三家村水產 (Closed)

期待已久終於可以黎三家村食，但佢與我期望有反差。今日公眾假期，但好多野佢地都話無，佢招牌菜一夜平無，柚子一字骨雞翼無，連魷魚鬚都無，都叫人頗為失望。平心而論，食物質素不俗，芥辣八爪魚芥辣味則剛剛好，唔會太辣，咬落口每一啖都係八爪魚。其他壽司油甘魚，帶子等等 質數中規中矩。串燒方面，牛舌有d 老，要有較大牙力先可以咬碎。串燒菠蘿好甜，加埋玉桂粉，將菠蘿甜味升華，而且佢唔燒得乾，菠蘿汁仲保持到，係唔錯嘅。仲有佢嘅燒伊比利黑毛豬，真心正，脂肪同肉比例洽當，咬落去層次分明，可以再encore!另外叫左一道鹽燒喜之次，確實魚係好鮮甜，但佢製造時落左好多鹽，變相有時食果陣會沾到大部份鹽，變左過咸。侍應禮貌同服務態度好好，整個晚餐一班朋友都食得好開心。望住港島夜境同食住店員送嘅甜品，特別寫意！最後，仲要玩夾蛋遊戲中左大獎！為整餐畫上完美句號。希望下次黎果陣可以有番多d 野食。

呢個係之前朋友帶黎，望住海個加悠閑日式嘅氣氛係好適合嘅聚會地方，啲嘢食都唔錯，啲蠔好新鮮、牛舌夠厚身、炸雞軟骨同串燒都好惹味，櫻花蝦豆腐少啲見我幾中意，仲有個海膽飯都炒得好香😋總評🔮食完可再食

小女子上星期六又去左三家村食飯，今次試左個海鮮餐，九種海鮮十種煮法，聽已經覺得好吸引，所以決定一試，一上枱個氣勢已經不得了，嚇一嚇添。呢個餐貝殼類比較多，主角係龍蝦，成個餐我覺得最出色嘅係黃金波士頓，真係有驚喜，除左龍蝦係用咸蛋整之外，旁邊嘅脆脆原來係用餃子皮炸嘅，真係估佢唔倒，初時重以為係春卷皮。其中一個菜式係用龍蝦頭煲粥，攞呢啲脆脆送粥一流。每樣海鮮都非常新鮮，龍蝦粥鮮味突出，兩個人食到最後個粥已經好飽，不過都點多一客燒菠蘿（當甜品）作為完美嘅句號。

食物一般，環境一般，服務一般，就只是籍着屹立在鯉魚門這地方，作一個天價的收費！海鮮存量不多，我們七點多到達連一份四人餐也提供不到！香港食店因市況步入寒冬期，海鮮店只懂磨利張刀去擋食客， 而不把心機放在把食物質素提高，結果只有結業！

Always thought this area is about the traditional Chinese seafood, was brought to this interesting Japanese seafood Resturant for dinner. They have a room for our group of seven, comfy seating and good privacy. Starters - grilled fish jerky, tempura egg, salty egg York deep fried Sakura prawns (recommend this - it’s very good if u drink sake) Tried their seafood platter which portion is huge and is definitely enough to feed 5/6... Love the lobster sashimi (very fresh with hint of sweetness) in

懷舊碼頭⛵️看海景「生日飯」 三家村水產今日係 #肥仔生日大快樂🎂 身體健康！長搵長有！心想事成❤️小公主🏊🏼‍♀️後，便去鯉魚門，數數手指已經有10年沒有過來，目的是試下最近 #爆紅 OMAKASE🍱🍶 的小店，門外裝潢十分懷舊，正正在碼頭旁，門口更有🦀，門口可（偷雞）泊車或到附近🅿️店內是日式裝修，非常企理，#我們這一家 正坐在窗房，對著鯉魚門海景，中日fusion，懷舊渡輪⛴️😍😍店員個個都十分有禮，帶我地到海鮮🦞魚缸有日本直送/生猛海鮮🦐🐡🐟 我地揀咗小公主最愛 #青鯛魚刺身 、#三文魚🍣、#金槍魚、#帆立貝、#半板海膽，味道都👌🏼#北海道真蠔刺身配柚子醬 食之前，店員話真蠔配 #柚子醬 單食不用Dip其他sauce,唔會太酸，入口好清新，幾特別😍#鵝肝牛油果卷🥑 🍣 就咁食都夠哂味👍🏽👍🏽#燒牛舌+ #雞胸軟骨🍢燒牛舌夠腍滑、juicy ,就咁食都夠哂味，濃味人最愛。反而後者就normal la..#燒菠蘿🍍 切得夠厚，甜甜酸酸，唔會死甜👍🏽#天婦羅拼盤🍠🍤🎃 南瓜、番薯、栗米仔、秋葵、3隻🦐 略嫌多粉咗少少#蟹肉蟹籽沙律🥗 呢個就略微遜，好快出哂水Overall 喜歡吃海鮮🦞🦑🐡或

好朋友生日，上網看到有人介紹食海鮮。如果搭的士來，緊記保留的士單據，結帳時可以claim回，上限$100。我們四個人，點了一個豪華海鮮四人餐，他們會用不同的方法烹調不同的海鮮。一開始，店員會搬一盤將會為我們烹調的海鮮出來，給我們拍照留念，海鮮十分新鮮。率先有生蠔，醬汁酸甜，帶出生蠔鮮味。其後有象拔蚌刺身，口感爽甜彈牙。味增煮蜆，有點略嫌偏鹹。清酒煮蜆，湯底清甜，帶出蜆味鮮甜，美味。黑松露雜菌炒鮑魚，黑松露香味十分重，鮑魚味被蓋過，仔細吃才留意鮑魚不是鮑魚菇。龍蝦刺身，我們轉為煮龍蝦。燒龍蝦肉身有點乾，但龍蝦味道好吃。黃金龍蝦，外鹹蛋黃味十分香口，齒甲留香。

從來以為鯉魚門只有傳統中式海鮮酒家。我很喜歡吃海鮮，老公帶我來鯉魚門慶祝生日，到達之前以為去海鮮酒家慶祝 到達方知道是一間日本料理餐廳，餐廳內的裝潢中日合壁，有海景，好正！餐廳設有海鮮缸, 侍應生帶我們前往選擇。有很多種貝類海鮮、還有蝦、龍蝦！我們選了鮑魚、蜆、螺、蠔。有不同的烹煮方法供選擇。除了螺有少許苦澀味，其他都超新鮮好吃！另外，我們也點了有9款刺身的刺身船，包括拖羅等等多款鮮魚刺身、大蝦、鮑魚、帆立貝和海膽！好新鮮！好喜歡！最後再點了海膽炒飯和一夜干。侍應生講解了為什麼這種魚的做法叫做「一夜干」，長知識了！第一次吃一夜干，估不到咁好味，下次定必再吃！海膽炒飯的海膽量多，飯炒得乾爽，大讚！因搭的士前往餐廳，的士收據可用作抵消餐費，抵消金額上限為$100。我們帶了生日蛋糕，沒有切餅費。

米飯班主帶我去鯉魚門食生日飯。店內環境舒適，倚窗位置還有渡頭海境，洗手間亦非常乾淨企理。海鮮們鮮甜得很，身為海鮮控係絕對會翻兜的餐廳！窩心的店家會將未烹調的海鮮盤原盤直出俾食客鑒賞/拍照打卡。唔講甘多，以相為憑吧！除了海鮮套餐外，我們還加點了吉列豚肉扒和壽司卷，一樣甘出色👍🏻最後加叫了甜品！菠蘿雪葩！正～題外話，當日我們持前往之的士收據，最後結賬有$100折扣。不過，如果大家有興趣因爲甘而搭的士前往，最好預約時問清楚店家是否仍有此優惠。

今日男朋友生日，早一星期已經whatsapp book定位，個個朋友去完都讚，所以就試下啦。地點較唔方便，近鯉魚門碼頭。 我哋就自己揸車去，餐廳有個優惠，可以claim番的士錢或者泊車錢。叫左個九點二切刺身有油甘魚，蝦，拖羅，鯛魚，鮑魚，海膽帶子...好新鮮。想叫個馬友一夜干，點知已經賣晒。就叫咗個燒海膽蠔。味道一般。蠔燒到有少少硬。叫咗個海膽黑松露櫻花蝦炒飯。好香，而且唔油膩，好足料。食完臨走前先發現，侍應比少咗張餐牌我，果張餐牌係有其他套餐。不過我地已經好飽，有機會可以再嚟試吓其他海鮮。

為了慶祝生日，與一班朋友到鯉魚門吃海鮮。但今次我們沒有選擇中式海鮮，反而選擇了日式風味的海鮮餐。這個月份餐廳做了一個二人海鮮和四人海鮮餐的優惠，我們選擇了一份4人海鮮龍蝦餐，內含兩隻龍蝦及一些時令海鮮。首先店員會把所有海鮮放出來供大家拍照，證明海鮮非常新鮮，拍照時龍蝦還會動。拍照後，店員會把海鮮盤拿進廚房開始烹調。首先，生蠔配上其醬汁酸酸甜甜十分鮮味。然後就有刺身象拔蚌，肉質彈牙，而且份量也足夠，新鮮。黑松露雜菌炒鮑魚，黑松露配上雜菌非常好味，鮑魚的份量也很多，但黑松露未突出，有點搶了鮑魚的鮮味。然後有清酒煮蜆，味增湯焗蜆，新鮮度貝刺身，清蒸貴妃蚌。前三道菜感覺一般都是貝殼類，唯獨貴妃蚌留下深刻的印象，非常彈牙鮮味，好好味。終於到海鮮拼盤的重頭戲，原本是龍蝦刺身但因為朋友對龍蝦刺身敏感，改為燒龍蝦，而另外一隻則是黃金龍蝦。燒龍蝦燒得有點兒乾，但整體來說味道不錯。而黃金龍蝦非常推介，外面的黃金即鹹蛋黃十分惹味，好香，配上龍蝦肉100分。不過如果龍蝦大隻一點，肉多一點會更好。另外一提的是如果搭的士去鯉魚門記得拎另外一提的是如果搭的士去鯉魚門記得拎發票，結帳時可減去的士費用，上限$100。

生日飯老公懶驚喜咁帶我去三家村他知我鍾意食海鮮🦞所以特登帶我食呢間！ 我老公話佢係早兩三個月已經book咗位！ 嗰度都幾偏僻下所以我哋揸車入去。不過林入門口之前有少少意外，老公喺門口整跌咗個生日蛋糕🎂🤦🏻‍♀️🤦🏻‍♀️🤦🏻‍♀️我嬲到真係想喊！ 所以黑口黑面咁入咗去！ 侍應都好好人搵個偏僻嘅位置俾我哋！ 其實入邊係得10幾張枱！ 全部都係有人訂了，今日早左揸車，所以入到去仲可以見到日落，嗰度個景真係好靚，佢係一個全玻璃海景！ 情侶睇日落影相一流！ 到主菜啦我老公好豪爽咁叫了原隻燒龍蝦俾我食！ 龍蝦又大又juicy！是超級新鮮！ 嗰隻龍蝦係我老公親自揀嘅！ 然後又叫咗燒扇貝啦同埋帶咗一啲魚生刺身！ 全部都好新鮮！ 貴係貴得有價值！ 我仲推介左身邊啲朋友慶祝佢哋屋企人生日可以食！ 全部朋友都好評！ 最近見到有網紅推介呢一間，我都有D驚下年食唔到他呢度的飲品好飲又好美，打卡一流！

生日同朋友黎慶生，已經早咗好多book，但係都book唔到窗口位，去之前已經覺得呢間餐廳一定好受歡迎。坐低個環境係舒服既，而且就係海邊，食到悶悶地望下個海個人都開心d。今次叫咗條馬友一夜干，燒肉拼盤，海鮮同一d小食。全部食物都好新鮮，極力推介一夜干，燒到啱啱好，全條魚都好脆，但又唔會燶，而且佢個調味唔會濃，有魚既鮮味，令人越食越想食。貴妃蚌落咗d清酒一齊燒，帶出咗海鮮既鮮甜味出黎，可以話食到大海既味道都唔誇張，下次會再翻去試下。

平日去鯉魚門多數都係食海鮮，估唔到都有間幾好嘅日本餐廳，今日我哋就過嚟試吓🍴餐廳喺近碼頭嗰邊個角落位，離海鮮街都有啲遠。不過泊車就方便好多。入面啲枱都好闊落，窗邊仲有海景位，不過因為我哋冇訂枱，所以就冇安排到海景位。有個海鮮檔位，可以自選啲新鮮嘅海產做刺身或者炭燒海鮮檔嗰邊我哋叫咗象拔蚌刺身、清酒煮三色貝、燒榮螺～全部都好新鮮生猛仲好甜～份量偏少燒銀雪魚乾~必食推介～香脆嘢味～唔會太乾～份量唔少都幾抵食黑松露櫻花蝦海膽炒飯～海膽鮮甜～飯炒得好好，每一粒飯都好入味總括嚟講，餐廳嘅海產係非常新鮮，雖然有少少貴但係都值得嘅！因為偏僻，唔使等位亦都冇乜人。

可以一邊觀賞海景一邊用餐很寫意餐廳在鯉魚門的三家村是比較偏僻的地點要特意搭小巴才能到達一進到餐廳內便看到一個大魚缸裡面有不同的新鮮水產店員會仔細為你逐一介紹由於這是餐廳最賺錢的地方因此經理推銷得非常落力詳盡這次我們點選了濱燒貴妃蚌和帶子刺身點完後便回到座位繼續看餐牌在餐牌內看到刺身盛合非常吸引豐富因此便點選了一份盛合內的刺身很不錯不少都是比較貴價的食材其中最出色的可說是拖羅，入口即溶另外牡丹蝦也是非常彈牙新鮮吃完刺身後店員還會幫你把蝦頭炸熟這個脆炸蝦頭才是牡丹蝦的靈魂所在非常香脆可口濱燒貴妃蚌肉厚鮮味是我們每一次也會點的商品絕對是我吃過的濱燒海鮮中最出色之一其餘的串燒很在水準之上沒有一款讓人失望整體來說水準很好是一定會再光顧的餐廳但由於價錢屬於比較貴價而且地點不方便因此相信比較適合慶祝生日等場合不會是經常光顧的餐廳