鉄人旨花 (Closed)

幾年無踏足西環，今日因為要搵一個好朋友幫佢整啲嘢結果就過咗嚟佢屋企附近，整完野佢就請我食日本野幾年冇黎西環原來改變都算幾大，開咗好多唔同嘅小店，今次朋友介紹呢間更加令我喜出望外鋪頭地方唔算太大，但裝修都算幾特別，餐牌選擇大部份都係丼飯或燒物揚物我選擇咗食海膽丼飯，海膽份量超級多，海膽鮮味十足，好淋同埋顏色都好靚，一啖放一條海膽入口感覺好滿足超正另外，我地 share 左個燒喜之次，肉質好嫩滑，另外佢個皮都燒得好香口，價錢唔太貴，性價比很高相比起其他地方食過嘅丼飯專門店，呢一間嘅刺身質素算數一數二，正

鐵人旨花近來，我好像在新年吃得太多油膩的食物，令腸胃的消化狀況便壞了，感覺不大好，還是清淡一點，吃少油少調味料的日本餐，減少吃燒烤和火鍋，給腸胃一點休息。由於我和朋友這幾天都好像吃膩了，所以今晚便選擇吃日本丼，不再吃油膩的東西，希望可以好好調節一下身體，所以便選擇來了這間位於西環的鉄人旨花。看一看餐牌，丼的種類都不少呢！今之叫了秋丼盛，有牡丹蝦、左口魚群邊、三文魚籽、蟹蚶等，非常豐富，牡丹蝦甘甜粘口，味道新鮮，左口魚群邊魚脂旺盛，油香在口中久久不散，三文魚籽飽滿鮮甜，在口中卜卜響的，所有食材都非常新鮮，確是不錯！整體來說，這間餐廳的食物質素不錯，服務態度也很好，而且價錢適中，有時間會再來。

上星期與朋友到西環，經過呢間精緻日式小店，於是決定一試！呢間鋪雖然細細間，但鋪內佈置用心精緻！店內有幾盞呢啲鎢絲燈泡作佈置，感覺有格調！👍🏻餐具亦好精緻好靚！食物種類有海鮮丼，飯，刺身，卷物，揚物，燒物！但款式不算十分多！我哋最後點了旨花盛丼，長燒鰻丼，厚燒玉子，廣島吉列蠔！廣島蠔雖然細隻，但新鮮炸起，外脆內軟，好味！😀厚燒玉子暖粒粒~甜甜地！👍🏻👍🏻旨花盛丼有不同魚類，隻蝦又好好大隻！刺身非常新鮮，好好味呀！😊當呢個燒鰻丼嚟到，真係忍唔住哇咗一聲呀！條鰻魚真係好肥美大條呀！要用刀叉先食到！啖啖鰻魚肉好鮮美配上燒汁，真係好正呀！大大件最啱朋友們一齊開心share!!😀😀整體而言，食物同服務都很不錯呀！👍🏻👍🏻👍🏻

見到西環開左間新野 就慕名而去啦個丼仲包碗蜆湯 我個碗都幾鮮甜味美 最好既地方係吾會過咸 而男朋友個碗就吾好彩啦 有一隻蜆有好多黑色既沙 所以佢無繼續飲了~長燒鰻丼一尾 $168一個大驚喜 原來西環都有巨大鰻魚壽司 睇下後面個大爺都束手無策了 一上枱店員連同刀叉奉上旁邊客人都講左聲"好似牛扒甘" 真是不得了親眼望到第一個反應就係又厚又長又闊身 真係贏晒男朋友都食吾晒 兩個女仔可以兩人share 雖有細骨但吾影響 個燒汁又剛好 今日既小確幸 佢開心我就開心了旨花盛丼 $168用上店名命名 依個丼就係滿滿的丹蝦 每魚加牡最愛既塊魚都頗厚所以食落都幾有飽肚感 仲搞到我地仲嗌左兩個小食 整體魚生都新鮮肥美 起碼吾腥 更有我魚邊左口 魚油好香油甘魚鮫 $128一塊係切切實實既魚肉 另一塊係魚腮位 仲嫩啲 而蘸著天婦羅汁 酸酸的很開胃 消膩喔厚燒牛舌 $68厚薄適中 一塊一口 燒得仍帶爽口juicy 加了點黑椒海鹽更惹味 與之前自己燒的真係天壤之別整體都幾好 特別係個鰻魚飯 令我印象深刻!

黎到西營盤呢邊小區，見到有間好吸引既刺身丼店，7點鐘唔太多人，鋪仔細細原來菜式非常精緻，一坐底就比和風餐具同和式坐墊吸引住眼球，刺身丼選擇頗多，可惜店員指因風暴關係沒有海膽供應唯有試其他野啦。點完菜先上跟丼的味噌湯，用白味噌加入腐皮蜆肉同蔥，蜆肉令湯很鮮甜，餐前飲不錯。吉列廣島蠔熱辣辣上枱，非常香脆，雖然蠔size不大，但蠔味十足。旨花丼最搶眼既牡丹蝦size 驚人，蝦身一開3都非常大舊，爽口鮮味爆標，油甘魚亦很肥美，火炙左口魚邊充滿油脂香，讚! 美中不足是壽司飯比較硬。厚燒玉子上面燒一層焦糖，香甜，送飯不錯。主菜原條燒鰻魚丼變成巨型壽司上枱，size 大得驚人，白色既鰻魚肉肉質好新鮮，好厚肉，係新鮮燒海鰻充滿鰻魚油香，燒汁惹味，3個人分都絕對夠喉。燒牛舌爽嫩彈牙，加上鹽同胡椒燒，加d 檸檬汁解解油膩感，正。每人2百蚊消費，食到優質食材，係呢個小區既好食點。

叫做試過😋食過👅影過📸<長燒鰻魚丼一尾> 🍱$168平時食開嘅燒鰻魚都係細細件切好另上，但呢到就原條一尾上😍其實係幾滿足到相機食先要求📸佢個燒汁係做得不錯，加上佢燒得剛好又夠肥美，可惜因為原條上關係，無切開拔走入面軟骨，雖然鰻魚軟骨可以一起食，但都影響咗個口感<喜知次> 🐟$128正常去居酒屋食一條都要6-800蚊，呢到$128搞掂😏咁當然有對比啦，但叫做試過一嚐👉都好嫩滑<海鮮山丼> 🍱$168 <厚燒牛舌> 🐮$68

餐廳地方不是好多坐位 所以要食之前一定要訂位 walk in 的話分分鐘等好耐。呢度的卷物好抵呢個海膽卷都只係$3x. 由頂食到尾都係海膽 份量充足 質素讚呢度有生啤同清酒。不過今天只有菊水。麵豉湯嫩炸雞 好juice外脆內嫩 正！燒牛舌主角到啦全條鰻魚飯！佢有半條揀的。用鋸扒方式去食佢 好厚身 好味道 燒得剛好不過飯方面有進步空間！兩人share剛好。燒玉子好香口 醬汁味道同鰻魚差不多燒車里茄 翠玉瓜燒蠔。好好食 不會有好油感覺內裡嫩香。 讚！埋單只係$600左右。兩人麵食到飽服務員仲好nice 好好傾！

久唔久都會想食日本野，女孩子的心啊🌝先叫個鰻魚飯試下先😋一上枱見到個鰻魚飯真係有夠重量級😳鰻魚堅係好長而且有一定既厚度。既滿足雙眼又滿足相機。鰻魚上燒至微焦，塗上鰻魚汁同灑上白芝麻，賣相好討好😍食落去好多軟骨🤔雖然d骨係可以吞落肚，但真係太多太多了😣食落去時整到個喉嚨唔舒服，鰻魚夠晒厚不過都幾腥😣另一個係云丹丼，大大舊海膽呀😍就咁食一啖個口感好正啊像溶化了一樣，可惜無咩鮮味😩加埋wasabi配蛋絲珍珠米飯吃更好吃啊！大虎蝦好正啊😍肉夠彈牙，好有蝦鮮味仲有小小蝦膏好好吃☺

今次嚟到鉄人旨花搵食！ 鼎鼎大名的鐵板燒店踩過界開海鮮丼店～當然要去一探究竟～餐廳距離車站都有一段路程～但只係一條直路都算易搵～店內空間比較小～大約只能招呼20人但是裝修得非常雅緻餐具都是金光閃閃的～墊枱的不是紙張而是𥱊類～可見心思！餐牌是一大塊紙牌～夠特別！不過飲品選擇不多～味噌湯（跟餐）普通餐廳的味噌湯通常只有一點豆腐～但鉄人旨花就附上3隻大蜆跟大量豆腐卜喝下去不會太鹹～而且因有蜆一起～還帶有蜆的鮮甜！連簡單一碗味噌湯都可看出誠意！雲丹丼 ($198)少有地係用玻璃碗盛載丼物～容易令人留下印象一上枱就見到五大片海膽～大的程度係3分1支筷子咁長！！！海膽係加拿大來的～加拿大海膽一年四季都有供應係眾多海膽中最肥厚㗎！以泥黃色為主～部分會呈金黃色咬下去質感較實淨爽身～甜度比日本海膽低～海水味重～但質感同樣滑不溜口最初以為整碗只有表層五大片～誰想到每片下面仲有2層！！！食極都仲有完全係聚寶盆！仲要鮮味無比～全力推介👍🏻👍🏻厚燒牛舌 （$68）份量跟平常差不多～共有6件～牛舌果然就是厚燒比較好吃～燒的火喉剛好～不會太硬～咬下去有一點煙韌～有𡁻口！整間店格局高尚～店長有禮～同時食物質素有保証～

聽朋友說『鉄人旨花』在西營盤開了分店，於是趁聖誕假期約埋好姊妹去搵食。地點很方便，地鐵站行過去不用5分鐘。店舖雖然細，但坐得頗舒服，黑色的坐墊上佈滿白色粉紅色櫻花圖案，枱面上的餐具就用白色金色為主，配襯得很美呢。餐牌種類貴精不貴多，重點只有刺身、丼、卷物和串燒。用字亦都好“和風”，海膽寫成云丹，間八又名紅鰤魚，其實即係鱆紅魚。最後我們每人點了一款丼和一款燒物。首先「廣島吉列蠔」望落去雖然細細隻，但蠔味十分鮮甜，外脆內軟又唔會太油膩，一客四隻，以這個價錢算抵食。丼飯選了「旨花盛丼」，附送一碗麵豉湯，裡面有大大隻蜆，唔係普通貨敷衍了事。平時食刺身丼一定係大碗飯，但刺身得面個幾片。今次這個旨花盛丼有驚喜，少飯而且刺身勁厚肉，比例差多是1：1！刺身包括有三文魚、油甘魚、鱆紅魚、穴子、右口魚邊、牡丹蝦。上面那些粉紅色好像櫻花粉末的係魚鬆，甜甜的頗特別。刺身非常新鮮，尤其係油甘魚和鱆紅魚，魚味鮮濃，而鱆紅魚帶一點槳口的感覺，有少少似食墨魚。個人喜愛穴子多過河鰻，因為肉質會較軟腍及鮮味，可能價格比較貴，份量相對地少。至於右口魚，入口即溶，魚油十分香濃。一般刺身丼有隻赤蝦，而旨花盛丼上的係牡丹蝦，味道

位於西環的鉄人旨花，是銅鑼灣的新分店銅鑼灣主推Omakase，而西環的則主推丼飯銅鑼灣謝斐道477-481號肇明大廈2樓西環西營盤皇后大道西393號地舖 今天是港鐵兒童票價曰，所以帶媽媽岀西環吃吃傳説中的鉄人旨花吧鉄人旨花，這名子我做foodie後便聽過呢，一直都很想吃哦長燒饅丼一尾$168饅魚丼有分3種，價錢由$78-168。切記這是長燒饅丼哦長長一條大饅魚吸晴又美味，必點阿必點上檯便令foodieyanyan流囗水啦。長大饅魚約有手臂般的長度，大約有我條粗腰咁長饅魚實屬肥美肉厚，魚肉鮮甜滑嫩，醬汁濃稠，整體令人滿意滿意很多人說會吃不完，那麼好吃，又點會吃不完？每個丼飯包蜆肉味噌湯，味噌湯濃香，蜆肉鮮甜，質素不錯。

I came back to Hong Kong from the US back in mid-December, but both godbro XO and I were so busy that we didn't get to meet till a week later to do our Christmas present exchange.  He was working in the Western district that day, so he asked me to meet up with him in the area, and he'd pick a restaurant for a quick dinner.  XO chose Shika Kaisendon since he knows I love Japanese food, and the restaurant seemed quite popular with patrons shuffling in and out.The restaurant is setup in a way that

同老婆一齊行過，說試試看，就進去了。叫了一個旨花盛丼及一個海寶丼，並一杯生啤。又叫了一個厚燒玉子，一和牛串，一翠玉瓜。食材質素不差，可惜量少。要求把蝦頭炸了，服務員不肯，原因是：非生魚片訂單，不能接受。可惜浪費了一個靓蝦頭！結帳時要加一。廁所還算可以。

女生喜歡食日本菜是常識吧。不過如果去食師傅特製的套餐，那種餐廳索價至少＄800一位。一向覺得sushi同埋丼好似，只係分開同埋一齊嘅分別。所以其實食個丼一點也不cheap呢？選擇價錢和裏面所含有的魚類，最後的選擇是旨花丼$168＄168@1個飯話貴唔貴，話平又不平。裏面的品種比較大眾化而且合各人口味，當中包括高貴的牡丹蝦，蝦頭大大個我想食埋啲蝦膏，可惜係生食都係避免一下。蝦肉就比較爽滑彈牙不過甜味適中。三文魚，黑鮪及鰻魚等就非常鮮味，特別海鰻入口即溶。另外那一個應該叫做黑鮪，顏色有少少似油甘魚但係主力顏色係白色同埋少少紅色，咬落去有一種綿綿的質感非常有趣，其他魚都冇呢個感覺。食完一碗飯其實已經可以好飽，唔好睇佢細細碗！真係量力而為！虎蝦天婦羅$68叫多個天婦羅，睇吓＄68係咩料。果然比其他相差得遠，見到佢外皮炸得好香但係唔會好厚，主力食返大大隻款啦嘅鮮味，冇經過加工處理直接食用比其他色店的加工蝦完全兩種質感。好香嘅鮮蝦味再加埋即炸外皮，點埋天婦羅汁簡直是一流享受。如果想慳錢d食嘅話其實食一個飯都夠晒飽，只不過如果有胃口可以叫下其他小食試吓，質素好似都幾高。

鉄人旨花終於到聖誕節了，大家想好了到哪裏吃大餐嗎？喜愛吃日本食物的我，當然聖誕節平安夜都要吃一餐日本聖誕大餐來慶祝。適逢聖誕前夕，今年街上好像沒有太濃厚的聖誕氣氛，不緊要，這樣完全沒有影響我吃日本食物的雅緻，這晚我們便來了西環的鐵人旨花吃海鮮丼飯。雲丹丼喜愛吃海膽的我，當然不能錯過吃海膽丼的機會，海膽份量超級多，而且每條海膽都超級大塊，一啖係食唔到一條完整嘅海膽，實在是誇張，加拿大海膽色澤金黃色的，而且味道非常鮮甜，完全沒有一點腥味，吃着吃着，發現海膽的份量與飯的份量好像是一樣的，餐廳實在非常大方！在這裏吃丼飯，是會配一碗蜆肉味增湯，味噌湯的味道不是坊間吃到的那麼淡味，是一碗有質素的味增湯。燒三文魚鮫這件燒三文魚鮫燒得非常香口，肉質非常滑溜，而且充滿魚油的香味，魚油的香味在口中久久不能散去。總括來說，這間餐廳的食物質素不錯，海鮮丼飯都非常新鮮，而且服務態度很好，有機會一定會再來。