相馬日式火鍋 (Closed)

呢間相馬係火炭工業區，好鞋得呢度有任食火鍋，放工即刻同同事黎試下呢度既晚市放題。我哋叫咗蕃茄湯嘅湯底，蕃茄好多好足料，好香蕃茄味，好清甜，愈煲愈出味，做湯底好健康🤓依度一般嘅火鍋配料都好新鮮，啲生菜係新鮮喺街市即日買返嚟嘅，金菇，粟米仔呢啲都係好新鮮，食落好爽甜，配合呢個蕃茄湯底就岩晒🥸依度啲肉都好新鮮，我好中意佢地既特選美國牛肩胛，啲肉好實，又夠牛味，薄薄一塊好好食，好快就熟，同蕃茄湯好襯😎依度連海鮮都係任食，啲海鮮真係好新鮮，我好鍾意佢哋嘅帶子，夠晒大粒夠晒腍，仲有蝦又係好彈牙，好好味🤩

🚩中華辣湯我超級鍾意佢哋呢度嘅勁爆辣湯底-中華辣湯。佢哋所用嘅辣椒全部都炒香過，所以更加香辣！🚩特選美國牛肩胛呢度嘅美國牛肩胛雪花分部得好平均，唔似係廉價貨品，一食落去更加肯定佢哋係靚嘢。好香好重牛肉味！🚩任食海鮮呢度所有嘅海鮮全部都係任食，我叫得最多嘅就係佢哋嘅藍青口，好大粒㗎！而且仲有日式蟹棒，感覺又甜又香。仲有最最最最好味嘅一定係佢哋嘅卜卜蜆，好大隻，叫咁多隻全部都可以開口。而且一啲沙石都冇，吐沙吐到幾乾淨。大家嚟到呢度都可以試吓佢哋嘅日式炸物同埋單骨雞翼！勁多人都有食！

相馬差唔多全港都有分店，今日接男朋友放工，就黎呢間試下，120分鐘晚市放題。🌶️🌶️中華辣湯呢個湯真係好好好辣，超勁，岩晒食辣既朋友，啲辣椒係炒過既，所以再放落湯好香，成個湯好惹味，愈滾愈辣，食到出晒汗但好爽！🥟🍤🍢日式炸物日式炸物有好多唔同款，燒蝦，燒粟米，串燒牛脷，串燒雞皮呢啲都有，仲要全部都調味得好好，啲蝦好新鮮好彈牙，好好味呀！🐙🦑🦐🦞🦀任食海鮮海鮮又係多款既，有生蠔，帶子，海蝦呢啲，生蠔好大隻好新鮮，帶子都好大粒，海蝦仲識郁架！全部都好鮮味好正，出色！

今日勁凍，收工先知原來公司附近有呢間相馬，有晚市2個鐘既火鍋放題，一定要試下啦！夠多人既我地一試試佐兩個湯，甜豉油同中華辣湯，甜豉油相對清淡啲健康啲😌咸味入面會食到微微甜味，愈煮愈濃味，正；中華辣湯就夠晒辣🥵大大隻辣椒係湯入面，深紅色既湯底充滿炒香既辣椒既香味，正呀！呢度既肉就全辣都好吸引，特選美國牛肩胛好腍好夠味，雪花紋岩岩好😗優質豚肉好重豬既香味，完全唔騷，又嫩😙優質雞腿肉好厚肉，啲肉好結實，煙韌好食😚海解黎講呢度都好多款，海蝦夠晒新解彈牙，蜆好新鮮爽口，花螺都好鮮味，好爽脆，連生蠔都有，好大隻好鮮🥰仲有仲有任食既日式炸物，炸午餐肉，炸蝦多士呢啲都好正，即炸即食，好香口好惹味！

嘩嘩嘩！真係好多人！好彩有book位咋，如果大家有家人一齊嚟食飯，一定要book位！如果唔係真係分分鐘有機會冇位坐！🤩中華辣湯底好鬼正，真係辣到我哋流晒口水標晒鼻涕🤣，佢呢個湯底真係拍得住譚仔嘅辣湯😏如果大家將啲肉類放入佢都會吸咗味道㗎😜炸物拼盤真係真係好吸引。好鬼好味呀！我細佬平時最鍾意就係食香口野😙，所以佢嚟到簡直就係食唔停。佢話好似佢學校小賣部買嗰啲小食咁！全部都係脆卜卜又唔會好厚粉😚。仲有呀仲有呀海鮮拼盤係我媽咪同埋爸爸最鍾意食！因為佢哋話將海鮮放落湯底會更加鮮美😍而且佢哋嘅海鮮選擇好多，就算唔鍾意食海鮮都可以叫下其他單骨雞翼或者炸物🤩

我已經見到好多社交平台群組，有推介呢一間火鍋店！《好抵食》《幾好味》，呢兩組字句不停地出現！所以我都冇考慮就即刻預約咗。♦店員推介:見到佢五花八門嘅嘢食都唔知食咩好，所以就請教咗店員問吓佢到底有啲咩類型嘅丸會比較多人食。佢就同我哋講話呢一種燒芝士丸，會比普通流心芝士丸，味道更加濃郁，所以佢就推介左我哋必食！然後就係芋絲，我自己本身都好鍾意食㗎所以就啱啦！另外，店員仲推介左佢哋嘅日式炸物比我！我最鍾意就係炸蝦！我阿哥啊佢覺得咋午餐肉同埋炸下多士先係最好食喎！

🔺美國特選牛肩胛🔺優質雞肉🔺優質豚肉🔺海鮮拼盤👆🏻以上所有食物都係可以任添任食，幫我校大聲大家食得晒先至好叫！唔好嘥嘢食啊‼️三款嘅肉質都幾唔錯，尤其是係佢個美國特選牛肩胛💁🏻‍♀️，真係個外表都非常美觀好吸引。另外海鮮拼盤都有好多唔同類型嘅選擇，我最欣賞嘅就係下單後好快就送咗上枱，佢哋嘅蝦肉比較甜美，彈牙。🍲蕃茄濃湯👆🏻湯底方面我就做咗蕃茄濃湯，有超香嘅蕃茄酸甜味我仲有好多蕃茄蓉，我建議大家可以先飲一啖湯，然後再將蔬菜放落湯底入邊淥😆😆天啊！我下次一定會再嚟食㗎👅🤤因為真係太好味了‼️

美國特選牛肩胛🐮優質雞肉🐤兩款肉類都好唔錯，肉嫩又重味，牛肩胛切成肉片好易淥熟。海鮮拼盤🦐有青口、卜卜蜆、蟹柳、螺等等，呢啲海鮮都會令到湯底更加鮮甜，大家可以放少少落去淥！佢嘅蜆肉唔會有沙，清潔得好乾淨。另外佢嘅海蝦都係好彈牙嘅爭啲唔記得咗介紹中華辣湯🌶️必點！必點！必點！重要的事情講3次！呢個湯底真係好好食，我之前已經試過佢哋嘅泡菜湯。感覺上好似真係冇咁惹味同埋冇咁辣！如果想挑戰嘅話就一定要叫呢個中華辣湯先夠過癮。✍️(з_з)好味評分 : ✿✿✿✿✿✿✿✿✿✍️(з_з)回訪指數 : ✿✿✿✿✿✿✿✿✍️(з_з)抵食指數 : ✿✿✿✿✿✿✿✿✿✍️(з_з)推介指數 : ✿✿✿✿✿✿✿✿✿

#20221225 🤍📍 相馬日式火鍋 @somashabushabu 火炭山尾街18-24號沙田商業中心1樓9號舖 🍽觀塘｜西環｜荔枝角均有分店—————————————————#美國頂級牛小排 #60分鐘 $250🥢 #湯底💭午市無晚市咁多野食，晚市有#炸物 #燒物 果啲食，但要食肉的話，午市都夠好味😋個鍋有得揀一人一鍋或者要個大鍋一齊食🍲各有各喜好，🐷揀左#壽喜燒 ，甜甜地唔太咸，不過不失，一開始兜湯好多，所以等佢滾起都要啲時間⏳.🥢 #肉類💭牛小排好香牛味🐄入口軟熟，豬肉都唔錯，唔肥但係唔會韌又唔會鞋口，不過🐷主打係咁食牛，叫4-5轉都仲係咁高質👍🏼.🥢 #自選吧💭選擇唔係話特別多，每樣都有3-4款可以揀，菜有#油麥菜 同丸有#蟹籽丸 即刻加分👏🏼值得一讚係🐷去果日可能無咩人聖誕節會去工廠區，就算夠左鐘店員都無趕，比🐷食埋枱面啲野食，好好人呀🤩.#火炭美食 #觀塘美食 #西環美食 #荔枝角美食 #🐷_食

我哋剛剛去咗火炭分店，因為一開始都店舖無講過一人一鍋，其實我哋係想要一個鍋，當時的職員話未能給枱。之後我哋其實都ok, 但該職員態度仍然好差，話我哋之前無提出，所以就係任餐廳安排。職員每次都係用背脊對住我哋講嘢，所以朋友問佢「哥仔，可唔可以企定講？」，佢即刻鬧我哋話「你想點呀？」後尾我哋起身走，那個男職員走出店門大大聲講「X你老母」以上情況在埸其他職員和食客也可見證店舖職員問候食客娘親。其後有自稱店舖負責人打電話來，話未能懲罰該職員，還指該爆粗職員為人「熱情」⋯⋯ 我無言，但可見此店可容忍職員對食客爆粗，就可容忍其他野，所以可永遠black list.

👧🏻簡簡單單的火炭工業區午餐選擇介紹💁🏻‍♀️有時放lunch想去火炭食野 但周圍都工廠 大部分都係得茶餐廳 有時都想食下其他😆-相馬日式火鍋全港有4間 好似都係開係工業區 但今次就唔係食火鍋放題🤭而係簡簡單單咁點左個鐵板飯🍴流心漢堡扒飯 $53有2塊流心芝士漢堡扒 d芝士好正 肉質飽滿多汁 幾好咬口 如果想食更多芝士可以加$6😆 或者加$10就有double 芝士 另外飯有少少紫菜 令口感多添變化 而個日式咖哩入面有少少牛肉碎 但食到後面好咸...🥲有少少失望 但整體味道都唔錯 份量都足👍🏻📍相馬日式火鍋 @火炭沙田商業中心1樓9號鋪

周末夜晚諗唔到食乜，上網搵到呢間幾好評價就试吓。第一次去火炭商業中心。兩個人點左個貴少少338蚊（未加一）嘅肥牛餐放題，牛豬雞海鮮串燒等任點，蔬菜自助。其他枱好多都係叫大閘蟹餐，乜都包，不過我哋唔好大閘蟹，又覺得食唔到咁多隻。所以冇叫。整體火鍋材料幾新鮮同好味，特別鍾意佢啲黃蜆同蠔。串燒多數都好食（不過有一兩款有啲伏）。後來隔離枱嘅大閘蟹餐包嘅海鮮種類多啲，又大隻啲，下次嚟都係想試吓。服務也不錯，見服務員態度都很客氣。

海鮮，肉類，炸物樣樣都幾好，但大閘蟹真係唔夠胆食，细隻都唔緊要，但大開個蓋就有不太好，好黑，有d霉。要讚就要讚鲍魚，大頭蝦,红虎蝦,生蠔。樣樣都好大隻,煮完都好彈牙。價錢加埋一都要5xx幾一位。

放工同同事一齊去食晚飯🥣 就去咗附近呢間火炭嘅火鍋店，環境方面都幾有日本風，乾淨又企理，食物種類選擇好多，仲要係任食大閘蟹😍😍我哋即刻試下先😆‼️大閘蟹每隻都有膏👍🏽之前聽人講話呢到既大閘蟹放題唔錯，真係冇令我哋失望🥰另外仲有熱氣🔥之選嘅炸物拼盤，一盤已經有超過10款炸物，即叫即炸所以夾到嘅時候都幾熱🔥‼️打邊爐最緊要係啲肉夠靚！佢哋嘅牛肉係特選嘅牛肩胛，色澤光鮮就咁望未食已經知道啲牛幾靚，掉咗落去滾嘅畤候巳經𨉖到牛味好香😋咁嘅價錢仲食到咁靚嘅肉真係超出想像🥰🥰但點都估唔到豚肉更加好食，肥瘦適中肉質細嫩，仲有少少彈牙添👏🏽仲有海鮮任食都好高質，雖然係急凍，但攤一陣同落左邊爐熱湯就好快出返陣鮮味💯‼️單骨雞翼都好吸引，有勁多種唔同嘅味道每隻味道我都試過晒😋‼️胡椒雞湯好重雞味，有少少辣，我覺得直頭好似飲緊雞湯咁，配肉配海鮮都係一流👍🏽👍🏽

成三年冇去過日本🥲，要止渴唯有喺香港到搜尋一啲好味嘅日式餐廳止住渴先🥹 同樣係日本達人嘅朋友介紹我嚟到火炭嘅相馬日式火鍋店食火鍋同串燒放題，一解思鄉之苦🤪以下為特別推薦之食物✅✅牛肉韭菜卷串燒串燒燒到好香，牛肉燒得啱啱好，鎖住咗肉汁，韭菜又吸晒牛肉嘅味道食落去好爽口又多汁，又有韭菜車尾，又有牛肉既肉汁味 delicious 🤤 ✅單骨雞翼勝在有多種唔同嘅口味，佢總共有七種唔同嘅口味，甜酸辣鹹味都有齊，任君選擇，我就食完辣再食甜，中和返個味道😋✅蕃茄湯+美國牛肩胛+豚肉如果你鍾意食蕃茄牛肉烏冬，呢一個配搭對你嚟講會係最佳食法🤪因為我本人都好鍾意食蕃茄同肉，佢嘅蕃茄湯好足料，所以酸酸嘅湯底帶出左牛肉濃郁嘅味道，酸味開胃令人想食多幾碟🙆🏻‍♀️✅季節大閘蟹秋季離不開大閘蟹，頭一次食大閘蟹真係好令人回味🤩 蟹膏滑滑溜溜又香甜，再配上鮮甜既蟹肉，真係令人愛不釋手🤲🏻餐廳店員好友善，知道我哋好多年冇去日本，都用一啲日文嚟同我哋打招呼，等我哋感覺置身於日本之中🤣真係多謝你哋咁friendly呀🥰