御名軒

Open Now

Now Closed

早排去咗呢間位於天后地鐵站附近嘅酒樓，試咗佢哋嘅私房菜套餐 $688/位。你無聽錯，係酒樓做私房菜啊，仲要真心高質好食👍🏻👍🏻1. 餐前三小碟(脆皮豆腐粒/蜜瓜手撕雞/胡麻茄子)脆皮豆腐粒真係外脆內嫩；脆皮手撕雞配清新鮮甜嘅蜜瓜，呢個食法真係好新穎而唔會油膩；胡麻茄子就非常開胃😚2. 冬蟲草螺頭燉竹絲雞湯/菜膽燉大排翅兩款都真材實料，竹絲雞湯就超級鮮甜；大排翅就真係落得好慷慨，好耐都無食過每一啖都係好粗好有質感嘅翅😍3. 魚露乾煸南非鮮鮑魚南非鮑魚切成大粒放咗喺個殼之上，賣相精緻到好似西餐咁，非常吸引。食落都好有鑊氣，一啲都唔會太韌，反而十分爽口彈牙，絕對係賣飛佛😘4. 芝士蛋白炒蝦球無諗過蛋白炒蝦球嘅presentation 會加埋染咗黃/紫色嘅椰菜花，令到成件事更加高層次。蝦球彈牙，但我自己略嫌蛋白偏油膩🙃5. 鮮蟹肉扒蘆筍賣相無其他菜式咁精緻，但佢個蘆筍真係超鮮甜，完全無渣，而且蟹肉嘅份量都非常多而鮮味十足👍🏻6. 香草燴美國牛肋條賣相似牛柳多個牛肋條，一碟有三件。佢個肥瘦分佈非常均勻，食落好軟稔，而且個牛味濃而不膩🤗7. 酒香藥膳蒸滑雞雞件真係充滿酒香，肉質嫩滑。而藥膳嘅甘香就

同阿媽食飯梗係食中菜🤤🤤日本Omakase 就食得多今次呢間酒樓推出左個中菜版omakase私房菜🤡價錢平過日式Omakase不過中菜黎講都唔平🤣🤣但菜單幾岩食菜式幾特別食材亦幾矝貴 同媽媽豪一次🤪💁🏻‍♀️餐前三小碟手撕雞 雞皮燒得幾香脆 胡麻茄子 同日式crossover 配搭胡麻醬冇得輸🤡脆皮豆腐粒 外皮脆豆腐嫩 三種前菜 三種感受 前菜已經好滿足🐔冬蟲草螺頭燉竹絲雞燉湯足料 味道清甜 有齊螺頭同竹絲雞 湯好飲 雞好食👍🏻🐠魚露乾煸南非鮮鮑魚鮑魚大大隻有咬口非常鮮味 酒香味似日本磯煮鮑魚👍🏻🦐芝士蛋白炒蝦球幾特別嘅菜式 好少食炒蛋白 仲用左芝士炒 有啲西餐感覺 蝦球新鮮 蝦肉爽口彈牙🥗鮮蟹肉扒蘆筍蟹肉鮮甜之餘份量夠多 啖啖都食到蟹肉 蘆筍又係增加左西式感覺 平時唔太鍾意食蘆筍都覺得好嫩！🥩香草燴美國牛肋條牛肋條腍滑 肉質好嫩略嫌醬汁太濃味搶左牛嘅原味💁🏻‍♀️🐓酒香藥膳蒸滑雞藥膳味非常吸引 雞肉下面仲有飯食夠曬飽肚 媽媽已經食到好飽 問阿姐拎外賣盒 阿姐都話係好嘢黎食唔曬係要裝走 唔好浪費😂😂🍩甜品甜品有驚喜 同前菜一樣 有三款有三種感受七彩麥皮凍糕 凍糕煙韌 淡淡麥皮香 正💁🏻‍♀️

私房菜就聽得多，喺酒樓食私房菜真係第一次！ 之前都試過喺「 御名軒 」同屋企人飲茶，覺得佢嘅點心小菜質素都不錯，所以對於今次私房菜都好期待😌私房菜套餐每位$688 ，由前菜到甜品總共八道菜，價錢雖然唔平，但見有魚翅同鮑魚等較矜貴食材，所以尚算合理👍🏻《 餐前三小碟 》先來個前菜三小碟，賣相精緻😳 胡麻茄子好爽口；避風塘豆腐粒就香脆惹味；而最特別就係脆皮手撕雞包蜜瓜，好似中式版嘅巴馬火腿配蜜瓜，估唔到又幾夾😋《 冬蟲草螺頭燉竹絲雞 》一打開燉盅已經被佢嘅香氣吸引🤤 經慢火燉煮出黎嘅湯滴滴精華，每一啖都可以飲到濃郁嘅雞肉味同螺頭嘅鮮甜味😋 加入咗冬蟲草仲有滋補嘅功效😍 《 菜膽燉大排翅 》份量滿滿嘅爽口大排翅，用上湯熬製，湯頭充滿骨膠原😋 完全品嚐到店家用料毫不吝嗇，食到一梳梳嘅魚翅！食嘅時候加入浙醋風味更佳🤤《 魚露乾煸南非鮑魚 》將原隻鮑魚切粒，方便食客唔洗慢慢切呢個做法好細心🥰 鮑魚肉口感彈牙，魚露醬汁提鮮之餘亦唔會太咸👍🏻 配搭埋翠玉瓜同三色椒碎，擺盤好有心思😍《 芝士蛋白炒蝦球 》芝士炒蛋白，再配上爽甜彈牙嘅蝦仁🍤，看似簡單嘅菜式要做到好食好考師傅嘅功夫👍🏻 蛋白滑溜唔鞋口，仲有

呢間酒樓推出咗個私房菜套餐雖然價錢唔平 但菜單幾岩食 仲用上唔少矜貴食材  相當吸引 餐前三小碟蜜瓜手撕雞 雞皮燒得好香脆 配搭蜜瓜食上癮胡麻茄子 茄子軟硬度岩岩好 配搭胡麻醬非常夾脆皮豆腐粒 真正嘅外脆內嫩 配搭少少椒鹽好惹味冬蟲草螺頭燉竹絲雞燉湯好足料 啖啖都好清甜 第一次食冬蟲草 螺頭有鮮味 口感彈牙菜膽燉大排翅呢個翅份量十足 一上枱真係嘩一聲 第一次見魚翅仲多過湯 食極都未食哂魚露乾煸南非鮮鮑魚鮑魚有鮮味 咬落彈牙 特別欣賞佢個酒香 更加提鮮 芝士蛋白炒蝦球蝦球係食得出嘅新鮮 蝦肉大大隻而且爽口彈牙鮮蟹肉扒蘆筍蟹肉鮮甜份量足 蘆筍好翠綠 幼嫩爽口冇渣香草燴美國牛肋條牛肋條肉質好嫩 吐不過個人覺得個汁麻麻地酒香藥膳蒸滑雞食到呢一道菜其實已經好飽 但慢慢食都食得哂雞肉有濃濃藥材味 不嬲鍾意藥膳嘅我好滿意小甜品七彩麥皮凍糕 呢款凍糕比較煙un 幾有特色芝麻綠豆糕 芝麻配綠豆原來係咁夾架 而且唔會好甜花生脆餅 呢款Off menu超有驚喜 直頭想再食多件最後特別想讚一下果晚服務嘅姐姐親切有禮仲會按食客進食速度上菜 估唔倒中餐都可以有fine dining嘅感覺

朋友同我講我地之前去飲茶嘅酒樓夜晚有私房菜食，睇左個menu,有海鮮有鮑魚又有翅，抱住好奇的心態同朋友一齊去食😀是日餐單❣️餐前三小碟（蜜瓜手撕雞/胡麻茄子/脆皮豆腐粒）冬蟲草螺頭燉竹絲雞/菜膽燉大排翅魚露乾煸南非鮑魚芝士蛋白炒蝦球鮮蟹肉扒露筍香草燴美國牛肋條酒香藥膳蒸滑雞小甜品（七彩麥皮凍糕 /芝麻綠豆糕）餐前小食我最喜歡豆腐脆粒，的的式式，外脆內嫩。湯品都好足料燉，翅好大梳，火喉夠。我一向好鍾意食鮑魚，乾煸烹調都係第一次試，魚露有提鮮作用，切成bite size好方便食，好味😋炒蛋白唔係好食到芝士味，個質地幾滑，蝦球爽脆。蟹肉扒露筍原本以為普通料，估唔到好好食。露筍每條都好嫩冇渣，蟹肉份量好多，蟹味濃郁。牛肋條炆到好淋，朋友仔一向少食牛，原本以為我要埋佢果碟，點知佢食晒😂😂😂蒸滑雞幾嫩，酒味重，但我唔飲酒所以呢碟我就一般。最後食嘅甜品都好味，麥皮凍糕係椰汁味，甜度輕，口感似韓式打糕，但冇咁黏口。雙色糕上下層不同口感，中間有綠豆分隔，芝麻味香濃，好特別👏🏻侍應全程都好注意客人需要，食物味道有水準，食完超級飽😂😂要去維園散下步😂😂

位於天后港鐵站出口附近的《御名軒》，位置方便，餐廳地方大，環境舒適；最近新推出了私房菜菜單，由前聘珍樓行政總廚主理，菜單包含鮑魚、足2兩大排翅、野生冬蟲草等矜貴食材🤩餐前三小碟(蜜瓜手撕雞、胡麻茄子、脆皮豆腐粒)：三小碟味道都很好，其中最出色是蜜瓜手撕雞，手撕雞的皮脆卜卜👍🏻肉質juicy又嫩滑，連墊底的蜜瓜也十分香甜可口冬蟲草螺頭燉竹絲雞：用西藏野生的冬蟲草製成，竹絲雞湯底夠甜，養生又美味😋菜膽燉大排翅：大排翅有足2兩，每啖都吃到大排翅，翅夠粗而富質感，菜膽湯底鮮甜又滋味🤤魚露乾煸南非鮮鮑魚：南非鮮鮑魚夠厚身大隻，肉質彈牙，醬汁夠惹味芝士蛋白炒蝦球：每份有2隻蝦球🦐肉質夠爽味道鮮甜，配上香滑的芝士蛋白一流鮮蟹肉扒蘆荀：滿滿的蟹肉鋪在蘆荀上面，蟹肉🦀很鮮甜，蘆荀質感幼嫩少纖維，味道爽甜香草燴美國牛肋條：燴牛肋煮得好入味，肉質軟腍，用叉子也能輕易切開酒香藥膳蒸滑雞：用了紅棗、黃耆、花雕來煮，一上枱就聞到酒香味，雞肉嫩滑可口小甜品(七彩麥皮凍糕/芝麻綠豆糕)：麥皮凍糕用脆脆麥皮包著，凍糕有淡淡的椰子香味；芝麻綠豆糕芝麻味濃郁，甜而不膩👍🏻《御名軒》📍天后電氣道22-52號金殿大廈1樓

真係冇試過食私房菜，難得小妹疫情底下都升職加人工，就帶老媽子出去食返餐勁嘅！餐前三小碟開頭以為係青瓜、雲耳個一類，點知原來係脆豆腐、脆皮雞同麻醬茄子，上枱熱辣辣好惹味，三款小食各有特色都好精緻，豆腐薄皮脆身內滑，雞肉唔肥炸皮出色仲去埋皮質，涼拌茄子最有驚喜，清而鮮嫩。冬蟲草螺頭燉竹絲雞 一上枱已經聞到好濃蟲草味，碗內仲有三大條冬蟲草，肉身肥厚。湯頭勁鮮，超夠火喉！螺頭同竹絲雞相配得宜，雖然係燉料但絕對值得食埋。菜膽燉大排翅一上枱魚翅嘅份量真係嚇親，湯頭鮮、香、甜，咸度剛好，咬落爽彈。魚翅真材實：一絲絲、一條條、一梳梳好足料，目測起碼有四兩，配埋少少菜膽，食落就係好單純嘅清甜味。魚露干煸南非鮑魚鮑魚爽口、大隻、鮮甜！魚露適量所以唔會太鹹。而且上碟嘅時候已經切好晒，方便進食，連鮑魚殼都清洗得非常乾淨，擺盤見用心，放有少量三色椒同翠玉瓜作伴碟令賣相更吸引。蝦球芝士炒蛋白蛋白夠滑亦都夠綿，放係蝦球之下索左啲油更滋味，蝦球彈牙，但略嫌芝士味可以再濃一啲。鮮蟹肉扒蘆筍蟹肉打成羡，鮮甜多汁，亦無丁點碎骨，配上爽口既蘆筍，清清甜甜，為食甜品之前清一清喉嚨。香草燴美國牛肋條喺云云中菜當中加咗一碟西式化嘅

早四日前預訂正價冬瓜盅，入座通知侍應已訂了，幾個男女侍應敷衍交待稱冬瓜盅爛咗，沒辦法提供，已經好失望啦！男部長話送例湯作補償，最終沒有送到, 中途半咸淡廣東話女侍應硬推銷要幫佢買月餅券，我們稱沒需要，這女侍應隨即稱我們不買月餅券就不會招呼我們兼隨手把濕紙巾大力掟在枱上，我們叫了龍蝦伊面，同一個女侍應又硬推我們要二隻龍蝦, 咁照叫啦，不到5分鐘，龍蝦伊面上枱，龍蝦全是頭頭尾尾，根本一早煮好夾出嚟，殼多過肉，此酒樓服務態度極差，侍應如土匪無賴！

前幾星期嘅平日同朋友去天后想飲茶，見呢間最近地鐵站就去咗試試，到達時間大約中午12:00，算係幾多人，酒樓望落幾大，但未洗等位。✨御名蝦餃皇 -特點 ($30)✨豉蒜蒸鳳爪 -中點 ($20)✨鮮蝦菜苗餃 ($26)✨蜜汁叉燒腸粉 -大點 ($26)✨原隻大蝦燒賣-特點（$30)👉🏻御名蝦餃皇： 蝦餃皮唔厚，入面蝦肉大舊，亦都幾爽口。👉🏻豉蒜蒸鳳爪： 鳳爪醬汁唔會太鹹，配料只得花生墊底，鳳爪約有5-6隻。👉🏻鮮蝦菜苗餃： 餃皮薄，餡料味道剛好，入面大概有一隻蝦。👉🏻蜜汁叉燒腸粉: 腸粉皮唔會太厚，每舊腸粉入面叉燒份量算多，味道剛好，唔會太鹹。👉🏻原隻大蝦燒賣： 蝦都幾大隻同爽口彈牙，燒賣味道剛好。✨八味豆腐 ($38）👉🏻唔知係冇人叫定漏單定規定即炸關係，豆腐熱辣辣，外脆內軟嫩滑，類似椒鹽豆腐，味道唔太鹹。✨桂花紅豆糕 ($28)👉🏻幾重桂花味，可能出面天氣熱，第一啖咬落去覺得透心涼，唔會好甜，中間果層係紅豆粒加紅豆蓉。整體：7.5/10食物：8/10服務：7/10環境：7/10加一服務費：✔️茶芥：$10/每位 （平日午市）

我常常去御名軒。But lady staff attitude was awful yesterday (28th Apr before 14:00)When we were paying the bills, we needed time to sort out. However, she started complaining a lot in mandarin thinking we wouldn’t understand. But my Taiwanese friend understood all and got angry.Atmosphere and our feelings was getting bad.It was the worst experience ever and I was truly disappointed.

聽聞御名軒加盟升級行政總廚，所以約埋朋友去試過新菜式，試過之後真係有驚喜！值得推介！當晚試過以下菜式：1. 避風塘斑馬賴尿蝦2. 南乳鹹豬手3. 古月龍山蒸花蟹4. 陳年花雕籠仔雞蒸糯米飯5. 松茸響螺瑤柱煲竹絲雞6. 蛋白炒蝦球7. 紅炆牛肋條8. 陳醋脆香骨下次一定會再試吓其他新菜式！期待！

以前附近返工都會去下御名軒飲茶，今次去開天后又試下個晚市,估唔到咁有驚喜😎所有食物整體水準都唔錯👍🏻侍應態度友善，環境都算舒適。當晚我同朋友最欣賞係藥膳糯米雞，入口米飯有啖啖酒香夠哂暖胃😋香草燴牛肋條同蜜糖骨都好好食，鐘意食肉既朋友一定唔可以錯過👍🏻竹絲雞螺頭湯亦都係必點之選！夠足料！

晚上朋友和我吃晚餐告別我離開香港，來了這家店吃家常中菜。由於已經是晚上八時半店外基本沒什麼人。但服務員絕大部份差不多在發夢中。點了菜 有兩道菜等了很久還沒來，跟他們反映催單又說已經在做，但最後原來根本就是漏單沒有做，服務不知所謂。點了清蒸斑一條，粟米魚肚羹，乳鴿一隻和豉汁煎海蝦。基本上每道菜都水準不錯。粟米魚肚羹的魚肚非常多，而且味道比較鮮甜。清蒸班味道還可以，魚肉也比較嫩滑。乳鴿體積很大，但味道好像不夠入味。豉汁煎海蝦是整晚最好吃的一道菜，味道好的連手指沾著的醬汁也要吃掉。食物質素反而是滿意的。

周末早上過來飲早茶，6點多還沒什麼人，那么早來的都是公公婆婆，早茶確是划算。但這裏的服務員服務甚差，跟服務員說要開茶問他有什麼茶，他居然反問我要喝什麼茶，我就問他那有什麼茶，但他還是繼續為我要喝什麼茶，真的讓我感到無語。不過點心水準還是可以的。點了日式茄子和白灼生菜。日式茄子份量非常多，魚肉厚厚釀在茄子上，煎的十分香口，不過油放得太多感覺油膩了一點。白灼生菜也是油放得太多，太多油最終還是吃不下。希望能改善。

今日去開銅鑼灣維多利亞公園附近做嘢，我大約兩點鐘到呢度御名軒食下午茶。個下午茶非常之抵，我自己一個人食，食咗四樣嘢都係一百蚊唔使。山竹牛肉美味而且無過度啤水。有啲食肆會將啲牛肉啤到無味無度，然後自己調味，搞到成件山竹牛肉冇牛肉味。這件就不同，有肉味，好食。燒賣表現理想，豬肉和蝦肉分明。豬肉內有筋，咬落彈牙。燒賣嘅size合宜，一籠四粒抵食。春卷內餡多，有蝦有木耳等等爽口材料，配上喼汁，十分吸引，而且不油不膩，咬落香脆。第四籠是排骨鳳爪，可惜食得太興奮，忘記影相。整體食肆食物質素良好，環境舒適，清潔衛生合格，是下午茶的好地方。