麵鮮醬油房周月 (景隆街) (Closed)

好鍾意吃沾麵所以搵吓有乜沾麵店近近地有間原來好出名嘅周月同朋友一人一碗周月沾麵（300g麵）丶一份炸豆腐同炸雞炸豆腐上枱以為係滷豆腐，味道0k炸雞新鮮炸起，D肉都嫩滑有汁，dressing清爽(有D似南蠻汁不過冇Mayo)滿心期待碗沾麵先飲啖湯，就咁飲係偏鹹，但估唔到湯底係偏酸味....吃慣D沾麵一係豬骨或蝦湯底,所以好5慣呢種酸味沾麵😅都未食過有浸酸味嘅湯底湯底有濃烈魚味，覺得係白飯魚干仔浸味😂麵冇得揀軟硬，只分涼或熱要左每樣一份，麵身偏硬...半粒味玉，質素偏低...$96蚊碗，就算5係我杯茶都5可以嘥嘢食哂佢為止😆總算叫試過，一次夠了

喺某某社交平台喺某某關注群組成日見到人講呢間，今日去開銅鑼灣就點都要食返一次啦！つけ麺が大好きですね！！下午點半左右去到唔駛等位，不過都幾乎座滿。呢間店好貼心咁提供咗口罩袋、綁頭髮用橡筋、即棄圍巾都有！【周月沾麵】幾鍾意佢呢個略帶酸味嘅湯，魚介口味超濃厚。沾麵係即製嘅，好彈牙！麵嘅份量100/200/300g同價，當然揀咗300g，一上到枱個份量係超多，哈！但最終都食得晒！食完沾麵，店員要問你要唔要加雞湯，咁就可以連剩餘嘅湯都飲晒，好好味！【周月拉麵】老婆比較鍾意食拉麵，於是就食咗呢款。佢話好食，但我冇試就唔比評語喇，下次有機會再食先再寫。（雖然多數會食返沾麵，哈哈）唔駛去日本都可以食到咁高質數嘅拉麵，大滿足！！

今日朋友仔帶我去試🤩呢間係銅鑼灣嘅拉麵🍜店，位置係世貿附近嘅後街，其實幾就腳。佢店仔細細，坐位唔算多，好有日本🇯🇵地道拉麵小店 feel。今次係平日黃昏🌇時間，唔洗等就入得👍。我哋兩個都係想食🍜沾麵，所以就叫咗一個「周月沾麵」同埋一個「燒黑豚沾麵」🤤！「周月沾麵」同埋「燒黑豚沾麵」🍜嘅分別在於「燒黑豚沾麵」有多幾塊🤤燒黑豚🐖，沾麵湯🥣面頭有一層油，睇起上嚟🧐好似好 heavy，但係一入口🤩除咗濃口嘅醬油味仲有一股😮清新嘅醋酸味，好 refreshing ，完全中和☺️晒佢嘅油膩感，而且好開胃！佢嘅麵質適中有麥香，而😋湯🥣入面有角切🐖豚肉同埋荀，豚肉都唔錯，幾香口油潤，但係我更加欣賞佢嘅荀片，因為連埋佢個醋酸味湯底食起上嚟好清新味道👍好夾！至於燒黑豚🐖呢就唔係話燒🔥到好香咁，肉味都幾香濃，整體不過不失。除咗沾麵，我哋仲叫咗位炸雞🍗，佢嘅醬汁有好重嘅柚子醋酸味🤤，配炸雞食起上嚟酸酸甜甜咁幾開胃，雞皮🔥炸得幾香脆，但係🐓雞肉就唔算好入味同嫩滑。總結來講係質素👍十分之唔錯嘅🍜沾麵，而且佢嗰種🤩酸味口味獨特好有😆標誌性，不過呢佢個湯底🥣就略嫌有啲唔夠熱🔥，我今次揀咗濃湯覺得太鹹同食得太飽所以就冇加

拉麵狂粉又帶我出省食拉麵了。幾個月前專誠出去但碰巧店鋪休息。。今次去開銅鑼灣，不忘再去朝聖😙時間尚早，一個人都無，即刻開門入去啦聽著店裡播著熟識的日文歌已經好開心。仲有我最近常聽的band呢🥰🥰點了一個沾麵和一個拉麵試一試。燒黑豚肉拉麵，點了日本地道的濃湯～很香，又沒有平時豬骨湯的油膩。一啖湯一束麵食得很香呢😌周月沾麵，湯汁望落似我的拉麵湯底。但其實是更濃郁的醬油味，配上沾麵一流👍🏻另外點了份炸雞，雖然只有幾塊，但十分驚喜。因為雞肉質地很嫩，雞皮也炸得剛剛好，不會很熱氣。配上應該是柚子醋的香蔥醬油汁，好好吃喔。我平時不是雞肉的狂熱份子也很讚嘆😍😍😍加多杯SAPPORO beer~ 即刻gur晒🤣🤣不是拉麵粉絲的我對 ‘周月’都印象深刻，值得一試👍🏻

來到銅鑼灣食午餐，想食拉麵，便來到這間麵店。少有地有推午市套餐，這裡出名沾麵便叫了周月沾麵配汽水。沾麵可選不同重量，我選了200g份量剛好，湯汁很濃味，沾麵配上叉燒粒及溏心蛋，好味抵食，可再來食。

之前經過見到呢間日本麵鋪門面幾靚已經想試試。呢間鋪頭以醬油做賣點同特式整拉面同沾麵，所以叫左個醬油沾麵做午餐試試。沾面嚟到賣相平平，麵底份量普通，口感同出面食既差不多。餸方面佢淨係配左半隻糖心蛋，唔太豐富。最重要既湯底係有番啲醬油風味，不過有啲過鹹，唔飲湯淨係用嚟沾麵都係太鹹。湯入面有啲炸咗既小豚角，感覺有少少雞肋，佢係增添左少少炸豬油香味不過又食唔落口，唔知點食好。今次食完好口渴，事後要飲番好多水。

🍽周月沾麵（4/5）💰65作為拉麵愛好者，拉麵分享群組係必入的😲周月係一間評價最為極端既拉麵店😂佢地沾麵既湯汁比較與眾不同🤫試落係比較醬油加醋酸味有人討厭呢種”冇咁傳統” 既沾麵汁、有人討厭佢個陣酸味🤔但都有唔少人喜愛佢地既酸味🥰今次試周月沾麵，濃汁，涼麵(300g)湯汁一黎到表面有層油面，好多蔥😆試咗啖 - 都幾酸下，有啲擔心😢麵質黎講，首先你企門口已經見到有部拉麵機，有店員keep住整拉麵😍粗麵，比較彈牙硬身，幾煙韌個人幾喜歡💛而拉麵沾落湯汁反而令個酸味柔和咗😙食落咸咸酸酸，整體幾開胃😆300g既拉麵比我差啲啲啲啲KO咗🙈雖然100/200/300g既拉麵同價，睇落300g最抵食😂但中等或細食既朋友建議200g就好了🙈溏心蛋有半隻，精瑩剔透既蛋黃😍幾入味，不過可以生多啲啲🤏🏻筍有啲少😢成碗湯汁只係撈到幾條幼的叉燒同平時食開既一片片唔同🤤佢係一舊舊，瘦肉肥肉相隔，食落帶微微脆口🤪食完拉麵可以搵店員加雞湯‼️整體湯汁甜番啲，微酸微咸😍飲落好舒服，呢個做法好推薦！只有銅鑼灣分店有做lunch set包汽水都係65蚊，超抵食😆絕對係附近上班族天堂

平時經過銅鑼灣周月，都冇行過入去試，有師兄師姐介紹過，個人又因為好鍾意食酸野，所以去咗試！星期日晚，裏面其實冇乜人，完全唔使等位同排隊！叫咗一個秋月沾麵，一個香辣沾麵！先講麵條，冇乜鹼水味，同出面差唔多，凍麵好食過熱麵！周月沾麵個湯覺得好普通，我覺得佢咸多個酸，我仲加咗少少醋！可能醬油湯底試唔到有咩特別！個人比較喜歡白湯類！香辣沾麵，本身以為好伏，點知反而唔錯，起碼覺得佢有啲特色！另外，最估唔到嘅係，一片片加錢要嗰啲叉燒，仲難食過碗裏面嗰啲，又鞋又薄又唔好食！湯裏面嗰啲角切反而係爽口彈牙，唔太肥唔鞋口，又好味！最後加咗湯，都係香辣嗰一個好飲啲！仲未諗到會返轉頭嘅理由！特別要讚嘅就係裏面員工嘅服務真係超級好！

As a fan of Japanese noodle bars, I’ve visited Shugetsu - the #michelin #bibgourmand Tsukemen store a couple times. Their signature Shugetsu Tsukemen 周月沾麵, using soy sauce that’s fermented for 18 months in ceutury-old barrels as base, along with mackerel, sardines and kombu, the dipping sauce here is super flavourful, acidic and you can literally taste its age! Love also the noodles here, served chilled in a perfect thickness and “al dente” texture. With diced pork and a soft boiled egg, makes a

黎過周月食好多次，每次都嗌周月沾麵，今日天氣凍想試下拉麵，就叫咗個周月拉麵。周月拉麵 $93我覺得相當普通，比$93我覺得唔抵食，因為$93食一個咁普通既拉麵，覺得性價比唔高。個拉麵比起沾麵幼身小小，肉係燒得幾好食既，溏心蛋都岩岩好。不過湯底就偏鹹小小，食落成個感覺都係偏向普通，基本上食完冇乜記憶點。反而之前試佢既沾麵覺得好食好多，個汁濃稠度岩岩好，同個麵質都好食啲。我覺得黎周月食都係嗌翻沾麵。😬😬

自從食過一次佢地嘅沾麵就一直念念不忘😆今次再食，依然無令我失望，唔怪得佢地連續7年有米芝蓮推介！🐶周月沾麵（冷麵/200g/濃汁）$93 佢地嘅麵可以揀熱/凍，份量可以揀100g/200g/300g，沾麵汁可以揀淡/濃，都幾體貼。麵係偏有咬牙彈牙個種，掛汁力強，放係汁到一陣已經染哂色🤓好夠味！沾麵汁真係好濃厚，食到筍嘅酸味同醬油味，入面啲肉粒都好香口。強烈❗️強烈推薦‼️食完一定要加雞湯去飲佢個個湯底，係驚為天人嘅美味！如果食呢個麵最後唔加雞湯飲，一定會後悔🤯入口係荀嘅酸，再之後係真係好濃嘅雞湯味🥺真係好好味 （同拉麵個湯底是唔同derrr)🐶山椒油麵 $93銅鑼灣店獨有嘅拉麵，佢會畀隻日本蛋你打落去，再按自己喜好加醬油同醋去撈，其實就係撈麵haha食完沾麵食覺得有啲淡🙈麻麻地，不過黑豚肉食到炭燒味，唔錯～

每次去親銅鑼灣就好自然會想去食 食過哂3間 鰂魚涌比較好食 但坐得冇甘舒服 呢間去得最多 麵彈牙好食👍 三塊燒肉肉脂撈埋一齊入口即融🤤 望佢好似有層油系面甘 但其實吾系 雖然佢吾系好傑既湯汁 但系都好夠味 而且有啲酸酸既醋味好開胃 個人喜好中意再加白醋 更加開胃 令我不知不覺由200g變到食300g 湯入面都有啲肉粒 食完個麵仲可以加雞湯當湯飲

話說今日係最後一日響灣仔工作嘅日期, 因為之前嘅大吃大喝, 令到自己嘅身體都有少少吃不消, 所以決定食比較單調嘅野, 就食沾麵啦本人習慣去開周月食沾麵, 咁去開銅鑼灣附近咁就一於就出發去~~~去到餐廳門口睇睇時間重係12點之前, 所以餐廳位置仍然闊落, 門口仍然未有人龍咁我同同事們去就主要食沾麵, 其實周月銅鑼灣嘅午市套餐除左沾麵之外, 重有蕃茄湯拉麵同埋牛油拉麵, 不過我地都只會叫佢嘅招牌菜沾麵嘅特色係麵可以選擇凍上熱上, 重量分100g 200g, 同300g, 湯底可以選擇濃湯淡湯咁我呢個係凍上300g 濃湯, 因為凍上的話麵會冇咁容易混在一團, 而且麵身口感會較爽, 熱上的話麵會容易粘在一起, 沾湯嘅時候會較易掛湯, 不過凍上嘅話只係將個麵過冷河, 而麵上嘅時候會加上半隻糖芯蛋, 佢嘅糖芯蛋水準平穩地好, 每次食呢半隻蛋嘅時候都會感到口感粘貼, 鹹甜度十足而濃湯淡湯嘅色水分別都唔係好大, 最大分別可能係湯上面嘅油脂, 濃湯嘅話油脂會較厚, 所以連帶口感都會油膩, 不過味道方面來講濃湯比淡湯濃2倍左右, 就咁飲嘅話濃湯嘅味道係接近鹹, 所以沾麵食會剛剛好, 咁兩者都會間唔時有d

第一次嚟食，真心好食，但有d嘢好重要，寫俾第一次食嘅人睇。本人嗌咗一個黑豚肉沾麵，有以下感想：1. 唔大食嘅女仔揀100g麵就夠！本人係偏大食嘅女仔，原本諗住100g嘅話即係同個大cup noodles size差唔多啦，就算加埋水，佢又有餸，咁100g都夠食啦。但落單時店員話100g比較少，正常份量係200g，咁我就改番做200g。後來真係食咗一半就食唔落...2. 正常地重口味嘅人嗌淡汁就夠！本人一向自問重口味，食親拉麵都鍾意有咁濃得咁濃。但呢個濃汁堅係好漏同好鹹，連我都carry唔起。原本我睇食評話個汁鹹同漏，仲心諗「沾麵係咁架啦」。但如果你只係正常地重口味，應該都會同我一樣carry唔起。呢點希望店家都會睇到，香濃同鹹係兩回事，冇咁鹹嘅話就會多d人飲埋d汁，唔好嘥咗個咁香濃嘅汁。（我聽側邊每枱人都話唔加雞湯，覺得有d可惜。而我本身都食唔晒，當然冇加）另外，麵有麵條香味，豬肉都有燒過嘅香味，油脂好正。筍爽，好食。蛋入味，不過略鹹。特別一提我碗黑豚肉沾麵，放喺麵上面嗰三片肉好好食，係值得加嘅。yam咗汁多咗陣醬油香仲好味。不過因為片肉本身已經有足夠鹹味，食到中途就已經唔可以再yam

呢間沾麵之前喺鰂魚涌食過，覺得好食不過見佢午市平好多仲包嘢飲，又忍唔住嚟食。平時午市差唔多要$100 ，午市先$62，仲有埋嘢飲，抵好多啊！沾麵揀咗係冷麵300g，濃汁，無糖可樂。份量係多嘅，仲有半隻糖心蛋，加上面可以俾你揀唔同嘅份量，都係一樣價錢，所以真係食得好飽。 個沾麵汁我覺得己有鹹鮮味，入面有啲肉同埋筍，我幾鍾意食。午市同晚市嘅份量係一模一樣，午市仲多罐嘢飲，但係平咗幾十蚊，我下次都會盡量係晏晝時間嚟食。