小桃園海鮮酒家

Open Now

Now Closed

Quality of the dishes vary but most of them were pretty good. Liked the abalone chicken, fried oysters and 聖子 most. Other dishes like the fried shrimps, crabs and fish were OK. Fried rice was probably the worst. Had a difficult time getting there cos I got lost on the way and almost went to Shenzhen...make sure you know your way if you're driving over.

妹妹生日當天, 一大清早便去深圳飲茶逛街, 再到元朗吃B仔涼粉; 之後到流浮山的 “小桃園”吃海鮮。炒老虎班球 – 以西芹清炒, 魚皮厚身又膠口, 魚肉爽口又彈牙, 骨膠原豐富! 炆頭腩 – 脆漿薄薄, 香口唔油膩, 與帶蒜香的汁醬很配。蒜茸粉絲蒸象拔蚌仔 - 象拔蚌蒸得剛好, 不韌有鮮味, 蒜茸下得恰到好處。椒鹽瀨尿蝦 - 炸得香脆, 椒鹽味道不會過咸, 只嫌瀨尿蝦沒有糕。酥炸生蠔 – 炸漿脆口, 生熟度剛好。環境與一般菜館無異, 食物真材實料, 不講求賣相, 水準更勝過一般酒樓, 而且少味精, 飯後也不覺口渴; 服務員一眼關七, 動作勤快, 但不會有趕客情況出現。

中秋前一家人黎左食海鮮做節一行十人九蝦. 炆鮑魚, 賴尿蝦, 花尾龍兩味, 蠔, 蟶子, 幾樣都好好味加埋隻雞, 兩牒菜, 樣皮都好味, 好抵食埋單請客, 大家開心三千八蚊

很久沒有在Openrice寫食評了。但今次一定要通知大家，小心光顧這間元朗流浮山小桃園食店。事緣今天母親生日，本身亦係元朗區成長的我，兄弟姐妹早兩日定咗兩圍檯晚飯慶祝；由於同場有朋友開海鮮檔，因此已準備海鮮等來貨，由小桃園加工(及代收海鮮錢$3400)。殊不知，計數埋單連酒水(9支汽水，4支啤酒)，要$6,700蚊。嘩！真係搶錢，7個海鮮加工費要差不多$3000蚊。講真，本人時常在流浮山食海鮮，通常自備海鮮，由酒家加工的，但光顧開迴旋處嘅「歡樂」酒家(小廚神開果間)，通常都係每圍$2200-2500蚊左右。本人喺流浮山食飯都有近20年，從未試過有呢類事件發生，今次俾呢間酒家捉住嚟搶真係老貓燒鬚！在此希望各位小心選擇食店，不要被騙！

海鮮是我的至愛,小時候可能是地方比較偏遠所以重未到過流浮山,只有鯉魚門或西貢。現今交通便利了,家亦搬了,到流浮山吃海鮮的機會也多了。這三個地方比,我比較喜歡流浮山,原因是鯉魚門及西貢都是以海外遊客為主,由其是鯉魚門, 遊客們一般都沒有香港人那麼嘴刃, 酒家出品自然一般便何,不好吃下次不去便是啦,價格也滿貴。 在流浮山,我們也去過好幾家,最后還是比較喜歡小桃園海鮮酒家。現在只有這一家那裡都不想去。流浮山的海鮮相對較經濟但比起三四年前已貴了不少, 海鮮品種也多, 烹調方法技巧都很有特色。如果幸運的話,有釣魚友交來野生海魚,那你真的有口福囉。野生海魚跟人工養殖的味道、肉質都差很遠。我們叫了很多海鮮沒有記著全部,只記得每一道菜都做得很出色。所以今天只點提是夜我至愛的三四道菜。子薑皮蛋 – 隻隻糖心皮蛋,皮蛋一定押著一片子薑蘸少少糖一拼放入口內,那個混合的口味, 激活了口腔內所有味蕾細胞及促進胃/腸蠕動活力。 清燉花膠響螺湯 – 當然要提早一天預訂。這個湯超清甜又無油, 湯的清甜全由花膠、響螺、瘦肉及其他湯料燉足十小時火候十足, 把全部湯啲材料精華迫出湯裡,全沒有加其他味料或味精。花膠、響螺已經

近來我大哥成日搵我媽媽食飯.呢次去左流浮山.去之前...完全不知邊間好食.只可憑人流.環境找食店環境不能說好..但勝在打掃得乾淨.員工在忙碌環境中.仍會問人客意見...抵讚...紅酒228元法國出品....香味十足.很易入口...炸蝦球我只嫌個汁只是外殼有.個肉味道一的都唔出眾...炒通菜好惹味,又不是辣.但調味做得好.好香口,一上枱就好快清碟.哈哈班球二味炒西芹個邊...的魚只係食到滑的感覺..炸個邊...個皮唔油,香口..個魚味道立刻不同奄仔蟹食蟹季節.的膏好滿.甘香可口...肉質鮮甜..85元一隻...鮑魚仔我個人口味.我覺得一般....一的味都無...味道的確唔錯.價錢都比其他食海鮮熱點平..不過唯一缺點.食完我成晚都好口渴.

上星期日應約到小桃園食飯, 主人家同老細十分熟, 一訂就係房了主人家到左之後行左出去買料比酒家加工未開始黎料前先有紫薑皮蛋, 質素不錯第一味主菜係龍蝦, 四斤十二兩既龍蝦, d肉都認真好多下, 味道好鮮甜, 有排食之後係一魚煮三味, 其實我都唔知條魚係邊隻第一味係清炒芹菜, 咬落去魚肉夠熟夠嫩又彈牙, 唔會太生或太老同一味菜要兩碟先夠裝第二味係魚骨煲湯, 味道清甜第三味係炸頭腩,我因為唔太識食多骨既魚肉,食得幾舊, 不過味道蒜蓉蒸鮑魚七位黎左十隻, 隻隻有半隻男人手掌咁大, 蒸出黎彈牙唔鞋口,good!都好好. 最後炒青菜同水果盤都係咁上下佢地碗碟同主菜擺位無時下一般中式食肆咁花巧,不過味道就勝過好多其他酒家,呢個絕對要讚! 埋單唔係我賣我唔知幾銀, 不過斷估無四五千都未必得席間老細仲入黎同主人家傾左好耐計添~就算要我比錢我都會再黎, 真係有水準

早排同朋友到流浮山食海鮮,喺openrice做定research,揀左好耐,最後就揀左哩間有8個笑面嘅小桃園酒家....可惜滿懷高興去,卻失童而回~!!!我地明明book左檯8點,8點去到佢話有檯打俾我地,於是就附近行逛一下,行左幾個字再返去依然未有檯....佢話未有細檯走.....難道佢成晚唔走我就唔駛食飯,安排好有問題,最後8點9先有得坐低食飯!!!!我們的order:-上湯龍蝦伊麵龍蝦感覺好似幾多肉,但D肉好實,唔知係唔新鮮定係煮過左火,一般過一般~~~唔知係咪上湯嘅關係,無咩味,咸味我都食唔太多.....點攪架?!?!?!係咪我地叫錯左,唔應該上湯煮,我覺得o徒哂D龍蝦.....炒聖子哩碟算係可接受,味道還可以,哩碟反而好夠味,但唔知點解,聖子類嘅數量同肉唔成比例,我地數嚟數去每人都係食左2.3小舊,但就成堆類喺碟度,係咪心理作用?!?!?!東風螺本人對哩味無興趣,試食一兩舊,覺得好難食......主觀認為唔知係咪真係有問題定個人喜好問題,朋友客觀意見就話唔新鮮囉.....海鮮湯哩個就西利,成煲上檯時見到偏奶白色,飲落一陣腥味,我少少腥味都唔鐘意,所以覺得好唔得,再睇下個煲,入

去左元朗玩...突然諗起都未試過去流浮山食海鮮....所以就入左黎啦!!係元朗有小巴 or k巴可以入黎...都坐幾個字0家~入到黎睇先知...原來其實得一條街0家咋~行左一轉..最後決定去一間叫劉勝記..咁買晒d海鮮0家啦! 點知老闆又突然叫人帶左我地去第2間..佢話佢0個間有人打麻雀wor..感覺有d被昆...咁早佢又唔講?? 買晒海鮮先話唔係0係0個度食??最後帶左我地去lee 間小桃園~岩岩好有位..都算ok...我地買既海鮮&加菜如下:1. 豉椒蟶子(冇咩味~蟶子太大..咁炒唔好食!)2. 鹽水花甲(最快送到黎..不過好似唔熱同埋唔夠熟~剛剛好only..)3. 白灼九蝦(d 蝦就真係好爽..幾好食~)4. 蒜茸蒸扇貝(無諗過...lee個咁簡單的菜..都可以咁hea..整得咁差~d 粉絲一pat..冇味~豉油又唔夠~放係底冇淋係面~)5. 辣酒煮花螺(似黑椒汁浸花螺囉~完全味道不夠..只似一個"獻"汁煮d螺..每一粒都要點一點豉油)6. 椒絲腐乳炒通菜(都係一pat咁...冇咩腐乳味~雖然都算大碟..但味道麻麻)7. "古老"肉(見到人地隔離枱叫..我地又試下..其實都ok

Typically we think of Lei Yue Mun or Sai Kung when it comes to seafood in Hong Kong. However, persons in my group came from the area so they know this “institution” well over 30+ years so we are more likely to get good foods than the other two places. The west rail line helped make it easier to visit this place with slightly over half an hour via train and a short cab ride.Put simply, all foods were cooked to perfection for its village style with simple ingredients to let the freshness of the

上星期老闆突然話請我地食飯, 經各同事投票決定, 又去大家最喜愛o既小桃園食飯.可能係星期五, 我地八點半去到都仲要等位, 唯有出去買下海味. 又買到大包細包.等左大約15分鐘左右就有位喇.因為我地只有5個人, 不能食哂所有我地喜愛o既海鮮, 但一定會叫以下幾樣必食.今次仍然叫老闆娘代買海鮮, 不用自己費心, 而且必有信心, 從未失手.每次一定要食奄仔蟹, 今次要油焗, 貪佢够香口. 雖然唔係最旺季, 都好够膏. 正!龍蝦依麵係所有人o既至愛. 兩斤幾大龍蝦清哂成碟呀.瀨尿蝦~~ 自從試過油鹽水之後就愛上左, 因為實在鮮甜, 保持到瀨尿蝦本身o既原味. 一人一隻, 感覺好正.蝴蝶蚌~~由舊年開始至見到這種蚌, 一見鍾情. 因為蚌肉肥o都o都, 好多肉, 又唔硬. 無砂. 成班同事都係第一次食. 佢地個個都好鍾意.京都肉排~~ 每次都會叫咕嚕豬頸肉, 但係今次賣哂, 佢地改用新鮮豬扒做左呢樣京都肉排. 都一樣咁好味. 可惜已經好飽, 否則可以叫埋碗白飯.蒜茸粉絲蒸聖子~~ 好味, 尤其D粉絲.薑葱蠔~~ 唔係季節, D蠔稍為瘦左些少. 但味道仍然好正. 加多個薑汁菜心, 咁就好完滿喇.

惜日的流浮山是吃海鮮的好地方,但當鯉魚門的出現,往流浮山食海鮮的地位似乎便越來越不被重視了,彷彿惜日的光輝巳不復再。是水質污染問題? 是地區偏遠問題? 是貨源問題? 是餐廳的烹調技巧問題? 還是吃海鮮的地方選擇多了? 我想已沒有人有興趣再去探個究竟,只知道香港人會想到吃海鮮的話會首選鯉魚門。 或許我是流浮山的死硬派擁躉吧! 於上月二十日晚,到過小桃園吃過晚餐,事隔一個月,又再一次光顧小桃園。與上次不同的是,上次吃過鹽焗奄仔蟹、椒鹽珍寶瀨尿蝦、豉汁炒聖子及香荽皮蛋滾魚湯,是次惕除這四種菜式,並加入上湯龍蝦燴伊麵、香煎金蠔、豉油皇中蝦、貴妃蚌及石班骨滾豆腐西洋菜湯,餘下的餸菜大約與二十號晚的菜式相同。 又是慣性到相熟的海鮮檔劉勝記買些生猛海鮮如龍蝦、中蝦、麻蝦、桶蠔、貴妃蚌、龍躉等作來料加工。不同之處在於這次可能買多了海鮮,店主為答謝我們的光顧,送了兩枝鮮味蠔油給我們。 以下部份菜式是來自是晚的來料加工而成: 西芹炒龍躉球:特意叮屬廚房保留魚皮邊,那樣吃時便會份外覺得魚皮軟滑膠口,論龍躉肉的爽口度不及上一回,但龍躉肉仍不失滑口鮮味,廚房炒龍躉球時將魚骨去掉,因此吃起來啖啖肉，免除梗骨之煩惱

很久沒有到流浮山吃海鮮了,上周末一行七人前往流浮山吃海鮮,慣性到相熟的海鮮檔劉勝記買些生猛海鮮如珍寶瀨尿蝦,石班魚,生蠔,奄仔蟹,蝦及聖子. 慣性把海鮮交給自家老店小桃園作來料加工.每種海鮮都以不同的手法烹調.小桃園已光顧了多年,看著老闆的黑髮慢慢變白,不禁概嘆時光飛逝.也不禁想到自己也有年老的一天啊! 從前最煩擾我的是那兒附近的洗手間過於污漕,地下老是濕滑非常,如今卻發現洗手間乾淨了不少,"做大事"也不成問題呢!椒鹽珍寶瀨尿蝦: 瀨尿蝦體積頗巨大,除了椒鹽外,真想不到有何煮法可令它好吃一些.徒手拆開瀨尿蝦的硬殼,一不小心即被棘痛食指,如今傷口仍未瘉合呢! 所以請各位小心,要不然,像我整晚痛著來吃便很掃興. 最怕吃一些體積細的瀨尿蝦,因為體積細多是黏殼的,反之,用來煲湯會較為適合.是晚這碟珍寶瀨尿蝦頗為香口惹味,每淡肉都滲進了爆炒過的椒鹽味道.黏著瀨尿蝦殼面的椒鹽也給我用舌頭舔盡,盡管有些人看到頗肉酸,但我卻樂此不彼. 我有一習慣,就是每次吃最遺憾是椒鹽瀨尿蝦時,都必定舔手指,但這回因傷口未瘉合,暫且擱置起壞習慣吧!西芹炒班球: 當晚看到海鮮檔老闆用木棒猛力打暈那條石班魚的時侯,心裹總

第一次去流浮山食海鮮, 平時去釣魚揸車經過, 以為流浮山的海鮮店只有幾間, 原來入到去係另一個世界啊, 有好多食海鮮的餐廳, 我地去到有專人招呼迫好車, 先俾$20, 食完憑單可以退回$20, 入到小桃園唔算多人, 但多數都係一大班人, 好似我地咁得兩個人就好少, 有個姐姐帶我地行出去海鮮檔選海鮮, 我地要了一隻清蒸重皮蟹, 辣酒煮花螺, 炒聖子, 仲有薑汁菜心, 先講清蒸重皮蟹, 賣相普通, 味道都不是太好, 應該話係無咩味, 我諗如果要食的話最好叫佢鹽焗, 因為佢係俾你自選煮法的, 辣酒煮花螺就好好味, 可能因為新鮮, 螺肉好彈牙, 酒味又夠香, 而且唔算太辣, 我男朋友平時唔食得辣都話好味, 炒聖子就一般, 同平時在大排檔食到的都沒有分別, 因為只食海鮮唔夠飽, 我地叫了薑汁菜心, 這個菜反而好好味, 好甜又唔老, 好重的薑香味~食完仲有馬豆糕同橙做甜品tim~我地埋單都要600幾蚊, 而且單上面只有總數, 所以都唔知每樣食物幾錢, 有點貴, 但要食最新鮮的海鮮就差不多了, 下次一定要同一大班人來食, 可以試更多款式~

得到一筆小小橫財，週五的練詩又突然取消，就被媽咪屈了來食海鮮，可惜是細妹忙學校事來不了。再來一大陣蝦醬味的流浮山，其實吃那一間我都覺得分別不大，總之散點海鮮質素就不會太差。是晚三個人吃了：　　椒鹽珍寶瀨尿蝦(~$210)-瀨尿蝦沒有上次三聖的巨大，也炒得不夠興記的香口惹味，不過已獲媽咪高度讚賞，說啖啖肉非常鮮味。西斤炒班球(~$190)-石班肉多且鮮，不過質地較實不夠一般酒樓煮得滑溜，食到最後鮮有的有飽滯感覺，水準一般，是不太抵食的一味。蒜茸粉絲象拔蚌(~$160)-象拔蚌鮮美彈牙，而粉絲又軟硬適中仍保持口感，是我最欣賞的一味。味菜炒鮮魷(~$60)-魷魚新鮮但無味，要加補蝦醬調味才行；菜心都算爽口收貨。　加上填肚的靚仔，咸胃十分飽足，但沒有糖水總覺缺點甚麼...幸而奉送的水果極甜，才勉強滿足了。其實餐廳算幾滿座，可見質感是有保證的，但我還是覺得吃西餐甜品滿足得多呢!是晚就龍同媽咪一次，之後要逼他們各請我吃甜品餐才行，嘿嘿! 　更多圖可見：http://siuyan824.spaces.live.com/blog/cns!26E81014A01166DB!8566.entry