食食下麻辣味先慢慢係口腔散發出黎🥵 配料亦都吸曬醬料既味道，令人食不停口。食完雞肉之後已經飽飽地，店員會加上上湯，就可以準備打邊爐啦頂級雪花肥牛油脂分佈均勻，賣相新鮮厚身，食落去有牛肉味，唔會煙靭。自家炸響鈴及爆芝炸響鈴打邊爐梗係唔可以錯過響鈴。炸響鈴鬆脆，筷子一夾已經有少少碎。放入煲內，吸曬上湯同埋麻辣雞煲既汁，食落去簡直一流。爆芝炸響鈴內有少少芝士，令到炸響鈴除左原有雞煲味增添芝士鹹味。水蜜桃蘇打水蜜桃液點攪都係沉底，味道唔係特別濃郁，但解辣唔錯，仲有少少奇幻感。龍蝦、鮑魚、蟶子及帆立貝要提早一日預定先有，下次就知道啦

食過返尋味😆 呢度嘅雞煲肉質鮮嫩 雞味濃郁 所以又介紹咗朋友一齊嚟食☺️.｜滋補螺片花膠雞煲 $218 平時叫花膠雞湯底會好濃 比較膩～ 反而呢度嘅花膠雞係清湯底 然後加花膠螺片同雞入去 一樣足料但湯底比較輕盈 啱哂打邊爐🍲.｜蝦丸$79每次必點蝦丸🦐 食落係超彈牙嘅蝦膠😙.｜頂級豬梅肉$125 份量都幾多而且有肉味～ 煮完之後肉質都嫩滑😋.｜貴花蚌$125貴花蚌唔係蚌類 而係海參既一條肌肉 又稱為海參筋😉 煮完之後口感爽脆 好有咬口😋.｜萵筍片 $36次次諗食咩菜都忍唔住叫萵筍😌 一片片有啲咬口

二刷 石門 - 豐鍋雞煲menu同上次唔同左 一於試下新野豐鍋招牌麻辣雞煲 -半隻 $178 同上次黎一樣咁好食 滑身😋上次叫中辣 感覺偏辣 今次叫小辣剛剛好十優狀丸 $108 黑松露墨魚丸、蝦丸、墨魚丸、黑墨丸、鯪魚丸 每款2粒 一共10粒大滿足🤓上次試左手工黑墨丸 今次一次過試埋其他店員力推 手工丸類 保證手打新鮮好食特別推介黑松露墨魚丸☺️餃餃陣 $88 鮮蝦雲吞、魚皮餃、韭菜餃、麻辣雲吞每款兩粒 一共八粒個人推介鮮蝦雲吞大大粒蝦仁雞子 $68我自己係好鍾意食雞子 同上次一樣新鮮、大大粒😍牛脷芯 $118 性價比極高 呢個價錢就可以食到一大盤😍打邊爐薄切 廄肥又爽口彈牙👍🏻特別推介自創爆芝紫菜響鈴 $49/3pcs呢個真係一定要叫 仲要趁熱食 啱啱揸出嚟夾起嘅時候 脆到差啲散晒🤣味道: 4/5環境: 4/5服務: 5/5抵食: 4/5📍 豐鍋雞煲火鍋京瑞廣場1期 137鋪

去開石門玩瑜伽，玩完之後朋友建議去京瑞廣場晚餐，行了一圈都不知吃什麼好最後試吓雞煲，這個廣場好像沒太多特別餐廳，見這間還不錯。職員安排了卡位，環境也不錯，地方也滿大的。好方便，都是自行下單第一次來我們先試一下小辣辣度正常，麻麻的很惹味，不知這是什麼品種的雞肉，特別有雞味，和平時的有點不同，配上的醬料也很特別因為朋友不吃牛，我們叫了黑豚肉，厚度適中，不肥。第一次見全塊魚皮，新鮮炸起，好脆口！最後雞煲必須配以新鮮蔬菜才能是完美的一餐😇😇

天氣咁熱，同朋友行街唔知食乜好，於是，就去試吓食雞煲,因為唔想食得太燥熱，所以我哋揀左滋補螺片花膠雞煲，食得嚟又可以美顏下，滿足下女生又要食又要靚既心態。雞煲既湯底滿有鮮味，配上白蘿白同薑絲，再放入新鮮既雞件及花膠同螺片。煲滾後，我哋試了一口之後，湯味好鮮甜！花膠同螺片也有彈性，煲咗一段時間D雞肉新鮮嫩滑。 我哋食咗三份一煲後，其他火鍋配料也陸續到齊，當中包括手工四寶丸、頂級安格斯牛排、鮮黑木耳、鮮淮山、土豆片。我哋見到餐牌上有炸爆芝響鈴，雖然「邪惡」但我哋又好上試吓於是叫左，芝士味好濃好正，不過我哋沾水時間多咗，所以響鈴偏淋。而手工四寶丸都係手打彈囗好好味。整體感覺食物足料鮮味冇味精既滋補湯底,不錯不錯👍🏻

曾經石門只是一個工業區，隨著政府發展已經大不同，交通方便又有鐵路站，有公共屋邨亦有商場，成為了一個美食集中地，今日約咗朋友食雞煲。豐鍋雞煲住家小廚餐廳位於石門站出口，📍京瑞廣場1期1樓137號舖，餐廳是典型火鍋店格局，排列整齊，店員熱情招待先了解我們選擇，我們先點半隻BB辣豐鍋招牌麻辣雞煲，店員先去炒雞，再叫我們可慢慢揀選配料。不消一會雞煲送上，急不及待先食雞煲，蔥蒜辣椒乾加秘製醬汁好香好入味，BB辣啱啱好唔太刺激。配料送上，店員為我們加入清湯打邊爐。頂級雪花肥牛油花均勻，肉結實脂肪較少纖維也比較細，牛肉味濃肉質柔嫩，上佳火鍋肥牛。牛柏葉大大件好爽脆。十優狀丸有黑松露墨魚丸＋蝦丸＋墨魚丸＋黑墨魚丸＋鯪魚丸，幾款墨魚丸有不同風味，丸類都係真材實料鮮製。自家炸響鈴即叫即炸，上枱熱辣辣又鬆脆，試吓即食無加調味偏淡，建議落鍋兩三秒吸收湯汁亦保留脆感超級好食。手工即炸魚皮又係主要推介，亦是即叫即炸，非常香脆可口，即食放湯都是一流。順帶一提餐廳星期一至四，七點半前離座或九點半後入座堂食八折，本來已是實惠的價錢更加優惠。

京瑞廣場呢度真係好多好食嘅！今日同我可愛嘅室友嚟食雞煲啦～位置 環境🏠🌟🌟🌟🌟好易揾，扶手電梯上嚟好易就搵到～位置好闊落，坐落嚟好舒適，7:30之後會打折，好抵食！食物🥘🌟🌟🌟🌟麻辣雞煲好好味！食佢食佢！本來想食一隻雞嘅，但又想多食啲唔同嘅嘢，所以揀咗半隻～ BB辣選手好鍾意～丸子拼盤好新鮮，好好味😋一共有五種唔同嘅海鮮丸子，總共十顆～我同朋友兩個人食，剛剛好～唔洗爭😂牛肉粒嘅紋路都好靚，食落奶香奶香嘅，好好味！因為我哋都好鍾意🍄🍄同蔬菜～所以後面又加咗啲蔬菜，量好夠～放工食雞煲真係好開心！

［新鮮配料］花雕藥膳雞煲（鮮雞件）：有驚喜，雞🐓煲第一次火鍋🍲用鮮雞打，色澤都幾靚。慢慢煲熟佢即刻關返細火，d雞肉無經過爆炒直接煮熟食，d肉🍗好嫩滑。必食—紫菜響鈴卷：真係放落煲3秒就好拎起。加埋紫菜口感更佳，外皮比平時食的更厚身但勁脆。頂級雪花肥牛：肥牛有d油脂及雪花分佈，肉質嫩滑。十優狀丸（黑松露、墨魚、蝦、墨魚、黑墨、鯪魚丸）一碟食到咁多款丸，真係正；粒粒都好彈牙唔會結實。脆鯇魚腩同草蝦都好新鮮同彈牙。