相馬日式火鍋 (Closed)

早兩星期友人在eatigo看到訂檯有75折，於是馬上前來試試，食過後覺得環境及服務唔錯，坐得舒服，食物不算十分出眾，同牛涮鍋個類差不多，但折後價錢幾抵食，適合聚餐。（當日埋單時友人見到收左正價，向店員反映後才收回75折價錢）有見上次對餐廳頗滿意，昨日介紹其他朋友一同去食，一樣係eatigo先訂檯，還預先把優惠截好圖。結果今次上到去點餐時，店員表示75折唔可以嗌最平肉類，只能選擇餐牌上$228或以上的選項，當時已經坐低，只能焗住繼續食。其實不論$100定$1000都好，顧客見到價錢可自行決定食唔食，明買明賣，無太大問題的，但今次發生咁嘅事感覺好差，好似俾人呃咗上嚟食一樣。雖然網站上寫明「餐牌與價格如有更改，恕不另行通知」，但睇返其他人的食評，相信餐廳並唔係第一日更改價錢，成件事處理成咁好難睇，都唔會再幫襯。

今日收工決定打邊爐，近近地揀左大鴻輝，呢度出名多火鍋店，而且大部份仲係放題。我地幾鐘意呢間位於頂層嘅相馬日式火鍋，價錢唔貴，而且蔬菜選擇特別多。餐廳面積幾大，兩邊係卡位，一邊仲望到街景，可惜落雨啊呢度分4款套餐，價錢係168蚊起，包美國牛肉；228蚊包美國特選牛肉；298蚊包美國頂級牛小排；而最貴嘅係358蚊嘅特上澳洲和牛，除左任食牛肉，每位仲可以任食豚肉同雞肉、配料、飲品任飲、雪糕我地揀左美國特選牛肉套餐，性價比幾高。連同醬料費10蚊同加一，人均消費250蚊左右。免費湯底方面可以選擇清湯/豚骨/甜豉油/蕃茄/牛乳/泡菜或中華辣湯，雙拼加18蚊。除左呢幾款，仲可以按喜好升級牛腸鍋或其他湯底，非常有彈性。我地揀左甜豉油拼豚骨，冇乜特別，味道偏清淡。肉類好快上枱，一次過會上哂美國特選牛肉、雞肉同豚肉，牛肉會有兩碟。其後追加都唔洗等好耐，而且食足兩個鐘，真係夠哂皮。牛肉質素都唔錯，唔會柴口，當然啦，牛小排會好食D豚肉都ok嘅，薄身好快熟，而且唔會好韌。雞肉唔錯，大件夠滑。而我地最鐘意就係自取區，一來方便，唔洗點單；二來一目了然，想食乜就夾乜，丸類放置喺雪櫃入面款式、種類都齊全，呢度嘅仲幾特別

係OpenRice見到有75折優惠先黎食！去到計埋我只有2枱。職員問我地食乜肉同埋咩湯底。我地諗住叫168最平的，但竟然話75折無得叫呢個，已經開始覺得比人搵笨既感覺，算，叫個貴少少吧。態度服務好一般，講野無尾音，遲遲都未上肉。只有兩枱，都來得好慢好慢。。野食基本上無問題正常（我地無叫炸物食）到埋單，真正黎料啦！好彩我有check單既習慣，佢竟然計左我星期六日既價錢！（我係星期一食）佢咁樣同呃錢有乜分別???後尾店員話電腦未改價錢！之後先發現，原來醬料費要加錢，醬料費同啤酒都無75折!!!其實我唔係做飲食，我真係唔會知囉！Black店！以後唔會再幫襯，亦會叫朋友罷食！食完再睇OpenRice，發覺呢間店鋪太多打手，我食到差不多7點半，佢都未坐滿，完全唔明點會差不多每日都有食評仲要係好評。OpenRice好應該查下。。。

呢晚入荃灣搵朋友，佢帶我嚟食呢間新開(?)嘅相馬日式火鍋，火鍋放題，好正呀呀呀呀呀呀！餐廳十分闊落，抽風亦不錯～是日係星期一，我哋叫嘅《美國特選牛肉》餐 星期一至四嘅價錢係$228/位💰肉類包括無限任添美國特選牛肉、豚肉、雞肉，仲有炸物同其他火鍋配料～（當然要食得晒先好食🌟！）- 美國特選牛肉：牛有牛味，朋友自己食咗3-4兜🤣- 炸物：各式各樣，即叫即炸，上枱熱辣辣🔥- 菜類：非常豐富，而且好新鮮！🌱仲包括飲品 + Milk Top 雪糕放題🍦🤩- 飲品：種類都算多！🍾- Milk Top雪糕：Milk Top雪糕本身已經少見，呢到仲要有放題食，正👍！不過略嫌啲雪糕太溶，差少少凍！🙈仲有少量嘅生果同甜品，認真豐富！- 最特別係有個朱古力噴泉😍湯底方面，我哋叫咗個鴛鴦鍋 －中華辣湯 ／ 黑松露牛乳湯底 （+$78）本身有猶疑過叫唔叫黑松露牛乳湯底好，但侍應極力推薦，我哋就叫咗嚟試下。佢無介紹錯，呢78蚊真係比得值😍 個湯一上枱，就已經聞到好香黑松露味😍啲餸淥完其實基本上都唔洗點豉油，因為本身個湯已經好夠味，好香😍不同時，中華辣湯亦都不錯架！唔算好辣，但都十分惹味😋不得不提嘅係餐廳職員個個

荃灣大鴻輝真係火鍋店既集中地，次次去都要係樓下大堂等幾架lift先上到去。聽朋友講相馬日式火鍋係任飲任食既，岩哂我呢啲食肉獸！今次我醒目，一早訂左位，去到唔洗等就有枱正！鴛鴦鍋 - 蕃茄+豚骨湯底方面，個個都好似好吸引咁，真係花多眼亂。最後叫左個鴛鴦鍋，一邊蕃茄，一邊豚骨，一次過可以試哂兩個湯底。個蕃茄湯底真係越煲越濃味，入面啲蕃茄都絕對唔少，好似食極都仲有咁，好好味！另外個豚骨湯底亦都唔錯喔，又唔會好似清湯咁清淡，豚骨湯夠濃夠入味！美國特選牛肉任食既牛肉都有4款可揀，最後我地揀左中價既美國特選牛肉，另外仲有豚肉同雞肉任食！呢個特選牛肉都不錯喔，每片牛肉都切得薄薄，又唔多肥肉，放入鍋一陣就食得，平時少食牛既我都食左好多。蔬菜區/自取區除左係食肉獸，打邊爐我都會係咁食菜！呢度既蔬菜區同自取區既食物種類都幾多，仲有秋葵、羽衣甘藍、西蘭花... 呢啲係其他火鍋店都好少見到既蔬菜！甜品區甜品區有milk top 雪糕放題，打完邊爐食返杯雪糕降下溫。隔離個雪櫃放左蛋糕同生果，仲有個迷你朱古力噴泉，真係估你唔到有咁多甜品啊！炸物除左任食火鍋之外，竟然仲有十幾款炸物可以點！熱辣辣新鮮炸出黎，我最鍾意

1.<抵食日式火鍋>呢間喺荔枝角既相馬火鍋 . 係一個放題形式既打邊爐 首先揀一個價錢 每個價錢都有唔同既肉可以點 而我點左228 蚊餐 🔥2.🍴228 蚊邊爐放題 揀左隻拼湯底 蕃茄 同豚肉湯底 🐖🍅 蕃茄湯底幾香甜 好多蕃茄碎 落足料 而豚肉湯底 幾有豬骨香味 要黎落牛肉幾 match 👍🏻228 蚊 包雞肉 豚肉同精選牛肉 雞肉比較煙靭🐤肥瘦適中， 豚肉幾有驚喜 比較薄身 偏瘦 但又唔會太硬 🐷 幾有豬肉味 十分唔錯 😃而精選牛肉 應該係比較靚既肥牛 🐮牛肉油花幾靚 食落煙靭度有， 帶 d肥膏既淋 肉味正常 十分唔錯 而其它打邊爐料 好似丸 菜 麵類都應有盡有。 飲品方面各式汽水 茶 可樂都有 都好夠食同多選擇3. 除左邊爐仲有炸物選擇。有20 款炸物 好似丸 魚蛋 蝦 冬菇 雞軟骨 雞翼 等等 個人覺得最正既雞軟骨🐤外面香脆 軟骨夠爽口 雞翼都整得外脆內軟 十分美味 4. MILKTOP雪糕🍦放題有 milktop雪糕好開心 有清新既椰子味🥥 有朱古力碎既朱古力味 新鮮芝麻味同 香濃抹茶味 🍵 4 隻味都好正 !#milktop #雪糕 #放題 #火鍋 #

朋友住係荃灣，好多美食嘅聚集地，我表示想打邊爐，朋友推介左呢間位於大鴻輝中心21樓高層嘅日式火鍋放題。濃厚日式風格裝修，獨具風情。地方也非常寬敞，食物及飲品種類玲琅滿目，員工亦十分熱情招呼。日式火鍋放題獨具風格嘅日式裝修，地方寬敞，同埋好欣賞呢度抽氣做得好，無油煙味！豬骨湯底／番茄湯底餐廳有超過6款唔同湯底可以揀，我同朋友都唔太食得辣，但又想試多d味道，就加左$18轉左鴛鴦鍋，湯底就揀左番茄同豚骨湯。個番茄湯底勁足料，濃濃嘅蕃茄味，啱晒鍾意食蕃茄湯底嘅我！豚骨湯都清清地～好入味！美國特選牛肉套餐／食肉獸最愛揀完湯底，員工好熱情推介我地可以揀唔同嘅套餐，有超過4種套餐揀，我同朋友揀左$258嘅美國特選牛肉+日本鹿兒島頂級黑豚套餐，牛肉豚肉雞肉任食，勁滿足！😋美國特選牛肉味超新鮮，食落夠嫩滑，豚肉同雞肉都好明顯係新鮮嘅，基本唔洗點醬汁同調味料，浸落湯底直接食已經覺得好鮮甜👍任食黎講，呢間餐廳係肉類品質嘅把關方面都做得幾好，唔會因為係任食而變得食物質素差次，相比其他好多放題黎講，絕對抵讚同有質素！自助吧台／任拎任食超過數十款嘅新鮮蔬菜、丸類、粉麵、甜品、生果，最得意係雪糕甜品區仲有個迷你朱古

見到openrice book枱有七折，馬上試試。七折後連加一，人均350任食和牛、黑豚、海鮮（包括蠔、帶子、蝦）。食物質素非常好，嗌第二三碟d牛都係咁靚，海鮮都算新鮮。飲品好多選擇，連罐裝番石榴汁都有，生啤38蚊一杯，價錢合理。好怕任食邊爐，連另外再嗌啤酒都無得嗌。服務態度非常好，姐姐地好殷勤地幫你追order。唯一麻麻地係湯底唔夠濃，好彩嗌咗雙拼，成晚不停只係淥番茄湯。overall都食得好開心，一定會再來😆😆

星期日book左位，提早到左，入去之後佢問我攞完電話之後就比我地入位，點餐前我仲問係唔係有冇75折，佢幫我查完之後話有，我地就點左一個$268嘅套餐，到賣單時，一時大意沒有清楚點查單據，到離開坐車果時先醒起有七五折，嗰陣時已經上咗車了btw 食物方面 普通 基本上 無牛X 牛刷x 選擇咁多環境方面 算坐得舒服嘅唔會好似好迫嘅感覺服務方面 算可以的幫襯一次就夠樓下同樣價錢款式比較多所以 記得 記得 記得 睇單如果唔係收多咗錢都唔知

荃灣呢間日式火鍋店確實唔錯，有唔同級數嘅牛肉選擇，重點係唔會係嗰啲薄到透光嘅牛肉，我哋㨂咗小牛排，肉質鮮美、入口即溶。㨂小牛排會有海鮮跟，仲可以添食，非常抵食！讚👍🏻

今晚同妹妹去左荃灣的相馬日式火鍋打邊爐，坐得好舒服，2個人都安排左我地坐窗邊卡位，望住景色打邊爐幾好FEEL。話明日式火鍋，裝修得幾和風，湯底選擇都是日式為主，我們今次就選了豚骨湯底。我地係食特選牛肉套餐，可以任叫牛肉、豚肉同雞肉，又可以自己出去夾蔬菜、丸類、甜品水果。各款肉類肉質不錯，嫩滑JUICY，蔬菜款式又多，我最愛秋葵、蘆筍、木耳、蟲草花，夠曬健康。服務亦不俗，上菜都算快。平時不敢對放題的甜品有期望，但呢度的甜品味道不錯，有驚喜。亮點是這裡供應四款味道的MILKTOP雪糕，有綠茶、芝麻、朱古力和牛奶，同雪米糍。MILKTOP雪糕味道真係好香濃，食左幾杯。

相比大鴻輝樓下貴少少，但有好多自助食材嚮其他火煱店未見過，牛肉正斗又非常新鮮，湯底免費嘅已經好岀色，不過各位也可試下揀收費嘅，貴餐海鮮任食，生蠔也岀色，下次一定會再黎

可以食住濃郁番茄湯底、新鮮嘅牛小排同各款嘅即切新鮮蔬菜，又可以俯瞰荃灣城市夜景，今年係難忘嘅男朋友母親節飯🥘 相比其他日式嘅一人一鍋火鍋店，呢度價錢中等，但折扣優惠同食物質素真係有驚喜！好開心屋企人坐得舒服又多選擇，好推薦啊！•講起湯底，鍾意食蕃茄嘅一定要番茄湯底，相信餐廳係用咗好多蕃茄去煮，我嘅tips係再加餐廳入邊已切好嘅蕃茄，食飽後飲埋雙倍濃郁嘅湯同蕃茄蓉🍅🍅🍅！•拍拖又得；一家大細朋友聚會又得；如果食自己，更加得！👻

去到荃灣見到有人推介依一間上樓嘅日式火鍋，見天氣突然間涼左咁就試吓去到叫咗個平價嘅美國牛肉火鍋，點完湯底，佢就上咗啲牛肉豬肉同埋雞肉，雖然係最平嗰個套餐，但係啲肉質素都唔錯。因為起高層，個景觀都幾靚，坐嘅位置都幾闊落有基本嘅醬料可以自己撈勻佢有一系列嘅罐裝飲品免費任飲，打邊爐嘅丸呀，菜呀有好多款式。都好新鮮，仲有比較貴價嘅響鈴都係任食，另外見佢仲有即日海鮮可以加點，見其他枱點完都好似幾唔錯咁。仲有雪糕食唯一嘅問題係可能我鍾意食比較清淡嘅清湯，但佢個湯好似加咗濃濃嘅調味粉，我自己就覺得比較鹹。但係以性價比來講佢係幾抵食嘅

今日去開荃灣就係個頭搵埋野食，經過大鴻輝見到相馬日式火鍋就想打下邊爐，咁就食佢啦。佢有4個set比你揀，咁我同朋友就揀左美國特選牛肉，當中包埋豚肉同雞肉，湯底就揀左豬骨湯。啲牛好大好靚，肥瘦適中，基本上淥幾秒就食得，有少少紅咁食最鮮嫩同最有口感。因為佢主打都係牛，所以再叫左幾次黎食。豚肉同雞肉無再叫又唔代表唔好食，兩者都新鮮嫩滑，只係覺得要留翻個肚食牛同炸物所以無再叫。睇openrice見到佢有炸物好吸引，果然無令我地失望，超級好食，全部新鮮熱辣辣上枱。當中必食既係雞翼，外脆內軟，肉質鮮嫩，蝦同炸雞唐揚都係唔錯，過足口癮。仲有覺得餐肉作為炸物都幾特別，亦可一試，而雞軟骨如果可以再軟翻d就更好。另外仲有d自助配料同甜點、雪糕，環境都幾大幾舒適，全部都係卡位咁濟，坐得幾舒服。