蜀香門第

Open Now

Now Closed

火鍋肉肉片切的很薄，跟內地的很像，我家小朋友非常愛吃。蹺腳牛肉也不錯，缽缽雞也好食，很正宗。但是一份缽缽雞要288，是真的覺得太貴了。不過店鋪明碼標價，點單之前要看mune ，千萬不要像我一樣，完全是以內地的那種印象點餐，是真貴。感覺比在美國吃川菜還貴

午市有優惠，$60就可以食到好多佢地唔同既川菜！😍酸菜魚套餐 ($60)套餐跟一碗冰粉 (冇影到)，不過佢係餐前已經送上，可能係開胃菜(?)。酸菜魚有得揀辣度，我揀左BB辣，真係唔算辣，個湯酸酸地，對得住呢個價錢。飯就一般偏硬，魚既分量都幾多，唔洗就住食，又有菇、芽菜同少量薯粉，最後都食得好飽👍🏻我見都幾多人係一班人咁黎，咁就可以share，一次過食幾款餸😎結論🫰店員有禮🫰抵食🫰份量大碗⚡️味道對得住價錢CP值：8/10 (午餐價)🎡餐廳資料餐廳名稱：蜀香門第餐廳地址：天后永興街2A-2E號美城花園地下C號舖

今日試吓依間川菜餐廳嘅午餐😉環境唔錯，座位幾鬆動，值得加分👍🏻✴️冰粉&酸梅湯✴️午市套餐加$2有酸梅湯飲，酸梅湯有啲甜，唔夠酸，不過幾大杯～仲有冰粉送，黑蜜甜中帶焦香，冰粉爽彈，好適合作為飯後甜點🥣✴️回鍋肉配白飯（唔辣）唔知係咪因為叫咗唔辣，所以硬係覺係無論賣相定味道都差緊啲嘢咁🤔而且成碟都好多油，似油泡肉多啲，有啲怕怕～✴️牛肉香鍋✴️依碟炒得幾香同惹味，不過問題都係太油，而且份量偏少，未必會encore～

点了辣椒炒肉 还以为炒肥牛 真的超级无敌难吃 居然还收加一 就靠一晚白米饭吃饱了！！坐下5分钟没有就走了毁了我的午饭 绝无下次！！ 怎么会有这么难吃的， 劝大家避雷 太难吃太难吃了

我經常嚟呢間舖頭食晏。裝修古色古香，坐得舒服。佢嘅午市套餐好抵食，指定飯餐$58 已包冰粉，加$2仲有凍/熱酸梅湯。指定飯餐都有好多選擇。我每次嚟一定要食佢嘅薯粉，記得第一次食佢嘅薯粉，真係好驚喜，佢同出面嘅薯粉質哋好唔同，係好軟熟既。細問店家之下知道佢哋係用新鮮薯粉，呢個真係喺香港好少見。非常推介大家試下。今日叫咗牛肉薯粉中辣（$65）。友人叫左水煮牛肉套餐微辣（$58），另加錢（好似$20）將飯轉做薯粉。我哋兩個都加咗兩蚊要凍酸梅湯。冰粉：平時食川菜我都鍾意點冰粉，依家仲要叫午市套餐包埋，好開心。佢用既糖好清甜，仲要加左提子乾同杞子乾，有誠意。水煮牛肉既湯同薯粉嘅湯係兩個唔同嘅湯底。個人比較喜歡配薯粉嗰種湯，因麻辣味較濃。牛肉係中式滑牛嗰款牛，新鮮牛味濃，有咬口得黎唔韌。水煮牛肉入面材料豐富，有萵筍，寬粉，芽菜，芫荽，香芹。淨係食呢個餸都已經飽晒。凍酸梅湯：咁濃郁嘅酸梅湯先加兩蚊實在太抵。好多次嚟到都見到唔係好多人喺度食。所以今次特登打呢篇食評希望大家比個機會呢間咁有誠意既小店，試下佢

呢間地舖出面寫住私房菜，其實唔太肯定同平時餐廳有咩分別，入到去裝修幾光鮮，酸梅湯冇記錯加10幾蚊，係自己煲，都幾好飲幾開胃，餐廳每日會有唔同菜式做優惠，今次酸菜魚有優惠，所以就叫左佢，飯都幾軟熟，湯底少少酸，可以揀bb辣，略厭酸菜唔係酸甜開胃果種，魚都少滑，有時食一兩件有少少雪味，但都還好嘅

友人的朋友安排. 因太久沒吃川菜. 所以有期望.未有其他頭盤先上口水雞. 但味道一般. 而且斬得太碎. 跟住上什麼特製樟茶鴨.味道又是一般，而且是涼的. 老闆娘剛巧在. 我問佢為何是涼的. 她竟然說頭盤應該是涼的. 一整隻鴨真係未聽過. 朋友友人在座, 費事窒老闆娘. 看來應該是一早做定,放到變涼咗.邀我去昨晚飯局朋友今天WhatsApp我. 寫了以下... : 尋晚間嘢把L : 麻辣沒有麻香味 : 駿景軒好食好多 : 個炒飯我食咗一啖 : 柴皮冷凍樟茶鴨 🖕🏻

食物水準很高，可選bb辣，大中小辣。我們一行五人第一次食選了小辣，下次可以挑戰中辣。正好滿足了暫時未通關不能返大陸食正宗川菜的胃口。餐廳有需要預定的菜色，我們嘗了炒雞雜，非常好。其他的包括水煮魚，乾鍋，鴨舌，炒菜，通通都很出色，而且餐廳服務質素亦非常好，令食客感覺賓至如歸。雖然只是第一次試呢間餐廳，埋單時朋友已經約定團年飯再encore.

睇到有人推薦就過嚟試嚇，果真抵食，而且都算好味。雖未至於特別正宗嘅川菜，但係香港地來講都算唔錯啦，可能依據港人口味做咗調整。服務都好好，好nice, 無論靚仔樓面定係收銀嘅姐姐都好親切好有耐心，會好親切講一句「多謝晒，慢慢行」。令人食得舒服食完都好開心咁離開

🕰Dining Hour: 13:00-14:300Saw their lunch menu outside the restaurant and decided to give it a try.Colourful interior with comfortable chairs.I ordered sliced fish with prickled cabbage. They provide a non-spicy option as well.The set comes with a bowl of rice 🍚; the texture is just right. A lot of sliced fish pieces, with mushrooms, vermicelli and other vegetables.

今次去咗天后區嘅呢一間餐廳，非常令人掛念嘅川菜風味！今次就試咗呢一個麻婆豆腐，麻婆豆腐用嚟撈飯真係非常之吸引，豆瓣醬再加埋辣醬同埋肉碎，真係非常之嘢未！另外仲叫咗一個蒜香雞！呢一度嘅雞肉真係好好食，雞肉好滑，而且蒜香嘅味道十足！

我哋星期日去咗位於炮台山新開嘅東岸公園主題區湊熱鬧，預計會好多人，點知實際人數遠超想像🤣。最後我哋唔係逗留咗好耐，早啲去食晚飯算，晚飯地點就揀咗「蜀香門第」。我哋之前已經有幫襯過呢間餐廳，但佢搬咗舖後就未試過。餐廳裝潢富有典雅中國風🏮，環境唔錯，而且仲設有包廂。整體環境光猛乾淨，客人坐得舒服。餐廳賣嘅川菜款式幾多🥢，有辣有唔辣，任君選擇。餐牌設計精美，圖文並茂，並附有菜式介紹，讓人感覺正宗。蜀香麻辣鍋($38/鍋)，香鍋源自於重慶縉雲山，並將川渝地區嘅麻辣風味融合起嚟🇨🇳。香鍋有得揀辣度，而小辣對我嚟講已經算好強烈，不過加埋孜然香，係幾惹味嘅🌶。同時，客人亦可按個人喜好要求加麻或走花生芫荽等選項。雖然我鍾意重麻味，但香鍋本身已有好多花椒同其他香料，所以個人建議保持返原狀就好了。每個鍋底需點配至少五款配料🍲，葷菜同素菜各有十幾款選擇。我哋揀咗嫩牛肉($58)、牛舌($50)、金錢肚($48)、油麥菜($32)同埋鮮寬粉($32)。🐮牛魔王嘅我哋對呢三款牛都表示滿意，特別係牛舌，佢大塊得嚟，口感又夠軟稔👅。至於油麥菜同薯粉就係掛汁嘅代表，好辣啊！清炒萵筍絲($58)，萵筍有好多種切法💚，而

平時想食中菜，除咗去茶樓之外通常都要去啲好貴嘅餐廳先食到啲好食嘅。但係竟然比我搵到一間近銅鑼灣嘅中菜館，主要係食四川菜，但係即使唔鍾意食辣嘅你，都一定有唔同菜式可以選擇！今次我就同一個唔食辣嘅朋友一齊食飯，我哋叫咗幾款菜式，包括蒜香雞、糖醋里脊、乾煽四季豆、 蜀香炒飯同埋佢哋特色冰粉。蒜香雞唔好睇張相以為好少，其實食落去啖啖肉，而且蒜香味好香，下面嘅青瓜都好入味，雞肉嫩滑糖醋里脊呢一款可以話係必點嘅菜式，唔好睇佢好似冇乜擺盤咁，食個口都幾有驚喜，酸酸甜甜，唔辣都可以煮得咁出色，外脆內軟，食落口有啲似咕嚕肉，但係又有四川菜嘅特色乾煽四季豆呢款菜式可以揀辣或者唔辣，因為我朋友唔係好食得辣，所以就揀咗唔辣啦。四季豆本身好爽口，亦都好講究廚師嘅廚藝，炒出黎好香，肉碎亦都唔會好鹹蜀香炒飯呢個炒飯令我回想返以前細個最鍾意食炒飯嘅味道，炒飯飯粒粒粒分明，唔會好乾或者好濕，而且一啲都唔油，完全會令到你想一啖接一啖咁食晒佢呢度嘅老闆娘仲要超級有善同禮貌，仲介紹咗俾我聽佢哋餐廳嘅特色，而且佢哋亦都有做私房菜，見到佢哋價錢都唔係好貴，但係就要早一兩日去預約先食到！睇到佢私房菜啲菜式，我諗喺出面想食到咁正宗嘅

近來發現天后區的川菜越來越多，今晚點專程安排了時間到來。蜀香麻辣鍋$38，萵筍$32、蓮藕片$32、油麥菜$32、土豆$32、肥腸$48。這個麻辣乾鍋，香辣味道十足，還有少許孜然味，非常惹味。萵筍份量比較少，土豆切成條狀，份量十足，煙煙韌韌，非常好味。蓮藕和油麥菜爽口鮮甜。肥腸沒有騷臭味，洗得非常乾淨。蒜香雞$58，用了口水雞的其中部份醬料，蒜香味道十足，陳醋味道香濃，令到雞肉的味道層次更加豐富。大盤花菜$78，鑊氣十足，香氣四溢，花材即是椰菜花，香甜可口，配上腩肉的味道，令到這個盆菜味道更豐富。

假期晚上同朋友去食四川菜。一入到去，望到裝修幾簡潔，幾有特色。同朋友張枱幾大張，坐落幾舒服。蜀香酸菜桂花魚 $298讚讚酸菜魚湯底飲落好夠咸酸味，之前食過個啲一係比較淡，一係就好濃，我會覺得佢既酸味係適中岩岩好，唔會好重口味又唔夠味。雖然係四川菜，唔會全部菜式都係辣既，店鋪會俾客人揀辣同唔辣。佢既咸酸菜真係好爽好夠味，加埋花椒既麻香，好食！另外，叫桂花魚唔會失望，食落有鮮魚味，而且肉質幾滑，份量唔多都唔少，多啲啲會開心啲除左桂花魚，仲有另外兩款唔同既魚做選擇。·清炒萵筍絲 $58萵荀食落夠新鮮同爽脆，鐘意食落萵筍既朋友不妨叫一個小菜試下！雖然用炒既方式煮，但食落一啲都會油，清爽！·重慶小麵 $52同朋友睇少左個酸菜魚份量，仲叫左碗麵，湯飲落既味道係幾特別的，係平時唔會飲到味道，我唸呢啲就係重慶既味道啦！🤣麵質唔林，仲好有咬口，係偏硬啲既。我自己本身鐘意食啲硬身既麵，所以我幾鍾意個麵