Soi Eat Thai Cuisine

Open Now

Now Closed

當日一個人食午餐12:35左右已經有10人在外等候因為我唔見有侍應喺門口派飛咁我就入去餐廳入面直接問啦咁個女侍應好好安排我坐係卡座1分鐘未夠另一個男侍應/經理就同個女侍應講坐枱要經佢手同問我有無攞飛，咁我當然無啦之後佢叫我去左第2張枱坐無問題既，午市多人正常呀咁我都好快落單同檯有另外5個人都先過我落左單但10分鐘後，居然係我一個人有野食我叫左雞絲扎肉冬蔭公湯米冬蔭金唔合格，無香味又唔酸唔辣，水水咁個湯好稀，作為一間泰國食店連最基本都整唔好就堅唔掂之後佢既雞絲其實係雞柳咁款既野重點係得3件得3件得3件！！！條雞絲既長短同闊度係一個正常人手指尾咁上下既size😣札肉都叫正常d,係圓型一塊既，有3塊米粉正路杯泰式咖啡有如鴛鴦一樣盛惠70元！！！我想講無咩環境可言都算服務又一般般（好明顯佢down人手）佢碗咁既野加埋咖啡賣70認真過份兼無誠意！我堅係唔使用好多時間就KO左呢碗低份量高價錢既一碗面我坐個個位就望到美味餃子店，我覺得自己做左個好錯既決定😤之後要過多10分鐘，有2個人碟雞扒飯出現了再過多10分鐘，香葉肉碎都出了真係炒咩炒左咁鬼耐呢？我差唔多食完人地先開始有得食明顯廚房人手欠佳而且ti

今天是很累的一天，如果唔係有天大的誘因，我係唔會出市區，而今次我個friend 就用了泰國菜有美酒飲，成功呼喚左我來。遠處望到間鋪面，在舊樓臨立的街道影照下，他是很潮的。店內面積不大，但排位都很闊落，我們一行7人，加多3位唔停既小朋友，都唔算迫。今日係好飽，所以我們主要order 沙律及頭盤。有驚喜的是泰式生蠔，一short short 上，精緻；加上每short 內有不同的香料，一口喝下去，感覺挺特別。第二樣想提下既，係遊船河粉，初時覺得都係一般的魚蛋河，不過佢既湯底濃郁，加上放了幾條炸到脆卜卜的腐皮，幫佢既售價大大提升。之前，提到既前菜沙律，反而係最遲到的。老闆強調，上面既牛係唔同d，係西冷，要燒既。我好快手挾到一件（其他當然被人清碟啦！），係好味既，抵我等左佢半個鐘。總括而言，這間fusion泰菜，我係會再去既。

朋友已經介紹多次叫我去試呢一個船麺今日終於有時間約埋三五知己去試呢個晚飯👍竟然冇令我失望一坐低首先試咗個生蝦先🦐🦐，生蝦肉質鮮甜又夠彈口👍可以比95 分另外再食杯仔蠔👏燒牛肉燒雞燒魚樣樣都好味😝最緊要就係要試過船麺主角一出👍首先飲個湯先👍👍果然真係無得輸👏👏呢間鋪頭仔值得介紹😊👍下次叫多啲朋友再試多啲食物芒果糯米飯都好好味🤗

這店開張不久已去吃了幾次，出品很有水平。最喜歡吃燒雞，不要斬，原隻上更妙。泰式生蠔很鮮甜，每次都保持水準。燒牛肉，羊架也是必吃。近來發現有很多新菜式推出，就試榴蓮薄餅，青芒香茅炸魚，炒花甲，全部都很精彩！不得不提新推出的船麵，湯底濃厚，材料新鮮，比泰國街頭還勝一籌。

呢間餐广我之前巳經到過一次但當時仍然未有船麵食今日見到佢地推出船麵吹行雞去試呢我地7個人，諗住打去訂位点知巳經滑滿了冇位，终於我地诀定去等等左20min好快有位，可能巳經8:30入到去立即叫我地之前食過果d野先再加船麵d食物上得好快，我地諗住尾段先叫船麵点知9点多船麵已沽请了我地只能分到3碗呢個麵，真的要比10個like ar,個湯靚過泰國當地街頭小食，最重要係食後不口谒值得去再食要食好嘢係要等既

今日大約12點幾去到,門口冇人等位,就諗住入去啦,入到去就滿晒人,有個男職員就叫我地出門口等,要拎飛,我地出左門口等左一陣,都冇人出黎理我地,之後就有第2位客人等位,個男職員出左黎寫飛俾佢地,冇理過我地,我地都忍唔住出聲話我地黎先,但男職員都冇反應,照寫後一個NUMBER俾我地,連果位客人都話人地黎先架喎.跟住我地都照等,等等下果客人就走左,到有位入到去就叫左個青咖哩雞飯同泰妃雞飯,飲龍眼冰,加冬陰公湯.龍眼冰似飲緊糖漿.當青咖哩飯食到大半,個泰妃雞飯同冬陰公湯仲未黎,唯有催下佢啦.催完再等左一陣先黎,仲有唔同職員各自問左一次係咪爭呢樣果樣,好似冇溝通咁，D野食再隔左一陣先黎,冬陰公湯好酸.泰妃雞飯正常.結論呢間野係唔會再去幫襯,D職員冇溝通又好似發緊夢,係食呢餐野既過程有好多枱都不停追單,又黎錯晒野食.唯一安慰就係食呢餐飯D野食尚算可以,仲有好多花生食。

星期五晚諗住食好d d經過呢間歺廳見好多人排隊我又排排個半小時終於可以好好入去吃飯於是叫左個泰式奶茶，青咖哩雞飯，炸蝦餅同埋炒菜點知叫完菜等成個鐘先上嚟😡😡😡😡出面d很多待應喺出面行黎行去不如人廚房幫手青咖哩唔係應該一早煮好就咁”不”出嚟㗎咩？炸蝦餅要一個鈡？你個咩蝦餅嚟？其他食客都燥左，不斷投訴食泰國野不嬲好上碟，時間控制得太差我會blacklist 食物是ok 的，你們不介意等成個鐘先上菜也可以一試

公司附近新開左一間少有既泰國菜 細細間 裝修特別 午餐經常都爆滿搵左日去試試 由於店鋪係長形設計 中間為通道 座位在左右兩邊如果一大班人去道會有的難搞另外室外都有的4人位 我地就被安排坐係室外 個日都幾凍 好彩都有的暖野落下肚呢到有分2個價錢既餐 58and68包一杯野飲 有蝶豆花茶 洛神花茶 青檸梳打 等特飲 叫左杯青檸梳打 飲品無咩特別 佢無青檸比你自己篤 而係一早調好 比較失望呢個主食叫左青咖哩走地雞飯 一黎到個賣相好吸引 加分 青咖哩味道偏甜 都幾辣 但好好味 送飯一流 入面有大量蔬菜如茄子 青豆 岩晒我雞既分量都算唔錯 算軟身 唔會太天同無雪味 另外加左$20叫左碗迷你冬蔭公 味道不錯 有大量既香料 唔會太辣送既分量都ok 有蕃茄仔 秀珍菇 同半隻蝦 冬天凍冰冰飲呢個就正總結 小店絕對比我大大既驚喜 期待搵日晚餐去品嚐一下

放假後第一日返工，又想食下泰國野，之前都聽朋友講有間泰國餐廳幾好咁就一lunch就行過去試下先佢有兩個set，咁就飲品再加個主食，今日我叫左「泰北青咖喱走地雞配絲苗飯」，餐飲叫左凍泰式咖啡等左一陣間，都好快煮好，侍應都好有禮貌介紹食物一黎到好香既味道我二話不說就不一啖仔試下d咖喱汁！真係好香好香！一開始諗住唔會太辣，不過食落都會頭痕痕將d汁撈埋落個飯到，無得彈啊真係！入面有豆角、茄子、雞！超香講堅！好快都食完，辣辣地，真係一啖接一啖杯咖啡好正！同事飲奶茶都好正！好推薦大家黎試下啊！

今日中午幾興行左入去，有5同既set比你揀，仲有好多小食。我自己就喊左青咖喱走地雞飯，覺得辣度適中，真係正。金邊粉都ok,香港食左幾間尼間算好5錯。至於冬陰功就麻麻地，得酸味。但係環境好好，waiter服務態度好好，推介👍🏻👍🏻

這間餐廳坐得舒服 主要食泰國菜 ， 見未試過就試下，我點左豬手飯，但食物味道麻麻 不夠熱豬手不太新鮮。而友人吃的泰式火車炒飯都不錯 加$20有冬陰公湯 有點貴。服務員很好 有禮貌的

打電話來發現午市不能訂檯，就早一點來walk in。還好早到了，門外還未有人龍，坐下不久還不到12:35，這兒就滿座了！一心想來吃生蝦刺身和芒果糯米飯，誰知道午市只能吃lunch set>< 唯有之後找個夜晚再來～↑香茅厚切豬扒配絲苗飯：豬扒熟透卻不會韌，帶有淡淡的香茅味道。飯也是煮得剛剛好。嫌「齋吃」太乾的話可以蘸一些配上的醬汁，又不會太咸。好吃！↑黃咖哩牛坑腩配絲苗飯：黃咖哩香而不辣，吃得出椰汁之餘又不會覺得太膩。牛坑腩一咬即散，卻不會太軟而變得沒有「咬口」。必吃之選！↑泰北青咖哩走地雞配絲苗飯：青咖哩比黃咖哩稍辣，但對不吃辣的我來說還可接受（不用邊吃邊喝水那種）。雞肉十分嫩滑，配料蔬菜也okay～可以一試！美中不足是我們的餐飲點了熱凍頂烏龍茶，烏龍茶是茶包上，但也很香！只是杯子很少，喝了一口就接近喝了一半，我便問店員可不可以加些熱水。店員停頓了一下，好像很意外我會要求加水，但最後還是加了一半水給我。希望之後他們的餐飲杯可以大一點就好了！

今晚試食長沙灣青山道，一間新開泰式食館，食到一肚氣。7:10pm去到，7:50pm都未有嘢食，最好笑係，枱枱有嘢食，連最遲入嚟，嗰枱都有三碟呀！我？乜都無。終於7:53pm嚟了！之後因為辣，叫侍應斟水， 斟係全熱嘅水囉。食泰式嘢，點樣飲滾水呀？最後食完一碟，第二碟都未黎，咪埋單囉。幾好食都假啦！ 由追單到埋單，兩位侍應，一男，一女，一句唔好意思都無呀！永無下次，又唔係平，仲有加一，今次真係俾錢買難受。

今天和家人路經過青山道拜年，周邊多的餐廳大部分休息，突然比我發現一間門口好靚又好有品味設計多的餐廳，我地一行6人，大家睇吓個餐牌，同時一齊話，入去食呢！D價錢平過翠X，人地今天都冇加乜！值頭有良心，👍👍我地叫d野到呢，估不到好好味，特別係青咖哩羊，燒雞，生蝦又厚身爽口，呢碟生蝦如果在名牌泰國餐食要$168😁😁佢做$98！我地班貪心鬼見到平，即時叫多一碟先，今次慢慢食~~睇人清楚原來係花尾蝦，唔怪得咁正呢！老闆見到我地食得咁開心😁過來吹咗兩句水，他都幾友善，又幾形佬，原來係他自己設計餐廳👍我地下次一定會再試其它食物☺☺☺☺

今日係年三十晚我同家人到附近新開的泰國餐廳試一試呢間餐廳嘅食物🤩 真係估唔到諗住收爐時間果然師傅能夠煮出美味嘅菜式職員亦都好有有羡同我地講八點鐘last call真係估唔到食物質素非常滿意價錢亦都好適中，家人話😀下次有機會會再落嚟食飯👍🏻👍🏻本人覺得嗰晚最好食嘅食物係咖喱炒蟹配蒜蓉包燒牛肉燒羊架😆😆柚子沙律👍🏻👍🏻最後尾都唔夠食要加1個炒泰式金邊粉真係估唔到好好味👍🏻我都有介紹俾我另外朋友佢哋話遲啲都會過嚟呢邊食飯我見到佢哋發生蝦價錢真係好優惠😋只售$98元但係我食得出係新鮮嘅蝦👍🏻👍🏻👍🏽