Soi Eat Thai Cuisine

Open Now

Now Closed

位於荔枝角與長沙灣之間的泰式餐廳，裝修比較有點格調，入到餐廳，就好似入去左泰式按摩店，暗暗的燈光，令人好舒服。仲記得剛剛開張的時候都幾多人等位，不過都已經開左一段時間，依家都已經唔需要等位，午餐價錢可接受，有SET A和SET B選擇，SET A  有10款選擇 $58，SET B 都有10款選擇 $68，凍飲加$3，另外可以加$20有小食/沙律。泰式炒金邊粉-金邊粉炒得好香，配料都多，但份量比較細。泰式船米粉或金邊粉 (牛頸脊) – 湯底好深色，非常濃牛，除左有香葉的味道，亦有牛的香味，牛頸脊超林，再配埋炸左既豬皮，超好食。

開左一段時間都無幫襯過，朋友仔話ok，相約來試一試！舖頭門口有個大大嘅餐牌，有Set A同Set B，分別在於價錢，Set B貴$10，感覺係Set B好似又真係要多功夫啲，海鮮類同炒嘢多，而Set A就”不”落去就可以咁，所以平少少揀左Set A嘅豬頸肉，加杯蝶豆花茶。豬頸肉夠乾身，不過豬頸肉好難唔好食佢個汁辣辣地係開胃嘅，送飯係不錯！朋友仔話蝶豆花抗氧化、安神之類，其實係啲藍色花浸左落啲熱水，佢慢慢慘啲藍色出來，淡淡味！整體份量夠，唔使加錢就有熱特飲，好似熱龍眼茶同香茅茶（呢個絕對係加分位），合理價錢

工作日應同事的邀請，一同前往這家餐廳試菜。這家餐廳接受電話預先訂位，所以午飯時間也不必擔心去到要等位。12點半過少少，就已經冇哂位，可見間餐廳都幾受歡迎。我哋各自叫咗套餐share食。肉碎飯唔辣，仲有溏心蛋，超送飯，係我的最愛。豬頸肉外脆內軟，只是份量略少。另點咗杯蝶豆花茶，第一次試，冇乜味，只是睇落幾特別。人均消費70蚊，唔算太抵。

今日星期六下午放徦😊 约埋女朋友一齊去長沙湾食午餐順便行吓街呢間餐廳我之前自己已經去過，今次帶女友去試試我又想食鸡又想食豬頸肉😋多口問一句可否雙頩，点知原來個 Staff認得我，話 special for Me😊😊女友又選擇食船米粉，她一食入口飲淡湯巳大讚湯底夠濃郁 佢話似足泰國街頭一樣好夠風味食到尾段都好似未夠皮，再叫d糕點，入口新鮮，原來係自家製😊服務不錯以環境及食物及價錢，都like gar👍👍

今日經朋友邀請到長沙灣食新派泰國菜慶祝生日 早前朋友試過之後話好好味 就決定黎試下啦 一入到去環境乾淨企理 幾有特色 好有泰國風味我地首先食左個生蝦刺身 個汁好開胃 之後叫左個蝦餅 燒豬頸肉 鹽燒馬友 個staff話啲海鮮係供應商每日送到 之後仲叫左胡椒蟹加蒜蓉包 味道好濃郁 問過老闆先知道原來胡椒蟹個個醬係由泰國運過黎嘅 最後炒左個椰菜苗 好入味我覺得餐廳嘅氣氛，環境同食物都有80分以上，性價比高，下次會帶屋企人再黎多一次！

因為我好鐘意食船麵，無論喺泰國同香港船麵都試過好多間，所以見openrice d人寫到幾好食咁就黎試下，點知一入黎見到隔離檯碗船麵已經心諗賴野，湯好淺色好似好淡咁，粉夾上黎都無乜顏色。最後都係點船麵黎試仲嗌左凍泰式咖啡，咖啡都幾濃不過帶少少酸，因為用鍊奶所以都甜不過唔過份。呢個係船麵要左米粉，湯唔夠深色唔夠濃唔夠香無乜味咁，就好似本身湯底溝多左水再加返d鹽同糖咁... 連船麵靈魂豬/牛紅血餚湯底有無都唔係好覺🙁 成碗野最好食係d豬皮，如果會再去可能係試其他野而唔會再點船麵。

呢張雖然係今年年初時影既.果時新開既餐廳.門口好似泰國既SPA咁.所以吸引左入去.點知食物較為普通.而且店員好似唔鍾意一至兩位客人，好似阻住佢做生意咁= =.佢地態度上唔會表現哂出黎，但作為食客既你係會feel到（偽裝的好禮貌）.佢地4人以上就會主動refill茶，少人既話就... (想你食快d free番個位出黎）.太現實...當然仲有其他情況..（e.g.安排位...）.所以食咗兩次之後都冇食過啦.不過荔枝角真係有好多上班一族，所以呢間都排長龍🤦🏻‍♀️.寧願比多少少錢去格離果間食日本野，附近既餐廳態度同食物質素好好多。.環境❤️❤️❤️衛生❤️❤️❤️人手❤️❤️可逗留時間 ❤️食物質素❤️❤️禮貌❤️選擇❤️❤️❤️送菜速度❤️❤️❤️座位數量 ❤️❤️❤️攝影環境❤️❤️❤️.5❤️為滿分

上星期和女朋友去到了長沙灣搵食，結果去了一間泰國餐廳。一入到去感覺環境好靚好舒服，而且店員好有禮貌！介紹我們吃了不同菜式：例如燒牛肉，泰色抄花甲，蟹煲，和生蝦 全是必食的，而且也叫了杯特色消暑品，透心涼：最後埋單都不是太貴！ 依個價錢食到d咁質素食物及服務真心超值。下次可以帶d朋友再來試其他款色菜！

今日專登由大埔坐車出來長沙湾今次帶埋家人來試美味的食物😊可能星期五關係我地六点半到已經坐滿八成人:今次我地可以叫多d款式因有6人首先整個大椰青先:又甜又多水再叫串燒，沙律，生蠔，燒羊仔㗎，泰式燒鸡，青咖哩:最重要一定食船麵呢湯底超香濃:總結:人食到笑哈哈茫果飯又正，又香但唔太甜我們會再嚟㗎:ummy

突然間好想食泰國嘢，去咗d間餐廳，試咗鹽燒烏頭魚、泰式蝦刺身、泰式船麵同龍眼冰🥤烏頭魚燒得剛剛好，魚肉嫩滑，佢哋嘅泰式醬汁真係值得一讚，酸辣調得剛剛好，帶出魚嘅鮮味。但佢嘅泰式蝦刺身實在令人汗顏，唔算新鮮，最奇怪嘅係蝦刺身竟然冇挑蝦腸😰，仲唔好彩食第一隻🦐嘅時候冇為意🤢🤮，之後每一隻唯有靠自己用筷子去挑蝦腸，蝶蝦＄108真係比多左佢，d侍應見到我自己挑腸竟然視而不見，唉😓⋯⋯ 實在有待改善！泰式船麵同龍眼冰不過不失。

朋友叫我黎試下，點知就出事喇從未如此這般受氣過，午餐人多忙係正常你叫我地轉枱我地都幫忙，我們都樂意去轉但係就用黑口黑面同惡死既語氣就實在太驚訝了，轉完一張又一張，轉到連張單都無埋個個都有野食先黎幫我地補返落單講返食物，細碟都呢⋯⋯仲要咁既價錢又唔平又無禮貌😹青咖哩都叫ok既，其他就唔得囉⋯⋯碟豆花茶只係有色既熱水同泰國飲到完全就兩回事豬頸肉炒芥蘭，啲豬頸肉得2舊半，都唔知夠邊個食.....同埋味道好一般，茶餐廳都好食過佢。

今日有半日嘅時候比我休息下我中午就去咗搵女朋友食飯啦咁佢就帶咗我去食個泰國嘢中午放lunch時間其實都幾多人下好彩呢間唔算多人去到都唔駛等位直接入得洛神花茶味道怪怪好酸唔知點解 我唔太鐘意同我係第二間飲嘅唔太一樣熱咖啡 呢個係女朋友點嘅一般般 冇話特別特出嘅正常味道青咖哩雞飯呢個青咖哩味道淡啲咖哩味唔濃烈嘅但份量都唔錯雞嘅口感唔算嫩滑 比較失色泰妃雞飯呢個泰妃雞飯比個青咖哩雞飯好味個雞都比較滑佢個汁辣辣地 甜甜地 都幾惹味 又開胃嘅飯嘅份量都多嘅唔錯嘅呢個可能價錢比較貴 所以呢間嘢都唔駛點等位嘅性價比一般

已經唔係第一次幫襯Soi Eat, 因為佢係長沙灣少有好食既泰國餐廳。今日lunch諗住食肉碎飯，去到發覺個lunch set menu唔同左，多左選擇，我就揀左最近好hit既泰式船米粉。食麵最緊要係咩?一定係個湯底! 飲左第一口湯，我已經即刻愛上左!超好味，湯底濃厚惹味，飲得出係經過長時間精心熬製。麵係幼身米粉，吸收哂湯既味道。配料有5、6粒豬肉丸，但豬肉片就只有兩三塊，相比下就好似少左D咁，如果可以多返一兩塊會更好。另外仲有炸脆的豬皮、生芽菜和金不換葉。一邊食，會一邊感受到少少辣，但一般人絕對應付得到，辣味令船麵味道更加豐富。午市套餐有分兩個價$58/$68包一杯野飲，凍飲加$2。呢個船麵餐連凍飲$60。以同區午餐價錢比較唔算平，但以呢個食物質素係值呢個價，而我都俾得心甘情願!

同多年朋友相聚見面，梗係要搵一間坐得耐的餐廳，所以我搵咗依間坐得舒服嘅泰菜，事關之前我都嚟過依間餐廳食飯，所以再次encore😀👍 因為知道依間餐廳經常坐滿，所以預早三日打電話去訂位首先我哋叫咗柚子沙律同埋生蝦再加埋杯仔oyster👍👍三樣食物大家都非常讚好😀🤗👍隨即再叫熱嘅食物，生菜包加辣😀泰式燒雞燒牛肉燒羊㗎再加黑胡椒蟹食到中段，大家都覺得食物非常美味，本來想叫多一兩味嘢，但係已經太飽啦，因為食物份量比較大，所以決定下次再試最尾我哋叫咗芒果糯米飯，同埋西米糕，甜品真係好好味，好有泰國當地嘅風味👍總結一句依間泰國餐廳，我會再推薦給朋友價錢合理，招呼周到，員工又有禮貌

看了Facebook 介紹這有地道船河，特來一試。生蝦刺身，一般，可以再鮮甜彈牙啲。生菜肉碎包，同枱的說很喜歡，附近幾桌也有叫，是較清淡的版本，我自己喜歡惹味些。蒜蓉牛油雞翼，超正，肉滑又juicy,炸得很惹味，肉不會乾身。船河，湯底夠正宗，有道地香料，讓人彷佛置身在泰國中，會再黎食。碟豆花茶，紫藍色的顏色超靚，但味道無咩特別。