Sodam Chicken (Closed)

3星期前喺銅鑼灣食過一次Sodam Chicken,之後對哩到嘅炸雞一直念念不忘。趁住今日過開中環做野，當然要喺到食埋個雞雞午餐喇！中環同銅鑼灣分店環境格局截然不同。相信因爲中環分店就近蘭桂芳，所以店舖採用酒吧式設計吸客。店舖開喺馬路旁嘅一個小小舖位，雖然有兩層，不過地方唔大，但窗外街景開揚，環境非常舒適有格調。食炸雞應該要配酒嘅。不過之後有工在身，所以好乖咁揀左兩杯🍑蜜桃水果茶。果茶冇加冰所以都幾大杯，唔會飲兩啖就冇哂。唔鐘意飲太甜嘅朋友我會極到推介哩杯果茶。因為茶味比蜜桃味味道更濃，所以一啲都唔甜，甘甘地，可以消滯解渴。不過杯底嘅果肉偏甜，如果鐘意飲甜嘅朋友，可以咬住果肉邊飲果茶，甜味就會剛剛好。期待已久嘅炸雞出場喇！今次揀嘅哩款叫「太陽芝士炸雞🍗」。賣相同個名好貼切，一望就見到🌞外型。焗爐新鮮焗起嘅大包中間裝住喺濃濃軟滑嘅芝士，麵包焗到金金黃黃，內外都非常脆。炸雞就一如既往外皮薄脆，肉質嫩滑。原味炸雞沾上忌廉汁後雞肉更香更濃。芝士同炸雞分開上碟，芝士點多點少悉隨尊便，所以唔洗擔心芝士太溜。除左炸雞，哩到仲有烤雞焗雞選擇。講真一款炸雞點會滿足到我抑壓左3星期嘅慾望，一於試埋個「煙薰

咸蛋黃熱潮看似沒落之際，不少食店又推出了多款式的咸蛋黃菜式，萬萬估不到的是連韓國的炸雞店也加入了潮流，推出黃金咸蛋炸雞作招徠。當友人知道Sodam Chicken推出了此道邪惡的味道後，竟向我說要一同去品嚐，占苗其實也好此味道，所以想也不想就答應了。 大家在港島區上班，於是就相約在中環店食雞。當打開餐牌後，發現二人套餐非常抵吃，最重要的是有黃金咸蛋炸雞可選，二話不說就點了。除了炸雞外，還可從三款不同味道的薯條中揀選一款，大家都相中了芝士薯條，在香脆可口的薯條上灑有芝士及蒜粉，香濃惹味。 期待已久的黃金咸蛋炸雞送來，香噴噴的，輕輕咬一口，炸得皮脆肉嫩，表面佈滿了咸蛋黃醬，咸香味一絕，又很惹味，不過食多了，的確有點油膩，但那份邪惡確令人欲罷不能。 最後，還有一個水冷麵，味道較為清淡，可是正好中和了炸雞的油膩。 雖然胃口有限，但也忍不住多點了一個煙燻炭燒焗雞，這個味道非常出眾，蘸上惹味的燒烤醬汁，確是不俗。

今日同幾個朋友去中環食飯，揀左哩間近蘭桂坊既韓國炸雞店未食炸雞前先叫杯蜂蜜菊花特飲，感覺好似無咁熱氣，幾好飲，超大杯，但飲飲下d冰整淡左朋友叫左黑啤紫菜薯條熱辣辣，紫菜唔係好痴到薯條，一拎起會跌哂d紫菜，不過薯條係好食既魚糕好好味，好有韓國街頭食既風味天氣咁熱食水冷麵就最好不過喇終於到主菜，我地叫左雙拼，咸蛋黃拼甜辣醬，其實兩款都好味，我個人中意食咸蛋黃味，好香好香，不話好漏，一件就夠，同人share就最好。朋友就中意辣味，辣度夠強勁食完炸雞就食蜜糖燒雞，哩個有驚喜，好夠甜，炸到好香脆，雞肉都好滑5個人食唔夠飽，叫多個pizza,千島醬好好食，係薄脆質地，唔會太飽容易入口每人二百幾蚊，超飽，好抵食

今日終於放假係為食出動嘅日子喇我地三個酒鬼決定去蘭桂坊，搵返間可以慢慢食下野飲下野, 又唔會太嘈傾到計嘅地方。因為地下地方唔算闊落，所以就上左2樓，可能果日唔係星期五/六，所以全場只有5-6枱左右，咁就更好啦我地可以慢慢傾首先係凱撒沙津，食得出d菜係超新鮮然後就係芝士薯條，係我鍾意嘅粗身薯條黎❤️❤️粗身薯條先會做到外脆內軟又有薯仔蓉芝士粉好香好濃郁，但略嫌佢芝士可以再平均d分佈就更好喇跟住就係熱帶風情薄餅，佢有種特別香味，好似係窯烤嘅感覺（唔似pizza hxx同pizza bxx) 。芝士好足，芝士控表示滿足最後終於到主角出場喇，我地心多多呢樣又想試果樣又想試，所以就叫左雙拼炸雞喇，朋友話想試個特別味所以叫左一半檸檬柚子，而另一半就叫返穩陣嘅甜辣。檸檬柚子本來都係覺得伏味重，都諗佢會唔會係西檸雞d fd咁食左感覺又唔同喎，佢加埋柚子蜜反而令到炸雞有種清新感，唔會漏至於甜辣就一定係穩陣型啦，味道偏甜多d，唔會好辣，朋友只食得少辣佢都覺得ok。而2款雞都唔會炸到好乾，仲有肉汁架講明係酒鬼，我又點會唔叫啤酒配炸雞呢見到佢有幾種不同口味揀，所以就揀左個西柚味黎試下，佢味道偏甜，平時怕啤酒有苦澀

Sodam Chicken 係🐗&👸🏻心目中排名No.1好食嘅炸雞店。今次我地同媽咪三個人一齊再戰中環sodam chicken！今次我地就點了兩人餐加三色薯餅。---✨推薦✨辣味炸雞 - 兩款炸雞都炸到外脆內嫩，無骨但仍能食到雞嘅香味。炸雞外層香脆卜卜聲，內層雞肉嘅肉汁仍保留到。👍🏻👍🏻👍🏻 睇得出係即點即炸嘅。正！辣味炸雞 - 因韓式辣醬辣中帶甜嘅特色，呢度嘅辣醬會令人一食再食！蜜糖芥末炸雞 - 呢款口味我地都係第一次叫。係炸雞再淋上蜜糖芥末汁。蜜糖味好重，芥末味道較淡。可以再重少少芥末味就更好啦！---✨推薦✨水冷麵 - 水冷麵份量十足，麵條清爽有咬口，泡菜味辣得黎夠香又唔會搶味。清甜又涼快，加埋少少芝麻同麻油，最適合依家呢個天氣食。---✨推薦✨芝士薯條 - 薯條炸得岩岩好，食落軟硬適中，而且芝士粉十分足，真係會食上癮。到最後清得最快最乾淨既係薯條。--- 三色薯餅 - 包括紫薯、咖哩和粟米三隻味。我就比較鐘諗紫薯味。而且用既油都唔錯，起碼我唔會出現敏感咳。👍🏻👍🏻👍🏻---飲品方面由於二人餐包兩杯飲品。我地加$25轉了Apple cider rita和加$6轉檸檬梳打。兩杯都

韓式涼拌水冷麵必點之一!煙煙軔軔好好味半透明冷麵，配上泡菜好正份量多啲就好了魷魚圈配薯角，兩者都炸得香脆，可口!同樣份量略嫌少點魷魚圈大大舊的到主角了，蜜糖蒜香烤雞，每一舊都沾上蜜糖香味，而且肉嫩唔鞋口，應該係雞仔，不是好多肉，整得入味!千島pizza um....這個可以skip，沒什麼特別，芝士非常濃郁勝在夠薄，不會太飽肚雞類才是重點菊花蜜特飲，好特別大大杯，可兩份share,不太甜，透心涼。可下下火檸檬梳打，止渴之選

✏️蜜糖蒜香焗雞 ($175)個人太鍾意食甜 連叫親焗/烤/炸雞首選都一定係甜嗰啲口味 呢次都唔例外🤪蜜糖係淋滿每一件雞 多到食晒啲雞底下仲有層蜜糖喺度🍯 勁正🤪仲有一片片炸到超脆嘅蒜片喔🤪 雞件嘅外皮係脆身嘅 內裏都幾juicy 而且調味好出色 食落勁惹味😚-✏️韓式涼伴水冷麵 ($80)除左焗🐥外 少不了要叫其他韓國菜🤪 水冷麵係夏天最好選擇🍜❤️ 好鍾意佢個麵質!! 唔係一般嘅有咬口咁簡單 而係非常q彈😻 真心有驚喜 配埋青瓜同泡菜 食落有啲酸酸地好開胃 只係如果個冷麵再凍啲就更好😛-✏️墨魚仔辣炒年糕 (138)墨魚仔辣炒年糕唧墨魚仔份量都幾多 而且食落好新鮮彈牙😆 個醬汁係偏甜啲 近茄醬嘅味道多啲 唔太辣 所以唔食得辣嘅朋友唔洗怕😌-✏️蘋果特飲 ($58)✏️菊花蜜特飲 ($58)嘢飲方面試左2杯🍹2杯嘅份量都好大 絕對唔驚食炸雞食到好口渴唔夠飲😌 而且各有不同嘅裝飾 打卡able!😂🍏蘋果特飲飲落青蘋果味好重 甜度好適中 因為最怕呢啲特飲勁甜 但呢個完全冇😌🌻菊花蜜特飲嘅話飲落就似有氣版嘅菊花茶 清新得黎甜度都係好適中 用配食較熱氣嘅炸雞焗雞幾好🌝

今晚同屋企人慶祝生日，去咗中環蘭桂坊嘅 Sodam Chicken~ 我哋叫咗個$788四人套餐，非常豐富～黃金鹹蛋炸雞 拼 蜜糖芥末炸雞鹹蛋黃炸雞非常香口，表面充滿鹹蛋黃，邪惡又好味😈 令人忍唔住想再食多件😋 蜜糖芥末炸雞，甜甜辣辣，味道唔錯～太陽芝士炸雞非常抵食，賣相十分討好😍 有個香脆嘅麵包，裏面有熔岩芝士，淨係個包已經令人食唔停口😋 炸雞沾上芝士食又係另一番風味，亦可以配搭本身嘅酸乳酪醬，都非常好味～凱撒沙律蔬菜非常新鮮，沙律醬可以自行加多與少，味道清新健康～ 螺肉伴冷麵冷麵幼細滑身，口感唔錯，螺肉配上椰菜絲辣辣地，非常惹味，整體非常開胃又好味～芝士薯條薯條炸得非常香脆，而且外面灑滿芝士粉，味道香濃，令人食唔停口😝熱帶風情薄餅充滿芝士嘅薄餅，亦有菠蘿、火腿等配料，味道濃郁好味，薄餅餅底薄身香脆，非常唔錯～三色薯餅我哋另外叫咗呢款小食，不過粟米味已經賣晒，所以我哋只可以試到紫薯同咖喱味，兩款都唔錯～提子特飲賣相非常好，而且好大杯😍 好特別地有軟糖串，提子味嘅特飲非常好味解渴～Orange Soju香橙味配上燒酒，有酒味得來又甜甜的，男女都啱飲～Apple cider Rita賣相

呢間炸雞係銅鑼灣都有間分店架，而家黎到中環啦為咗食季節限定嘅黃金鹹蛋炸雞，我地今次要叫二人餐，都幾抵食喎! $398 有2款炸雞，2杯嘢飲，水冷麵，同芝士薯條因為嘢飲我地叫酒精類，所以要另外加錢 💸首先試嘅係檸檬柚子炸雞，酸酸甜甜，幾開胃，啲雞仲係無骨架! 好方便! 不過黃金鹹蛋炸雞就有少少heavy 🙈🙊 一件起2件止。另外，水冷麵同芝士忌廉粟米都比想像中好食，值得一試呀!

雖然我一食熱氣嘢就好易喉嚨痛，但去親韓國旅行都係認唔住要食炸雞，仲要外賣返酒店慢慢嘆。回來後就會好掛住韓國既美食，好掛住炸雞嘅香氣同美味，咁唯有喺香港搵番間韓國連鎖炸雞店嚟止吓癮先啦！聽聞呢間鹹蛋炸雞近來幾人氣，於是放工直接約家姐來到中環店喇！原來鹹蛋炸雞係期間限定架, 仲要係套餐先有得點, 散叫冇架~炸雞都有好幾款噃,  芝士同檸檬柚子都好吸引~款款都想試, 選擇困難添!咦?! 原來除咗炸雞仲有焗雞喎, 睇相好似同炸雞都唔咪好大分別,我哋諗住食焗雞會冇咁熱氣, 一 於就試吓焗雞啦! 所以我哋散叫冇叫SET喇...主角來了! 焗雞比炸雞出菜時間會耐少少~我哋點咗蜜糖蒜香焗雞,見到面頭兩隻肥脾已經食指大動了!!雖然係焗雞, 但食落同炸雞唔咪差好遠,層皮一樣都好香脆, 焗完個肉質依然嫩滑.發覺沾取多點蜜糖汁可令美味指數昇華,因為呢款本身唔咪好鹹, 連蜜糖汁一齊食好味啲~墨魚仔辣炒年糕個汁好好味, 少少辣好惹味!除咗有爽口黑魚仔之外, 仲有幾片魚糕塊~年糕就稍為硬咗少少, 軟番啲就好正!!餐牌仲有其他選擇, 如PIZZA, 炸物, 冷麵等...喺韓國我都好鐘意食水冷麵架, 嚟之前我已經諗住要

朋友難得喺意大利返嚟，梗係要約密少少食飯，見多幾面。返得嚟梗係要落下老蘭。 齋飲beer會餓，於是搵到呢間有啤又有韓式炸雞。大家放工梗係餓，四個人就嗌三至四人餐。餐無set死，每個項目都要揀，我地都揀左一大輪先決定到。餐set幾抵，好多款野食.先嚟前菜涼拌蕃茄。大家可能覺得蕃茄只係普通野，但蕃茄要符合我嗰位意大利frd嘅口味，原來有難度。因為我呢個意大利frd自己種蕃茄，最愛蕃茄，夏天日日食，係咪靚蕃茄一食就知。以佢對蕃茄咁高嘅要求，對呢個前菜表示非常滿意😂 咁我都安心D，證明我無揀錯餐廳。蕃茄切片，加左洋蔥粒但無洋蔥嘅辛辣，而且多汁鮮甜。另外嘅紫菜薯條超香，調味非常好，而且又熱又脆。👍🏻👍🏻👍🏻好快就嚟主菜，太陽芝士炸雞一大盤，中間一大個烘包裝滿芝士，齋睇未食已經暨興奮又罪惡感 😂芝士拉絲，撓起包住成舊熱脆脆炸雞，一啖咬落去， 嘩~~~~~~~~ 香濃既芝士好軟滑，炸雞又香脆。😂😂😂另外既雙拼炸雞就揀左蜜糖芥末同黃金鹹蛋，兩款都係意大利不曾存在既亞洲風味。兩款都咁特別。四式芝士薄餅就最啱意大利人口味。佢食到津津有味，一件接一件。厚厚濃濃又香又軟滑嘅芝士鋪滿成層脆薄餅，yummy~之後

成日食好野既朋友介紹我話呢間韓式炸雞🍗好食今日就同2個朋友去開中環就book位過黎試下！間店有兩層，我地三人坐下面～4人枱黎講佢地空間都算ok!上面幾大就唔知喇～6點黎到時間尚早，之後就陸續有人黎～打開menu,好吸引🤤 魷魚圈拼脆薯角，上到枱好新鮮熱辣🔥脆皮的薯角好香好鬆軟，無臭薯味！魷魚好香脆，不過感覺有點點炸過火😅熱帶風情薄餅，餅底係薄脆果種，我喜歡呀！味道就不過不失啦！拉絲芝士好足！多啲菠蘿就好啲！芝士忌廉粟米，又係邪惡芝士拉絲！記得趁熱食！凍左個芝士硬左就搞唔掂由於感覺焗雞無咁油膩，而且樣子吸引，最後就揀左樣子清新既蜜糖蒜香焗雞！開頭以為一片片果啲係蒜片，原來係粟米片😹 不過隻雞本身既蒜香味都好足🤤咬落去，脆脆既雞皮加上甜甜既蜜糖～包住軟軟的肉，成個口都好香🤩真係好正！焗雞需時，所以係最後上～食到飽左先食😹所以剩左果啲帶返家食～返到去家人都覺得好正，唔怪得見到咁多人外賣雞雞啦朋友叫左佢地既手工啤酒ipa，喜歡啤酒既朋友可以trytry!佢地話幾香！我就麻麻地啤酒😹 試左蜜桃水果茶，唔太甜，都ok! 蘋果特飲就大大杯，面盆咁大，仲有串糖！造型較浮誇😅岩小朋友！多啲朋友黎食會更好

這次為了這間在韓國擁有70多間分店的炸雞店sodam chicken 突意專誠來到位於中環的分店。是次跟男友兩個，所以點了一個combo of two 這個套餐: $398包一客炸雞( 可選2 款口味)，一客薯條，一款小食與兩杯飲品。這次我們選擇了雙拼炸雞，一款是限量的黃金鹹蛋炸雞，而另一款則是味道帶甜的蜜糖芥末香蔥炸雞，而薯條選了芝士薯條，小食方面則點了魚湯串。味道方面，炸雞完全感覺到即叫即炸，來時仍然熱騰騰的感覺，雞肉內嫩外脆，而黃金鹹蛋炸雞外層用蛋黃蓉覆蓋，令其名符其實的黃金炸雞。而蜜糖芥末香蔥炸雞外層浸沒了蜜糖芥末汁，但仍沒有令其香脆的外皮變得糊口，仍然能有酥脆的口感，這令人感到驚喜萬分。至於薯條，在即炸的薯條上除了加了濃濃的芝士粉外，還有少量作點綴的紫菜粉，這兩種的味道出奇地合襯!魚串湯是一款清淡得來帶點刺激的食品，本想會是一款清淡的菜品，殊不知湯中加上辣椒，但我會想佢唔好咁辣呢..至於飲品，我們加$25 轉兩杯特飲 分別點上藍乳酸燒酒, apple cider , 男友藍乳酸燒酒睇得又飲得, 正過我嗰杯~~~ 

今日去中環扮自由行，行到藝穗會附近，遇見呢間韓式炸雞店，把握「雞」遇，入去抖抖順便食晚飯一行五人，叫咗個$788嘅4人餐，但我地都覺得食物份量足夠6個人食凱薩沙律、薯條唔想樣樣都芝士，所以薯條揀咗原味，外脆內軟～沙律新鮮～跟餐加$25，大大杯好抵下～佢地話好好飲～呢杯青蘋果啤酒都係加$25～我唔飲酒，叫咗杯蘋果汁～唔洗加錢襯熱食勁好食，芝士香！餅底脆，有啲似餅乾既味道～意外的好食！呢個太陽炸雞，差不多枱枱都叫！件件雞都好大件呀！外面脆內Juicy食雞之餘中間個包都唔好忽略，芝士包勁好食～十件雞可以揀兩款口味，蜜糖芥辣味唔夠芥辣，不過個汁都幾好味，另外黃金鹹蛋炸雞我第一次食，味道會重啲，但都幾特別仲有螺肉伴冷麵，除咗螺肉，仲有魷魚絲同椰菜絲等配料，除外酸酸辣辣，仲有種好特別嘅味道，好開胃，好適合夏天食～滿足嘅一餐

放工後想去蘭桂芳HAPPY HOUR, 同時又想食個晚餐, 沿住蘭桂芳斜路行上去, 見到Sodam Chicken, 感覺幾CHILL, 有得食韓國菜又有得飲酒, 所以決定試一試!餐廳提供的食物選擇有好多, 有多款炸雞, 焗雞, Pizza, 沙律, 水冷麵, 韓式年糕, 小食, 多款啤酒同特飲等!ACAI WHEAT $58個人很喜歡這款啤酒, 因為帶有濃郁藍苺味和果香, 淡淡的啤酒苦味中帶少許清甜, 好適合女士們!AMBER $58AMBER 比起 ACAI WHEAT的啤酒苦味會濃一些, 但都算是啤酒苦味較淡的, 而且帶有微微的焦糖甜味, NICE!蘋果特飲 $58唔飲酒的朋友, 飲品選擇都有好多! 青蘋果汁都加上少量梳打水, 配上一串橡皮軟糖, 好繽紛!蜜糖蒜香焗雞 $175蜜糖蒜香焗雞份量好多, 總共有十多件雞! 雞肉保持嫩滑多汁, 加外層薄薄一抹蜜糖, 甜甜的, 十分美味!凱撒沙律 $80沙律菜新鮮爽甜, 加上大量芝士碎, 同沙律醬, 好滋味!而且餐廳好細心將沙律醬分開上, 客人可按個人喜好加沙律醬! 魷魚圈拼薯角 $65即叫即炸, 熱辣辣, 卜卜脆!