醒辰冰室 (東匯坊)

Open Now

Now Closed

今日諗住平安夜出去食飯，點知老公話今日去食好貴嫁，跟住話留下間冰室好似轉佐模式，家陣有扒食，價錢又ok，就落去望下餐牌！點知望望下就比個好搞笑既經理姐姐拉佐入去，話聖誕餐好抵食同有禮物收嫁！我地心諗食野有禮物收？伏？我地一家分別點佐三個聖誕餐 頭盤我地選擇佐龍蝦湯同唔記得叫咩蕃茄焗田螺，開頭以為係用蕃茄汁焗，點知黎到真係原隻蕃茄整，賣相同味道都好夾（搞笑經理真係即刻扲份禮物比我個女）個龍蝦湯又係好得我地坐埋位有位西裝叔叔就向我地介紹，我地既黑毛豬同肉眼都係用高級貨，火雞都係主廚自家燒絕不是外來買入，好抵食！咁有誠意我地就決定一試啦！試完後真係真心抵讚結論 無論係頭盤、湯、主菜同甜品，食物質素真係同出面食既西餐差唔多！我地一家人都無諗過會係冰室食到依個質素，今日真係好驚喜，我地真係食得好開心，希望你地可以keep住依個質素

這間位於鰂魚涌東匯坊的小店，環境乾淨企理，店員服務態度良好，晚市套餐選擇超多，價錢由$70起，已包括意大利菜湯或西班牙火腿蜜瓜沙律、主菜及餐飲，最重要是全日免收加一，絕對經濟實惠益街坊，性價比高，放工唔想煮飯，解決果腹之慾的好選擇。🌸西班牙火腿蜜瓜沙律西班牙火腿不會太咸，蜜瓜清甜，不錯的沙律前菜。🌸烤美國安格斯肉眼牛扒伴薯菜 選用美國安格斯頂級的肉眼位置，肉質不會韌，牛味濃郁，肉汁豐富。加$15 還有意大利提拉米蘇，店員稱是專程由意大利空運來的，絕對成本價，忌廉很滑，好抵食。

同朋友經過，估唔到可以預早食聖誕晚餐🎄聖誕精選套餐，包括有湯、前菜、主菜、甜品及飲品，平均價錢2百左右主菜～香煎蘇格蘭鮮三文魚併天使紅蝦三文魚🐟煎得金黃脆皮，食落香口肉汁豐富，配高級嘅天使紅蝦刺身🍤，蝦肉綿密、鮮嫩，蝦膏多而香濃。伴碟有綿滑薯蓉及🥦🥕美國頂級安格斯肉眼牛扒肉眼扒🥩好大件，外層散發肉香及迷迭草香，裡面色澤粉潤，扒肉軟嫩，保留肉汁，牛肉味仲好濃郁前菜～意式芝士焗澳洲帶子即叫即焗，帶子肉嫩鮮甜，芝士味突出，薯蓉幼滑芒果番茄沙沙除咗香甜芒果及爽脆番茄🍅，還有洋蔥、橄欖🫒等，很好的開胃菜海龍皇濃湯🍲熱騰騰🔥，非常濃稠嘅海鮮湯，加上蟹肉絲、蜆仔、芝士等，材料鮮味都十足意大利心太軟提拉米蘇甜品都好有驚喜🤩 心太軟即叫即做，裡面流心，朱古力幼滑濃郁，而Tiramisu 就帶點冰凍，一熱一凍，非常滋味

星期一晚沒有煮飯，和老公到家樓下的醒辰冰室吃晚飯。冰室全日免收加一，我們叫了兩個廚師精選晚餐。西班牙火腿蜜瓜沙律欣賞火腿不會很鹹，而且不會油滋滋的，配甜甜的哈密瓜，很好吃。蘇格蘭煙三文魚沙律加了$15，煙三文魚很肥美，沙律菜也新鮮。黑椒蒜茸燒春雞伴薯菜燒春雞皮薄又很脆，雞肉充滿肉汁，很嫩滑，非常好吃。薯菜是薯仔和薯蓉，薯蓉很綿滑。烤紐西蘭香草牛柳伴意粉牛柳肉質不會韌，很好咬，很軟熟，也相當不錯。意大利芝士餅加了$15要甜品，中間那層忌廉很滑，侍應說甜品都是由意大利進口的。心太軟切開有少許流心，巧克力味很香濃，熱熱地很甜蜜，很滿足。餐飲叫了熱巧克力和熱好立克。

上次試過焗豬 冇炒底 失望今次嗌三文魚帶子炒飯首先 飯唔夠乾身 炒到一舊舊最大問題係三色豆同生菜係多過三文魚同帶子三文魚仲要唔係新鮮 係醃三文魚 目測用咗半片帶子係尾指頭大細嗰種 夾埋可能有3 4粒失望透頂

由於是附近的住戶，當餐廳剛開業時已是常客。回想當年服務員的工作態度以及食物質素，便能感受到餐廳老板於餐廳所花的心思，給了我一個良好印象。近日疫情嚴重，為安全起見便打算在這間印象不錯的食店買外賣給身邊的好友分享。見中午天氣炎熱，便打算打電話落單。可惜致電了數次，餐廳的電話不知可故無人接聽，唯有親自到餐廳落單，同時亦繼續嘗試打電話。到埗後，餐廳雖有食客，卻只是潦潦可數，店員倒是人數不少，電話聲響不絶卻是無人接聽。因此，我便向店員甚至店負責人反映及了解此情況。店員及負責人均答不出個所以言來，有甚者更說「因為外賣自取所以要親身到餐廳落單」，而林姓負責人只是不斷地回覆着「會向公司反映、會‘慢慢’改善」這種官腔說話。真不知這種個人行為跟公司政策有何關連。坦白說，是次經歷令我感到這間餐廳的整體表現大不如前，深感失望。不論服務員還是負責人的待客態度稱不上專業，更是答非所問。開初還覺得如此有熱誠的餐廳在香港買少見少，會對這餐廳有些期望。現在，但願餐廳真正的負責人或仍有熱誠做好餐廳的高級管理層會看到這編意見書，並重視及改善這情況。祝各讀者身體健康。

成間餐廳既運作十分混亂，首先係想叫個什扒飯，由於menu無寫清楚,所以問落單職員，有啲咩扒，同埋跟黑椒汁定蒜蓉汁，結果職員都唔清楚要入廚房問。然後係冇飲品menu，朋友隨意叫左凍檸啡，落單既職員都幫手落左，但一段時間之後，另一位職員上前話餐廳menu無凍檸啡，叫我哋嗌過第二樣，神奇既係下一秒杯凍檸啡就上。最後係漏單，兩個朋友已經食晒，仲有一個叫咗乾炒牛河嘅就等極都未上到，反而另一枱遲過我哋坐低嘅都已經食緊，心諗佢都應該係漏咗單，由於啲嘢食都係普普通通，諗住同職員講cut單，結果都估到係唔俾cut，話廚房炒緊。總結:職員對餐廳serve既食物飲品零概念，溝通不足，食物質素普通，仲要收加一😀。

初初見到openrice評論好似好差咁就想撞膽試下但其實認真無評論講得咁誇張，味道係認真好味，裡面全部都係年紀輕輕嘅靚妹，其實無食評講得咁差，我本身想自己去浸水，點知佢行埋過來幫我浸，服務態度都好好啊👍🏻份量都唔算少，起碼食得飽仲有剩，我特別鍾意佢地度嘅下午茶經典熱狗🌭️中間條腸卜卜脆仲爆汁真係好正！紅豆冰都好正真係好正宗😍我希望佢地越做越好啦，入面嘅野食真係好食，服務態度都唔差啊，大家不妨去試下啊

晨早諗住黎食個靚靚早餐，從點餐一刻已發現啲侍應態度麻麻，好似機械人咁，叫佢地攞野又好，追單又好，成個過程佢都唔會出聲應你，負負氣氣咁，好似講多句都嘥氣。啲食物又唔掂，碗出前一丁未煮熟，咬落去啲麵生㗎硬㗎，同職員講佢竟然話你下次落單講明呀嗎，喂大姐，你而家係未煮熟喎，咁我如果叫碟飯使唔使提下你啲飯要煮熟先，跟住杯咖啡又完全冇咖啡味，質素有啲似我自己沖三合一咖啡然後放係個保暖壼好耐再攞番出黎咁。呢間嘢初初開係有驚喜的，無論食物質素或賣相都有新意，而家就真係事事求求其其，你睇張枱就知，咩鬼都冇，調味冇，餐具冇，牙簽都冇支，真係唔知佢想點，總之冇下次。補充：我並唔係鍾意隨便批評人地㗎人，話哂人地都係做生意，冇理由唱衰人地，但對個啲完全冇heart但又想賺你錢㗎舖頭，真係忍唔住要寫番啲食評。

今日黎食tea，全舖得兩三枱客，勁冷清。哩間野剛開業嘅時候唔錯，價錢唔平，但食物勝在有質素，尤其係炸魚著條，之後整整下愈黎愈細碟。Anyway, 今日叫左XO醬豬扒炒公仔麵and凍奶茶。首先講個XO醬炒公仔麵，份量係細嘅，可能因為係tea set，但真係冇鑊氣，似用煎pan炒，而且落得唔夠XO醬，味道偏淡，不過就唔油唔咸囉，至於個豬扒就真係大件事，又薄又梅，似冇乜醃過嘅肉片咁。凍奶茶就大杯嘅，不過不嬲佢嘅水吧唔係好掂，杯奶茶冇茶味，一味得個甜字。最後埋單$62，真心希望佢做返好D，因為佢都曾經有D我覺得好食嘅野⋯

真心，唔想大家唔開心。經過大家樂，勁多人，又打風，有所以去咗呢間冰室。以前都有去過一次，覺得都正正常常，點知今次差咗一百倍。叫咗一個T set乾炒牛河，一上枱覺得份量好少，冇所謂，因為都唔食得多，滿心期待好味就可以，點知完全冇鑊氣，牛肉又好少。再叫咗個日式咖喱豬扒飯，因為打算唔煮晚餐了，又點知，個豬扒好似柴皮咁，真係勁硬🫠。我自己買急凍豬扒煮，都會解凍下，先至去煮，真係冇可能咁硬，都唔知係雪咗好耐，定係放咗好耐，心情低落度都唔係好想去研究點解佢可以咁硬。既然叫咗，就打算食啲，叫做唔好浪費自己金錢，食到一半，有一個極之青春嘅侍應行過，真係行過，完全冇話要收我地嘅碟，或者要整理我張枱嘅意思，突然伸出隻手，就拎走咗我食到一半嘅咖喱豬扒飯，我哋當然立即叫住佢（份量已經少，又唔好食，但求食完當晚餐，今晚煮少一餐)，佢冇反應，繼續行多兩步，我哋就再大聲啲叫多兩句，未食完，佢繼續目不斜視地沒有正視我哋，好勉強地轉返身，放返低隻碟。我明白而家啲年青人，唔可以被責怪，所以佢要扮聽唔到，直行直過，但係真係未食完，食到一半，可唔可以用常理去工作仲可以加一🫠🫠🫠🫠🫠🫠

🇭🇰新派茶餐廳 🍳醒辰常餐 $51+10%🐮沙爹牛肉+仿鮑片米粉沙爹牛個味道好奇怪😰而且牛肉無曬肉既texture…唔推薦💔大家可以揀其他配搭🥐炒蛋 配 扒千層多士炒蛋好綿滑，有蛋香味😋唔知佢用左咩品種既蛋呢，蛋黃比一般既深色💁🏼‍♀️千層多士好好好好味🤤烘到微暖，外面鬆脆，牛油味好香💕☕️ 牛奶咖啡估唔到跟餐既飲品都有Latte揀，而且絕對唔馬虎，仲有拉花添，好有誠意🤩

早上人已經唔算多算清閒，冇爆位，幾個舉手想嗌野，某位樓面員工眼神對望以為見到啦，竟然係冇理會，之後繼續舉手再嗌另一位過來落單，行過來寫野，從語氣中聽到好似疑似輕挑又帶點串，算數啦反正都唔會點再幫襯就係，D野飲係幾好既，早餐質素尚可。

行完小馬山又口渴又肚餓，落返鰂魚涌見到呢間茶餐廳即刻衝入去點咗一個肉絲炒麵同埋雞翼薯條☺️唔知係咪太肚餓呢見到個脆卜卜嘅肉絲炒麵同炸雞翼又唔太差喎，如果路過食個速食餐飲都可以考慮一下🙂

早餐叫了個雙拼米粉，炒蛋多士，奶茶仿鮑魚有酸味，我通知職員和說不用換其他食物，職員一句不好意思也沒有。沙爹牛肉有藥膳味，味道怪怪的。炒蛋凍的。奶茶唔得，不值一提。自己沖Lipxon 都好過佢。我手提了一部買餸戰車，職員叫我放卡位入面，跟本就放不下，之後職員面色有點難看，完全沒有主動安排其他位置放這部車。收$42蚊。不會再去。