上陽樓

Open Now

Now Closed

午餐行過諗住入去食啦，食咗個$300嘅set收埋加一，340。但係呢個餐超級之唔好食首先個豆腐好喊 ，海鮮湯係用濃湯寶加啲海鮮落去整 蝦餃啲皮散嘅 海蜇頭硬到食唔到 。嗰餐仲有個龍蝦海鮮麵。但係佢落得太多檸檬草完全食唔到有味。完全唔明點解可以收咁嘅價錢？！最好食嘅就係菜心。至於個春卷就不過不失啦。影到最後都費事影相。整個下午都聽到經理講話廚房唔夠人。啲嘢呢就大大碟嘅，但係唔好食幾大碟都無用。香港就係咁慘㗎啦，人手唔夠夠將貨就價。好少比差評人，但係希望間餐廳見到佢改善，因為你收嘅價錢都唔係平 叮叮點心嘅質素。不過啲侍應嘅服務態度都算係好。

平日中午嚟食人唔多，今次我哋試咗幾樣嘢金沙香脆豆腐，呢度菜不過不失，正常發揮。瑤柱蛋白海鮮炒飯有啲乾，而且係用珍珠米，呢個麻麻哋。另外叫咗幾款點心，都唔錯嘅估唔到呢間餐廳嘅甜品唔錯，有水準。小朋友好鍾意食佢哋嘅楊枝甘露，同行朋友亦都叫咗佢哋嘅椰香露都唔錯👍🏻

之前圍方開幕, 連入商場都要排隊. 熱潮過後, 人流回復正常水平, 上陽樓剛開業一個月, 星期日7pm 居然可以直接walk in, 唔使排隊, 一行3人直接入座.餐廳環境走高檔中菜路線, 行到最入, 有個小型魚缸; 仍有廂房, 其中一間, 有張巨型圓枱, 氣派十足.假日晚市 有套餐, 2~6人都有, 前菜, 主菜各選幾款. 叫左3人餐, 埋單$300頭 一個人, 份量足, 都係抵食. 最有印象 係海鮮湯, 好清甜食到一半, 之後嘅餸唔記得影🤣樓面員工足夠, 但當晚可能廚房唔夠人, 出菜有d 慢, 隔籬枱, 等唔切, 未嚟晒野食,就叫埋單走人

訂左位去食午餐，由係reception 開始，同receptionist 講訂左位，佢話要等，因為要服侍xx客人先，到完左都未肯回應我，前後等左3個字。到落單，無人理，叫到侍應黎，佢竟然話“你地等陣得唔得？見唔見我做緊野”，之後無理過，又等左10分鐘，再叫人先有人應。上菜後，越黎越多碟，多到無位擺其他菜，叫侍應收碟，竟然話“我唔係負責收碟架，其他人做架，我唔會理”，所以唯有自己碟搭碟，方便侍應上菜。期閒完全唔會有人睇下我地個檯仲有無茶，一直叫人都只係扮睇唔到，長期乾等。忍唔住終於同個侍應講，做咩成個流程既人都可以咩都唔理？下下叫幾次先有人應，仲要成日話唔係佢負責就話唔理，之後佢竟然關左我地包廂對門（本身開住）。。。仲話有咩事叫我地慢慢講，可以立即炒左個員工。。。根本成個流程都無人理，餸又無黎齊。。。不如唔好做啦。。。唔係炒一個人咁簡單囉，係training唔夠。野食其實幾唔錯，但要忍受住無人理、成日茶壺無茶、張檯不斷碟搭碟都唔收、同不斷講“見唔見我地好忙，遲d先得唔得”.......只要忍到就去啦

上陽樓是一家elegant的餐廳，它的美食絕對不容錯過。位於大圍圍方商場的這家餐廳提供了一系列精緻且引人入勝的菜式，讓味蕾得到了享受。陳醋海蜇頭，這道菜色彩繽紛，口感清爽，帶有微妙的酸味。它展示了廚師們對食材細膩處理的技巧，令人印象深刻。另一道精選菜式是松露鮮鮑片，這道菜絕對是奢華的代表。鮮嫩的鮑魚片與香氣四溢的松露完美結合，黃耳燉響螺湯，這道湯品濃郁鮮美，帶來了溫暖的感覺及黃耳增添了豐富的口感。脆皮乳鴿和黑豚叉燒是我喜愛的菜式。外脆內嫩的乳鴿肉質帶來juicy的口感。叉燒是半肥瘦，好正！阿拉斯加蟹乾巴菌醬肉環蒸是上陽樓的招牌菜之一，絕對值得一試。蟹肉鮮美又當造、搭配乾巴菌醬肉環，味道層次豐富，回味無窮。甜品是楊枝甘露，清涼可口，帶有濃郁的芒奶香味道，絕對是一個美好的結尾，掛住食都唔記得影相添總而言之，上陽樓的菜式令我滿意。菜品的外觀和味道，都展現了廚師們對料理的熱愛。餐廳的環境舒適，服務態度親切周到。

親友生日試下新開的餐廳，環境好好，舒服。食物賣相好好， 精緻及新鮮 !食物質素都不錯。 都是一間中上嘅菜館 。以廣東，南海，順德，佛山類。 不過改良版。當晚連大小共8人，帶左旦糕紅酒收左300元為切餅及開瓶費 ，當晚單點3千幾。

第二次嚟The Wai行行閒日食個飯，本身想去食其他中菜館但見到都要等好耐，所以拎完飛就周圍行來行去，最後行到去上揚樓附近見無咩人，就埋去睇睇餐牌啦～餐牌唔算多選擇同堆都係行比較高檔嘅菜式，再望望入面見到唔太多人但又環境裝修都好唔錯，再加上前台話佢地唔屬於咩大型飲食集團，就更有興趣入去試試。因為本身都食左啲野唔太肚餓，所以都只係叫左幾碟野食同甜品，可能我揀果啲都係經典小菜同穩陣啲嘅菜式，所以整體嚟講唔算係話好驚喜又或者好好食。反而最後為食叫左個甜品，反而個甜品就最印象深刻（好似叫椰子xx爽），以椰青水做base+椰子碎等，確實都好refreshing～

#圍方#上陽樓終於有時間行下新商場圍方地方好大 好羨慕大圍人食肆上總類還好 本來大圍都算多野食今次係圍方度揀左上陽樓食中菜💓食物方面每碟都好精緻味道都唔錯👍🏻前菜有蛋散 上陽黃椒醬我地兩人叫左5碟1️⃣黑毛豬叉燒腸叉燒腸每件夾了原塊叉燒🤤腸粉皮厚薄均勻 唔會太厚粉又唔會太薄 口感上同視覺上都一絕2️⃣帶子菜苗餃我係餃子狂熱份子 所以帶偏見我覺得要encore 好好食😍😍3️⃣香煎雞包仔而雞包仔表面煎到少少金黃色入面有香菇雞肉 🍗👍🏻比起蒸會更香口4️⃣金湯南瓜果呢個好特別 純粹我鍾意食南瓜🎃所以叫左 有啲似抽盲盒 上碟發現原來係有蝦仁🍤混合南瓜粒搓成既肉球再炸 好香脆 加上有啲青豆同冬菇做配菜 多左唔同層次既口感體驗5️⃣松露醬蔥油拌面🍜有松露醬 但松露味道無想象咁出但醬汁配搭整體開胃而不油膩不知不覺食食左大半碟🤣環境方面唔只寬敞 仲好有私人空間 每台都保持適當空間 唔會好嘈好岩朋友/家人聚會 傾計💬加上職員好細心 好照顧孕婦🤰🏻會主動向廚房了解餐單有無我唔食得既野 💯加分🩷🩷#大圍#中菜#腸粉#點心#精緻#飲菜#家人#朋友#聚餐#hkfoodie#hkig#hkfood#instafood#insta

趁著金秋庆丰年，吃到上陽樓的诗人定制，可能近期在香港最满意最招積的一餐，位置在香港网红新商场~大围围方。这裡装修精致，服務到位，贵少少但比起深圳同级又不算贵。光这六小碟也已經知道今晚如此矜貴，加上震撼主菜，冇得输！​前菜​1.松露雀巢鲜鲍片​2.宁波蜇皮拍黄瓜​3.黄金普宁炸豆腐​4.拿破崙牛油果塔​5.醋籽马蹄小蕃茄​6.糙米白云猪腳扎主餐​1.椰子浓汤鸡煲翅2.陈年菜脯瓜子班3.红烧花胶两头鲍4.坚果姜葱啫龙虾5.黄焖汁帶子萝卜6.上阳玻璃烧乳鸽7.慢燉安格斯肋条8.山珍海味扒时蔬9.砂鍋醉罗汉炒饭10.桃胶椰皇白玉兔​​由多隻雞敖煮浓湯的粗翅，啖啖尊貴粘嘴却不膩口，翅够身，5星。​瓜子班用老菜脯开片蒸，火喉一过即粗，有些咸香，垫上浙东老豆腐，鱼汁渗入，融汇不同味道，5星。​坚果酱独门秘制，有其果仁香气，用姜葱蒜啫5斤龙虾，弹牙爽口，龙虾味足也有少许辛辣，加些分。​花胶鲍鱼真材实料，煲足18小时不可以偷工，鲍鱼一切软嫩糯香，用足材料的汁酱，不是一般蚝油鲍汁，煨煮收汁裹住鲍鱼和花胶，每一口也是人生享受，奈何沒有佐配米饭，暴敛天物，罪过而不完美。​​其他菜色，也是厨艺显示，只是欠些惊喜

追月夜同老人家食飯，早一星期book位，成個大圍冇一間中菜有位…呢間只係開咗幾日，所以仲有位，於是貴都要book…4大人2小朋友點咗4人餐，嘢食賣相精緻，份量都唔少…味道不錯，但未至於勁好食。比較鍾意嘅係茶香雞，雞肉好嫩滑；燉湯足料好飲；荷葉飯絕對唔係4人份量，我哋食完仲可以打包半個飯盒；椰子甜品清甜，小朋友大愛。整體滿意，但唔係大時大節應該唔會食，因為真係貴…大圍中菜仍然首推大圍小館！

中秋做節，訂了這家菜館，環境很不錯，檯與檯距離適中，不會太壓迫，装修格調不錯。食物方面頗有水準，屬於傳統中菜但用料上乘，六人餐每位$600尚算合理! 當中推薦煙熏雞，酸菜魚。可能新開張關係，上菜時間稍長，日後應該會有改善。