Shining Restaurant & Lounge (Closed)

耀華街Zing!裝修後也引來新餐廳，這次來到6/F的新派酒吧，最特別是將傳統潮州菜融入酒吧🤓這裡是米芝蓮師傅坐鎮的潮州菜，雖然餐牌款式不算太多，但是有自家秘製的白鹵水汁，跟海鮮是絕配（我是第一次聽有白鹵水🙈）喜歡海鮮的我當然不能錯過😎▪️白鹵水海鮮拼盤（細）🖤 10/10師傅對擺盤很有心思，用上乾冰製造煙幕瀰漫的效果，而且同時令海鮮維持冰凍的溫度。海鮮拼盤有鮮蝦、墨魚片、鮑魚和蟶子🤩白鹵水汁感覺跟花雕相似，吃下去有點酒味，淡淡的味道不會搶了海鮮的鮮甜味。2隻大蝦已經去殼，而且還保留蝦頭，而蝦膏配上白鹵水汁沒有了肥膩感，更凸顯了鮮味。墨魚片爽口彈牙，鮑魚也已經切片非常方便。蟶子也是很爽，而且一定是很大隻，因為肉質飽滿。▫️午市套餐 - 潮州炒米粉🖤 9/10米粉用了超幼身版本，炒得夠乾身又入味。而且還有大量蛋絲、韭菜和洋蔥提味，份量剛好適合1個人👍🏻 套餐還包括老火湯和茶。▪️潮式凍烏頭🖤 9/10第一次吃潮州凍魚，我以為是冷盤但原來會蒸熟後才呈上。雖然賣相不太吸引，但同時又很方便顧客吃，因為已經去骨，一夾就能起肉。烏頭啖啖肉，用上凍魚方式處理令肉質更加嫩滑，而且鮮味更突出。而且吃魚腩的部分也

Zing樓上有唔少餐廳，喺呢頭返工嘅朋友食厭咗都可以試吓樓上舖，可能會有驚喜🤠今次就比我搵到一間酒吧，但係食潮州菜嘅特色餐廳。我諗應該係香港唯一一間潮州菜酒吧😂 經過店員介紹先知道原來餐廳係由米芝蓮名廚主理🤭難怪咁特別，咁新派。午餐套餐 （$58-68）定價喺銅鑼灣嚟講都算平，有主菜連老火湯同埋飲品。滷蛋鵝肉飯 $68鵝肉肥瘦均勻，充滿油脂香味，另一種食法配上醋點鵝肉，感覺開胃唔肥膩。店員亦都同我哋講咗餐廳既白滷水好著名，平時食普通滷水汁食得多，唔知白滷水有咩特別呢🤩招牌白滷水海鮮拼盤 細份$198包含新鮮鮑魚，海蝦，大蟶子，大墨魚。每款海鮮都有少少酒味，味道相配，唔會搶咗對方既味，反正令到海鮮鮮味更出。飽魚好爽口，墨魚唔會韌，海蝦好大隻。總體而言唔會係其他餐廳食到呢類食物，所以感覺幾新穎特別，而味道亦恰到好處，價錢合理。

去銅鑼灣久唔久都會去Zing 度搵食，無去一排發現新開左間潮州嘢本身以為係酒吧，因為有個beer pong 擺咗喺中間行入去個裝修都幾簡潔，座位闊落，適合三五知己去吹水還是有套餐order，百零蚊唔算貴<白滷水套餐$168>晚市套餐包前菜、主菜、時菜同埋白飯，都幾豐富前菜系酸菜蘿蔔、威士忌酒香鵝肝酸菜蘿蔔重醋味，酸酸甜甜好開胃鵝肝好粉嫩，加埋威士忌少少酒香，將酒的原素融入潮食，新穎又幾match 花鵰醉鴨肉質鮮嫩，層皮好滑嫩<紅滷水套餐$138>紅滷水包前菜古法雞腳、話梅車厘茄主菜滷水元蹄伴豆腐、滷水蛋，推介佢個滷水，好入味，滷水汁可以送飯食

銅鑼灣酒吧X潮州菜! 呢個Cross over好新派, 打破故有思想，唔飲酒都可以去酒吧CHILL下.上到去既第一個感覺係好乾淨，職員好友善。 餐廳用白鹵水是自家調製，白鹵水是用於海鮮，味道好MATCH~聽聞餐廳由米芝蓮名廚主理, 所以都有一定既水準!九官格真係岩晒打卡… 就咁睇以為份量小，但其實2個人食都每人有4.5 碟，所以其實份量是夠，仲可以咩都試下，開心。滷水鵝片！ 好味!同平時係出面食既打冷一樣咁正! 下面既豆腐係炸嫁! 睇得出菜色係保留原有風味亦敢於創新!黑松露炸薯條mango crispy 外層係脆脆包住裡面既芒果醬

完全冇諗過潮州菜同酒吧可以相提並論😲上網見餐廳以米芝蓮名廚主理，以潮州菜融入酒吧🍻咁有特式，決定會一會佢😎$456 二人精選套餐👯‍♀️酸脆蘿蔔- 上枱前乾冰加水，仙氣十足😍蘿蔔爽口，食一舊都流哂口水，酸酸地好開胃🤤明爐老火湯- 花生眉頭老黃瓜煲瘦肉😋花生超大粒👍🏻上湯時蔬- 娃娃菜好嫩，唔會煮到爛哂，夠甜冇渣👍🏻威士忌酒香鵝肝- 上枱前會整個彩虹🌈波波☺️非常適合打卡！！😍😍😍爆開後超香蘋果木shisha味☺️☺️ 估唔到威士忌同鵝肝咁夾😍真係臥虎藏龍👍🏻金牌滷水獅頭鵝肉- 鵝肉份量多👍🏻肥瘦均勻，啖啖肉超香鵝味🤤下面滷豆腐都超滑！😚😚潮式炒米粉- 幼細米粉炒至乾身，竟然咁有鑊氣😲脆炸拼盤配黑松露醬- 除咗薯條🍟仲有兩件炸香芋丸同炸紫薯😋熱辣辣脆卜卜🤤🤤$98招牌白鹵水新鮮鮑魚鮮鮑魚係以自家調製嘅白鹵水鹵過，帶有微微酒香☺️同海鮮非常之夾，真正做到齒頰留香🤤總結以言，酒吧用融入潮州菜真係好新穎🤤保留到食物鮮味又嘆到酒香☺️高度推介白鹵水🥇

Happy Friday 通常都係去酒吧食西餐，估唔到而家終於唔洗咁悶只係食一味～今日去左銅鑼灣呢間潮州菜酒吧，入到去唔似傳統打冷，而佢係好潮，仲有好大張beer bong 枱，好有氣氛～裝修黎講都好舒服。最impress係女廁仲有張公主凳haha!我同朋友2個女仔order左二人精選套餐（$228/p），佢份量真係好多，最後我地係打包左一半番屋企哈哈。我覺得3個女仔食都得呀真係！叫佢個set係見佢有曬最特色ge 款式，果然冇叫錯。最鍾意係佢個威士忌酒香鵝肝，因為佢鵝肝係用上威士忌浸製，令到個味道昇華左。最估唔到佢會有個蘋果木煙燻泡泡，打卡黎講都幾靚，但佢只係可以keep 到一分鍾咋。金牌滷水獅頭鵝肉呢個都好出色。鵝肉大得黎又唔靭。仲個底仲有豆腐，香口嫁～潮式炒米粉開頭以為呢個米粉好普通，點知佢又幾惹味，加上xo 醬，仲有有蛋、蝦肉，小小微辣2人set:1.     酸脆蘿蔔2.     老火湯3.     脆炸拼盤4.     威士忌酒香鵝肝5.     金牌滷水獅頭鵝肉6.     潮式炒米粉7.     上海時蔬

打冷就食得多，融入潮州菜嘅酒吧你又去過未？米芝蓮名廚主理二人精選套餐（$228/p）就最抵食！唔單止可以去到一嘗係酒吧入邊飲老火湯，個餐仲有齊餐廳最出名嘅威士忌酒香鵝肝同金牌滷水獅頭鵝肉，前者好有gimmick，蘋果木煙燻泡泡打卡一流，鵝肝香而不膩；後者鵝肉大大嚿又唔靭，豆腐仲好好食添！另外潮式炒米粉都好有特色，好重蝦米味！炸物拼盤送酒一流！如果鍾意食海鮮，仲可以試吓呢度獨有嘅白滷水添！味道真係超夾架～

今日同朋友去到銅鑼灣覓食，搵到呢間潮州菜x酒吧餐廳，一於去試試佢兩個人叫咗二人餐share有前菜醃蘿蔔，老火湯，鵝肝，滷水鵝肉，上湯娃娃菜及炸物拼盤鵝肝同青瓜都浸在酒中，鵝肝入口即溶，青瓜浸住充滿酒香酒杯內係易入口的威士忌，唔會苦紅滷水入味，鵝肉嫩點白醋食又係另一種風味！好欣賞滷水豆腐，唔係用豆干！！滷完保持到豆腐脆邊之餘又保留到豆腐香滑豆腐真係好滑超滑，平時唔食滷水豆腐的我都大讚！每款食物伴碟都有沙律菜或青瓜絲，清新又消膩炸物當中有炸紫薯，餐廳唔係用一粒小甘薯，而係用一大舊新鮮紫薯炸起超甜！薯條配黑松露千島醬👍🏻好夾👍🏻薯條好脆，又有我最愛的炸香芋丸粉絲有蝦，洋蔥，帶子，雞蛋等配料，加入xo醬炒，好味道！鮑魚用自家調配白鹵水調製，入口清甜又聞到好香酒味食食下睇店內電視見某大平台推介先知餐廳好係由米芝連主廚主理，唔怪得創新得黎又保留到潮汕菜的精髓

Shining+ 潮州菜+酒吧🏠overall/環境/ 服務:+ 新派酒吧 bar mix 潮州野 係一個幾特別嘅combination + 聽講係前酒店米芝連餐廳大廚主理 所以食物有保證 加入咗好多視覺效果元素係菜式當中 當中白鹵水是餐廳自家調製，白鹵水同海鮮好夾+ 裝修風格就係一貫酒吧feel bar 枱果D 不過有好多電視播放流行曲+ 店員態度好好 唔係趕頭趕命嘅阿姐‼️ （白鹵水一人餐） $168好食指數：⭐️⭐️⭐️⭐️打卡指數：⭐️⭐️⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 有前菜、主菜、上湯時蔬同五常白飯 丶老火湯 都幾豐富✅ 前菜係好打卡able嘅威士忌香鵝肝 店員先用煙槍整個大波波係威士忌上面 影完相就可以整爆 等蘋果木味香味滲入whiskey 最後將威士忌倒翻去鵝肝食✅ 鵝肝一口即融 外加濃濃酒香 估唔到whiskey 同鵝肝幾夾✅ 主菜 花鵰醉鴿 乳鴿肉質鬆軟 夠肉汁 酒香夠‼️午餐 滷乳鴿飯 $58好食指數：⭐️⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️抵食指數：⭐️⭐️⭐️⭐️⭐️✅ 不得不提個飯底係幾好食 少少煙韌 有飯香✅ 同花鵰醉鴿差唔多 不過換咗隻鹵水汁 又幾特別

朋友話帶我去酒吧餐廳食晚飯，我冇乜所謂，但一心以為應該係食西餐啦。點知位於銅鑼灣Zing大廈嘅「Shining」原來係食潮州菜‼️。我真係諗都冇諗過有呢個組合囉，好特別啊。呢度嘅格局同一般酒吧無異，環境幾舒服。疫情過後，應該仲有得玩Beer Pong同有Live Music聽，係一個包場搞Party嘅好地方🎉。不過今日都係欣賞返餐廳嘅食物先。廚師將新派原素融入傳統潮州菜，其中白鹵水更加係一大特色。餐廳提供單點菜式以及套餐，由於我最近戒食海鮮，所以嗌佢個「2人精選套餐」就啱晒，👫優惠價每位$228，另收加一服務費。威士忌酒香鵝肝，呢個係打卡必嗌嘅菜式📸，店員上菜時會先用水煙吹泡泡，再放上威士忌酒杯🥃。店員提醒我哋喺進食前，先將Whiskey淋上鵝肝面，咁樣就能夠令鵝肝味更香濃。滷水鵝肝質感幾得意，滑滑的，有啲似鴨血，不過就粉少少。咁樣食鵝肝其實一啲怪味都冇，酒香幾出，但就稍為蓋過咗滷水嘅鹹香味。金牌滷水獅頭鵝肉，碟上有一半係鵝片，啖啖肉，好正啊😍；另外再有啲連骨嘅鵝件，而底部就墊咗唔少豆腐。就如開頭所講，餐廳採用白鹵水，特徵係以鹽調味，食起上嚟比較清新，並能帶出食材本身嘅味道。如果嫌唔夠味

平時酒吧有野食最多都係d西式食物,雞翼Pizza咁今日黎到呢間有得食中菜既酒吧，潮式滷水鵝，你話驚唔驚喜， 原來仲要係米芝蓮名廚主理！我地有好多野都想食，最後決定叫左個2人set，唔洗煩有兩碗老火湯，勁多青紅蘿蔔🥕瘦肉，好足料，無落味精，幾清甜！小食拼盤有好多配酒一流既小食，炸薯條好香脆，炸蝦，炸米餅咁，勁邪惡。平時煎鵝肝就食得多，威士忌滷水鵝肝又食過未？ 好嫩滑既肝， 配上濃濃既酒香，好特別幾好食。 滷水鵝配豆腐是日焦點，整得幾好食白滷水係自家調配，平時用黎滷海鮮，味道好香鵝薄切，好嫩，味道岩岩好唔咸唔淡，食落鵝肉既鵝香十足！豆腐都好好食，索哂d汁十分入味👍讚潮式炒米粉，XO醬勁正勁香，好味😋

疫情令蕃薯uncle患上輕度抑鬱，見多日零確診即吹雞約班晚輩聚一聚，唯一條件係要揀間潮啲嘅地方，契妹就搵咗間潮吃潮州菜嘅酒吧餐廳「Shining」，這個潮上加潮可謂「雙潮」！網上訂座流程非常簡易，更可以優惠價預購公眾假期都用得嘅餐飲券。由於每次用餐只可用一張餐飲券，七人派對最終揀咗個附送冰鎮鮑魚嘅「精品潮式四人套餐」（原價$1,650；網上預購價$1,320）。屬C類食肆嘅餐店面積寛廣，圍牆及窗邊嘅高櫈散座均為六人一組。眼見開幕時所用上嘅氣球及裝飾仍未清走，似乎新店真係好新喎。場內中央位置可見兩張啤酒乒乓枱，客路明顯以酒客為主。唔怪得知連後方嘅水吧都多酒及大型過人。波枱旁有個迷你舞台，相信將不時安排現場表演。外出仲有個為煙民而設嘅露台仔。入座後，其實哥哥仔係有提供電子酒牌作參考，並提到最受歡迎係招牌嘅特色雞尾酒，歡樂時光所有飲品可享八折優惠，但因項目及價格仍在調整中，小肥決定唔上載多頁唔準確嘅資訊，免得誤導大家。礙於午餐起已經開始飲緊日本清酒，以電話詢問過得知開瓶費為$200/樽，價格合理，大家一於自攜佳釀，繼續飲清酒！於酒吧環境下以烈酒小杯飲sake，感覺特別有氣氛同有氣勢！四頁食物

昨天中午同朋友上去試吓這間「潮式」餐廳酒吧，上到去見到有幾張好似乒乓波枱咁，以為去錯咗🤣，原來他們的設計似Bar, 高身枱和櫈，還有個露台可以出去座和食嘢⋯不過夏天比較熱，室內會好啲。環境算幾特別。一打開歺牌，原來這裡有我最鍾意食的鵝肝、鵝片和滷水蛋。我們就點了這兩款午餐試吓😋。最特別這個威士忌鵝肝，個賣相好靚🌹，食落冇得頂👍⋯⋯下次要番食😘。再值得一讚的是個中湯，夠火候好好飲，不過分量少咗d🤣

平時同朋友去食飯諗食邊間都頭痕，最近見到銅鑼灣有一間新開嘅潮州菜融入酒吧，仲要由米芝蓮名廚主理，好似都幾吸引咁，同埋見價錢都唔貴，就一於決定去試吓食！打開個餐牌，因為都太多選擇嘅關係，就決定同朋友叫個二人餐，我見套餐都包咗好多菜式，每人當只係$228！🍡醃蘿蔔咬落去好脆口，酸酸味味好開胃！但佢罪特別嘅係蘿蔔切法並唔係一條條咁切，佢係不規則形狀三角形咁切，所以咬落去都特別有口感！🍡花生雞腳燉木瓜湯頭好甜，好香木瓜味，飲落口清清地咁幾好！🍡金牌滷水獅頭鵝肉鵝肉比較淡口味同老，但當我揭開面頭果一層嘅底下，鵝肉有少少筋嘅部位反而比較有彈性有𡁻口，好好食！而最底層當然就唔少得有炸豆腐啦！炸豆腐外層比較脆身，塊皮比較有厚度，有啲硬！🍡威士忌酒香鵝肝嚟到就一定要叫呢度嘅signature啦！侍應上菜嘅時候同我地講記得要先篤穿個波波，之後再將威士忌灑落塊鵝肝到，而當我哋張威士忌灑向鵝肝嘅時候，威士忌香味四飛，香到真係好似一朝醉咁！同埋我都係第一次食滷水鵝肝，鵝肝質地好軟熟好滑，完全無腥味！🍡脆炸拼盤配黑松露醬薯條正正係我鍾意嘅類型，外皮夠哂脆口，唔使點醬都已經夠晒！當然配埋黑松露醬更有風味！我會為左呢

聼同事介紹，佢有個FD近排響銅鑼灣樓上鋪頭開左間餐廳，話自己試過超surprise，仲懶神秘唔講我知食咩，净係叫我上去試下你就知喇，包我滿意。講到呢個份上，本身我好奇心就重，我仲特登唔上網search，一於直接上去餐廳試下。 呢間鋪頭都好易揾，有吧嘅feel，裝修新敬又夠糧，唔似傳統嘅餐廳，應該算係吧同西餐廳嘅混合，感覺係度點份牛扒，飲杯野，應該都幾chill下。但係我估錯曬，居然係食潮州菜嘅！係一間有吧元素同西餐風格嘅餐廳入面食潮州菜，真係有少少顛覆我嘅想象。 餐廳嘅裝修佈置已經令我有D Surprise，唔知食物質素點呢？因爲我地就係三個人去，就叫左一個二人餐同海鮮拼盤share黎食。二人餐分量都幾足，有湯、鵝肝、鹵水鵝肉、脆炸拼盤、炒米等。當中我認爲最好食嘅係鵝肉同炒米。呢個鹵水鵝肉應該係招牌野，鵝肉處理得幾好，肥瘦適中，肉質嫩滑，無陣鵝肉騷味，調味上鹵水汁調得都岩岩好，夠味而又唔會太鹹令你越食越頸渴，同鵝肉好夾，食落滿滿汁水，味道甘甜，比好多打冷都做得好。 炒米粉係潮式嘅，雖然我就唔知正宗嘅係點，但係我净係知好好味，個炒粉落咗好多料，可以食得出用嘅XO醬幾靚，瑤柱香味都好明顯下