喜來稀肉 (Closed)

估唔到第一之寫食評就比左灣仔呢間喜來稀肉 因為環境同食物都真係好好~ 可以因為岩岩開張無咩人知道, 所以晚上去到唔使排隊就可入去。餐廳環境好大闊落, 同之前去過其他韓燒比真係舒服好多, 唔使講野就住就住 食物質素方面keep到一貫水準, 同尖沙咀差不多, 重有新menu添! 我地一行3人就叫左一個新嘅一頭牛set, 貪佢一次過可以試到唔同部位! set已經包左兩杯野飲, 我地3個女仔都係勉強食得曬>< 另外重叫左我最愛嘅牛大腸同水冷面, 牛大腸燒到脆脆地, 咬到有口感! 水冷面酸甜冷涼, 食完熱氣野再食真係透心涼!! 服務方面, 可能因為唔太多人, 所以一叫店員就即刻過黎, 食物都好快到, 店員見到我地塊板燒得差不多重會自動換 真係要比個like! 而且暫時無用餐時間限制, 可以同朋友一邊傾計一邊慢慢燒, 唔使趕頭趕命。

周六同朋友經過灣仔 見到灣仔居然開左喜來稀肉 正當仲係度煩惱緊晚餐食咩既時候我地都二話不說 決定入去試下 大約晚上7點幾左右 因為之前去過旺角分店都要排隊所以我地擔心會唔會要排好耐 但上到去發現 居然唔洗排隊 可能係新開既關係? 呢度比其他分店都大 環境好寬落 又唔會太嘈 坐得幾舒服 可惜我唔記得左影相未點菜之前店員已經上小菜同埋幫我地係爐邊加蛋 一邊係有泡菜 另一邊係淨蛋 其實我都幾鐘意食呢個蛋 本來諗住食曬再加一次 但係已經好飽 所以冇加到>< 加蛋係免費架 好似蝕左添 哈哈我同朋友兩個人叫左3個肉 1個炒年糕 一個魚子石鍋拌飯下面呢個就係喜來烤肉 放落個爐度烤一烤已經好多肉出曬黎 搞到我流曬口水然後有個店員驚我地烤太耐會乾曬走過黎幫我地手烤 之後了解下先知道原來個個係店長XDD經店長之手烤一烤 果然係唔同D 烤到岩岩好 味道都夠曬 好多汁 呢個真係要比滿分然後呢個係豬頸肉 個人覺得冇話特別好食 但係唔難食 普通水準  下面呢個係五花肉 呢個正就正在佢切得貴 唔係好薄一片 食落口都有口感D 唔會唔知自己食緊乜XDD炒年糕 可能我食開超辣個D 覺得呢度唔夠辣 但係我朋

韓國烤肉過江龍「喜來稀肉」在灣仔開分店，這天晚上，我就在這店子吃了一頓烤肉晚餐。還記得大約兩三年前，「喜來稀肉」初次進軍香港，在尖沙咀開設第一間分店，當時自己也有前往吃烤肉，但後來卻因事忙沒有寫食評。晃眼數年，喜見這間烤肉質素不低的店子由只有一間分店開始愈開愈多，現在已經開到第五間分店，想生意必定很好吧！這間「喜來稀肉」的最新分店位於商廈三樓，佔有全層地方，地方闊落開揚，無論桌椅、餐具、爐具都十分簇新，惹人好感。這天的晚餐，雖然只得我與太太兩人，吃的食物也相當豐富，店子招牌的「護心肉」（$150）固然有吃，價錢比其他牛肉部位要貴上一點兒的「真雪花牛肉」（$200）也有吃到，此外，還叫了兩夫妻都那麼喜歡的「烤牛舌」（$140）和韓國特色的「水冷麵」（$70），把我倆吃得捧腹而回。「護心肉」是這兒的招牌菜，護心肉所在的部位，根據店子的資料，是位於豬橫隔膜與肝之間的肌肉肉筋，每隻成年豬隻只得 400-500克左右，肉質當然不差，早經醃過的「護心肉」肉地厚而入味，烤熟之後，帶點兒嚼勁，味道還真不錯。「真雪花牛肉」肉質甚佳，雪花紋理在牛肉上分佈均勻，放在爐上稍稍烤上一會，便可食用，這牛肉牛味濃郁

仲記得一,兩年前韓風襲港, 香港突然開左好多韓燒店, 而Vi亦因為睇韓劇所以中左韓流 呢間喜來稀肉由韓國引入, 最先o係尖沙咀開張, 記得果時每次經過都見到迫滿等位既人, Vi好幾次想食都放棄左, 有幾次拎完票後始終都係等唔到落去, 然後就一直無再去排過喇時至今日, 喜來稀肉愈來愈多分店, Vi終於有機會唔洗等位試下 灣仔分店好寬敞, 枱同枱之間有好多空間, 一d都唔迫, 油煙亦唔多餐廳入面亦放左幾棵假樹, 令環境更舒服, 唔同其他韓燒店, 一入去好煙好迫既感覺 依家要好舒服咁食餐飯已經唔係件簡單既事, 環境一流! 一坐低, 店員已經即刻過黎加爐邊蛋, 一邊係加入泡菜, 另一邊係淨蛋漿, 同時又有另一個店員送上泡菜小食,生菜, 芽菜湯, 醬料, tissue同水等, 服務真不錯 餐牌有好多款肉類揀, 亦有豬牛不同部份既介紹圖, 店員向我地介紹護心肉係佢地既招牌菜, 係屬於肝同橫隔膜之間, 唔係內臟黎ge, 而每隻豬只有200-300g, 係好珍貴既部位, 當然要一試啦 最後點左護心肉($150), "喜來烤肉"($130), 五花腩($120), 韓式烤豬皮($98), 蔥