龍門一番 上海·紫砂燉湯 (Closed)

行完荃灣IKEA想搵野食 咁岩見到依間上海菜都幾多人食 又心思思想食下小籠包 結果食完真係幾滿意睇得出裝修花過一番心思 卡位空間闊落 亦坐得舒服每人有一小茶壺 可以自己揀茶葉 我就揀左比較特別既人參烏龍 人參的回甘同埋烏龍淡淡茶香 真係非常夾魔鬼天使小籠包 $58一籠四隻 魔鬼係墨魚汁海膽黑蒜肉 天使係帶子魚子醬 魔鬼小籠包味道會較濃郁 黑蒜肉既甜味帶出豬肉既鮮味 好食 天使版本有粒粒帶子 夠曬足料 皮既厚薄偏厚 係台式小籠包路線 唔會一夾就穿小龍蝦湯包 $42跟埋飲管俾你拮入去飲湯 因為加左小龍蝦 個湯汁好鮮甜 飲完就可以食埋內餡同皮蟲草花醉雞 $82醉雞脾好滑 雞皮好爽唔油膩 再加上蟲草花點綴 酒味香而不嗆喉 醉雞整體唔錯 可以encore👍🏻紅油抄手 $48抄手皮薄 辣油唔算太辣 食落幾開胃 岩曬我依啲鐘意有少少辣提味既人 好惹味😋排骨擔擔麵 $68排骨炸得酥脆 擔擔麵麻醬香濃 份量好大 兩個人都食唔曬 有一種食極都仲有麵既感覺😂性價比好高📍 龍門一番 上海·紫砂燉湯荃灣青山公路荃灣段388號中染大廈(8咪半)1樓105號舖

這間餐廳滿足到我要食高質上海菜，又要環境浪漫氣氛的要求呢！今晚來到位於荃灣的龍門一番上海餐廳，入到去燈光柔和，桌上有花佈置，裝潢雅觀！我們點了上海小籠包、煎黃花魚、葱花薄餅、煎韮菜蝦🦐餃子和秘醬炒饍糊！🤤🤤🤤食物不但賣相佳，而且食得出新鮮又用心烹調，例如黃花魚魚肉滑嫩，煎得剛剛好，保留魚鮮！還有當然大讚上海小籠包果然名不虛傳，皮薄肉汁香，一口咬下超級滿足！龍門一番地址：荃灣青山公路荃灣段388號8咪半(中染新城)1樓105鋪

🍴黑醋排骨82 蚊🐷黑醋汁整得幾黏調 甜酸幾開胃 排骨切成正方形狀 食落幾有口感 豬肉夠彈牙入味 連埋洋葱拌碟唔錯👍🏻🍴青雪菜毛豆烤豆腐 78 蚊😃爽口軟淋既雪菜 加有 d粉身口感既青毛豆 連埋豬肉碎鋪滿喺豆腐上面 烤豆腐出面層皮幾脆 入面既軟滑豆腐豆味都幾香 要黎撈飯正👍🏻🍴水煮牛肉麵中辣 78 蚊🐮水煮牛肉係滑牛肉🌶️份量多 👍🏻 肉質彈牙 有芽菜辣椒 洋葱 盡吸辣湯味 辣湯汁 水煮味既辣椒夠香 帶少少麻味 係川式既麻辣 麵係上海麵 黃色既幼麵爽口彈牙 蛋味香 同辣汁好襯🍴醬豬手冷麵 68蚊🐷🍜冰凍既青瓜拌碟🥒 上海麵 整成冷麵 爽口彈牙 醬汁帶 d甜酸 花生醬同辣味 🌶️食落幾惹味 豬手 切成厚切 類似厚身既燻蹄 但醬汁味濃 d同青瓜冷麵撈埋一齊別有一番滋味#上海菜 #冷麵 #豬手 #水煮牛肉 #麻辣 #黑醋 #排骨 #豆腐 #青豆Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻

小籠包唔太好食，皮太厚。厚到以為自己係度食緊餃子。另外生煎包都係同一問題，就係太厚皮。唔好食。香港的小籠包其實一般都整得麻麻地，但呢一間係特別唔好食。唔會再有下一次。

呢間認真抵食, 裝修算幾靚, 最緊要係坐得舒服!地方大, 放野方便,桌又大!關鍵係呢到就算食得好飽 都可能係3百多2位而已!呢到既用茶有點特別 係每人一包茶葉, 9$ 一位咁樣大家唔洗爭飲咩茶啦!食上海野, 小籠包(38$) 係必點嫁啦!呢到小籠包係有小小唔同, 首先肉好大件, 湯汁比一般既更濃,肉係無蔥味的, 同出面其他餐廳既味道都幾唔同!肉係好香, 配埋熱辣辣既湯汁, 十分正! 必點! 土匪牛肉 (85$) 呢個又係正, 最滿意既一個位係呢間餐廳d 牛肉份量比出面多! 出面一般都好少, 配菜就勁多. 呢個土匪牛首先好滑, 夾佢上黎可能都有小小難度,有d花生醬既味, 唔食得花生既人問清楚先點, 小小辣, 牛味濃, 超正! 必點!椒鹽小黃魚 (88$)小黃魚(海魚) , 外皮好脆, 內面好鬆,  我自己中意食海魚多d , 感覺鮮味比較重,外皮脆得黎又唔油. 我感覺廚師處理得好好.整體黎講埋單約350$ 2位,唔算貴, 但食物質素高, 服務好, 環境十分舒服!

一開始服務員就俾我哋揀茶包茶包我鍾意普洱茶堅沖出嚟偏紅色沖極都唔會變黑色唔會苦好清澈普洱味跟住我哋梗係點咗馳名嘅魔鬼天使小籠包建議先食咗白色跟住食黑色就有驚喜～陣味豐富得來勁有層次有陣唔知乜嘢味係個頂到我唔清楚嗰個係咩配料但係好香口 好好食跟住我哋叫咗個豬扒冷麵同個冷麵比塊豬扒比豬扒就比較普通個冷麵佢一早已經撈好晒醬汁免去我哋人手自己撈嘅麻煩撈得幾均勻添個醬汁好特別食落去會有一陣花生味陣花生味香到有種衝動想繼續食落去嘅感覺但係當食到落口幾秒之後有陣辣味散發出嚟但嗰種辣味只係散發喺喉嚨之間而且種辣味係可接受範圍只係好輕微輕微幾過癮幾好食😋跟住嚟到今日重頭戲古法燒烤羊腩！呢個真係好出色筆者一向不太喜歡吃羊肉因為好討厭嗰種羊酥味不過朋友話想試就試一次～羊味冇蓋過羊肉本身肉嘅味道但又唔會覺得酥皮好脆好香口連筆者朋友食嘢一向好檢點都係咁食同我食咗一人一半😂最好梗係食甜品啦～既然一場黎到網上有好多人推介一於試晒兩款😂高力豆沙配雪糕奶黃高力配雪糕最後我覺得奶黃味比較好食啲個麵粉皮好鬆軟鬆軟得嚟又有足夠蛋味奶黃唔甜兼冇搶走個皮d味道店舖環境幾精緻幾有格調有適當距離入到去唔會有逼夾感覺門面

Shanghai Cuisine❤️ Xiaolongbao😍🥢..說起上海菜🥢 各種美食，我都很喜歡💕。好掛住旅遊時既美食，當中：小籠包、炒年糕、生煎包、擔麵麵🍜、紅油抄手，已經垂涎欲滴，款款都係我最愛啊啊啊。.荃灣一間上海菜小館✨，菜式款式多、價錢相宜，餐廳雅致、坐位舒服，難怪晚上吃飯等位的人特別多呢。其中茗茶一人一盅🍵，可以按各人喜好挑選各類茶包🍃，所取所需。.ll $38Xiaolongbao (Shanghainese Stream Bun)上海點心必吃😍，皮不算很薄，但餡料足、湯汁多，粒粒大顆🥢，蘸點醬醋薑絲，吃在嘴裡很滿足。.ll $38Fried Dumplings喜歡香口小食，生煎包💫 無疑是另一種好選擇。包皮底煎至微微焦香，充滿肉汁餡料，與鬆軟包點同吃，都很滋味。.ll $48Wonton in Spicy Sauce雲吞🥟 跟平日不同，口感較紮實，餡料滿滿，微微辣度，配以大量蒜泥香蔥，不嚐辣者都吃到呢。.ll $138Sichuan Style Chicken Stuffed Pork Stomach in Hot Chili Oil一款平日很少吃到的Combina

今日黎左荃灣嘅I字頭傢品買左個櫃, 橫掂都cover得哂free parking, 食埋晚飯先返屋企, 8咪半一樓原來開左咁多食肆, 屋企人就較Like上海菜, 一講就見到li間靚靚裝修嘅上海菜la.🥢雞絲水晶粉皮 (HKD58)Li度嘅水晶粉皮寧舍薄身兼口感勁滑, 撥開啲青瓜絲成層都係雞絲, 花生醬勁香又smooth撈到每一啖都有花生醬汁嘅味道好好味呢.🥢水煮牛肉 (HKD108)睇menu以為係淨水煮牛肉, 大中小辣我地go for中辣都OK噴火🔥的. 本身已經一大盤睇下有咩乾坤先: 牛肉-份量勁多, 厚切, 食落無塊有筋而且超入味; 另外仲加入左索汁嘅金菇, 原個薯仔🥔切成嘅粗身薯條, 另外佈滿哂辣椒🌶️, 花椒, 芫茜等等香料......驚喜廚師以漲卜卜煙煙韌韌嘅薯粉做底, 三個人食極都仲有得食🤣超足料.🥢蟹粉小籠包 (HKD72) 👍🏻尋晚食完蟹🦀.....食過返尋味, 今日一於ENCORE黎個蟹粉小籠包先. 我估店家嘅小籠包係in house師傅即場包嘅, 因為食落係勁新鮮, 餃皮夾起已經feel到非常薄👍🏻有功夫, 面頭一大粒蟹膏, 一啖食, 濃郁嘅湯汁爆哂出黎, 肉餡食到

每次黎到龍門一番，都會比佢嘅雲吞雞湯吸引住，因為真係好足料好好飲💙💜而且覺得佢提供嘅茶包好特別，吾係四圍都有得飲，而我個人最中意就係人蔘烏龍，味道吾算太濃，反而仲有陣甜味回甘今次試左佢個炒大蜆，同豬耳整體味道不錯，但d蜆就比較多沙，呢方面就失左小小分😅

今日幫同事搬遷去荃灣愉景新城居住，好不容易才完成任務，之後同事就同我去附近的商場食晚餐，他知道中染大廈內有龍門一番 上海紫砂燉湯，食上海菜好好味，我之前也有食過，的確唔錯！每位客人可自選一包自己喜歡的茶包。上海粗炒，吵得很有鑊氣，麵條煮得剛剛好,不太軟亦不大硬,麵質有嚼勁,再配上香菇、椰菜、肉絲，醬汁調得夠味，喜歡辣的，拌入豆瓣醬食更惹味！ 排骨擔擔麵，排骨炸得香脆可口，肉質軟嫩，湯底濃郁，麻醬及花生味較重。幼滑麵條在惹味湯料中， 伴著豬肉碎和蔥花，每吃一口，都叫味蕾跳躍起來。上湯小籠包，小籠包外皮薄身，裡面的肉很腍身，而且包內很多汁，鮮甜美味！生煎鍋貼和鑊仔生煎包，兩款底部都煎得好脆口，豬肉餡料鮮味十足。雷沙湯丸，即叫即做，外層口感軟糯，流心芝麻餡料又香又甜！

荃灣中染大廈的龍門一番，一直都想試，今晚來到愉景新城，就專程來中染大廈試下龍門一番。餐廳裝修非常有特色，老板在裝修上認真花了心思。餐廳主打上海佳餚，有水煮桂花魚、土匪牛肉、糖醋魚塊、紫砂燉湯、麻辣美點及特式甜品...等，非常多菜式。土匪牛肉$85 土匪牛肉裏面有乾辣椒，令整個菜式帶上海菜的特色，味道微辣，翠肉瓜非常清爽，土肥牛肉很大件，牛肉很腍，有少少咬口，炒得很入味，好味。紅燒牛肉湯拉麵 $68紅燒牛肉湯拉麵 ，紅燒牛肉也是很大件，切得厚薄適中，牛筋位煙韌有口感，很好牛肉味。湯底清甜，和著拉麵食，好味著呢。糖醋魚塊 $78糖醋魚塊有青紅椒、洋蔥及菠蘿一齊炒，魚塊很大件，外脆內裡又腍又滑的，軟滑可口， 味道鹹中帶點甜，很可口。上海小籠包四隻$38上海小籠包，裏面湯汁非常多，當真是皮薄餡靚， 是正宗的小上海小籠包，餡靚多汁。原來荃灣中染大廈有間正宗的上海菜 呢。

跟友人去完主題樂園玩，筯疲力盡之際決定到大家搭車回家都方便的荃灣晚膳。第一次到位於商場角落的龍門一番吃飯，門口驟看乾淨企理，裝潢别緻，是個可以安心舒服吃飯的環境。入內枱與枱之間不太擠迫，並有膠板簡隔，在餐廳旁更有小屋似的卡位，大大減低口沫傳播的風險。最令我印象深刻的是，店員一開始會捧著一盆茶包過來，盆內排列整齊地列出各種茶的名稱供客人選擇，感覺就像皇帝選妃竉幸一樣！我費煞思量後決定竉幸烏龍人參。可能用小茶壺沖，茶味濃郁，沖了幾次也不減濃度，小茶壺裝水量不大，所以我要慢慢喝，就順道學習一下喝茶慢活的態度吧！隨後點了幾道小菜，分别時帶子粒粒炒飯，火腿津白和糖醋魚塊。飯粒炒得有鑊氣，醬汁很均勻地包著每一粒飯，飯粒口感剛好不軟不硬，味道咸味適中，切細了的豆爽口有咬感，帶子略嫌不夠鮮味，但整體味道中上。注意炒飯中有臘肉，海鮮素的朋友要注意噢。火腿津白的菜大大條，身為食菜怪的我很高興。但菜有點太油，味道亦稍為清淡。魚塊大小份量適中，糖醋味濃，魚塊入味有咬感，洋蔥爽脆鮮甜，味道酸酸甜甜超好吃！推介。因為是星期一，人流不多，店員服務態度友善，是一頓舒心，不趕不忙的晚飯。

是日晚上喺荃灣行街之後見肚餓，去咗附近嘅「龍門一番 上海•紫砂燉湯」食晚餐～餐廳主打款式眾多的上海菜，價錢經濟實惠麻醬腐皮卷腐皮包住芽菜、蘿蔔絲、雲耳等等素菜餡料，口感同味道都好豐富呢，適合作為開胃前菜生煎鍋貼鍋貼一客有四隻，外脆內軟，豬肉餡料飽滿多汁，大件夾抵食上湯小籠包小籠包大大隻，外皮厚薄適中，一咬開湯汁滿瀉，頗鮮甜的紅油抄手抄手外型比較獨特，係長條形狀的～外皮薄薄的，菜肉餡料份量都幾多，配上紅油、香蔥及蒜蓉，好味道香葉肉碎配叉子肉碎加入左香葉同辣椒炒香，鹹中帶香辣，好惹味！配上酥脆的叉子燒餅，非常滋味呢鍋塔豆腐炸豆腐外皮呈金黃色，薄薄脆脆的，內裏好嫩滑，滿有豆香

同朋友行完宜家傢俬要找地方食飯，見到有間上海菜幾好，於是入左去試下。店舖門口有為客人量體溫及有提供搓手液，枱與枱之間有隔板分隔，係呢個疫情下用餐都算放心。每人可以挑選一款茶葉，推介是人參烏龍，味道甘甜。叫左個醉雞：花雕酒味重，雞肉又沒有雪味。古法燒羊腩：羊肉沒有羶味，肥瘦相間，配三款醬汁，食法新頴。黄金蝦球：這個不得了，滿滿的咸蛋黄包住每一隻蝦球，十分邪惡。四川擔擔麵：正常之作，食得到彈牙的面，花生醬都是濃郁的。整體用餐總結都是滿意的，侍應生殷勤有禮，多主動添加茶水

唔知由幾時開始, 同枱食飯變成奢侈、夢想😔! 喺今日唔知聽日事的情況下, 有得食好食, 有得見好見🥳! 當然平日要做好防疫措施先好去見朋友啦! 😎😷荃灣係一個我經常出沒的地方🤭, 龍門一番亦係我喜愛的餐廳之一! 😈魔鬼👼天使小籠包 $58 ~ 🦑墨魚汁皮 + 黑蒜肉 + 🐽🐷豬肉 + 海膽! 我個人比較喜愛魔鬼隊😈 味濃爆汁, 大大料黑蒜肉, 軟滑香甜, 滿滿的加分! 🐑古法燒烤羊腩 $158 ~ 喜愛羊羶味的朋友不能錯過! 羊腩軟嫩, 外皮香脆, 陣陣羊羶味撲鼻而來! 喜愛三款醬汁, 尤其芥末醬, 中和油膩感, 是不能錯過的好味道! 🐖黑醋排骨 $82 ~ 甜甜酸酸的醬汁, 比起一般甜酸汁有更多層次, 排骨肥瘦適中, 連洋蔥都甜甜的, 好適合配飯, 但我們選擇配銀絲卷! 🥖炸銀絲卷 $23 ~ 一絲絲的, 沾黑醋汁或煉奶都好夾! 絲絲分明, 雖炸但不油膩! 😎期待下次再聚!