鉄人旨花 (Closed)

當我地係依道搵到地址 嗯皇后大道西 咁搭電車有依個站就落得喇其實會遠左。嗯 係水街落就近好多一入到去個環境清靜，其實都幾舒服幾享受，個環境都會令你想留多陣一黎就飲左碗海鮮湯，有魚蛋有幾隻蜆，個湯好鮮甜跟住食鰻魚啲醬汁好正而且舊鰻魚又肥美，值得一試飲品亦都好貼心地有埋杯比你倒落杯飲跟住主打鐵人旨花丼，生牛肉都好好味，同上面啲蔥好夾三文魚籽好大粒跟埋啲飯一齊食係享受黎既，海膽都好肥美，依個鐵人旨花丼可以一試既。最後，我覺得可以值得一試既，環境又唔錯野食又幾好，你仲唔試下？

契妹返咗黎都成個幾禮拜，不過因兩家人都忙於招呼海外回港o既親友，故一直都未有機會見面交換聖誕禮物。週四晚雖然小肥準備參加舞會，不過開P前都要食啲野，所以自己喺西環收咗工後，就叫契妹過黎，一齊喺附近一間門外不斷有人排隊o既「鉄人旨花」食個輕便o既海鮮丼做晚餐。小店處身於西環，講真如果唔係因公事要過去嗰邊，估計都未必會試到。餐店並無花巧o既裝潢，牆上展出丼物o既硬照，簡單到題。木造o既合併式散座乾淨企理，光鮮衛生。埋位第一樣當然係要睇睇個酒牌啦！眼見清酒小樽裝都只係六、七十蚊樽，適逢歡樂時光兩口子又點會唔飲呢？！由於細佬要趕下場，我地就每人點咗個餐廳主打o既海鮮丼，然後再分多客炸雞。每客丼物均附送一碗麵豉湯。湯品內有兩隻蜆，飲落都好濃甜。炸嫩雞（$38）：金黃色o既炸雞熱辣香脆，爽中帶嫩，$38真係抵食。火灼丼（$158）：火灼丼一反傳統地以透明玻璃碗呈上，離遠真係有啲似一瓶靚花擺設。丼底o既白飯粒軟潤飽滿，飯面灼過o既海鮮有三文魚、北寄貝、帶子、鮑魚仔、蟹拑等、款色及帶黎o既口感都極為豐盛，簡單淋上豉油食用整體已夠鮮美。小本經營o既「鉄人旨花」餐店面積雖則唔大，但勝在菜式貴精不貴多，主打

話說前排同朋友講起鐵人旨花有人話幾好食之後就俾朋友發現係港大附近開了新店電車要在“水街”落車，上斜路第一個路口轉右就對了或者係港大mtr落車餐廳非常令，好有日本既風味環境頌好舒適，好適合我同朋友慢慢享受餐具都好唯美，好有貴氣feel點餐後，店員率先奉上一碗味噌湯非常好味，吾會好咸入面竟然有腐皮，頌有好多蜆雖然呢度冇鐵板燒，但都點了個和牛串吃燒得很好，好香既牛油滲出嚟而且有入口即溶既感覺怕肥可以加檸檬汁去膩旨花丼有立魚，三文魚，油甘魚，左口魚，蝦，星鰻最好味永遠都係左口魚冇話肥吾肥美，但美味常在。生吃的味道已經很好吃，炙了更好吃，真正入口溶化星鰻其實係鰻魚既兒童版，肉質感覺實點加了粉紅色的粉甜甜的很滿足蝦好大隻好新鮮壽司飯煮很很好，不會太黏，醋亦調得剛剛好酸薑都好好味，易入口很開胃點了杯青檸soda很開胃呢～

同朋友想食日本野但係又唔想食放題，最後就選擇左平價版嘅鐵人旨花！依間餐廳開係香港大學站附近，皇后大道西，喺地鐵站出去只係需要行3分鐘都算方便。裏面啲排位同埋之前去嘅銅鑼灣分店好唔同，主要係食刺身、燒物、炸物、以及丼飯⋯最尾我哋決定每人要一個飯然後加多個小食！鐵人丼$148價錢都算適中，以丼飯來講比喺灣仔的「弘」以及MK「爆丼X」更豐富而且價格相宜且高級。主打三種刺身，加拿大海膽、大大粒三文魚籽和蔥花吞拿魚。加拿大海膽吃得出鮮味，海膽味香濃果然比韓國海膽好味得多。顏色一深一淺，味道相差不算太大，比較深色的海膽吃得比較有甘甜味。三文魚籽同食「爭X」嗰啲相差好遠，大大粒有我手指尾咁大，吃落去好鮮甜但係唔會太腥。反而蔥花那個味道較淡，不太吃得出是吞拿魚？或是其他魚呢！點上醬油吃比較好味吧！別看飯好似好細份，其實食完好飽，裏面的珍珠米好黏，口感細膩。原來仲有包埋湯，味增湯味道小小咸，表面有啲豆卜皮及香蔥，仲有兩隻大蜆，是一個驚喜。燒三文魚鮫$108熟嘅三文魚如果係用水來滾熟一定好難食，如果乾燒三文魚又係另一種獨特口味。三文魚鮫就係三文魚下巴附近嘅部位，油香十足，有啲位係一食已經爆曬啲油出嚟。可以

火灼丼 ($158) 鉄人盛丼 ($148) 厚燒牛舌 ($68) 脆肉瓜 ($18)鉄人旨花既鐵板燒一向好有名 佢最近仲係西環開左專賣海鮮丼既店鋪😚先黎店員會俾湯你飲先☺️味道正正常常啦好喜歡佢既火灼丼😁入面既材料好豐富😍有蟹腳 鮑魚 三文魚 油甘魚 帶子😝佢既油甘魚真係幾正 魚油好豐富😋另外佢既鉄人盛丼既魚生都好新鮮🐟佢既燒物都唔錯 厚燒牛舌雖然唔算好厚 但燒得幾好保留到啲肉汁☺️環境都唔錯架😁

之前食過銅鑼灣嘅鉄人旨花鐵板燒，印象深刻，知道原來而家響西環開咗一間食刺身飯嘅分店，二話不說又衝左過嚟！先來一碗大蜆麵豉湯，飲落有驚喜！好豐富嘅蜆味！麵豉湯底不太咸。飲落每啖充滿鮮味！主角當然係魚生飯，叫左海鮮山丼，有加拿大馬糞海膽，三文魚籽，呑拿魚腩蓉加牡丹蝦。海膽又大又creamy, 一口食唔哂，魚籽粒粒鮮甜味美，咬開後鮮味湧入喉嚨。呑拿魚腩蓉好滑，牡丹蝦彈牙膠質重，溶入呑拿魚腩蓉中好match!!小食要左喜之次，200蚊有找，平時起碼$800,可能呢款比較細，但肉質都好彈牙。魚肉燒過後有小小焦香。燒得金黃，小小脆。埋單都係400有找，感覺有質素之餘好抵！

銅鑼灣嗰間鉄人旨花開到黎西營盤.個lunch 食得好滿足.坐得舒服.service 都好好不停咁同你加茶丼都好新鮮👍🏼👍🏼👍🏼面豉湯都好正.行開try try

鐵人旨花係銅鑼灣算得上係比較出名食omakase既壽司店。知道佢係西環開左間分店，咁近我屋企，就決定呢個周末去試一試佢個丼飯叫左兩個丼飯，送左兩碗味噌湯。味道冇咩特別，湯入面有幾隻新鮮的蜆，但味道不算鮮甜。正常的味道吧。云丹丼($198)到底我一個月要食幾多餐海膽先夠喉？嗯....一個月30餐就應該夠喉架啦海膽鮮味，塊塊都好大片，質素算唔錯。海膽好食，顯得醋飯同蛋絲做得冇乜心機......黑鮪霜降腹身丼($280)自從日本反黎香港之後，一直想搵反有日本咁高質嘅拖羅呢道丼飯嘅拖羅望落去好肥美，入口都有著不錯的油脂香味。但係感覺上有啲水水地嘅感覺，冷藏的味道太重，令到入口唔能夠充份感受到佢嘅魚油香味。有啲浪費左一條咁高質嘅拖羅，可惜燒油甘魚鮫咸，超咸，勁咸，D鹽唔洗錢咁樣落法。雖然燒得幾香，而且魚油好豐富，但真係太咸...食唔落牛舌燒得好香，肉汁都唔少。但同油甘魚鮫問題一樣，超爆咸！

西環呢間鉄人旨花同CWB果間食既野唔同, 原來呢度係食魚生飯坐位唔多, 7點去到坐滿一大半, 好似好受歡迎裝潢好日本feel, 魚生飯有圖片貼哂喺牆上餐具好精緻有小食, 魚生飯, 天婦羅, 巻物揀魚生飯送味噌湯, 坐埋位已經聞到隔離枱個味噌湯好香味道好濃, 幾隻蜆仲脤卜卜, 好鮮甜海鮮山丼 $168拖羅碎有少少根,海膽大舊新鮮三文魚子脆卜卜, 有咬口蝦好鮮甜喜之次, 加左少少檸檬汁, 點醬油, 好鮮味,好大條, 食埋呢個好飽店員得一個, 但服務態度好好, 不停幫我地加茶

一向是海膽迷的我,來到了西環的鐵人旨花海鮮丼,位子不多,利用木材做出溫馨感。用的餐具很有格調,是我喜歡的風格。點了雲丹丼,即海膽。先來了一個味增湯,咸度剛好,蜆肉鮮甜,天氣轉冷,坐下先來一碗味增湯感覺溫暖又放鬆。雲丹丼,海膽放得大方,大大件,份量又多,和飯之間有少許海苔和蛋絲,增加了風味,海膽不腥,飯粒飽滿,黏度十足,其實用筷子也能夾起。份量令人十分滿足。鰻魚串,燒得很香,未到入口即化但帶有膠質,非常軟滑,醬汁亦很好吃。