千上日本料理 (Closed)

「千上日本料理」位處尖沙咀香港粵海酒店一樓。貴為酒店餐廳的一員，餐廳地方整潔，裝潢平實。在店中的左右兩邊，分別設有數間廂房，私隱度高。 與友閒聚，二話不說先來支啤酒風花雪月。「雪花臉譜啤酒」屬是日推廣，買三送一，口味淡香少泡。「枝豆」是健康的佐酒小吃，輕灑食鹽提味，鹹中帶甜。 「蟹籽沙律」的蟹籽及蟹柳絲份量不少，能豐富了菜蔬沙律的味道。壽司三款六件，賣相未予驚喜。三款壽司比較，以清甜的「甜蝦壽司」稍勝一籌。「三文魚籽壽司」天然口味略鹹，一向不為小編所好。 「天盛」一客近十件天婦羅，款式豐富。雖然天婦羅的炸漿外層稍厚，但無阻其香脆口感的發揮。主角海老天婦羅用料佳，能透出海老的鮮味。「燒牛肋骨」是店員的推介，二人品評份量十足。近骨肉肉味濃，口感富嚼勁。建議燒煮時間可縮短一點以增加肉汁，另放輕醬汁的調味。 飯餐最後以店家送上的「朱古力雪糕」作結。整體而言，「千上日本料理」以中階日本料理定位，性價比合理，可以試試。

今日朋友豪氣說請客，來到這間日本料理，門面看起來不錯，小期待。今晚吃什麼全由朋友拍板，吃罷這餐總算見識到原來點菜都有一番學問！看看我們在日本餐廳吃什麼就知道😅朋友點的:- 枝豆 $48 蟹籽沙津 $68鼓油炒飯 $78油炸野生河蝦 $48 三文魚 $68 北寄貝$58 甜蝦 $68 刺身 燒魷魚筒 $68枝豆 $48 先來個小前菜，日本餐廳常吃的枝豆，邊聊邊吃，適合下酒的枝豆。蟹籽沙津 $68另一碟小前菜沙津，大量蟹籽大量青瓜絲的一碗沙律，味道還好。炸野生河蝦 $48 又一碟小菜，脆卜卜很好下酒，不過不太像在日本餐廳裡吃到的。鼓油炒飯 $78朋友怕餓竟然點了一碟炒飯？！對，在日本餐廳點炒飯？好吃是好吃，不過太不像在日本餐廳吃的。三文魚 $68 北寄貝$58 甜蝦 $68 刺身 終於來一碟日本餐廳裡應吃的 — 魚生！四片三文魚加四塊北寄貝加四隻甜蝦刺身，看起來就很吸引！每件刺身都大大塊。燒魷魚筒 $68這碟燒魷魚味道濃郁，肉身軟腍，不錯這間餐廳頗闊偌，一大班人來吃也絕對夠位！不過今天我們點了好幾樣不太像在日本餐廳裡吃的菜 點了枝雪花啤酒來試試，少少苦澀味不難入口。

尖沙咀的餐廳總是滿場，星期五六日會更加繁忙。唔想等位嘅話，可以考慮下去酒店嘅餐廳，環境不會迫夾。粵海酒店乘電梯上一層，就會見到裝修雅緻嘅千上，果然唔洗等位。黎酒店餐廳食嘢就預咗要俾貴少少，買個環境同埋氣氛丫嘛。餐廳會先上兩碟前菜，係螺肉同埋中華沙律，幾好味。蟹籽沙律 $68青瓜爽口，蟹籽和蟹柳的份量都幾多，唔錯。三文魚刺身 $68甜蝦刺身 $68北寄貝刺身 $58三文魚不算肥美，而且$68仲要得4片。甜蝦係唔錯嘅，甜甜的，啲肉唔會梅。北寄貝有驚喜，係四隻完整的北寄貝，而唔係平時見到嘅一開二，肉質仲幾爽甜添！不過其中一隻有少少沙。雪花面譜啤酒日本餐廳做promote的中國啤酒，同海鮮類唔係好夾，攪到個口多咗浸腥味，唔識欣賞。鐵板山賊雞肉 $88黑椒雞肉幾惹味，底下的洋蔥充滿牛油香。醬油炒飯 $78醬油的鹹味很突出，金菇很爽口，不過炒得有啲過火，有浸燶味，可惜。

寫食評真係要誠實（打手另計），今日又一杰作，伏到係地底叫左個2人餐（心諗呢個餐最多人讚），$588，但係食物質素呢？我情願去爭先.....1.蟹子沙津—一般迴轉壽司貨2.刺身—百佳買既好過佢，連三文魚都冇味既3.怪味蟹肉壽司4大粒—佢一定係怕太難食食唔哂4. Tempura—人地有廣島蠔架，是日精選冇味炸蝦5. 燒物：蕃薯入面爛既、牛舌係咬唔開既，同擦子膠冇分別、辣椒仔苦既6.羊架—唯一正常既野，但冇羊味，唔中意so味岩哂你7. 烏冬—介紹返，街市$30包有6舊，你煮應該好過佢8.雪糕—硬到用牙籤食我真係唔明62個好係點拎返黎，恕我真係孤陋寡聞，唔識欣賞。以為好似食評話可以靜靜地，最後淪為私竇，食煙煙味吹哂出黎，3x人係米開P,嘈到講唔到野。要食野請大家三思

好耐之前曾經同男朋友講過，我地每個月13號都要同對方講句第XX個月快樂！大家要好好記住對方陪住對方行過幾多嘅年月。今日剛好係我地嘅記念日，於是就簡左間比較有情調D嘅地方去好好慶祝。千上位於尖沙咀粵海酒店1樓，一出電梯左右就係。門面採用傳統嘅木製裝潢，「千上」呢2個簡簡單單地掛係進出口，份外有日式傳統嘅感覺。進入門口嘅右邊置左個門製酒櫃，一枝枝日式酒整整齊齊地陳列係櫃上，予人感覺一陣淡雅的感覺。環觀餐廳其實沒有甚麼豪華的裝潢及擺設，但一椅一桌，間隔同小吊燈等等，不難看出店家的用心及講究，環境寬敞寬舒割靜，不單能帶出日式傳統裝潢的利落、整齊及淡雅感，亦恰好可以俾我地呢對情侶好好談談心的環境。安頓後好，同男朋友商量後決定要一個2人餐($588)，有蟹籽沙律、刺身三品、特色卷物、天盛、紐西蘭羊鞍、串燒(4款)、湯稻庭、甜品同汽水或啤酒，感覺非常豐富。我地仲叫左枝豆($48)同炸河蝦($48)邊食邊等。枝豆可坊間的做法有點不一樣，先是用熱水煮熟後，再灑上少許鹽巴，簡單但僅能不經易提出枝豆這食材原來的鮮度和味道。呢個枝豆清淡的可口。炸河蝦炸的很酥脆金黃，不要以為小小的蝦子吃下去沒甚麼味道，沒甚麼鮮

十號風波行勻晒只有墨記同粵海酒店內千上開放仲有好平常的套餐除了魚生因為壽司師傅返不到工有見如此便叫和風牛肉溫樣樣認真沒有飯改為烏冬我鬼殺咁不喜烏冬點知做到恰到好處⋯⋯熱清爽林很難想像78$ 午餐加一炒的牛肉仲好吃

收工經過尖沙咀，行行下發現左呢間日本料理，就想試下新野。岩岩到果陣可能岩岩收工，唔係好多人，但食食下開始多人啦，好彩早左黎！今次食咩完全由我朋友發板，我淨係負責食。講起日本料理，梗係唔少得前菜小食，朋友極愛中華沙律，成碟基本上都係佢食哂。而我最愛既小食就係枝豆啦！枝豆呢樣小食真係簡單得黎又好好食，佢曬左少少鹽係枝豆上面，咸咸地又幾好味。炸河蝦同雞軟骨都好脆好好咬口，好岩送酒，但好可惜我地冇人飲酒。如果飲酒既朋友不妨叫呢兩個小食。份量好多，完全夠哂我地四個食。食完小食，沙律終於黎到啦！呢個沙律真係要推薦！五粒星我會比五粒半星啊！樣子睇落同平時食到既沙律冇咩分別，但你睇真D，上面有少少脆脆。當你食緊魚生果陣就一會一併食到脆脆，果種口感真係令人難以形容既好食。柚子南瓜煮，個湯充滿柚子既酸甜味，好飲。因為本身我就唔好南瓜既，我就淺嘗左南瓜。南瓜冇煮爛，所以口感比較似蕃薯，呢盤又落哂我朋友個肚到。終於到刺身啦，今次我地簡左三文魚，帶子，甜蝦，北寄貝。帶子上面加左檸檬皮，所以食落有點點檸檬香味。北寄貝好鮮甜，三文魚同甜蝦都好新鮮。食完刺身，當然要試下壽司啦。加州卷入面有牛油果，點埋wasabi更好

今天放假，當然食我最愛的日本菜放鬆下千上日本料理的環境令我仿如日本，裝修是日本的風味，以木為主題，而且環境恬靜，令人好放鬆。如果多人，仲可以book房仔套餐相對較為抵食，所以叫了一個二人套餐蟹籽沙律，整個沙律好fresh!沙律分為三層，蟹柳絲，蟹籽，青瓜絲，沙律菜。食落令人好開胃刺身三品(池魚,，油甘魚，三文魚）刺身都好鮮甜肥美，而且都幾厚切特色卷物（蟹籽三文魚卷)天勝，兩隻炸出蝦，一件茄子，一件南瓜。炸物炸得剛好，外層十分鬆脆香口，炸粉薄而不油膩。串燒，牛舌十分入味，多汁，咬感十分冧值得一試！羊鞍本身我是不吃羊，但都覺好好味，羊鞍完全無羊so味！並且充滿肉汁，佢五係好瘦個d，係有d脂肪，所以易咀嚼五會*un*!食落口更有種好肥美既感覺 稻庭烏冬，口感好qq喜歡！個湯係海帶湯，沒有味精，因為我飲左成碗都五覺口渴甜品，雪糕。紅豆和抹茶味

由美國嚟香港多年無見好朋友，相約出嚟食下野傾下心事，就去到她住的粵海酒店一樓千上日本料理食飯。雖然地方不大，但座位之間很闊落舒服😌一坐低就來了一碟小食，豆豆鹹鹹地好入味迷你炸蝦，炸仔炸得卜卜脆，好香好惹味，連蝦頭都食埋炸蝦天婦羅，大大隻，好好味！燒魷魚，燒得好香，不會過un好爽口，簡單加入左小小醬汁及七味粉已經好鮮甜好好味。燒牛骨，原隻牛骨燒，燒完再起肉，肉質鮮嫩無比，生熟度岩岩好，配埋燒汁，簡直食到舔舔脷點了咁多好味焼物，點少得一支冰凍牌酒，啤酒樽幾特別幾靚

今日細佬生日，唔想成日生日都係食放題有啲悶，聽朋友介紹之下，今次就定左粵海酒店的千上日本料理，可以慢慢傾唔使食得咁急。門外裝修優雅別緻！餐廳內有五至六間房，有私人空間，傾計比較方便。餐牌上有好多不同套餐，亦有散叫食物。坐低左之後就上了一碟前菜，蠶豆，平時一向都唔喜歡食的同凍食，但呢個有少少唔同，上枱時仲熱熱地咬落去鹹鹹地都幾好食。食日本菜點少得刺身，刺身好新鮮，色澤紅潤，好好味炸三文魚皮，咬落去索索聲！食唔停口！燒芝士番薯，甜甜地鹹鹹地口感幾特別鰻魚炒飯，炒得不會太油膩，飯粒炒得粒粒分明，好入味，呢個真係無得輸

朋友啱啱收工，慶祝轉新約加人工，咁緊係要食餐好既賀下佢啦，於是豪一豪，去試下酒店級既日本料理。呢間千上位於寶勒巷粵某酒店既一樓，環境舒服，唔會太多人太逼，非常啱同朋友聚會傾計。炸河蝦（左）及炸雞軟骨（右）先點兩個小食，分別係炸河蝦同炸雞軟骨，雞軟骨外層炸粉鬆脆夠薄，而且炸得好脆好香口，加上少少鹽，夠曬惹味。河蝦仔就比較淡身，炸得脆脆地，但都食到蝦仔鮮味，好啱送酒。千上魚生沙律淨係賣相都已經唔錯，有三文魚及魚子、鯖魚等，加埋少少脆米同沙律菜，脆卜卜之餘亦食到魚既鮮甜味，口感豐富。柚子南瓜煮日本南瓜加上柚子既配搭，清新甜美，而南瓜煮得夠冧夠軟，甜得嚟好特別，有少少似食緊蕃薯。刺身拼盤（三文魚*2、甜蝦*2、北寄貝*1、帶子*2）刺身質素唔錯，都幾新鮮，三文魚切得幾厚，啖啖肉，而甜蝦就夠鮮味，不過我會推薦帶子，因為師傅落咗少少檸檬皮，帶出帶子肉既甜味之外，仲有種清新既味道。烤魷魚原隻魷魚加上醬汁烤，魷魚夠乾身，而且都幾入味，魷魚鬍仲燒得香香脆脆，好啱送酒。加洲反卷*2表面鋪上唔少蟹子，入面包咗蛋、蟹柳、青瓜，加埋沙律醬，非常開胃。牛肉火鍋用上壽喜燒湯底，牛肉充滿醬油味，撈埋隻蛋同菜食，好啱

兩個人食晚飯想問間餐廳好錯啲，可以傾吓計，所以搵左呢間係酒店入邊嘅餐廳，諗住都會貴貴地啦，不過原來夜晚仲要有二人餐，唔算好貴添！前菜有蟹子沙律，份量唔少，幾清新跟住有刺身，帆立貝好大隻呀，夠鮮甜！牛肉串燒超香，紫薯仔同牛舌都好食呀！紐西蘭羊鞍燒得好香，無乜酥味！卷物細細件，食完咁多肉，食下壽司就啱晒啦食完咁多野，每人仲有碗烏冬，夠晒飽肚啦套餐包埋甜品，有抺茶雪糕套餐仲可以揀飲啤酒添，啤酒樽都幾靚啊

我好朋友豬小姐要食日本菜，又要好食又要環境舒服，陪左佢去千上開餐的確環境真係吾錯人多人少都適合另有多間獨立房天時暑熱，先黎一杯特飲，菠蘿特飲，清甜~~點左2人餐有個蟹籽沙律蟹籽都多，沙律好清新刺身有3款，款款都算新鮮有三文魚，吞拿魚厚度適中，色澤鮮潤壽司4件，好鮮味羊架烤得好香，肉多汁又滑仲有串燒4串，吾會太乾，好味主食有天婦羅烏冬有蝦，冬菇，蕃薯，青椒，炸得好香口鬆脆烏冬又滑又彈牙，口感味道十足

個日出去尖沙咀行街，想食日本野，又唔想又迫又嘈，要環境好又好味，忽然諗起之前個friend食過一間較為隱閉既“千上日本料理”，餐廳座落於寶勒巷粵海酒店1樓，食物有質素，環境寬敞坐得舒服， 可能地點有少許隱蔽所以唔太多人知道，就啱曬我地可以慢慢食慢慢歎。餐廳有單點同埋菜套餐，我哋本來想點一個二人餐， 因為有沙律、有甜品、仲有飲品包埋，非常抵食，但有食物想食又怕食唔曬，店長非常好人，可以比我地轉換另外一啲嘅食物。蟹子沙律首先離個蟹籽沙律清一清味蕾， 呢個蟹子沙律由三層組成，最底層係新鮮沙律菜，而中間就係青瓜絲， 發表面鋪滿大量蟹子，份量夠多感覺又清新，當作前菜一流。刺身三品刺身有三款，有三文魚、池魚同埋 油甘魚，每款刺身都新鮮好味，師傅即場表演刀功，令到每塊刺身都厚薄適中，口感更好。特式卷物卷物係由師傅選擇當日合適嘅食材料即做，所以第二度係食譜， 雖然分量算多，但勝在新鮮好味。吉列廣島蠔廣島蠔一頁有兩隻，每隻都炸得金黃香脆外面嘅脆漿粉層非常鬆脆， 而裏面嘅廣島蠔身保持juicy，加埋沙律醬一齊食會減低熱氣嘅感覺。壽司壽司有四件，配合兩款新鮮嘅刺身魚，飯嘅份量比例特別細，想令到更能食到魚嘅鮮

好不容易捱到了月尾，決定吃好西獎勵下自己！收工後去左尖沙咀粵海酒店的千上日本料理吃日本菜餐廳裝潢帶日本和風味道，感覺舒適晚上設有二人餐或特上二人餐~ 我地點左個特上二人餐先黎既係前菜中華沙律同味付螺肉質素正常然後係蟹羔玉子是一個冷盤，玉子很滑溜，頗重的蛋香千上魚生沙律內裡有新鮮爽脆的沙律菜加上鮮甜味美的粒粒角切魚生，好味道刺身五品好新鮮，我最喜愛的是三文魚，夠油潤，富魚脂香壽司係三文魚壽司飯size較小，令我地可以細嚐生魚片的味道吉列廣島蠔外皮酥脆，內裡裹著軟滑新鮮的蠔肉蒜片牛柳粒以鐵板呈上保存了食物的溫度，牛柳粒分量多肉味濃，加入了洋蔥和蒜片極為香口炒野菜雜錦野菜很碧綠，當中包括了椰菜、香菇、甘筍絲等等，炒得香口而又不油膩，健康有益大蝦天婦羅外層是薄薄的炸粉漿，毫無油膩感，內裡是爽口彈牙的鮮蝦！炸蕃薯很粉糯，天婦羅炸得出色朴葉鰻魚飯大大塊朴葉包裹着熱騰騰的鰻魚飯，很吸引呀！鰻魚厚薄適中，頗肥美，味道不錯最後仲有甜品係日式柚子雪芭甜度適中，柚子味感覺很清新，為晚餐畫上完美的句號喜歡日本菜的一定要來試試嚕