星記海鮮飯店 (The Phoenix) (Closed)

這裡無論裝飾擺設，招呼服務也給我童年回憶。回憶起小時跟爸媽上酒樓晚飯的情景。這裡每張枱都會放上一張卡片，上面寫著客人的姓氏，人數及訂枱時間，跟以前的酒樓一樣。而這裡的服務員也是很熱情的招待我們，令我感到他們很熱愛這份工作。食物方面，我們要了豉油王蝦碌，蝦是一隻隻在缸中游水的，即叫即捉即劏即煎，這樣有什麼可能不好吃呢？椒鹽九肚魚，新鮮滾熱辣，魚肉嫩滑，只是椒鹽不夠招牌生炒骨，名不虛傳，果然係正，皮脆肉嫩仲有肉汁，酸甜味平均，不太酸不太甜，必食之選鹽焗雞，他們的做法是皮脆肉乾身一點。個人卻比較喜歡皮滑肉嫰，要點沙薑那款金腿珍菌脆豆腐，這個是店員介紹，但感到中伏了。豆腐內似乎加入了雞的，令豆腐並不是滑滑的總結這餐廳我們一定會再來，而且我們已經諗定下次來要吃的菜式了

今日同老師敘舊佢鍾意食中菜 所以特意選左呢間之前未試過 滿心期待環境比一般中餐廳好服務態度一流例牌牛仔骨 口感豐富 肉質鮮嫩完全值呢個價時菜炒豬頸肉 唔會太油膩 味道恰到好處

呢間係walk-in 會好難有位既食店，所以最好先訂座留位。呢度老板和侍應好親切，小菜好夠鑊氣，有高級大排檔feel。每次嚟到都會叫 '黃金苦瓜'， 苦瓜厚身，味道帶甘不會太苦，用鹹蛋黃炒，鹹鹹地，甘甘地，有鑊氣都唔怕熱氣啦！

今日去咗灣仔呢一間嘅中菜館食飯。入到去環境都唔錯，心諗啲嘢食應該都會好好食。跟住叫咗一個鳳梨骨，魚香茄子，例湯，炸百福豆腐(唔知點解要寫明係百福豆腐)，炸魷魚，蓮藕餅同炒豆苗。鋒鳳梨骨唔錯略嫌唔夠脆，魚香茄子好味，，例湯同茶餐廳差唔多味精重左啲，炸豆腐好味，魷魚好林好好味，然後餅同豆苗都好好食，特別一提係有個前菜係滷水醋浸蘿蔔(好特別第一次食）。其實整體上啲嘢食都唔錯,不過唔係話好特別或者係特別好味。不過環境就比日本茶樓好啲舒服啲。侍應啲服務亦都好好唔錯。可能係我哋叫啲嘢唔貴所以價錢都好相宜。

朋友推介叫我試吓，點知一試就愛上,短期已經食過好多次！每次都好滿意！服務又好！不過一定要訂位！尤其是要讚下老闆的真誠服務！佢經常都喺度，同D客人傾下計，有次我們叫得太多餸，想取消D未整嘅餸，同個待應講，最後老闆態度係非常客氣咁話，食唔晒真係唔好浪費，幫我們取消！仲話我們真係叫得太多，要再教下落單嗰位同事，咁先叫做服務可以長做長有keep住啲客，俾個讚老闆！好啦講下啲餸菜先，有啲冇影到相鹽焗雞要預訂招牌菜每次都叫，好脆口呢個唔記得咗咩豆腐外脆內嫩香煎牛仔骨，好香好惹味蝦子柚皮，入口溶化椒鹽魚雲，又係非常香脆可口蓮藕炆腩肉，好香嘅南乳味椒鹽鮮魷，又係必叫星記其實每道菜都好好味！希望慢慢試晒D菜，到時再分享！

之前食過一次頗有驚喜, 除夕再食, 叫咗個招牌生炒骨, 頗能保持水準, 但今次瘦肉多, 食落比較嚡, 到個豬膶浸苟杞, 豬膶'啤'水啤得太耐, 咬落好似食發泡膠, 即時扣晒分, 琵琶豆腐好食, 水準keep 得住, 仲有半隻鹽焗雞, 淨係皮有鹽香, 雞肉冇味, 同檯朋友都擰晒頭, 聽聞灣仔舖已比中環舖好, 但今次食就比較失望, 同一間舖都咁參差, 遲Ｄ有機會再食多次, 再好似今次咁就可以去少一間.

星期一約左男朋友食飯佢問我想食咩，甘突然好想食小炒／廣東菜男友話聽聞星記好有質素，所以就去左試下喇好好彩地有一張細枱到8點先有人所以係無BOOKING既情況下都食到未上菜之前有店家自製腌蘿蔔呢個蘿蔔好好食，食落爽脆唔會太酸亦無澀味我一個人食下食下食哂成碟例湯：青紅蘿蔔煲豬骨 約＄100呢到既湯係標榜無味精既甘而家冬天甘乾，梗係要試試啦估唔到原來係成個煲仔上　一共有6碗甘多，好抵飲呀個湯唔會好多油，而且真係有呀媽煲既味道仲會湯渣食添，正煎鯪魚餅 約＄80呢個可以算係小食但因為係即叫即煎，所以變左最後先上魚餅比出面食既薄身好多正正因為甘，亦都比出面食既香口而且調味好好，食到魚既鮮味但又唔會過咸如果有小朋友係到我覺得佢地會搶住食魚香茄子 約＄100魚香茄子係我由細到大食飯都會叫既菜呢到既魚香茄子無令我失望入面真係食到大大粒既鹹魚粒果種鹹香令人食慾大增乾煎美極肉排 約＄100肉排好有彈性，唔係鬆肉粉整到林哂果D本來覺得用左美極一定會好鹹但點知又唔會WOR，只係有果種獨特既鮮味同埋望落好似有D肥 但食落反而覺得係香而唔係肥小米露最後仲有甜品送雖然D菜個樣唔算好吸引但每一個食物都好有水準，而且用料

近半年和家人外出晚飯，十次有九次都會點咕嚕肉，對此餸菜的要求也越來越高，首先皮要薄身、炸得夠脆，醬汁不多不少的掛在每一粒肉外，而內裡的肉也要肥瘦均勻，吃起來肉汁豐盈才算是上品。 是晚出席完阿根廷的品酒活動，肚子還是空蕩蕩，此時我在想：如果能有一碗暖烘烘的白飯到肚會是何等幸福的事，靈光一閃：星記海鮮飯店。那天在某飲食雜誌內見到一篇報導，聲稱此店的生炒骨是全港數一數二，眼睛頓時閃閃發亮，立即記在心裡待有機會一試，擇日不如撞日，today is the day！ 店子位於一幢商業中心三樓，周二晚上近九時到來，一出電梯門已聽到人們的吵雜聲，看來有不少識貨的熟客光顧，一踏進門口就看見笑盈盈的侍應友善地問我們幾位，第一次來卻能給我一種親切的感覺，大抵真誠的態度是裝不出來的。 前菜-醃蘿蔔甫坐下店員便將醃菜和茶水一同遞上，自家製的醃蘿蔔切得非常薄，醬汁有點像滷水底，但味道帶甜，十分爽脆，讓人禁不住要一塊一塊往嘴裡送。 鳳城生炒骨$108目標明確，一坐下便要一客生炒骨，且看看它是不是如雜誌所形容般美味。望一望它其貌不揚，不算吸引，略帶失望的放一件入口：嘩是脆的，還要是燙口的，重點是文章開首的條件也一一

上一次到星記已是幾年前的事, 大夥兒跟好朋友慶祝生日; 幾年後的這次, 也是另一位好朋友的生日晚飯, 雖然這頓飯因為颱風海馬上星期的到訪而延遲了幾天, 卻無減各人興緻。早到了的我並不賦閒, 忙着與那開胃可口的前菜醃蘿蔔打交道; 當我正計劃獨自消滅整整的其中一碟時, 朋友陸續到來了, 奸計没得逞。預訂了的杏汁花膠燉豬肺, 湯料豐富到不得了 - 痩肉, 雞腳, 花膠, 豬肺 (主觀願望是豬肺數量能夠多一點, 讓我多嚐)... 湯濃而香甜, 喝罷那膠質還留在唇上黏著。燉湯有大, 中, 小之分, 這個中的份量足夠我們七人每人兩碗之多。朋友跟我都略嫌生煎蓮藕餅中的蓮藕數量較少, 多一點會令餅質更為爽口。 但味道很好, 毫不油膩。    金腿珍菌脆豆腐在餐牌上標示"限量供應", 不假思索點了。 以腐皮包着混了蛋漿的豆腐; 單吃豆腐畧淡, 單吃珍菌畧鹹, 兩者一塊放進口中, 配合無比。没能訂到每晚只做四隻的地道古法鹽焗雞 (註: 三日前預訂也嫌太遲, 已經售罄), 唯有以炸子雞代之。 皮脆而不膩, 雞肉也嫩滑, 不用淮鹽味道已很可口。別看這蝦乾肉崧銀芽粉絲煲賣相平平, 實在是推介之作。 銀芽跟粉絲一

今晚舅父請食飯，呢度比較抵食又方便，就呢度啦蓮藕餅外面煎得香脆但唔令身，感覺上唔油膩；入面冇乜肥豬肉，加上好多馬蹄粒增加口感蝦子柚皮有3大塊柚皮，一上菜個樣似漢堡扒，食落纖維幼細入口即化，冇苦澀味；上面有少少瑤柱粒，為軟軟綿綿嘅柚皮增加不少口感，不過個獻有啲鹹蟲草花蒸雞一般蟲草花用嚟煲湯多，近幾年先多咗酒樓用佢嚟煮餸，席間有人未試過食，而我又好鍾意食，所以就叫一碟試吓啦。份量大而且足料，夠晒多蟲草花及雞肉；雞肉有好香濃嘅酒味，不過個汁有啲鹹及油膩；蟲草花有種特殊嘅香味，如果煮餸的話可以逐條夾返嚟食，口感不錯！野菌粉絲煲老實說配料嚟講真係冇乜特別，有黃椒、紅椒、多菇、洋蔥及粉絲。唯一特別嘅係唔似外面嘅粉絲煲咁係浸上湯，呢個粉絲好乾身，炒得入味又充滿嚼勁，不過啲長輩都係prefer上湯浸，話會食到胃痛喎小米粥食飽晒仲送甜品，心諗嘩仲係小米粥？咁咪會好滯囉！原來小米係補脾胃嘅神品，消滯一流.... 質感清爽，小米粒粒分明易入口服務嚟過好幾次，好多人話呢度服務麻麻，不過我又覺得OK喎。食物亦都keep到水準，可以再encore

聽過了好多次，終於！終於等到機會去星記吃飯！難到來到港島區，立刻約位在港島的朋友吃飯！灣仔的星記貴為「米芝蓮指南香港澳門2016」推介食府，即使位於樓上鋪，7:30p.m.上到來已經人山人海，好多人在等位呢！幸好我們已訂檯，只是等了一會兒就可以坐下了。星記鋪面環境乾淨，並沒有華麗的裝修。一坐下當然是先點菜啦！侍應們都是有經驗一群，多少人應吃多少道菜，他們瞭如指掌，有「選擇困難症」的點菜時不彷問問他們吧！在酒樓吃晚飯，桌上總會放上開胃小吃，通常都是酸菜，或是花生，但這裡的是醃蘿蔔，味道不酸，就像是蘿蔔加上豉油煮出來，味道偏淡的。鳳梨生炒骨 ($108)先來的是這裡的招牌菜，甜酸汁均勻地沾上新鮮熱辣炸好的肉排，味道不會太酸又不會太膩，這樣一碟3-4人吃就最Perfect！值得一讚的是，整碟生炒骨都是用上肉排，肉多骨少，絕對適合我這個食肉獸。另外，炸肉排用上的脆漿不太厚，吃起來不會成口粉。香煎蓮藕餅雖然不是星記自家推薦菜式，但小妹就覺得這個蓮藕餅更是一絕！蓮藕餅用了撻過的豬肉、鯪魚肉和蓮藕絲整成，撻過的肉餅更加彈牙！蓮藕餅煎香後，吃起來外脆內軟，豬肉混上魚肉，肉汁鮮甜，蓮藕絲的份量十足，不會

早排同公司食嘅開年飯，到兩個星期後嘅今日先有時間同大家分享。有老闆請，又一早訂好枱，唔洗等位，係爽嘅~不過其實閒日晚市都唔會好full，lunch time就多數book定先好去食，如果唔係有排等…….入正題……椒鹽鮮魷 – 鬆脆爽口，魷魚本身都夠新鮮，所以唔會韌到似香口膠! 加上本身就好鍾意椒鹽炸蒜，夾埋一齊食好香呀!!椒鹽豆腐 – 呢個仲正! 外脆內軟，炸漿夠薄，豆腐炸得岩岩好，保持到應有既水份，唔係豆腐乾!!!魚翅螺頭雞湯 – 好足料呀~~~~~~~*V* 真係好大”梳”翅，最正既係螺頭同雞會切片分開上，螺頭鮮味十足，好甜!!!西芹斑塊 – 出乎意料地好食，斑塊好滑好入味!! (聞說個老闆同我老闆打招呼時話"今日條魚好靚")髮菜南乳蓮藕炆豬手 – 好入味，唔錯!蒜香蝦碌 – 乾左D，味道一般一魚兩味個第二味, 唔識lun骨, 無食到……..煎咸雞, 雞肉都幾滑，唔錯!金蒜豆苖 – LIKE x 10000000000000000!! 原粒炸蒜超級香，豆苖都好嫩，無渣，連埋個湯，好好味呀~~~~~~薑蔥蟹煲 – 好惹味!!炒香左既蟹膏好香~~~~不過要扣分既係，部分蟹膏炒燶左少少，

媽媽生日，一同試新菜館我地一向都係生x既擁躉，今日嚟試呢間spinoff菜館：6個人叫咗8樣餸蓮藕餅：味道好，不過係用粉埋既，所以口感一般南乳蓮藕腩仔：好味，蓮藕入味，腩仔有啲鞋口薑汁芥蘭：不過不失上湯龍躉伊麵：味道剛剛好，伊麵索咗啲上湯鹽焗雞：不知搞咩呢味我地特登訂菜既，食晒都唔嚟，係咁畀藉口又話要焗😒 好在啲味都可以苟杞豬膶：好食呀，無生x個啲咁滑，但係生x個啲亦係滑得莫明其妙，所以呢個OK椒鹽鮮魷：咁多推介一定要試啦，的確幾好，啲鮮魷厚得嚟軟嫩琵琶豆腐：真係好食總括嚟講可以再嚟，啲嘢唔係超級好，屬中上貨色。環境嘈吵，不幸啲我地坐係一班莫名係度劈威水既女士，仲要坐係餐廳中間，有啲煞風景。

一個星期總會想到星記吃一次午飯! 因為佢的鳳梨生炒骨會令人念念不忘~我們一行3人, 未點菜就先送上熱辣辣的例湯。我們點了3餸包括肉鬆浸菜苗(午市特價$65), 鳳梨生炒骨(例牌$95), 金榜醬鍋巴牛仔骨(例牌$148)。 生炒骨好多枱都有叫, 應該是即叫即炒, 上枱即食時甜酸汁剛好包著炸脆的排骨, 咬下, 還是脆的!! 真係好好味~推介!! 雖然午市特價都有生炒骨, 但亦會較細碟, 我們要食例牌才夠分享~因為我們都好鍾意食~食完金榜醬, 但我說不出裡面有什麼料~ 是有微辣的惹味醬汁, 炒好的牛仔骨送飯一流, 放在下面的鍋巴, 痴左少少牛和醬味, 仲係好脆, 覺得唔夠味還可加另上的汁在鍋巴上吃~ 好味啊～每餐都最好有菜肉鬆浸菜苗, 啖湯都唔錯, 有少少蝦干和菇, 清清地, 好味!!食飽仲有是日糖水送, 今日係麥米粥!

上司為了要歡迎我這個新同事的加入及歡送另一位年輕同事，安排了這場午飯。本以為是一般尋常的午茶點心，但想不到竟是吃小菜。午飯時間全場滿座，如不是預早訂座及同事預先叫了菜，恐怕有排等。有點年紀的侍應態度友善，但可能都是人手不足的問題，有時要加單加水都要多喊幾次才有人回應。叫了很多東西，或者講幾樣印象較深的。例湯：味道清甜，但熱度不足是極大致命傷。生炒骨：排骨略硬，但獻汁調味得宜梅菜肉餅：雖然賣相略乾，但最少不油膩雞肉炒蛋：第一次見到這配搭，不過雞肉切的薄，蛋和雞肉炒的滑嫰，不過下鹽過於重手。荔芋腊味煲：荔芋炆得軟滑，腊味配上略甜椰汁，很好下飯乾炒牛河：賣相對辦，不覺油膩甜品：小米薏米糖水，有咬感，不會過甜不知道實際埋單數目，謝謝上司請客。