千里屋食堂 (Closed)

得知銅鑼灣開了一家日本過江龍餐廳，放工跟同事過來嚐嚐鮮。餐廳裝潢簡單，木質桌椅，貼滿食物海報。餐牌的選擇不算多，有各式牛肉丼和鐵板牛肉。我們各自點了一份套餐和一罐汽水$20。⭐️高級鐵板燒$189食物很豐富，有麵豉湯、醃菜、蛋卷、牛腩。牛肉已經預先煎過，自己再動手煎熟。牛肉挺嫩的，不過肉味稍微不夠香。最驚喜反而是這碗牛腩，味道足，牛腩偏肥，入口又香又軟，配上一口米飯，香滑的油脂融化在米飯，一口肉一口飯，若已牛腩作為招徠更勝一籌呢！⭐️和牛壽喜燒丼$198配料有軟豆腐和牛肉。牛肉醃的入味，雪花分佈平均，入口軟腍無渣，不俗。▫️餐廳的套餐價錢不算抵食，我對牛腩的印象最深刻，如果推出牛腩套餐，我會再來吃一次，哈哈！

呢間千里屋食堂係來自大阪係和牛專門店嘅海外第一分店，感覺好勁 💪🏻食堂裝修簡潔明亮，海報 show 咗有咩食～連店員都係日本人，真係好似去咗日本食嚟得呢度點都要試下和牛同埋啲山咁高嘅牛肉丼啦另外仲有壽喜燒同 shabu shabu 嘅餐選擇都算幾多！我原本以為得牛肉丼先嚟個大合照 📷【和牛鐵板 3 種】嘅和牛係鹿兒島黑毛和牛有三種唔同嘅部位：牛五花、牛肩肉同西冷個 set 用鐵板上，仲係 ja ja 聲㗎 😤和牛嘅顏色好粉嫩，match 返嫩滑嘅肉質最左邊嘅肉質係最幼滑，油脂感最豐富，入口即溶 🤤最右邊就肉味最濃郁，肉質就咬感啲和牛配白飯真係飯都食到幾碗 🍚【Mt. Fuji Steak & Sukiyaki Combo Don】有兩種唔同做法嘅澳洲高級黑安格斯牛肉堆得唔算好高，不過啲牛肉就鋪到滿哂嘅 😋薄身啲一片片嘅和牛係用咗壽喜燒嘅方法整厚嘅就係烤製而成一個丼可以試到兩種風味！食堂本身有凍水提供不過【果味梳打汽水】好似幾特別就試下豪氣啲仲有酒精飲品，梅酒、啤酒等等都有～

最近銅鑼灣開左呢間專食牛丼既專門店，佢係由大阪過江龍黎而家仲做緊discount，相對地抵食少少，加上睇到圖係成座山咁高既過江龍牛丼，真心好吸引珠穆朗瑪峰丼足足有成300g既牛肉，牛係用左安格斯牛翼板肉夠吸睛之餘仲岩哂一眾大食既朋友略略數過都有成18件牛肉，牛肉雖然未去到好腍但配上自家醬汁，生洋蔥，蒜片，味道其實算係豐富富士山丼入面有兩種牛肉，一款就係黑安格斯牛肉，另一種就係似平時打邊爐既牛肉片兩款牛肉略有咬口，唔算軟嫩不過醬汁就幾惹味

話說之前係日本食過松屋，對佢嘅爆量葱牛肉飯念念不忘。好想再去食，可惜香港冇松屋，就算有其他主賣牛肉飯嘅食肆都做到松屋嘅精粹。點知竟然係公司附近開左呢間嘢。就試下佢係龍定係鳳！set lunch選擇好普通，都係滑蛋牛滑蛋豬嗰啲，諗住就算唔好食都係一次，就試下個切片牛肉飯，新張期內，送飲品。Menu話係用安格斯牛。牛肉當然係燒過先好食，燒過嘅牛啲油出哂來，因不是肥牛，油而不膩！最重要係個汁，令我搵返係日本食松屋嘅感覺！好難用文字形容！話就話係港版松屋，但價錢算偏貴，呢個飯要99元。須知道松屋係日本係窮人恩物。但感覺嘅嘢好難用錢買到。絕對好得過食吉野家！

上次去日本冇食，今次終於食左日本嘅過江龍千里屋，佢嘅日本當真係好大碗，而且分量充足，我老公都話好大碗好飽肚！位於銅鑼灣核心地帶，我放工就可以搭巴士去到門口，方便大家食好嘢！室內設計就好似日本嘅餐廳，日式嘅裝修簡約得來又企理！門口有個日本嘅服務生派傳單，感覺就好似去咗日本！我就叫咗個和牛壽喜燒，大家都知道真正嘅壽喜燒係甜甜地嘅，但係香港好難食到正宗壽喜燒，外面多數係唔夠甜，又或者用Shabu Shabu代替，但呢度就好正宗，個湯底係濃郁，而且呈現啡黑色，同我喺日本見到嘅差唔多！鍾意食牛嘅你，一定要食呢個和牛，肉質非常之嫩口！值得一提，佢嘅錢財係非常唔錯，魯肉幾好食！如果係食量大嘅，可以試吓呢個富士山丼，佢嘅份量真係嚇死人架，用肉切出嚟嘅富士山，而且肉質唔錯，係用咗安格斯牛，加埋啲配菜就更加一流！醬汁係廚師特別調製，喺出面食唔到！

今次嚟到銅鑼灣，食日式火鍋，一人一鍋嘅模式好多餐廳都有，但係呢間係食過最正宗同最正嘅餐牌嘅設計好有日式風味，彷彿返咗日本老家嘅餐廳食嘢咁我同朋友叫咗兩個壽喜燒套餐，嘢飲嚟咗先，係檸檬梳打同提子梳打炭酸飲品好多氣，打邊爐飲就最夾檸檬味帶少少酸，而提子味就偏甜然後其他嘢都陸續上嚟因為兩個都係壽喜燒，所以除咗肉之外其他嘢係一樣嘅，有生日本雞蛋，玉子燒，味噌湯，漬物同白飯 玉子燒入面有蔥，幾香，漬物方面就係有紫蘇葉嘅味道，同埋鹹菜朋友揀咗普通嘅牛肉，肥瘦都適中，而我揀咗鹿兒島黑牛和牛牛肉係一位講日文嘅日本人端上嘅，佢用心咁介紹咗一下，仔細一問先知原來佢係日本嚟嘅老闆娘(當時諗，如果我哋識日文就好啦)和牛有好靚嘅雪花，雖然脂肪較多，但因為薄切，所以都好正鍋入面有滿滿嘅蔬菜 本菇，大蔥，娃娃菜，豆腐，芋絲，蘿蔔本菇有好大梳，大蔥都切得好大段，同其他蔬菜一齊煮完，個湯充滿蔬菜嘅甜可能因為係新餐廳，所以啲爐具好新淨個火好猛，好快就滾湯底十分濃稠，係甜甜嘅醬油香，當啲蔬菜開始熟，我都忍唔住落牛啦啲和牛牛肉本身已經好靚，輕輕過下個湯就熟透和牛片變得晶瑩剔透，食落入口即溶，嫩滑得嚟肉質好淋，唔使咬咁濟就已經

佛系食肉獸！全港首間日本大阪過江食堂！-昨日終於一試呢隻過江龍，位於銅鑼灣廣場附近地段，好多人排五月天果到，大大間得黎又細細間，價錢黎講我覺得真係算好抵食，最平 $99 就食到 #高級黑安格斯牛肉丼 ✌🏿-至於愛肉人士就一定要叫佢 #珠穆朗瑪峰丼 $159，有成 300g 安格斯牛肉，多到好恐怖，實見真係堅大兜，果到仲要起碼有 2 碗飯，極大分量，好耐都未有過食飽嘅感覺，呢鑊堅飽，配埋自家醬汁，好好味呀，建議一個丼兩個人食都得，好似我一個寶寶咁食哂真係 gg 🤡-日本火鍋我最最最中意食就係壽喜燒，因為寶寶本身都愛嚐甜，甜甜鹹鹹嘅味道好 q jeng，呢個鍋仲要係極濃，簡直係壽喜燒 2.0 嘅升級味道，食返之前外國食嘅味道，全香港第一濃，得呢到食到，出面食親都好淡又唔夠正宗，呢個 #和牛壽喜燒 $248 個份量又係多到嚇死人，除左本身有個鍋再有料之外，仲包一個 set 餐，個餐有熟嘅和牛 100g、前菜、蔬菜、白飯、漬物、生雞蛋、麵豉湯、日式橙醋，當然唔小得就堅系爆 jeng 和牛刺身打邊爐啦，又係兩個人嘅份量，爆好味爆 cp 🤤-千里屋食堂銅鑼灣中威商業大廈地下 2 號舖

鹿兒島我未去過，但係鹿兒島嘅燒肉我就聽過好多喇！今日好開心，有機會帶個朋友去銅鑼灣是新開嘅鹿兒島燒肉舖！ 不過呢，這家是主打牛肉火鍋同埋燒好嘅牛肉飯。我們分別叫了兩個套餐，一個係牛肉火鍋， 另一個就係燒和牛。因為成個Menu都係日文，所以唔知點打佢地個名稱。火鍋以雜菜和豆腐為主，而湯底則加入了少少牛乳， 湯底能夠吊出來新鮮嘅菜蔬菜味道！至於，牛肉切片非常薄，入口即溶，嫩滑可口！燒肉方面，餐廳特意將牛扒煮熟了一半，然後再給我們一塊石板，慢慢加熱而少，水質口感非常煙韌！味道仍然可以接受，然而配菜方面，味道非常鹹，建議餐廳改善！飲品方面餐廳沒有熱飲，只有一罐一罐的日本果汁或可樂提供！資訊由 iPlayHK香港愛玩生 提供

夜晚9點幾，喺銅鑼灣搵嘢食，見到新開嘅千里屋食堂，喺門口睇吓個餐牌有咩食，店員即時熱切介紹，佢哋係來自大阪嘅食店，主打牛肉飯，好吸引，同朋友決定試吓。呢度走食堂風格，裝修係大眾化嘅日式自然風，木枱櫈加柔和燈光，感覺自在舒服。望完餐牌，叫咗個 Shabu Shabu Gozen Premium 御膳，店員好快手，連爐帶鍋一齊送上，跟埋漬物、前菜、味噌湯、白飯一碗，前菜係炆牛筋肉，又淋又入味，仲有兩件暖暖嘅玉子卷。而鍋裡面就有好多新鮮嘅野菜同菇菌，當然仲有主角，一碟肥瘦均勻嘅安格斯牛肉啦，放喺熱湯上面，勺兩吓，已經食得，肉質好鬆、好軟滑，雖然係薄切，但係都好有肉味，加埋吸曬清甜嘅昆布野菜湯底精華，好好味，跟住食啖白飯，再飲番啖熱辣靚湯，味道真係好圓滿。朋友係牛魔王，當然揀得嚴謹，4款鹿兒島黑牛Fair之中，揀咗和牛鐵板3種，跟埋味噌湯，同白飯。熱辣辣鐵板上面，放咗清爽雪白嘅大根、洋蔥絲，3色雜豆，同埋3小碟調味，醬油、胡椒鹽、芥末，伴住3種唔同部位嘅嫩紅和牛，每種都有3、4片倒，切得好工整，分別有五花腩、肩肉、里脊肉，3種絶對唔同口感嘅享受，油脂比較豐富嘅五花腩，輕輕點少少鹽吊吓味，肉味濃

千里屋食堂位於銅鑼灣中心地帶， 鄰近銅鑼灣站C出口， 🏃🏻‍♀步行5分鐘即可， 十分方便💁🏻‍♀。這家食店裝潢簡單樸素，滿有日系風格。此外，店內可容納約20人。顧客能提早預約座位，以免當日輪候。服務員態度十分殷切，食物在下單後短時間便能送上，不用顧客等候。到達食店後，我們隨即叫上店員推薦的食物😍😍。第一款菜式是火炙珠峰丼配豬肉味噌湯及漬物，賣相十分吸引，十幾塊安格斯牛翼板肉堆砌起來就像珠穆朗瑪峰🗻一樣高，肉質煙靭🥓。和牛還比飯多呢！！😱😱第二款菜式是和牛鐵板3種，有里脊肉、牛背肉和五花肉三種肉，配上白飯和味噌湯。三種肉富有口感、鮮嫩無比，配上日式芥末、海鹽及和風醬，百味在口中交集，揮之不去。是必叫之選😍對於牛魔王🐮來說， 這間食店實是不二之選。溫馨提示，記得襯熱食喔❤和牛會更加嫩口🙆🏻‍♀

這家店子位於駱克道，簡單日式裝修，座位約有廿四個，滿有曰本食堂風格。這兒供應不同的餐點，有七款丼飯$99-$159，同較特別的鹿兒島牛扒$380-$480，以及六款牛肉御膳$159-$189。和牛壽喜燒$248（和牛100gram, 前菜、蔬菜、白飯、味噌湯）壽喜燒的材料十分新鮮，有嫩豆腐、茹、大葱、芋絲、蔬菜等。而這壽喜燒選用的牛肉是鹿兒島黑牛。牛肉顏色鮮豔，嫩紅透薄。輕輕一灼，牛肉入口嫩滑，滿有肉香。很快便把牛肉吃光，有點意猶未盡。Mt Fuji steak & sukiyaki combo don$159這富士牛扒丼的份量十足，成個飯都鋪滿了高級的黑安格斯牛扒同牛肉片，視覺幾震撼。牛扒是厚切的，啖啖肉，完全無筋，有咬感；而汁煮的牛肉片也不少，配以洋蔥同特製洋蔥汁，味道甜甜地，真的好下飯。橙味梳打汽水$20橙味十足，酸酸甜甜的，很解渴提子味梳打汽水$20這提子汽水的味道幾香甜，夠氣，唔錯。簡單的一頓晚餐，可以狂食牛肉，一嚐曰式風味，十分滿足。

聽講銅鑼灣開咗間新嘅牛肉丼專門店，見今日政府話派＄4000喎，所以專誠同朋友嚟試一試，先洗未來錢相入面派緊傳單嘅，應該係話事人，佢喺鋪入面，全程同侍應用日文交流，應該係日本人，所以喺度會食到好正宗嘅牛肉丼始終係新開張，鋪內環境十分乾淨企理，夠晒光猛，坐得好舒適，侍應為你遞上餐牌同埋水，服務算唔錯喺呢度，肉類只有牛肉，所以唔食牛嘅朋友要注意啦，種類唔算多，主要都係鐵板、shabu shabu、或者係大碗牛肉飯政府派錢喎，梗係要食好啲，我揀左個和牛鐵板3種($298),但其實食落3種都好好味，分唔到有咩唔同上枱嘅時候，鐵板滋滋聲，望落牛肉好嫩，貌似不錯輕輕將比較生嘅牛肉放係鐵板上燒多陣，食得，佢有三款調味俾你，有海鹽，和風醬同埋Wasabi,個人比較鐘意沾鹽，朋友試過就偏愛和風醬，肉質無得頂，非常嫩滑，牛肉味十分濃郁，$298係唔同D而另一個牛肉丼，就非常扺食喇，我見其他食客大部分都係叫牛肉丼，牛肉堆到好高，非常吸晴，牛係高級黑毛安格斯，肉味依然香濃，$158性價比非常高，值得一讚嘅係佢嘅牛肉汁，有淡淡嘅麻油香，同牛肉及飯十分配合，無得頂啊千里屋係牛肉控必到嘅，師傅十分用心製作，就連麵鼓湯

叫左兩個set一個係澳洲和牛肉don set $158一個係日本A4和牛鐵板set $268呢家牛肉飯當道，呢到個澳洲和牛don 看埋呢個價錢，係絕對可以接受既牛肉份量十足，而且每舊都非常厚，而且肉質都唔錯配埋佢本身個汁酸算地非常惹味。唯一不足既係飯量晚飯來講有小小不足，如果可以多啲啲就會更好另一個日本A4和牛set價錢貴一段本身以為只係講出來名既分別原來食落真係和牛分別真係大，口感肉味都唔同呢個個飯就係分開上，但因為和牛本身有分配酸汁同鹽，點小小食都非常好大家經過或者lum唔到食咩不妨來試下。

見到主打的牛排牛肉don好吸引，一入黎見店員就好熱情咁介紹各款的不同，感覺上都幾似係日本人，我就選擇了1號的牛排don同和牛鐵板3種類，比起其他和牛set,都係鐵板最吸引首先出場的就是安格斯牛排Don,飯上面的牛肉成形一座小山，當我想兜一點飯時，發現都唔係好搵到，都係肉同肉，真係肉仲多過飯，而牛肉相當嫩滑，牛味都好香，不過如果食唔慣半生肉的話，可能都會驚，因為都會有少少生，不過牛排食半生都好正常呀最後和牛鐵板終於上黎，聽店員講有，五花腩，牛肩肉同裏肉(我唔識，可能係牛小排之類)，五花腩真係好肥美，用山葵點黎食，岩岩好隔左油膩感，又可以食到牛的油肥味，而其他兩款肉，吃落都好高級，肩肉當然好咬口，而裹肉好嫩，3款和牛用黎配白飯，和朋友係狂風掃落葉咁搶住黎食

和友人的開年飯，祈求大家工作順利、身體健康。行經駱克道，見到一間食牛肉飯新開的店，就入去試下。新開張有優惠啊。店2月頭先開，印象中路過呢間但好多人排隊，今次因爲早左lunch，加上星期一，唔使等位就入座。坐低已送上熱水，雖然天氣不太凍，但呢樣我覺服務幾好。餐牌都是牛，點了安格斯牛肉飯，另一個係特別餐單，牛肉牛筋飯。驚唔夠飽，安格斯那個叫了Mega。大細分正常、Mega同Giga。等冇耐就有得食，跟餐有個豬肉味噌湯，有片豬肉，湯幾好味。至於兩個餐，來到時唔係好分到邊碗係邊個餐，大細正常同Mega好似一樣咁，可能飯量嗰度唔同。安格斯那個都有牛味，不過有些靭；而牛肉牛筋那個，有D好似牛腩同埋似煲完湯的肉咁。可能我少食牛肉飯專門店，話唔定呢D先正宗。枱面有枝醬油，係麻油再加唔知乜野汁，點牛黎食幾好味，似韓燒食野點的醬汁。開年飯，食好D，呢間叫做一般，唔難食但又唔算好出色。份量就一定夠食，正常Size都夠。至於牛肉嘛，我真係唔係好分到個分別，安格斯牛肉，我期望係更有肉味同唔靭，好明顯今次食的唔係咁。有期望就有失望，食野，都係隨心好D，話唔定會喜出望外。