相馬日式火鍋 (Closed)

平時就去其他打邊爐嘅地方就一定食貴牛嘅 ，咁基本上就一定有保證保障啊嗎今次就想試下最平嗰個set啦（美國進口 $168 嗰個set），睇下佢平嘢質素又會差幾多啦好！依家入正題啦！首先要點評嘅係啲牛肉真係好肥！對於我同女朋友（鐘意食瘦牛）黎講有啲難入口，應該話入唔到口。呢個餐相對地最好味可能真係啲豬，雞肉就一般般啦，但點都好過啲牛。丸類、菜類、醬汁嗰啲選擇或者味道就都同其他火鍋放題差不多架啦反而最驚喜就都係啲炸物同串燒！串燒方面，個人推薦醬汁款多過鹽燒款。而服務方面，對於啲服務員有啲失望...要主動要求先會提供點炸物同串燒嘅紙仔。如果本身唔知呢間有炸物同串燒點嘅朋友仔，就真係會繼續唔知啦，咁就有啲可惜另外有啲女服務員都幾唔友善下...始終都係啲男服務員最友善有個肥嘟嘟嘅哥哥好有heart咁介紹啲肉係咩部位啊！讚！另外有部分湯底要再另外加錢，今次就冇試到啦。

有去過荃灣大鴻輝嘅都知依到超多食火鍋、雞堡嘅餐廳，淨係係樓下排隊等lift都等幾個字都係到試過唔少火鍋放題，今次就揀左依間因為見佢係自己一個鍋，又有埋炸物同串燒，好似幾正咁！入到去梗係即刻揀湯底，一人一鍋嘅好處就係唔洗驚同fd唔同口味唔洗夾食唔食得辣，自己揀自己haha我就揀左個甜豉油，因為我鐘意食日式火鍋嘅原因就係鐘意湯底係甜甜地！依到個湯底夠哂味，唔洗點其他醬料都ok可以任食兩個鐘，有唔同嘅牛揀，無論揀邊款都好，都會包埋豚肉同雞肉！啲肉都幾新鮮，最驚喜係個雞肉，本身打邊爐麻麻地食雞肉，但依到個雞係好嫩滑，唔錯！除左肉之外出面仲有蔬菜、丸等等仼食，勁多選擇，連蟲草花都有！好高質至於炸物同串燒方面，選擇都多，串燒仲有得揀醬燒定鹽燒！炸物幾好食！個粉唔會好厚，最鐘意係個炸洋蔥圈同埋原來炸芝士丸係好好食架！串燒方面無咩特別，不過不失，但係好味道嘅，個人覺得鹽燒雞腎幾正，味道岩岩好唔會太鹹，又爽口最後梗係要食埋甜品，依隻雪條之前無見過，但原來係好好食，另外原來仲有紫米味，勁特別，不過真係太飽啦，已經食唔落，下次去一定要食！總括黎講依間邊爐幾高質，環境方面有得坐梳化，都幾舒服，價錢合理，值得再

今日又同個舊同事聚下舊，都係揀返老地方荃灣啦，由於呢個朋友仔好鍾意食放題，所以我哋就決定搵左大鴻輝中心其中一間火鍋放題去試下啦，順便滿足下呢個好朋友嘅食量😝😝😝上到餐廳，環境都幾企理，而且座位都幾寬闊，我哋兩個人上去仲可以畀張卡位我哋坐添，值得加分。湯底方面我哋揀咗泡菜同番茄，泡菜湯就辣辣地，番茄湯都唔錯嘅。而今次我哋揀咗個美國特選牛肉嘅套餐。外邊有一個自取任食區，款式同埋質素都係中規中舉啦，冇乜特別大驚喜。到主菜牛肉火鍋喇，牛肉嘅肥肉都唔太多，食落都好腍嘅，質素算唔錯。另外呢度都有炸物同埋串燒可以任食。炸物嚟講，炸雞翼都算係幾唔錯，放題入邊嘅串燒都算係中規中矩啊。飲品都係任飲嘅，啤酒就額外加多30。 甜品方面，非常驚喜地有朱古力噴泉，而且都有唔少生果可以畀你點朱古力醬，基本上甜品我都冇乜食其他，全部都淨係食呢個朱古力噴泉，令到今次嘅晚餐有一個圓滿嘅句號。

今晚唔知點解大鴻輝超多人，好多邊爐雞煲都好full，見到頂樓有間日式火鍋，本住一陣落樓唔想架𨋢爆晒既心態就一登高層，試下相馬😂雖然唔係全層都係佢，但入面都好大，我地3位，被安排左坐中間梳化位，超舒服 ☺️ 我地三個女仔唔係話超鐘意牛肉，所以揀個特選牛$258就ok，我地三個一人一鍋可以揀唔同湯底。一個中華辣湯，一個豚骨，一個豉油。嘩個辣湯果然中華style，真係比普通邊爐店更足料更辣，仲會越食越辣。一開左鍋店員就放低左幾盤牛肉，一豬，一雞。啲肉睇落都好高質，切得薄，又色澤紅潤好新鮮，肉質都好好，好我個豬骨湯超夾 👍🏻最後我地都冇加肉，原來就係相馬特色炸物串燒放題！打邊爐有得食埋其他野好好，即叫即整都要等好一段時間，大家都可以叫密啲😎 特別推介洋蔥圈 同 鹽燒薄牛舌 😋😋😋當然唔少得出面林林總總既蔬菜。食得肉同油炸野多都要多食菜，呢度菜好多選擇，fill得好快，我仲食左個拉麵，超好食！麵質淥耐左都唔會林果隻 👍🏻

位於21樓既日式火鍋店，望出去夜景都不錯 ，再加上不同日式畫，整體環境不錯。一坐底侍應即刻上前解釋如何選擇，先選牛再揀湯底，牛我就揀左美國特選牛肉。而湯底就有六款係不用加錢的，我同媽媽一齊食就揀左豚骨湯，我以為只可以揀一個湯底，點知侍應叫我揀多個，我就揀左中華辣湯，仲提醒我話好辣要吾要少辣。真心覺得侍應好好服務，抵讚！豚骨湯底&中華辣湯豚骨湯底好鮮，吾會好鹹，吾食得辣我覺得絕對係首選。中華辣湯一開始覺得吾係好辣，吾知係咪少辣既關係，好似吾係好夠辣，但湯仲有四五粒吾同既辣椒係上面滾來滾去，越食越辣，好過隱，又吾好淨係辣到麻左，仲食到肉既鮮味。個餐包括有牛、雞、豚肉，之後可再追加牛肉牛切得好薄身，基本上滾幾秒就食得。另外雞同豬，豬都切得好薄身，反而豬有意外驚喜，吸左豚骨湯既味道，肉質又嫩，正阿！另外出面仲有好多疏菜同丸類可選擇，飲品都好多款可以揀。甜品基本一定有雪糕、雪條，尼到仲有朱古力噴泉機，有得玩又有得食！

去荃灣搵人食飯，今次就揀咗日式打邊爐👏🏻👏🏻佢地有好多個set揀，我地就揀左美國精選牛肉 ($258)蕃茄湯底係好濃郁嘅蕃茄味，好正👍🏻2碟牛肉: 肥瘦適中，幾高質幾好食!😋1碟豚肉: 肉質爽口1碟雞肉: 好嫩滑醬汁有好多款，中式同日式都有，我就梗係揀返芝麻醬😍自助吧有好多唔同蔬菜，全部都好新鮮，吸收埋蕃茄湯汁，好好食😋丸類種類都有好多，任拎任食! 野飲選擇好多，仲有無糖嘅選擇👍🏻炸物 – 雞翼、甜蕃薯仔、蝦炸到非常香脆! 串燒 – 金菇肥牛卷、蔥段豚肉卷、翠玉瓜、菠蘿、粟米燒到岩岩好，保留到肉汁，味道唔錯!☺️生果同甜品蜜瓜同西瓜都好甜好好食😋最後食埋雪條滿足晒☺️整體質素幾好，而且多數梳發椅，好舒服，好岩幾個人坐底傾下計食下野☺️☺️☺️

好耐無打邊爐🍲禮拜五收工去荃灣搵fd行過大鴻輝就忍不住想上去食火鍋 好多間店揀朋友提議試試呢間日式放題🐂.六點半上去時間比較早都唔洗排隊好快入到 個姐姐好熱情幫我地安排左靠窗邊的位21樓望出去個view都唔錯竟然係放題就要抓緊時間食食食揀左中價位💰258的美國特選牛肉估唔到呢間除左普通火鍋放題有既牛豬雞仲可以揀埋串燒食🤤揀左豬骨/麻辣鴛鴦鍋 有普通火鍋店既配料.好快☝第一round開始呢個價位既牛肉肉質都幾好 夠薄夠嫩 最重要無雪味 雞肉同豚肉質素都👍飲品種類都有大眾化既汽水同果汁可以揀串燒就嗌左 雞皮 雞腎 金菇肥牛卷 燒菠蘿火候同味道都啱啱好 特別係雞皮 好香脆當然食火鍋都少不了蔬菜🥬呢間蔬菜既款式唔算特別多 但勝在都好新鮮Happy Friday食到咁抵食同高質既火鍋店都特別開心🤤🤪

又食日式涮涮鍋啦~食呢啲鍋 我通常會揀啲吃到飽既肉品 飲品同自助配料都係任食架最後仲唔少得任食既甜品bar!!!女士開心了!!!.同朋友黎食美國特選牛肉呢款 120分鐘呀食足不得不提呢度既抽風做得唔錯 讚！湯底要左豚骨湯 加下配料之後好正最中意就係加蕃茄 南瓜同粟米落湯煮左先湯底味道剛好 唔好太咸又唔會太清.肉品係任食特選牛肉 豚肉同雞肉肉質唔錯 牛肉既肥瘦好平均雞肉都幾彈牙 食落有嚼勁豚肉質素比起預期高 好軟腍呀食肉獸表示翻本了！因為食完係可以同店員講加單架。.最後一定要留肚食甜品除左朱古力噴泉 仲有milktop雪糕任食同水果 雪條等等朋友見到有榴槤雪條好開心即刻要整返枝！.P.S. 剛好當日被安排係窗邊位 係21樓高空有景色睇添呀 心情大好呢～

前兩天訂了枱，今晚就試這間日式火鍋放題。17:00來到沒有太多客人，給人一種很優閒的感覺，餐廳位於21樓~藍天白雲風景優美蕃茄湯底，真的很大鍋哦美國頂級牛肉，雪花分佈平均，入囗嫩滑，豚肉也不錯蔬菜類丸類炸物雞翼，墨魚丸，值得推薦串燒賣相很好，但……食物只是一般飲品也有不少選擇，我就特別喜愛~冬瓜茶，消暑解渴甜品我特別欣賞這個朱古力噴泉，所用的是脆漿，無論大人定小朋友都很喜歡總括：牛肉質素高，但是價錢略貴，座位舒適，侍應服務態度很好

好朋友係澳洲番左來香港，今晚約左佢荃灣聚舊，知佢最愛打邊爐，今晚book左大鴻輝-相馬日式火煱💕，同佢食餐好！揀相馬日式火煱，因為哩度座位闊落，坐得舒服，可以慢慢享受120分鐘放題😆😆我地揀左蕃茄湯底及美國特選肥牛餐，也包了豚肉同雞肉任食，哩度d肥牛大塊好味，豚肉又薄又瘦，雞肉新鮮夠滑。鍾意飲啤酒朋友唔無錯過+$58放題價🍺🍺爽😍真係不醉無歸😂另外出面都好多不同款打邊爐食物，任君選擇。哩度仲有朱古力吧，岩晒朱古力控既大人同小朋友😁不得不提，哩度炸物同串燒既熟食好出色，一定要點！牛肉串、雞肉串、豚肉串當然唔放過，一人一串，有醬燒同鹽燒兩種味道揀，雞翼，大隻炸得香脆入味。炸蝦，芝士丸、炸雞唐揚、菠蘿⋯每款都點來試下😋😋滿足我地味蕾！

琴晚食左268果個餐，放題黎，有日本黑豚。湯底要另外加錢，而我呀爸叫左個黑松露牛乳湯底，我就叫左個黑蒜豬湯，呀爸話佢個湯好正。d豬肉真係好靚，同埋好好食，另外佢再有片燒同炸物比你點。燒雞皮最好食，另外佢有隻花生苗，食落口都幾特別。佢地都有生果甜品。呢間野我都值得推介。

超驚喜的一次！仲要亂打亂撞去試下！係荃灣大鴻輝咁多間火鍋裏面，我覺得依間係最好食！CP值超高👍🏻無辨法唔再食過啦！仲可以一人一鍋！可以試到唔同嘅湯底👍🏻重點服務態度非常好👍🏻店員服務親切有禮👍🏻因為我個人角度仼食場有依個服務質素非常難得😍地方環境舒適坐得舒服唔迫牛肉質素非常好😋，唔係比啲cheap cheap牛就連豚肉都好好食呀！唔係鞋😋其他食物新鮮Refill雞肉，䐁肉，牛肉速度快！一落單好快有👍🏻火鍋湯底選擇多

今日老媽子生日，緊係要食餐好，今日一行六人，就揀左大家都好鍾意食既日式火鍋放題，恰下恰下，大家可以邊食邊吹水，又可以食到自己鍾意食既火鍋料，二來又唔使就住就住一入到去就係有d丸類，有魚皮餃、芝士腸、龍蝦丸、魚蛋、牛丸等等仲有好吸引人既朱古力噴泉，可以自製多種甜品唔想自己整就可以拎d現成甜品飲品即種類都有唔少港式飲品雪糕都有幾款想食得healthy d都有好多蔬菜雖然我地就揀左第二貴既牛肉，但牛肉都非常新鮮，鮮紅色架

今日同朋友嚟到荃灣頂層嘅呢一間相馬，朋友話呢間野平靚正，一於嚟試吓啦。日式放題，我哋選擇咗第二級嘅牛肉，價錢唔算特別平，但係價錢都差唔多係呢啲價。至於湯底方面，佢嘅選擇都比較多，但係我哋始終係選擇咗日式嘅甜豉油，同埋蕃茄湯底。佢哋嘅牛肉，雞肉，豬肉，都係任食嘅，但係我就最欣賞係佢嘅牛肉，真係超超超超超級好食呀，切得唔算好簿身，但係牛味超重，一啲都唔鞋口，一上枱鮮紅色，肥瘦均勻，入口柔軟又滑，以放題嘅質素，呢啲牛肉真係算高質啦。雞肉方面，大大件，而且好滑身，又唔會有骨，果然真係啖啖肉啊。豚肉，唔會好薄，又唔會太肥，入口爽滑，質素果然唔錯。至於菜類，選擇唔算好多，但係質素就一啲都唔差。菜果方面竟然有我最鍾意食嘅羽衣甘藍，真係唔係間間放題都可以搵到，人哋話羽衣甘藍最適合女人食嫁。當我地以為就快食完嘅時候，發現竟然仲可以有炸物，同埋有燒物食，我哋選擇咗炸蝦，蝦唔算好大隻，但係勝在新鮮炸起，又唔會好厚粉，脆卜卜，都不失為一個選擇炸物方面我選擇咗金菇肥牛卷，牛肉嘅質素依然係咁靚，燒到好香，金菇吸收左牛肉嘅精華，分外美味。

尋晚同朋友黎到荃灣大鴻輝21樓，食咗依間牛肉質素優質，性價比好高嘅日式放題火鍋店！食店位於大廈最頂層，佢嘅裝修好新淨，店內大部分都係卡位座，唔會密質質咁，坐得好舒服，而且店內大部分地方都有落地玻璃，可以俾食店一覽荃灣嘅夜景，都算係驚喜！依間相馬火鍋，雖然係任飲任食，但佢嘅食物質素真係好高！湯底今次我地就揀咗壽喜燒/蕃茄湯底鴛鴦鍋，牛咗就揀咗第二款嘅美國特選牛肉。啲牛肉上檯個時真係好驚喜，牛肉質紋路分明，而且肥肉比較岩岩好，肉嘅厚薄一致，滾起之後食落完全唔會覺得鞋口，唔經唔覺令我地食完一碟又一碟，我地重複又重複咁點咗五六次，每次都係同第一碟上檯咁高質素，好滿足呀！除左牛肉，佢啲豬肉同雞肉都係一樣咁高質架！場入面有自助吧檯，除左一般嘅蔬菜之外，竟然有較為高檔又少見嘅羽衣甘藍，又有秋葵同蘆筍！飲品方面，有我最鍾意嘅牌子道地，而且種類都好多元化！