上海姥姥

Open Now

Now Closed

經過三年，大改進可能因為疫情、經濟、新香港人及香港無曬人（走晒），好味店時：中午，12點，返工人都少曬，三位直入地：衛生好、無再見打爛嘢人：禮貌超好，少左客，壓力少，個個開心曬。幾矛盾，有生意，態度差，無生意變優質服務 。食：終於比三年前先進，全世界都QR落單，唔洗等叫人都唔理叫左三款面：雲吞面---清湯而有魚味，不過不失，雲吞大大粒穩陣𩺰肉面---超班，長者至愛重試擔擔面---一句到尾----變返好味道，分析：湯：濃郁，足肉碎，唔誇張係食唔出花生粒啫面：足夠多，夠入味，唔太淋飲：凍豆腐凍酸梅湯必選，大好飲價格：都64-80蚊一個面，app儲唔到the point ，要去櫃檯搞

星期日下午三點半到，唔需要等位，我哋兩大一細，被安排坐 半邊梳化位，店家大約有 四成座位有人坐，生意一般。用qr code點餐 ，茶芥8蚊位，我哋見有茶餐，嗌咗一個 厚切排骨手製 拉麵 餐，餐 配小食同埋飲品， 我哋揀咗 陳醋小雲耳+凍酸梅湯 ，唔使加錢 仲有幾樣冷熱飲品選擇。 另外跟餐可以加錢嗌其他小食 ，我哋就試咗 麻辣 口水雞 加29蚊，脆皮豆沙包加9蚊。 單叫咗小籠包 43蚊 ，埋單 總共198.9。食物整體質素都ok，炸豬扒都大塊，有少少油膩， 連骨嘅豬扒 有啲難handle， 另外麻辣口水雞幾惹味同埋啲雞好滑，另外炸脆皮豆沙包just so so ， 大約四分一手板咁細， 有啲油膩 ，酸梅湯就勁甜，要無糖豆漿 會健康啲， 小籠包正常 發揮 ，有肉汁，塊皮 幾薄 不錯。呢間食肆性價比都ok， 有機會下次再嚟。

年初三回港後，晚上8點半才去搵食～～商場內部份食肆沒有營業，而有營業的餐廳中，上海姥姥不用等位，肚餓的我便和親戚吃上海菜吧！時間不早，有些菜式已沽清，選擇不多，盡量點些飽肚的餐點。菜肉雲吞拉麵，雲吞皮厚薄適中，肉餡夠肉汁，拉麵爽滑彈牙，麵量足。姥姥小籠包 (4件)，小籠包大大隻，皮薄，湯汁豐沛，肉餡鮮味！糖醋魚塊，炸魚大大件，惟酥脆度一般，炸漿有點偏硬。酸甜醬汁令人開胃，惟份量不多，90多元的定價有點偏貴。姥姥家鄉粗炒，配料有椰菜、肉絲及冬菇絲，上海粗麵炒得爽口，醬汁惹味不過鹹，油亮的又不會太過油膩。Last order前點了份擂沙湯圓 (4粒)，湯圓外皮煙韌，內裡是半流沙的黑芝麻餡，甜度剛好，沾滿黃豆粉來吃，好味！！店面人手顯然緊絀，但請店員添茶加水，都幾有效率。食物味道整體令人滿意，是價錢略貴，與食物份量不太合比例。

呢間上海菜一直都知好多分店，係連鎖式經營，但實在出品參差，而且價錢進取🥲新年流流去完林村許願樹後，咁啱落車後有啲肚餓，就去咗附近既新達廣場搵嘢食。由於係大年初三，都唔算多舖頭有開。行過幾間見到呢間算比較少人等候不如就佢啦～入座之後，用二維碼落單，好多菜式都已經沽清。最後就叫得3樣野。小籠包/一籠四粒（$43）算係三樣嘢入面出品最正常，飽滿有湯汁，外皮煙靭薄身。肉餡鮮味，唔差既。雞絲粉皮（大）（$68）呢個真係麻麻，個醬係極重味精，點解咁講呢？因為佢係入口明明甜甜地，但係後勁好咸好咸🫣。菜肉雲吞（$60）雲吞都非常OK，口味正常，算係有家常味，但係個湯底又係味精湯，唔好咁大期望🤔60蚊黎講有6大粒，還好啦。茶位（$16/位）埋單最後$240左右，食左啲啲野，醫到肚仔，但我會期望佢出品唔好咁求其，個雞絲粉皮真係有啲超出想像🥲如果做好啲可能都會再戰既

黎到上海菜餐廳，今次冇嗌小籠包，反而試吓其他上海美食。前菜點咗醉雞，醉雞份量唔多，肉質普通正常發揮，區內有食過其他醉雞嘅餐廳質素較高。令人意想不到嘅係蛋黃蝦仁炒飯，雖然炒飯加入鹹蛋黃，但炒飯非常乾身粒粒分明，一啲都唔油膩。鹹蛋黃份量多，令炒飯非常香口，而且增加炒飯嘅口感。係成個炒飯嘅靈魂，嚟到呢間餐廳一定要點呢個炒飯。酸辣湯拉麵少少辣，麵質彈牙幼滑，加上酸辣湯上面嘅配料亦都非常豐富，呢個酸辣湯麵亦都係合格以上。

在此處點了六道菜，四人進食。餐廳的上海菜式味道非常不錯，小籠包肉質正常肉汁很多。紅油抄手拌麵的麵條味道非常好，叫了小辣，滿口馬香味；但是紅油抄手的餃子味道不怎麼特別，普通菜肉餃子拌上辣油而已。雞絲粉皮點了個小的，不過如果這個份量已經需要$46的話，情願叫碟大的才$66。黃金炒飯味道非常好，飯粒乾爽，連同鹹蛋黃炒得味道適中。同時在螃蟹味道也非常好，蛋白非常嫩滑。蟹肉扒時蔬則不太特別，主要是水煮菠菜在淋上芡汁，蟹肉不多。總的來說大部份餐點都非常美味。

晚飯時間突然想不到吃什麼，突然看到這家連鎖上海餐廳不用排隊，馬上就決定試一下，果然這餐廳是挺受歡迎，坐下沒多久就開始排隊，特別是在晚餐時間。這次用餐我們主要點了水煮牛肉拉麵和期間限定的燚焫焫小龍包水煮牛肉拉麵：因為平常吃譚仔或日本拉麵比較多，這個水煮牛肉拉麵味道挺衝擊味蕾，首先，湯頭鮮美濃郁，帶有濃厚的牛肉風味和微微的辣味。牛肉切得相當薄，口感嫩滑，入口即化。蔬菜的份量也相當豐富，增添了口感的層次感。配料方面，還有一些蒜末和花椒，能夠提升整體風味。總體而言，這碗水煮牛肉拉麵絕對值得一試。缺點：覺得牛肉比例有點少燚焫焫小籠包：而期間限定的燚焫焫小籠包給我留下了深刻的印象。外皮薄透明，口感十分細緻，完美地包裹著豐富的餡料。每個小籠包內都有充滿湯汁的肉餡，一口咬下去，湯汁迸發出來，給人一種美妙的食物體驗。肉餡的味道鮮美，搭配上酸辣的醬料，更是令人回味無窮。小籠包的蒸煮程度恰到好處，不會太軟或太硬。如果你喜歡小籠包，這裡的燚焫焫小籠包絕對不容錯過。這家連鎖上海餐廳在晚餐時間人流眾多，但是他們的食物品質和口味絕對值得等待。無論是水煮牛肉拉麵還是燚焫焫小籠包，都是給人留下深刻印象的美味佳餚。如果你

好耐冇食上海菜，必食小籠包☺️不過唔見得影相😂😂口水雞雞肉幾嫩滑，不過如果可以再辣啲就好啦🤤有酒味嘅魚片，魚片好足料，有口感好滑😆中意食魚既一定要試😊再叫左個炸素鵝，入面系冬菇黎既。都吾錯😊食到好飽👍🏻

星期六帶媽媽外出午餐，我地擇唔去酒樓，去食上海菜，當點餐時見到了多年無吃的脆炸本幫薰魚，就立馬點了小份，其次仲有香煎素鴨，招牌小籠包，姥姥生煎包，上海炒年糕，可惜非常失望。下單5分鐘就送上薰魚，本應好開心，但一吃，堅硬無比，我媽只嘗1口就放下，薰魚跟本是返炸再炸 ，但不是今天做，不知做了多天，發給我時只用微波爐加熱，所以溫度唔夠，亦可解釋到點解咁硬。只住講素鴨，其實都差不多，因為食到不是新做的，亦是微波爐出品。其他的小籠包，生煎包，沒有湯汁，所以唔會驚爆汁同皮爛。最後年糕，我地食剩半碟，原因不用講了。

Picked this for a small family dinner. The food is reasonably priced and the environment is nice.小籠包 Good as always, the soup inside is still boiling hot so be careful!紅油炒手Dumplings dipped in spicy oil. Surprisingly awesome, the spice has brought the dumpling in to a whole new level鹹肉炒飯Fried rice with ham and veggies. A healthy yet nice dish.Fish & dry scallop tofu soupPure freshness to warm up the body

講到食上海嘢，上海姥姥呢個名一定唔陌生。佢嘅分店遍佈全港九新界，尤其是大型商場非常容易搵到。我最鍾意食上海姥姥的小籠包，雞絲粉皮，擔擔面，同埋佢哋的先磨豆漿！昨天和朋友同行食的水煮魚都非常有驚喜！之前因為疫情關係，佢哋推出咗非常優惠嘅抗疫套餐。一個麵加一個餸都係$100有找。由於公司附近就已經有上海姥姥，同我同team嘅同事又非常鍾意食上海嘢，所以上海姥姥成為咗我哋午餐打躉嘅地方。🥰而家疫情已經叫做過去了，上海姥姥嘅人龍又出現番啦🙌🏻

又黎食上海姥姥啦，上海美食真係唔會食厭，今次都算叫得幾豐盛，上海野就當然要叫小籠包啦，外皮做得幾薄，而餡料唔太濃味，唔洗額外加醬汁😋第一次食貢菜既小編覺得好新奇，口感脆脆地，而且配埋蒜味好夾，簡直可以encore多2️⃣碟

今日同老婆、媽咪同姨媽一行四人去咗大埔慈山寺參觀，參觀完肚餓到飛起，馬上搭的士去返大埔中心搵食。商場裏面人頭湧湧，去咗幾間餐廳攞飛。好好彩，我哋最想食嘅上海姥姥最快有位，仲要有得坐卡位㖭。我哋叫咗擔擔麵配排骨、姥姥家鄉粗炒、招牌小籠包、四喜烤麩、同炸菜肉末窩窩頭。我哋最欣賞嘅係擔擔麵，麵煮得啱啱好，軟硬適中，湯底超正，好濃郁，花生味好香，帶有少少辣好開胃。家鄉粗炒都炒得好惹味，調味好。不過略嫌配料太少，如果加多少少蔬菜、肉絲、冬菇片嘅話，口感會更豐富。招牌小籠包都好好食，一咬落去啲湯汁湧晒出嚟，湯汁好香，餡料都好食。四喜烤麩調味係好食的，甜甜到好惹味，不過烤麩煮得太淋了，無咗彈性無咁好食。炸菜肉末窩窩頭係期間限定，賣相好可愛，窩窩頭其實係炸饅頭，底下挑個窿，然後將肉碎放入去食。肉末味道不錯，不過唔係好食到有炸菜，反而芹菜味更搶。略嫌炒饅頭太油，食落去好大陣油味。

平時經過上海姥姥，一直想試試他們的深海水煮鱸魚，結果…滿失望的。等了近半小時，一個用湯碗裝著的深海水煮鱸魚…薯粉才上來。不是說笑，照片中碗內的魚肉很少，大概半個飯碗吧，大半都是被下方應該是薯粉和芽菜項上來，魚肉很軟和易碎，軟得沒有吃到的口感。那個湯…我用我普通的舌頭感覺，就和在太和一所薯粉米線專門店內，不用$50的辛辣湯薯粉差不多，或許他們是用了甚麼秘方，只是我這種普通人實在吃不出，只感覺過於麻和辣，吃不出甚麼鮮味，愈吃愈像薯粉。而且吃一個$158的菜，白飯還要另買，這也算了，$15一碗的絲苗白飯比飯盒的還要少。以上只是我一個沒有甚麼超級味覺的普通人的感覺，請自行參考，反正如果不是收入特別多或者有一條食評家的舌頭，非常不建議，我寧願去吃薯粉。

颱風當日拿拿臨食返個下午菜，丈埔終於有上海姥姥，小編都只係食過1️⃣次，以為會唔太啱食（小編好嘴挑😋）點知誤打誤撞叫咗個厚切排骨，味道好香，外脆內嫩，亦都好淋，另外個手製拉麵🍲真係人手去拉，所以睇得出每條既粗幼唔同，而且質地好滑，湯底亦都比較清淡。豬肉蒸餃皮都偏厚，味道都一般，唔算太推介。出奇地好食既係嫩雞煨麵🐥，真係冇改錯名，佢既雞好嫩口好滑，但雞既份量就比較略少😕睇佢既湯底以為幾清淡，但竟然仲濃過排骨既麵，平時唔想食咁濃味但又唔想太過清淡可以選擇👍🏻👍🏻👍🏻濃味人表示都很ok。但係對於下午茶黎講價錢有少少貴，但食物質素很ok👍🏻推介推介