心飴 (Closed)

今晚跟友人係尖東食完晚飯, 有朋友講開呢間新開既糖水舖, 我見住佢裝修都開張, 日日返放工都經過, 就係一直無試過, 有人提開就一齊去試下啦.....點知.... 我不嬲都係鍾意食糖水, 特別係楊枝金露, 相信好多間出名與唔出名, 糖水舖以至酒樓既都試唔少, 不過呢間確係耐人尋味..... 如果我合埋眼, 試一口, 我會問, 做乜俾淡濃厚既糖漿我飲.... 望落就係芒果色既糖漿, 浸住幾片薄薄既芒果肉, 再加一D西柚肉. 叫了一個大既, 我真係未試過一碗糖水食唔晒, 晚飯食得再飽都唔會食唔晒一碗糖水, 但係今次俾佢挑戰到啦, 太甜啦, 張實個口, 我只係食到糖漿味, 一D芒果味都感覺唔到... 最後食晒D芒果肉就放棄左啦!!! 我朋友叫既芒果西米露都有同樣情況, 不過好彩佢叫細既, 都食得晒.... 枉menu 入面仲係推介項目添. 中晒招!~!我無試過其他甜品, 或者好好味, 不過我唔會再有興趣試呢間野啦! 再諗翻, 先明白點解經過親都咁少人, 原來唔係因為我放工時間, 可能真係味道問題!! So Sweet 變 too sweet , 真係甜到漏!! 我頂唔順!

A friend of mine said she wanted to try the desserts from "So Sweet" so we went there last week after dinner.The shop is small but they offer a whole wide range of desserts, cantonese & western style.We ordered one with 3 little cups with different desserts and a 心太軟...The small cup ones are impressive but I would advise you to ask the waiters which cup is less sweet and eat that one first as you might not taste anything if you do it the other way round.Whereas the 心太軟 is really impressive! Girl

考完試和朋友仔想找個地方歇歇，就來試試明星店。想多試幾味，就ＯＲＤＥＲ三心兩意，包括了１）芒果腸粉２）蘋果撻３）ＸＸＸ蛋白先令（忘了名字不好意思）都是很普通的甜品。芒果很甜，但如果只是靠芒果的甜取勝，誰都可以做到芒果腸粉吧？蘋果撻只是薄薄的，淡淡的蘋果味，沒法讓人留下深刻的印象。蛋白為主的甜品都是走清淡路線，但它的醬太搶味了，有點怪怪的不相襯感。這個價錢，應該有更好的選擇。沒有能力給人幸福感的甜品，應該可以視為不合格吧？

和朋友看完軒仔演唱會已經十二時多了，經過尖東發現這間新店，於是試試。點了兩款甜品--- 心太軟和心花怒放。先來了心花怒放。心花怒放的賣相很別緻，就像一個金黃色的禮物袋一樣，外層是焗得薄薄的脆皮，餡料我選了粟子茸，一脆一軟，甜而不膩，頗有層次。心太軟的蛋糕焗得外脆內軟，吃完第一口蛋糕，朱古力岩漿已緩緩流出，朱古力味出奇地濃，該是用了高級朱古力作食材，配上雪糕一起吃，甜味剛好。一連串的新年活動實在太累，但能吃上一口令人感到幸福的甜品，也是新年的一份小禮物。

公司下午茶, 打電話問 fax 單張, 店員似在睡覺聲音回答, 沒有fax 機。 不送外賣, 要自取, 之後立刻收線。服務態度有待改善。 豆腐花 比隔離公和差, 冇豆腐味! 芝麻糊豆腐花- 好稀,不是糊, 是芝麻水, 比即沖芝麻糊的還要差。 紫米露豆腐花 - 冇香味也是稀如水! 楊枝金露豆腐花 - 淡味 木康布甸 - 似溶左既cream, 極甜! 芒果班戟 - 粉厚 少芒果芒果糯米卷 - 最好味之選真係試一次已經夠了!

今日去左試一試不過真係水到唔水個木糠布甸 - 完全唔合格,全個得CREAM,搵D木糠都唔多麵包布甸 - 個VANINA 多過水,搞到完全沒有口感芒果腸粉 - 最好係呢個認真講,如果唔識做甜品真係可以學下先,但係千奇唔好充

之前經過見到好多花牌可惜太飽無試到, 今次有機會終於可以試下~試左(1) 心太軟同...(2) 唔記得名...個樣好似個袋! (1) 心太軟唔太甜, 好味~ 試過食過一間個流心朱古力超甜, 個cake 又濕食得好辛苦! 呢到做得合格!~ (2) 呢個好好味!! 炸個皮夠薄, 入面d蘋果肉好好味,個皮又中和番個甜味~ 好難得既係好少係小型甜品店見到咁靚既甜品, 食甜品好多時都係想令自己開心d, 呢到真係做到令你見到都開心! staff話一片插係雪糕上面係蕃薯切片炸!! 見到個樣已經感覺到份誠意!!~

餐牌裡的名稱的確很不賴。詳細的其實都己忘了,就是留下了這個印象。不過,跟另一半八點半左右到達,已經沒有與南瓜,栗子等有關係的東西。最後點了類似蘋果批的一款,賣相不錯,但味道只是不過不失而已,奶油極多。如果沒有記錯,這款大約三十多元,以這樣的味道和份量來說已可算是偏貴。其間見到一位女士點了一杯簡單的橙汁,也足足等了十五分鐘...而且鋪頭也没滿,難得這位女士期間只是不慌不忙地望著廚房!最後她没有飲完便走了,但人仍在鋪,竟然已見到聽到有兩位女waiter拿起剩下的半杯橙汁嘲笑..其間又見到丘凱敏食野,一位似是阿頭的男人大大聲說:「咁我俾個折妳都得掛!」因為她上過電視?其實可能他們是朋友..表面來說waiters仍算是好的。雖然有很多簽名,又有劉德華的字,又有很多報紙雜誌和好多王袓藍的樣子,但還是行多十分鐘到「唐人街」吃腐竹白果露同南瓜露好過了。

雖然知道在一間甜品店食 lunch 唔可以有期望, 但點都諗唔到會這樣難睇 + 難食.我叫了蔥燒牛肉糙米飯, 點知見到一碟 "濕 lup lup" 嘅肥牛 + "濕 lup lup" 嘅雜菜 + 硬 C 人嘅糙米飯. 到底咩叫蔥燒 ? 燒完仲會濕 lup lup 咩?? 如果張 menu 寫燒汁肥牛我都可以接受, 但佢寫蔥燒即係洋蔥+燒汁.............你估都嗎 ????我同事叫了燒雞排天使麵仲惡頂. 雞排完全無味, 天使麵亦都係無味, 只係見到一大 pat 汁淋在面仲係傑 tat tat 咁樣. 雞排切件後好似垃圾咁樣放番上碟, 東一件西一件.........睇見都唔想食.唔怪之得未開張之前見佢在門口貼了 "急請大廚" 啦, 原來真係無人識廚野就開門收錢

食完個dinner, 時間尚早, 周圍搵食甜品既地方, 就搵到王祖藍開既心飴因為舖頭細細, 又係食甜品既時間, 所以要等位, 不過服務員都好有禮貌, 係等個陣俾個menu我地睇左先..等2-3個字後就入得, 牆既位置好多簽名, 不過有d我就唔係太知佢係邊個~ 我地叫左三心兩意, 紫米豆腐花, 芒果豆腐花三心兩意揀左 1) 千層蘋果酥 ($13) - 一般, 唔係好千層2) 芝士布甸 ($13) - 幾好食, 好芝士味, 但又唔會好漏3) 綠茶奶凍 ($11) - 每週精選, 所以平左$2, 本人覺得綠茶味不足, 可以更好紫米豆腐花 & 芒果豆腐花 既豆腐花都好滑, 芒果唔酸, 揀料唔錯因為三心兩意既份量太少, 就算兩個女仔都覺得唔夠, 又見隔離桌order左心太軟配綠茶雪糕, 所以再take order...等個陣見到另一桌既雪糕係白色(may be vanilia), 覺得唔對路, 就同staff講話我既心太軟一定要配綠茶雪糕, 個staff又好好人咁走左幫我跟, 又同廚房傾, 傾完仲走返黎同我講ok... 心太軟配綠茶雪糕($42), 擺碟擺得好靚, 心太軟都幾流心, 綠茶雪糕

今日12時35分去到門口等,等到1時多才有位,中途真係好想走,不過見係王祖藍開又好想試吓,但令我們好失望.我們6個人去,個個都話好難食...香草雞扒天使麵---茄汁唔夠味,雞沒味道,又唔熱...好食度:唔好食燒汁龍脷柳天使麵---燒汁完全沒味道,龍脷柳完全好難形容,先食落去會好鹹,食食吓又會冇味,個外相仲難看,好似蘿蔔糕咁,個個見到都呆o左...好食度:好難食蔥燒牛肉糙米飯----糙米飯太爛,賣相一般,西蘭花變黃,煮得太耐...好食度:麻麻地我們6個人對食午餐都沒咩要求,但都唔好差成咁...食到最後仲經典,有一個服務員來收我們食完的餐具時,他在我們面前把其中一碟吃剩的糙米飯和另一碟吃剩的天使麵撈在一起,我們都呆o左...唔應該在我們面前做吧,好嘔心 我們6個人都好失望,唔會再去了,今日第一次打食評,真係好希望你們要好好改善,如果唔係只會做差你個名,貼咁多相都沒用...

不是第一次到心飴，之前試過個心太軟同三心兩意，都好好味!~心太軟：外脆內熱，不太甜，好味~三心兩意：真係好適合樣樣野都想試的人，試左豆腐芝士布甸、蘋果批、蛋白，蘋果批好好味~酥皮很脆，又係不太甜~蛋白同豆腐芝士布甸清清地，唔錯~早幾日經過再去忍唔住再食心太軟，心太軟水準keep到，兩個人share剛剛好!好滿足~下次再試其他野先~

十點幾見呢間野無人，　唔使等位，加上又係王祖藍開，　所以入０黎試下。揀左三心兩意（豆腐芝士布甸、芒果班戟、唔記得咩朱古力慕絲）加一個凍豆腐花。三心兩意到時，　首先試個最淡味，　即豆腐芝士布甸，　食落只係食到酸縮味，毫無芝士可言，　被昆!!再試朱古力慕絲, 同豆腐一樣, 都係只係食到酸縮味，一d朱古力都無，最後既芒果班戟, 只可以話不過不失...$35當跌左豆腐花方面，第一啖食落去, 無味既，諗住佢係唔記得落糖，於是問佢拎黃糖，加左之後勉強可以食，豆腐花一d都唔滑，最慘係食剩三分之一時, 先發現佢d糖漿係放左係底!!!問題係有咩人食豆腐花係會攪爛晒成碗先食!!!而呢碗豆腐花要成$15!!!真係想問值唔值!!!!可能我地揀晒呢間鋪頭最唔好食, 最地雷0個d甜品!如果要食, 下次千祈唔好揀呢幾樣!!

「千層蘋果撻拌雪糕」- 好好味..首選.. 外表已好吸引,蘋果批加入凍冰冰的雪糕,口感好特別好.「心太軟」- 大大份, 濃香的朱古力,甜度剛剛好.「心花怒放」 - 外表也好吸引, 像雲吞的東西內裏藏著栗子味,再與雪糕一吃起,味道也很特別.如果雪糕有d 朱古力粒或果仁我唸味道會更徍.

好想試, 終於食到啦.................榴槤綿綿冰,榴槤味超強,好榴槤者唔可以錯過.焗蛋白番薯糖水 Perfect match心花怒放賣相都幾有水準好好食, 又唔算貴, 一定會再來........p.s. camera error for wrong photo date