S2 Kitchen (Moved) New Location

約了好友到威靈頓街的S2 kitchen 吃晚飯。店子小小的但不會覺擠迫、我們坐在吧檯邊吃邊聊天也蠻寫意的。試了店長推介的十層海膽杯、海膽、黑魚子、三文魚子、松葉蟹肉、拖羅蓉、白蝦、海葡萄等一層層疊上、看上去好豐富、不過份量較少、有點貴啊。海膽燒岩蠔 啖啖肉好Juicy。蔥粒吞拿魚腩壽司芝士年糕 烘得暖暖的、裡面是半溶的芝士、軟熟美味、怕膩的我也覺得好驚喜！清酒鮑魚雞翼、採用自家製的醬汁、啖吙口鮑魚肉好味啊～半熟蛋鰻魚飯超有份量！楊枝甘露沙律 裡面有蘋果絲和芒果沙律、清新之選。燒菠蘿作為甜品不錯～

友人剛從日本返黎，又係拎手信時間，選擇相約係呢間居酒屋，門口掛上滿滿紅燈籠，相當易搵!選擇呢間嘅原因係友人係海膽控，今晚應該唔會令佢失望!  坐吧枱位可以睇到師傅煮嘢，飲杯熱茶，換好即棄筷子，就開始落單黎呢度食飯，點會唔叫特級S2海膽杯 ($398)，十層進化版，以白飯魚脆片，黑魚子，海葡萄，拖羅蓉，三文魚子，白蝦，松葉蟹肉及鮮海帶碎，頭中尾再以三層北海道海膽相隔住，當中嘅鮮甜味，相當進擊我嘅味蕾!呢期歡喜食牛油果，凡係有佢嘅出現都應該會叫，呢客牛油果帆立貝洋風沙律 ($168)，名字上見唔到海膽，但實物中會有佢嘅出現........哈!爽口沙律菜混埋香滑牛油果粒，鮮甜帆立貝與綿滑海膽遇上，淋上酸醋汁，唔會有太大負擔，幾令人開胃口!呢2個咁圓潤嘅係芝士年糕 ($48)，烤焗至微黃色以紫菜包住食，熱辣辣咬入去食到軟滑忌廉芝士，真係外脆內軟，一個唔係幾夠喉，但要留肚食其他嘢嘛!呢客名為S2特色火焰卷 ($148)真係有火焰架，侍應點火後等火熄滅後就可以食，夠晒搶Fo卷物包住蛋及蟹柳，上面加有海贍及蟹籽，再唧上醬汁，可以成件擺入口，先食到海膽綿滑及脆卜蟹籽，之後到甜蛋及蟹柳及飯粒，一口一件真

鉄人大盛位於尖沙咀格蘭中心地庫、地點方便、晚市提供放題 $328/位、有兩小時好足夠。我還是第一次吃刺身跟鐵板燒的放題～飲品選擇不少、除了汽水、茶、還有韓國果汁和啤酒。服務員自動送上刺身、不用點。這個刺身盛真的嚇了我們一跳、兩人份量實在太多了吧。它有三文魚、吞拿魚、帶子、虎蝦、螺、希露魚、油甘等。比較喜歡帶子較鮮甜。不過還是建議讓食客們自己選擇下單比較好、不用浪費食物。然後到鐵板燒部份、 燒牛舌、蔥花牛肉都juicy 、燒汁好惹味。燒羊架軟嫩不錯也有必點的燒菠蘿鵝肝多士裡的鵝肝幾香、不過多士竟然唔脆。燒鰻魚和燒什菜是不過不失吧。甜品方面還有任食Haagendaz、有幾款口味可選、咖啡味實在太好吃！

今日去中環等埋男朋友收工又去試吓第二間嘅海膽杯呢度嘅海膽杯同樣足料我同男朋友叫咗呢份青蘋果蟹子沙律好清甜爽脆鍾意食海膽嘅我就叫左啲粉海膽麵味道唔錯有呢個原條燒鰻魚飯配埋隻糖心蛋原條鰻魚真係好滿足呢度嘅壽司都唔錯㗎不過我最鍾意嘅都係呢個燒菠蘿上邊有一層薄薄嘅焦糖食過返尋味♥️連平時唔好菠蘿嘅我都成碟食晒😂估唔到夜咗都咁多人就算訂咗枱喺出邊等左一陣間先有位仲有出邊好少有青蘋果蟹子沙律♥️我同男朋友食都要爭食🤣🤣

早幾日話想食日本野，男朋友就帶咗我嚟中環呢間居酒屋做到嘢好鍾意食海膽嘅我黎到好開心原來呢度嘅特色就係十層海膽杯佢真係滿晒出嚟以北海道海膽為主再夾住海葡萄、三文魚子、松葉蟹肉等等 一層一層食到唔同嘅嘢基本上見到每台都必叫雖然唔平但都一定要試吓然後就叫咗另一個推介-芝士年糕❤️熱辣辣新鮮整起，啲芝士溶晒係年糕入邊，鍾意食芝士又鍾意食年糕嘅男朋友勁讚好再嚟係特色火焰卷，先上壽司卷，然後再喺下面的鹽到點火成個過程都拍低左幾特別，仲要意想不到嘅好食再嚟係清酒鮑魚雞翼，將雞翼去咗骨，包住鮑魚啖啖肉食清酒入晒味係鮑魚到男朋友鍾意食蠔，所以叫咗海膽燒岩蠔又係新鮮燒起海膽係入口即溶 夾埋蠔食又有一番唔同嘅味道食到呢度已經差唔多飽晒，但一開始怕唔夠飽叫多咗個原條鰻魚飯上枱時完全嚇親因為真係勁大條鰻魚，長過男朋友隻手掌✋又厚肉又冇骨，食落去啖啖肉連埋燒汁送飯一流真係好正鍾意食鰻魚嘅一定要叫呢個飯最後想多個菠蘿消下濟酸酸甜甜咁然後捧住個肚走人雖然價錢都唔平，但的確係幾好味嘅居酒屋

兩人逛到石板街，被紅紅燈籠吸引住，原來是一間居酒屋。通常去居酒居，多數會選擇坐吧檯位，因為可以睇下廚師點樣整嘢食，又可以同佢哋吹下水。廚師推薦我哋食十層海膽杯，是這裡的招牌菜式之一。單看賣相已是無得輸，選材高級，一杯內竟有3層紫海膽，入口充滿濃郁海膽味。之後，我哋仲點咗幾款其他招牌菜。【牛油果帆立貝洋風海膽沙律】份量適中，牛油果和帆立貝的味道比較清新，沙律菜有點爽脆感，與海膽一起食，味道便濃郁起來。【特色海膽火焰卷】其中一個特色是店員會在碟子上點起火來，把酒精香氣揮發出來，此舉絕對時活色生香。壽司上還有很多海膽和蟹籽，蟹籽口感卜卜脆，好好食。【清酒鮑魚雞翼】這個雞翼係已去骨的，所以食起來是啖啖肉。另一個特色是，有一隻原隻鮑魚釀在裡面，肉質好爽，已且鮮味。【芝士年糕】熱辣辣的，外皮有少少脆，內裡是軟腍腍的，食落煙煙韌韌，芝士味又濃郁，又係好好味的。【原條蒲燒鰻魚飯】鰻魚很大條，肥味無比，燒得香，入口立即化開。蒲燒汁甜了少，配合溫泉蛋撈飯吃，味道便剛剛好。【糖燒菠蘿】最後是吃糖燒菠蘿做飯甜品。菠蘿非常鮮甜，外層有點焦糖效果，脆脆地，非常甜美。

復活節長假前再訪S2 Kitchen 🇯🇵, 穿過石板街琳琅滿目既商舖，係橫邊搵到掛住日式燈籠既店面，係日光下，門口瑟縮係內街，帶住昏暗神秘，當日唔係飲食平台既高評語，相信都較難搵到佢🙄無訂位Walk in, 係窄長既bar枱下方中的被安排靠牆既位置😑 小店大約20個位，係中環開舖，大概都要將位置排到密不插針🤔舖頭用一大塊發泡膠版黎做menu📜 但係室內昏暗燈光下🕯️橫街又採唔到陽光🌞 仲有啲日式丼個個都咁似，揀得有啲辛苦😨揀咗北海道油甘魚日式爆丼🍚 每個餐都跟個麵豉湯🍵沙律，同一包果汁🥤 麵豉湯乏味，作為暖湯開胃都還好，而加多包果汁真係有啲唔明做乜🤔丼上枱係非常吸睛👀 大大一碗成堆魚生同配枓堆砌得整整齊齊😍 影相一流📸 不過昏暗位要影相，真係考驗手機😜 滿滿既一兜飯，先將Wasabi 混好豉油，再小心咁平均散落係飯面🍚，等佢係魚生中間貫穿到飯面到碗底😘 魚生飯，要溝得好係非常緊要溝好後，要小心撥開一個窿先可以筆到飯食🤓 不過今日既飯有少少唔屬於豉油既咸味，唔知係咪店家加咗鹽去保存魚生🤔 （利伸，上次黎係正常） 而且今日既魚生切得有啲求其，三文魚🐟切到方糖咁大粒，油甘魚🐠厚度個人略嫌厚

今日放工約咗同事落蘭桂坊飲嘢咁當然要搵個地方食飯先啦～呢間位於蘭桂坊附近嘅日本餐廳舖面唔算大，但頗有日式居酒屋嘅感覺呢度有一個好出名嘅「十層海膽杯 $398」賣相完全被震撼到了！材料有：海膽，魚子醬，海葡萄，蟹肉，三文魚子，吞拿魚，海帶一層一層咁食又得，2－3款一齊食又得海膽非常鮮甜，無腥味，同每款材料都好夾此外最鐘意就係個吞拿魚，好肥美真係極上大滿足！「三文魚夾餅創作壽司 $68」左右兩旁夾住嘅係鱈魚乾簡單形容係脆，香，薄同埋三文魚一齊食口感好豐富好好味之餘又幾特別「芝士年糕 $48」非常治癒嘅外表，包住流心嘅芝士漿仲要熱辣辣！我哋一人再encore多一個！「清酒鮑魚雞翼 $156」就咁睇真係未必知佢到底係咩嚟哈哈一咬落去，就見到原隻鮑魚包咗喺舊雞入面！雞皮燒到微鹹，鮑魚帶清酒味，煮得好腍個人覺得好好食！非常推薦大家一試！「雲海板上飄 $318」好靚嘅名，而賣相亦相當不錯，真係好似係海上飄一樣其實佢係黑松露海膽蒟蒻冷面～由於個面係蒟蒻，所以質感係少少un un地，撈埋黑松露同海膽一齊食即刻心心眼！坊間好似未見過呢個面，幾有趣！「海膽雪糕 $68」連雪糕都唔放過！係用海膽製成！混合北海

友人生日，因為她是海膽fans, 我的是外行，所以睇OpenRice介紹 選好了這一間。位置算方便，位於石板街但招牌不明顯，要搵一搵。說到食物，我對海膽沒研究，但友人說還可以一早預留生日蛋糕可以自己寫字，都幾得意酒類選擇少，有啲失望食咗幾款食物，但絕對無好飽的感覺埋單發現每個人人均超過500食物質素不差但也沒有令人驚喜到值這價錢加上座位迫，坐得唔舒服500極度不值得我會寧願畀貴啲fine dining 或者畀少啲食得好味啲應該無下次

這次來到中環石板街的S2 kitchen，門面有點小，差點錯便過了。餐廳走居酒屋風格，環境不大，裝潢簡潔。雖然賣日本菜，但餐廳內有不少香港景色畫作，甚有親切感。我們坐在吧枱位置，可以看著廚師巧手製作。餐廰採用即棄木筷子套配上可清洗筷子，更衞生。 十層海膽杯 $398先來一客鎮店招牌海膽杯，每日限量供應，每杯用三分一至半底海膽製成，足足有三層，誠意十足。十層分別為燒白飯魚脆片、黑魚子、北海道紫海膽、沖繩海葡萄、藍鰭拖羅蓉、三文魚子、白蝦、松葉蟹肉及鮮海帶碎，足足有三層海膽，一次過吃盡各味海鮮！海膽鮮甜，白蝦刺身嫩滑，三文魚子鹹香，有白飯魚脆片增加口感，海帶碎則略韌；高身杯子有點窄，食用時要小心一點。 牛油果帆立貝洋風海膽沙律 Avocado & Maki Scallop & Sea Urchin Salad $168第二道海膽菜式，同樣鮮甜幼滑，另一小驚喜是頗多帆立貝刺身，粒粒鮮嫩爽滑。牛油果粒清新健康，軟滑口感跟海膽蠻配，惟部份牛油果這不夠熟，醬汁亦略鹹。S2特色海膽火焰卷 S2 Special Urchin Roll in Flame $148上菜時會點火，不過幾秒後便熄了，純粹呃l

今日要去中環處理私人事務，經過石板街呢邊，見到S2 Kitchen，咦！咪上次我係佐敦偉晴街果間？原來係另一間分店喎，我同佢真係有緣份，尤其是上次試過嗰個海膽杯，真係一試難忘😍而喺中環呢邊嘅店舖，面積不算大，但係感覺就更加似日本地道的居酒屋🏮，尤其是坐落喺石板街呢邊，特別有feel👍🏻雖然已經成九點鐘，但客人亦唔少，氣氛燈光好好，特別令人有放鬆的感覺，正好讓我可以食下野Relax一下🤗當然第一樣馬上要試嘅就係佢地既十層海膽杯啦$398，最上面嘅係燒白飯魚脆片，黑魚子、三層北海道紫海膽、沖繩海葡萄、藍鮨吞拿魚蓉、三文魚籽、白蝦，仲有松業蟹肉、鮮海帶碎，全部係最頂級的食材，慢慢食慢慢嘆，真係至高享受，不同層次不同享受，盡在不言中，食個你就知👍🏻👍🏻👍🏻S2特色海膽火焰卷＄148，六件鋪滿海膽嘅卷物，放在四方形的碟上，店員在你面前燃點火焰，溫熱着上面的海膽卷，無論賣相和氣氛都把我們推至高峰，十分欣賞這別具一格的菜色，正！兩款小食，青蘋果蟹籽沙律$88，還有芝士年糕$48，特別是青蘋果切絲入口爽甜清香，還有豐富的蟹籽伴隨，非常匹配的組合；芝士年糕，熱辣辣，裹面軟棉棉香噴噴的芝士，美味極了👍🏻海

There is a small Japanese place in the corner of Pottinger Street. I had an Omakase dinner themed sea urchin. The dishes were exquisite.Layered urchin cup $398 The top recommendation from the place which is impressive with the unami taste.Avocado, maki scallop, sea urchin salad $168Well balanced with the generosity of sashimi.Cheese rice cake $48An outstanding one with the half melting cheese.S2 special urchin roll in flame $148The fifth recommendation from the place. Great entertainment apart f

S2 Kitchen最初以十層海膽杯打響名堂，但小店卻沒有因此而滿足，最近再次光臨，發現S2已經發展了一系列的海膽菜式，由小吃、主菜到甜品都加入了海膽，海膽迷絕不能錯過。＊＊＊＊＊＊＊＊＊＊＊＊＊＊S2入口在石板街排檔後面，所以如不仔細找，很容易走漏眼。店內地方不大，所以座位都較擠迫。十層海膽杯($398)十層海膽杯除了主角海膽，還有海葡萄、黑魚子、三文魚籽、吞拿魚蓉、松葉蟹肉和海帶，一次過滿足多個願望。海膽鮮甜，三文魚籽鹹鮮味十足，吞拿魚蓉嫩滑，口感非常豐富！海膽燒岩蠔($98/隻)燒上蠔上放滿海膽和蟹籽，海膽冷石蠔熱，一冷一熱很大衝擊。燒蠔上有厚厚的沙律醬，非常滋味。特色海膽火焰卷($148)侍應奉上海膽卷後會在食客面前點火，不過海膽其實不會接觸到火焰，純為視覺效果。海膽卷內除了海膽，還有蟹柳、玉子和蟹籽，米飯不會過腍仍帶點彈口，味道不錯。海膽雪糕海膽雪糕是小店自家製，牛奶味十分濃郁，但如果本身不是對奶味特別鐘情，就不建議點了。總結，海膽菜式創新又特別，其中我最喜愛特色海膽火焰卷，海膽控絕對不能錯過。