樂舍 (Closed)

個日閒日六點幾入到去想食晚餐，個侍應叫我地兩個人坐近門口第一枱，當時全場得幾枱客，我兩個諗住無所謂，坐低後睇餐牌原來只有一張紙，只有幾款燒肉和西式排餐，雖然係話餐但飲品又另加錢，個石燒原來唔咪自己燒，係燒完送上枱，之前我見openrice有d 好靚既甜品相原來餐牌係無，開頭落單時想叫埋嘢飲個待應見我諗左幾秒佢即時話遲d先，但佢又收起左我地d餐牌，之後我地想追加燒肉我就走去無人的隔離枱攞餐牌睇，落完單又再收起餐牌，當晚我走左隔離枱兩次攞餐牌睇，我心諗佢地餐廳係咪唔想我地叫多d嘢，每當我問下餐牌詳情想落單時諗幾秒佢即時話諗下先就走左去，如果當時係太多客人佢太忙我還可以理解，但閒日六點幾時間又唔多客我不能接受，從未遇過咁惡劣既服務態度！

又一位於大廈樓上的食飯好選擇。餐廳裝飾日式，較日田暗既燈光，氣氛高雅。座位夠寬闊，坐得舒服。岩晒約左朋友傾計。午餐除左有套餐外，仲有石燒選擇。Lunch set包了沙律和湯。雜菜沙律，新鮮菜加沙律汁，份量也不少。石燒餐的是蘿蔔湯，清清地的味道。套餐配的是麵豉湯，味道濃。雞扒石燒套餐用熱石上桌，熱辣辣。雞扒已經烤過。可以自己控制燒幾耐，外皮燒了更加香口，又可以保持熱度。皮燒到香，少少脆身。附上醬汁，配飯食正。香蒜欖油蝦意粉意粉帶點辣味。用欖油炒香，油包住意粉，啖啖香蒜味。蝦幾新鮮，爽口。加配了杯熱榛子咖啡，凍雲呢拿咖啡。

-觀塘雖然人好多，但係食野方面真係永遠都比到驚喜你😍😍 難得遇到間坐得舒服嘅石燒！-😋 澳洲牛肉眼 200g ($159)👉🏻 每個石燒都跟個沙律、湯同飯，個湯好甜好好飲👉🏻 上桌「滋滋」聲好吸引！好香牛味，肉質都唔錯，唔會韌！同埋份量都好大，食完好滿足！-😋 加拿大保濕豬柳 200g ($139) + 追加日本帶子 ($49) + 追加匃牙利鵝肝 ($69)👉🏻 見到「保濕」豬柳咁得意所以嗌😂 上菜個陣見到勁勁勁厚已經流曬口水，仲要佢真係豬如其名超juicy🤤🤤🤤👉🏻 餐廳好細心咁將帶子同鵝肝放左係豬柳上面，防止佢過熟，值得一讚👍🏻 仲要兩樣都好新鮮，勁鐘意🥰🥰-😋 吉列炸蠔 (追加價$29)👉🏻 上黎熱辣辣，仲脆卜卜，好香口👍🏻👍🏻👍🏻 $29黎講好抵食！！！-😋 清新檸檬柚子梳打 ($38)👉🏻 超級Fresh，唔會太甜，檸檬同柚子個味一半一半，好balanced😍-😋 清新鳳梨特飲 ($38)👉🏻 甜度岩岩好，鳳梨味唔會好假，食完燒野再飲好正！-🙋🏻‍♀️ 其他說說👉🏻 平時去開啲石燒都係坐得比較迫，但係呢到係勁多梳化位，同埋好闊落，座位同座位之間嘅距離都闊，可以放心傾偈😍👉🏻

一入嚟就覺得唔錯唔錯～空間感十足～日式屏風加上攝影燈造型天花燈，優雅又富現代感😎仲有露天雅座，約會拍拖一流啦～👫🏻❤️我見大家好似都係必點石燒物～下次有男生一齊食嘅可以點combo! 滿足三個願望😆我最後選擇吉列牛柳雖然有啲奇貌不揚😂但我係相信佢係有內涵嘅～一落刀就覺得掂，厚身但好腍👍🏻超熱石板，鍾意熟啲就再燒燒佢，不過小心overcook😗傾計就緊係要叫飲品🧉（左）清新鳳梨特飲 $38（右）清新檸檬柚子梳打$38芝士年糕🧀呢個我都覺得係必點，幾個層次～外皮脆到煙韌～再入面係香濃拉絲芝士最驚喜嘅係，凍咗都好食😋😋🤩happy hour又唔錯～

收到原已確認的訂座被餐廳取消的電郵，立即再致電餐廳。一名男職員話可能同事按錯掣，錯誤地取消了我的訂座，並叫我在openrice 再預約。可惜在openrice 平台已不能再預訂那時段。我再致電餐廳，又是那男職員接聽。他說那晚的訂座有點爆滿，不過依他的記錄，仍有我的預約。希望到時真的有檯預留給我。

和女朋友打乒乓球，打完步行去觀塘工廈餐廳吃午餐。餐廳內部環境舒適，座位寬濶，店員有禮，服務殷勤。午市套餐有6款石燒自選餐和9款日式西餐。沙律菜新鮮，沙律汁酸甜，開胃。麵豉湯味道正常。蘿蔔牛腩清湯味道濃。澳洲牛肉眼269元，有300g，牛肉眼在熱石上，以白紙掩蓋，防止熱汁彈手，牛肉眼的底和面已被煎熟，內層為生肉，由客人自己控制石燒時間以達至合適的生熟度，煎好的牛肉眼肉嫩汁多，甘香美味，性價比高，值得推介。西班牙伊比利亞黑豚丼119元。豬肉半肥瘦，惹味。溫泉蛋很滑。白飯軟硬適中。醬汁美味。熱茶10元，香濃。熱菊花茶20元，有大量菊花，味道甘香，清熱解毒。總結：食物美味，性價比高。

好多人都以為工廠地區無好野食，但係呢種諗法真係大錯特錯，今次就係試吓呢間評價好高嘅餐廳唔係呢啲工廠餐廳嘅好處係通常餐廳都非常之大，可能因為鋪租比較平 所以座位都非常寬闊，餐廳行工業風路線第一啲型格嘅裝飾非常賞心悅目。前配好特別，係一個牛肉配蘿蔔嘅清湯，有少少似出邊食清湯腩嘅濃湯，幾清甜沙律係柚子汁沙律，量足且爽口終於黎到主菜 我哋揀咗石燒东套餐，套餐包一碗飯及飲品我點既澳洲牛肉眼（Australia Rib Eye）200g目測牛肉太約一成熟放上石上燒，之後要幾成熟嘅效果由自己決定,送餐時會放上牛油紙舖面，油不會濺到夠貼心。而不得不讚用石燒嘅牛肉同平時屋企煎嘅大大不同，均勻同高溫熱力鎖住肉汁令肉質柔又軟多汁，牛既油花入口甘香！另追加既越南老虎蝦同樣夾口彈牙太太點的係加拿大保湿豬柳（Canadian Acorn Pork loin）追加日本帶子同牛肉有少少唔同嘅地方係豬柳會煮得比牛肉熟少少先上石上燒，而豬柳比較厚切，入口既口感更豐富，而豬柳同樣肉汁豐富，有少少外脆內juicy既感覺食到一半決定chill一chill，點咗智利紅酒同ASAHI啤酒，紅酒果然最適合食牛扒！而更意外既係呢款紅酒

6:45入座，時間尚早所以人唔多。環境寬敞、舒適。安排坐圓形卡位，兩個人可以靜靜享受晚餐。香蒜欖油蝦意粉大蝦有成四五隻，望落充滿油光。有少少辣, 口感煙韌，希望可以蒜油味再多啲。同埋份量適合女仔多啲。石燒牛肉眼招牌菜！！特別地用石頭燒住上碟，本身應該係煎過表面再上碟，熱辣辣好難唔好食。食呢個可以話要同時間鬥快，開頭幾舊真係好好食，肉味重香肉質夠淋又Juicy。食得慢啲都會過熟變韌😆但開頭真係可以做到medium rare！另外仲有黑松露薯條同埋雞泡魚乾。雞泡魚乾都值得一試，記得要配酒喎！

一直想試石燒，無奈難找到伴。見到有此fusion餐廳，餐牌選擇豐富，於是和不好肉類的太座一試。星期六觀塘人流稍減不用虎老母，餐廳闊落舒適。套餐沙律菜爽脆新鮮，且有味噌或蘿蔔清湯暖胃。點了200g石燒肉眼另加帶子。掀開隔油紙，熱力十足油花四濺，所以必需快手以免過熟，拿開rest期間還有餘熱。肉味濃郁質地軟稔。帶子外脆肉嫩鮮味足。太座的香蒜辣椒意粉，大蝦爽口並大方給予4隻，蒜片辣椒均勻沾上，香氣十足。且餐飲同樣選擇豐富，是日簡單點杯凍檸茶和桂花烏龍茶作結慢慢歎。

有時食野不一定要訂好位, 或者慕名而去. 隨意即興地去光顧一間餐廳都唔錯. 一入餐廳, 非常乾淨整齊, 有十分足的空間感, 亦唔會充滿油煙味. 唔錯睇一睇餐牌, 有非常吸引的石燒牛. 可惜當晚有其他活動, 一身油煙就唔太好, 所以就選擇了普通定食前菜沙律份量唔會過多, 蔬菜都新鮮, 簡單調味, 開胃剛好.美國安格斯牛丼牛肉份量十足, 肉感嫩口. 醬汁味道不會太濃味, 更突出牛肉的肉味. 溫泉蛋都令牛肉更好送飯. 飯量一定夠食日式咖喱吉列豬排飯吉列豬排十分香脆, 肉質都唔會鞋口. 日式咖哩味道唔錯, 唯咖哩汁偏少量. 吉列豬排, 蘿蔔, 薯仔都可按照自己的喜好沾上咖喱凍奶茶, 凍檸茶奶茶的奶味較重, 比較日式.檸茶少甜, 茶味重, 怕澀的就別揀少甜總結整身都唔錯, 非常適合附近的上班人士.下次再試下石燒牛

去觀塘周圍搵食，去到呢個工廈，望下水牌，見到“Shack Rakuzaka ”唔知係乜，就去呢間試吓啦入到去地方企理，座位寬敞舒適的環境原來呢度有石燒，我叫左一份石燒套餐$169：有沙律、湯 ，另外追加“匈牙利鵝肝”$69“吉列炸蠔”$29香噴噴嘅吉列牛柳跟鵝肝上檯喇，石燒板治治聲牛柳肉汁豐富，好嫩滑⋯⋯上檯大約五分鐘後切，再燙一燙牛柳⋯⋯正呀厚切鵝肝，好好味呀⋯⋯我本身鍾意食鵝肝，呢塊厚切鵝肝一啲都唔騷⋯⋯係靚鵝肝吉列炸蠔，上檯係熱辣辣架⋯⋯精緻西班牙伊比利亞黑豚飯$119黑豚肉大約有五大塊，又係肉質鮮嫩，流心蛋黃同飯撈埋一齊食，好味我哋另外仲散叫一客“芝士年糕”$28 芝士年糕真係好耐冇食，熱辣辣放落口，仲有濃濃芝士流出嚟⋯⋯我最想就係食到呢種感覺⋯⋯滿足加埋兩杯特飲：檸檬柚子梳打 鳳梨特飲估唔到今晚咁有驚喜，去到呢間有質素、環境又好，下次我一定會約朋友黎呢間食嘢

呢間位於官塘嘅「Shack Rakuzaka」日式西餐廳，令人感覺猶如置身於銀座，因餐廳佈置簡約華麗，配合埋日本流行曲， 令人愉快輕鬆！今午 order 了兩客鐵板燒，分別係“澳洲牛肉眼” 及“加拿大保濕豬柳”， 一上枱就聽到咋咋聲及聞到陣陣肉香味！🍴澳洲牛肉眼 (200g) $159 ～ 肉質嫩滑、牛肉味香濃，又可在鐵板上燒到自己喜愛嘅熟度，真係超🍴加拿大保濕豬柳 (200g) $139 ～ 燒到香噴噴 ，肉汁豐富啖啖肉，簡直冇得頂 🍴 套餐除了主食外，還有清湯、雜菜沙律及飯，夠晒份量 🍹 清新青檸梳打/士多啤梨奶昔 $38 ~ 青檸清香，配合梳打，感覺味道清新。士多啤梨滿有啤梨香味，加埋奶昔、甜甜哋好好味！

今日朋友和我慶祝生日，謝謝你，我兩約會多數選擇觀塘區，環境唔錯，坐位空間寬敞，2人傾密計啱晒，食物質素唔錯，order牛肉加鵝肝，好味，再加一杯紅酒一杯白杯，輕輕鬆鬆過左一個晚上，朋友預先order左甜品，蛋糕加上名字，很窩心的驚喜

中午在觀塘工廈工作完，lunch 時份又可以看看附近有什麼好餐廳。在觀塘食飯的其中一個好處，就是不用幫襯經常食的連鎖食肆，新鮮度高一點。在我工作旁邊的國基集團中心，就有一間專食石燒的餐廳 —「樂舍」。樂舍環境非常寬敞，坐得非常舒適。如果不是下雨的話，應該可以坐室外坐位，環境好像更chill 一點，充滿日式風味。聽閒樂舍是主打石燒的關係，我們就不用多想，很快就點了一牛一豬的石燒套餐。⏁ 1. 沙律、湯套餐附送沙律和湯，讓我們先醒醒胃。今日的湯為大根湯，之後就迎接「主角」。⏁ 2. 澳洲牛肉眼石燒就當然要以牛肉為主角。樂舍有兩款牛肉選擇，我們就揀選了肉眼。石燒肉眼來到時，餐廳會以一張紙蓋面，避免熱石太熱而令其油汁濺出，非常細心。店員亦都輕輕提醒我們，肉眼要盡快食用，避免overcook。這份石燒肉眼肥瘦均勻，牛肉質鮮嫩，利用石燒烘熟將牛肉的鮮味更加帶出，不需要再加任何調味料。即使我食得有點慢，但其肉質亦不會變得糙口，看得出肉眼的品質不低。⏁ 3. 加拿大保濕豬柳食過牛肉，一於點一份豬柳嚐嚐另一口味。豬柳比起牛肉的確需要多一點時間烘熱，而其肉質亦較為厚切，所以都需要多一點時間。豬柳名為保濕豬

之前食過午餐，咁啱小妹嘅保單有啲問題，所以就約咗做保險嘅朋友再嚟解釋吓，順便聚下舊我哋每人叫咗一份套餐📍野菌黑松露意粉 $99上枱既時候香味撲鼻。意粉軟硬度適中，配以微炸過收水既蘑菇、香菇片一齊煮🍄 意粉掛滿松露醬夾同芝士碎，誠意之作🥰📍石燒澳洲牛肉眼 (100g) $109石燒肉眼上枱嘅時候，細心既職員有提醒小心辣到❤️ 牛扒表面有格仔紋，五成熟以內，玩石燒記得夠熟就先夾起，如果唔係就會變得過熟㗎啦！肉眼口感偏淋，熱辣辣非常好食😋 石燒仲可以追加虎蝦、帶子等等，下次一定要試吓~ 套餐仲會跟蘿蔔清湯，沙律同埋白飯~ 另外最開心嘅佢有戶外位置，望出去佈置到綠油油🌴 今日有d熱我地淨係出去參觀下，遲啲涼d 一於出去chill下！