新麻蒲 BBQ (形點) (Closed)

今日下午約埋好朋友去左元朗yohomall形點行街街shopping ，行到好攰個肚仔亦已經開始咕咕聲，真是肚餓到不得了，我地便决定立刻去醫肚先，好朋友突然醒起就係呢個商場地下有間環境唔錯的韓式燒烤餐廳叫做麻蒲，於是我地2個二話不說就立即去揾呢間餐廳坐低，一坐低就望下個餐牌，價錢唔算好貴而且D食物仲好吸引添，况且仲趕得切叫午市套餐，於是我同好友好快就决定左叫一個鮑魚蔘雞湯同埋燉牛排骨湯食點完餐後侍應就好有禮貌甘放左幾碟不同的前菜比我地食，唔駛等好耐就上鮑魚蔘雞湯比我，我急不及待飲左一啖雞湯，嘩！超好味，好飲到不得了！隻雞亦都唔錯，肉質好嫩好滑，完全唔會嚡口，鮑魚鮮甜有咬口，隻雞入面仲釀左好多糯米係入面，好甜好煙韌！至於我朋友個燉牛排骨湯都好好味，牛排骨都唔錯肉質軟淋適中，配埋金茹好好食，最後連湯都飲晒好滿足好飽！我同友人最後叫左杯酸梅汽水，味道唔錯，酸酸甜甜好好飲，飲完可以消滯，一個字正呢餐我同朋友都食得好開心好滿足，我地異口同聲都話下次一定會再黎過

［失望 大不如前韓國餐廳］話說，一直幾鐘意食新麻蒲嘅lunch。價錢合理，味道又幾唔錯。有一段時間冇食，韓國癮起，一於再戰。叫左水冷面餐。最欣賞佢送嘅前菜，個泡菜味道酸辣適中，好野味，次次都要refill次選。今次仲多左翠肉瓜，不過佢話呢個冇得refill。食下食下，主菜來了。店員先幫我剪開水冷面，仲有個醋同黃戒辣比你自己調下味。我好鐘意佢嘅水冷面，因為個湯係好清甜好味，入面仲有幾片梨好香甜，今次一食，完全冇味，好似水咁，識下加佢比嘅調味，個醋勁酸，好怪。啲肉大舊左，不過有啲咬唔開。埋單要$85加一，lunch黎講唔算平。今次真的好失望。

入到元朗玩，掃小食就一定架啦！但夜晚又想食韓燒大餐，點搞？星期日夜晚同朋友仔遊元朗，唔覺唔覺就食左好多款小食，行到成夜晚十點鐘個肚都仲未餓。但最尾，我地都無放棄到最初嘅目標－食韓燒！我地今次選擇新麻莆嘅就係因為佢嘅happy hour set menu! 全set menu 只需要300蚊內就埋到單（2人份量），非常抵玩！加上happy hour時段，所有非酒精飲品都以半價就可以點選，非常岩我呢啲貪心想試新野嘅食客呀。正唷，半價後只需 10幾蚊就飲到一大杯！套餐主要包四款肉類加配菜，唔好以為份量好少呀，其實二個人食真係好足夠架。朋友仔就鐘意配上生菜咁食～生食同配菜係可以無限量添加的唔使我郁手就有得食～記得帶多位朋友仔幫你燒肉啦等左無耐就可以食爐邊蛋，加入泡菜後，味道一流！最後最後食返個甜品沙冰～大滿足！ 可惜朋友覺得太甜，要我自己一個食哂：＜

Apple pork BBQ set $398 新麻蒲推出左全新既韓燒套餐靚靚既五花腩配埋蘋果一齊食感覺清新 亦都冇咁油膩用燒餅或者生菜包住食 感覺比較健康除咗五花腩之外仲有豬頸肉 豬肩肉同大蝦分量充足 兩個人食夠晒飽肚

今晚一行7人試下yoho mall 嘅韓燒，環境好，油煙味不大，味道亦不錯，我們叫了SS2 牛肉套餐(698hkd),肉質很好，容易咬！另外再加冷麵，豬肉，牛肉。。但有時間1.5 hrs control 以吾係任食來說，就不大理想！

我們一行3人。午餐餐牌上寫道買3送1，（價格有68，78，88）話以最低價計算。我們點了兩個78及一個88午餐，打算加送一個78。但服務人員堅持是以68計，要加$10，兩句質疑後決定加便加吧。後來加叫第4杯飲料時，服務人員說要問問，跟著回來説不送。

記得以前和朋友一同來慶生現在也與友人一同慶生味道沒有改變..質素還在一行五人訂座了八時入席前菜配菜可任吃 味道不錯 沙律也可以任叫蔬菜新鮮 醬料配搭不錯我們5位女孩點了一個4至6人餐 另外再點了韓式煎餅 芝士飯 海鮮湯 首先韓式煎餅夠味道，雖有醬料配搭，但不沾也夠味道芝士飯就混合好便行了 也不錯海鮮湯夠味道 我最喜愛吃豆腐而燒肉時 店員亦很積極幫我們換碟總括來說可以再來

今日同另一同事外出工，見到好耐冇見舊同事，相請不如偶遇就一齊去食lunch。佢介紹咗去YoHo mall呢度食。三個女人仔，但係買三送一午餐68-88@包三個飲品就都叫埋。我哋喺度揀嚟揀去睇下食咩就，上勁多前菜同湯，包括冷豆腐、無限添嘅沙律、好大碟泡菜、涼拌海帶、薯仔絲、同埋個海帶湯。叫咗個同事極力推介嘅豬烤肉，另外個同事就叫咗石頭鍋飯我就睇中左個鮑魚人蔘雞湯。因為送嗰個要係最平嘅咁就烤豬肉係送嘅，另外叫多一個火山芝士泡菜炒飯。其實食前菜已經好飽，豆腐好食有豆味但唔滑，沙律好新鮮，涼拌海帶好大碗，泡菜唔係老泡菜唔酸👍🏻薯仔絲入味，海帶湯好大碗。見到個芝士泡菜炒飯上咗有專人即刻幫我地燒😮。好多芝士好好味個泡菜飯夠辣，鐵板上出晒煙👍🏻牛肉石頭鍋飯個牛肉熟咗就普普通通啦。不過望落去啲色都幾靚嘅，排得整齊。烤豬肉個汁真係好味，同事果然冇介紹錯。下面仲有啲粉絲索晒啲辣汁好好人餸飯。最貴嘅鮑魚人蔘雞湯飯，鮑魚就腥咗啲，人蔘好細條我諗食指一節仔左右🙄湯都幾濃，雞入邊有糯米好淋。雞都幾大隻唔鞋。飲品同事叫覆盆子紅醋汽水有啲失望冇乜味既。份量夠大，下次儲齊四個人來食就好抵啦，因為埋單都係二百幾蚊，女仔可

訂左位, 已經要等, 雖然預左等, 但安排好混亂, 當啲客係鬼, 乜都話唔知, 訂左5位, 竟然比4人枱, 5個人質埋一齊坐, 都係大人, 仲衰過大排檔, 但唔係收大排檔價錢,  服務員成日當睇你唔到, 但差不多夠鐘時就出現, 埋來趕你走, 客多唔至在。 食物都唔差, 但配合咁樣服務, 真係唔會再去

如果你係無肉不歡 鍾意食韓燒既話 不妨可以試下依間新麻蒲本人第一次食既時候係上年暑假 個陣食完之後就覺得一定要再繼續黎食 無錯我又再去食啦香港分店既新麻蒲 同韓國既新麻蒲分別就係個爐 韓國既係碳燒 而香港則是用類似石油氣個種不得不提依個雪花冰 同尖沙嘴間韓冰有得揮 唔洗特登走出去食 可以係元朗食到 簡直係新界人士既恩物

放假日 又再同男人係區內搵食搵左連日頭都勁多人食嘅新麻蒲 等了又等終於入座 叫左牛/豬套餐 重送生牛肉sushi 正爆 先黎任食嘅前菜 無耐我地嘅套餐食材就黎啦有三菇同大蝦 另外牛肉油脂分明 超靚用秘制醬汁醃過嘅肉 入口甜甜的 非常惹味味道偏淡嘅爐邊蛋⋯肚餓到不停喪燒 牛肉入口牛味濃 有咬口 超正 不停心心眼說好的生牛肉sushi 店員即席幫我燒一燒可惜⋯一下子燒熟牛了🙄笑左⋯入口依然有牛味 只係靭左少少⋯左邊係藍天檸檬汽水 右邊係藍莓梳打最後重有大愛嘅紅豆雪冰 超消暑的！紅豆甜得黎唔會太over 綿綿冰好易入口

很多韓國餐廳都一開始是前菜任食，但很快就沒有任食，這家是少有的前菜任食，而且還多了一款芝麻醬沙律。泡菜，海帶好好食，我食了兩盤！最抵食一定是套餐，有很多種類而且三百多元兩人就可以吃到飽了。但我實在不太喜歡食年糕於是散叫。叫了霜降牛及秘製牛助肉。其實我覺得牛助肉比霜降牛還好食，而且霜降牛還是最貴，所以我不建議大家叫。豬排，但我們都覺得肉的質感跟牛頗為相似的，還可以吧，肉很濃味我叫的是檸檬汽水，不錯呢！很解渴！其實任吃前菜很快就已經吃到很飽了，這點很讚而且味道都很好

又黎YOHOMALL試新野，今次係新麻蒲韓國燒烤～～今次我同3個女仔朋友黎試，四人檯都算剛剛好夠坐，肥D都唔知點算，而且一多野食張檯就唔夠位放。前菜有一盤蔬菜沙律，而且一般沾醬、配料都齊全。呢邊的爐邊蛋是我吃過這麼多間韓燒最好吃，蛋很滑很濃味，但又不會太咸，而且不用一直看著也不會過熟及過生，很好吃。我地仲加多次爐邊蛋＄28，如果是免費任加就好了～～我們點了牛肉套餐1，有霜降牛肉、牛肋排、秘製牛五花、年糕、蘑菇、香腸、大蝦，種類很多但份量不多，四個女生就剛剛好，肉的質素也蠻不錯。章魚石鍋拌飯味道就是一般拌飯味道，微辣但章魚不多，所以感覺不出跟一般拌飯有甚麼分別。海鮮蔥煎餅的麵粉口感較重而且同樣是海鮮不多，似是一般的蔥煎餅。

絕對冇下次！服務態度差，又貴又唔抵食！限時 90 分鐘！講明一定要叫燒烤既食品！一入到去其實環境都 ok，我地 3個人入去食，因為未食過所以叫左個二人餐，諗住試下先！唔知係咪一開始叫得少，連問佢攞辣醬都話冇⋯⋯到加單既時候，再問佢攞先比，心諗使唔使咁現實先？咁大間韓國餐廳攞少少辣醬都咁計較⋯⋯大部分野食價錢都算合理，唯一最唔抵食既就係佢果碟「特制芝士腸」一客兩條盛為$88⋯⋯同埋跟餐果兩隻蝦真係唔新鮮，d 肉有 d 霉⋯⋯最後，埋單（一個餐、後加多三碟肉、一碟腸、一杯汽水）盛為$1009⋯⋯咁既價錢出去食 BBQ7080 或者喜來稀肉好過！

今日好想食燒肉..所以番工時已經約老友記一齊去食野....一黎到....其實枱同枱之間都幾闊落...都幾好坐..再睇下個MENU..見到佢原來呢期出左個龍蝦餐,,所以今日就嗌個「惹火龍蝦 X 牛BBQ套餐」一嗌完個餐就上左勁多前菜叮..我同個FD都呆左...個份量真係好多好多...之後再幫我地上左芝士....一見到就心心眼啊~HEHE第一道菜就係個湯...【龍蝦豆腐海鮮湯】一上到黎就聞到好重海鮮味...見到面頭有生蛋係到...我就勁快攪均佢再飲...有一隻龍蝦仔..其實同朋友一人一半都ok夠食架...龍函好多肉...肉身帶爽口....湯底亦都充滿左龍蝦味...之後再食啖豆腐~好滑呀..仿佛同個龍蝦湯好夾啊~之後就上左個燒肉比我地喇....入面有【牛扒(七安士)，護心肉(100克)，芝士龍蝦(一隻)】不我不讚好佢個牛好腍身...超級腍身...真係好好味...我本身都係到諗...嘩...就咁牛扒....咁咪好難食囉....但點知唔係架...剪開佢再慢慢燒....員工再幫我地燒到佢鎖住左d肉汁...真係超讚好呀..之後再黎多個..【龍蝦海膽忌廉年糕伴麵】入面跟餐有埋呢個龍蝦麵好味,勁crea