梁山泊日本料理 (Closed)

今日lunch同啲同事去咗梁山泊食，佢啱啱新裝修完兩個月左右，連餐單都更新左，有啲新嘅食物種類選擇，仲有西餐添今日食咗個豚角煮，睇相好似五花腩咁，就試一試啦，侍應話要等20分鐘，我都選擇等，佢有部份嘅午餐係可以四送一嘅，但係呢個就唔可以，盛惠$72啦再加一，等左20分鐘佢拎到黎嘅時候係分開飯同埋餸嘅，嘩！第一啖食落去覺得超好味，個汁甜甜地啲腩肉真係有啲似東坡肉，不過食得出係日式醬汁，超好餸飯，值得推介下次試過第二啲再寫😉

日本野係食唔厭嘅！星期日晚想搵間唔使排咁耐隊嘅餐廳非常困難，諗起紅磡火車站隔離嘅無人商場，果然唔使等，間間都好多位，太想食日本野就去試下衣間梁山泊。座位幾多，當晚最多人時期都係得4-5枱客因為近情人節所以有個set，好似抵食過散叫，就叫左佢。首先來到嘅係刺身盤賣相係幾吸引嘅，種類幾多，有鮑魚有大蝦有海膽有帶子。蝦同帶子都幾甜，魚都唔會好散，有一定嘅厚度。不過所有野個雪味都好重，海膽幾腥，食左一啖就比曬另一半食。再來八件壽司色水很普通，但食落唔算太差，無咩特別。之後就到燒物，先來是燒魚，唔會太乾，燒得幾香口，食落覺得份量都幾多。燒台灣腸，香口，重味有點太咸牛舌幾厚，算係最好食嘅一種燒物，唔會好難咬仲有點汁。黑毛豕串，味道又唔覺得特別，係香口d,不過都係有點太咸。黑松露海鮮炒飯 黑松露香味十足，不過食落d飯又無咩味，有點乾。後面樣樣都咁乾食得有點辛苦。幸好最後有柚子雪芭中和下d油味同乾渴感。仲要有柚子粒粒係中間，好味嘅！當日客人唔多，所以侍應感覺都懶散一點，有幾次想搵人都掛住傾計睇我地唔到，同埋食咁多燒物都要飲幾多水，但全晚都無加過水。服務有進步空間。埋單加埋一都九百幾，以衣個價錢可以食好

28號晚睇張學友演唱會..諗住預早book定檯..但係餐廳話只可以walkin..當晚6點左右去到都未算好滿座..由於我朋友未到..所以我就先點兩個小食醫下肚先..1.海膽蒸蛋2. 炸蝦籽卷兩個小食既賣相都好好味道都唔差.. 朋到黎到時再order.. 鐵板牛.. 豬扒蛋飯.. 壽司盛.. 三文魚骨.. 泡菜豬肉拉麵..除左壽司盛比較出色.. 其都普普通通..壽司盛450蚊.. 有18件壽司.. 每款壽司用料都十分新鮮.. 連唔中意食吞拿魚既朋友都大讚.. ❤️❤️❤️❤️

諗住來置富商場呢到食午飯，行過睇呢間梁山伯日本料理嘅餐牌，見到佢個lunch set只係60幾，覺得好抵就決定食呢間。前菜有蟹柳蒸蛋同面豉湯。面豉湯味道唔會太濃，剛剛好。蛋蒸得好滑，味道同普通蒸水蛋嘅味差唔多。我叫左個豚肉生薑燒便當。個便當幾豐富，而且份量都幾多。除左飯同豚肉，仲有冷盤螺肉，辣辣地咁，幾惹味，另外仲有一個沙律，配麻醬，有好多生菜同一兩粒番茄。個豚肉生薑燒炒得好好，好入味，d肉唔韌，好易咬。一開始食頭幾啖覺得好好食，不過食多幾啖d豚肉就覺得好濃味，好口喝。總括來講，佢個lunch set有前菜、便當仲配埋野飲，日式菜來講真係幾抵。

某一日，同男友去睇某歌手演唱會，行過某一間餐廳，梁山泊日本料理，就入左去食晚飯~當晚我地叫左個日式蒸蛋，海鮮烏冬同芝麻醬雞肉沙律~日式蒸蛋，咸咸地都蒸得幾好食，係份量細左dd芝麻醬雞肉沙律，味道一般，雞肉好"孩"，好似雪藏雞味道海鮮湯烏冬，味道正常，不過不失總結，一般🙊

點咗拉麵，牛肉鍋（sukiyaki) 同炸雞。祇有三樣嘢侍應生都會漏咗落炸雞。好彩佢唔記得因為呢間日本餐廳太過香港味道。豬肉拉麵入面嘅肉一陣好腥豬肉味，牛肉鍋嚟到冇飯或烏冬跟，祇有剩吃牛肉同菜。金菇完全唔係一條條而係一大束連根一起，感覺完全係好敷衍了事，而且價錢不便宜，唔會再幫襯。

啲員工態度差，好似得罪佢咁！自問無要求啲乜我，又不是啲麻煩人。只是想跟單，但無人回應。得到既回答就是俾人惡言相向。到收錢又係惡過鬼。唔明佢地公司有無好好檢視佢啲員工態度。

每一次來紅磡火車站附近，或是看演唱會前想吃日本菜的話，這間一點也不遜色！刺身厚切新鮮，價錢相當抵食！如果平日晚上去兩個人入去都會安排你坐六人卡位。呢間餐廳有好多不同種類日本菜，有串燒，壽司，鐵板燒，火鍋，烏冬，炒飯....任任君選擇

那天因為趕住去睇演唱會，所以隨意地走進這餐廳食晚飯， 本來打算食碗拉麵或烏冬就算，點知坐低見到壽司又多心了。 我的朋友比我早到，早已order了鰻魚拉麵(等候中）。我則選了吞拿魚三件壽司組合和野菜天婦羅。 雖然友人比我早15分鐘落單，但結果是我的壽司先到（心想都正常，壽司是生的，快是當然的。）這壽司組合包括吞拿魚腩，吞拿魚他他及火灸吞拿魚 （價值： 90幾蚊），回想起來我當時太不理智，應該安全地叫碗烏冬。 三件壽司用一個類似食生果用的玻璃碟放著，一嚐它們溫度奇奇怪怪的，顏色目目的，肉質不見新鮮，第一件吃是他他軍艦，本身有些調味和有紫菜包邊，所以覺得還可接受。第二件火灸的，表面沒有明顯火灸感覺，只見有些肉由吞拿魚紅色輕微轉粉紅色，沒有什麼魚味，有點韌。到最後一件，應該是吞拿魚腩，但當然稱不上 …我咬了一口，oh god! 我感覺到魚肉有點“霉”， 我當下就吞不下，本來想只吞口壽司飯，但我眼件那嚿飯真係心傷，為什麼可以連壽司最基本嚿飯都可以這般糟 …連一個稍稍工整的飯糰也稱不上 … 我朋友說不要吃，俾番佢，我心想“吓我食了兩件，這個咬了一口…”如何俾番人，我實在做不出，但叫我吞下去更接受不

平時係學校上完堂 都好鐘意嚟置富廣場間梁山泊食午餐今次我叫咗個滑蛋吉烈豬扒飯定食 都挺不錯的😋一個定食會有面鼓湯 沙律同埋蒸蛋做前菜 前菜都唔係特別突出 不過都算好食嘅 不過有時就嫌蒸蛋入面嘅雞肉太老唔夠嫩 到食豬扒飯😋佢個飯大大碗 滑蛋同汁嘅比例都唔差 滑蛋嘅份量就唔算多 不過味道都搭救到😋 不過炸豬扒比汁浸得太淋 唔夠脆口 不過味道都還好 整體都唔錯 通常嚟呢間餐廳都會揀佢嘅豬扒飯😋

今日午飯同另外四個朋友一齊食，咁岩依間餐廳有買四送一嘅優惠於是我哋就食呢間囉~每個餐大約係$50至60左右，唔算貴。一個餐包左沙律、麵豉湯、蒸蛋、飲品同埋一碗粉麵。個沙律正正常常啦都算大同新鮮，個蒸蛋啲蛋就比較硬，唔似平時食開嗰啲比較軟身同埋水一啲嘅蒸蛋，呢度真係稍為扣分但係麵豉湯出奇地好飲，味精味唔重，仲有好多料~而我就叫咗叉燒拉麵，份量比較細，而且個湯底係類似豉油味，我覺得唔太好味。叉燒就幾靚嘅，但係太肥太多油啦， 大家睇吓相入邊舊叉燒啲肥膏有幾厚，唔太啱香港人嘅口味Lollll。環境方面比較暗，有少少嘈，可能因為當日餐廳入面比較多人，所以坐得都唔太舒服。整體來講，置富既日本菜我會鍾意食和亭多啲囉。

平時梁山泊都幾多人下，今日早放所以早啲去食。我地一行有十個左右，所以都有張大檯坐。 咁岩有咁多人，岩哂呢個買四送一優惠。佢有一個午餐餐牌係有呢個優惠。有拉麵，咖哩等等。我就揀左炸雞咖哩飯。個午餐有沙律，miso soup，茶碗蒸。沒什麼特別。炸雞，我覺得一般般。炸粉有啲多，咬落去比較多油，油比肉汁更多...... 而咖啡好似相中咁樣，唔係話好多。所以重口味既我就唔係好夠食。咖啡略稀左小小。總括黎講，係呢個價格，算係一般。

係紅磡置富都匯食lunch🙈 見到呢間餐廳有買4送1 所以就黎左🤤 lunch set 入面有拉麵、咖喱、魚生飯同埋定食揀🤤豚肉有姜汁味 而且份量都好多肉 食到我好飽 仲有沙拉配芝麻醬 同埋凍八爪魚前菜開下胃👍原來仲有湯同埋雞蛋送tim！雞蛋好滑！🤤仲有熱飲！

晏就落堂又係紅磡搵lunch 之前一直聽朋友講呢間日式餐廳又好食又抵 就想試下lunch仲有買四送一優惠我地一行八個人去到要左張大枱 環境都幾舒適 空間幾大 又闊落原來只有部份餐可以買四送一 但都有唔少選擇 有日式便當 都有和風西式既餐 全部都係$58起咁我就叫左咖哩野菜薯餅（$58）餐仲包堆沙律 麵鼓湯 蒸蛋 同飲品 好抵呀前菜全部都好味 特別鐘意佢個蒸蛋 入面仲有好多材料 好豐富咖哩係另上 滿滿一大碗 可以自行調節份量 味道香濃 加上薯餅真係好好食推薦

依間餐廳系我一世人食過最難食既日本料理，沒有之一。簡直系想象唔到既難食。串燒雞軟骨和雞腎，雖然上面撒左好多黑胡椒等調料，但系仍然有一種街市過期生肉既味道，聞完都唔夠膽食。海鮮湯，好似白水加少少海鮮，淡到你心淡。八爪魚小菜，又酸又咸。海鮮炒烏冬，賣相普通味道正常，但系入面d海鮮，扇貝肉軟霖霖，蝦肉硬嘣嘣，唔知有幾唔新鮮。d甘樣既菜式，2個人食左800蚊，真系好有「良心」，真系俾錢都唔願意再去食多次。