新東記火鍋店 (Moved) New Location

今日同朋友打邊爐，諗住行到邊就去附近個間，估唔到又食中間正嘢。😋去到地下𨋢口就已經有招牌。😍位置闊落，坐得舒服唔會逼埋一齊，環境仲好整潔，周不時會有店員清潔地下。落單紙有好多款式，淨係湯就已經有好多種口味啦。😊落完單店員就會推架車車過嚟，係豉油嘅配料嚟，打邊爐點少得蒜同蔥呀！依架車仔特別在於佢有腐乳醬架！😍我地叫咗鴛鴦湯底。一邊係海底椰豬骨一邊係喇沙湯底。豬骨湯底清淡得嚟帶啲甜甜地嘅味道，飲得出無味精豬骨味都幾濃架😋。喇沙湯底辣辣地有少少椰香，好惹味，烚落去嘅嘢食唔洗蘸豉油都好夠味。而嘢食就叫咗例牌嘅牛、蟹籽丸、脆鯇、豆苗芫茜、魚鰾。脆鯇好新鮮，魚肉質爽口唔霉，好掛湯汁，好入味。豆苗同芫茜好新鮮，好翠綠色，葉又好大塊烚完吸曬啲湯汁，好好食。牛肉件件都好大塊，肉質軟嫩好重牛味，脂肪均勻，好好食呀👍🏻。蟹籽丸粒粒飽滿，咬落去會爆汁。魚鰾唔腥好滑口，膠質好強，豐富骨膠原。😻👍🏻員工嘅服務態度好好，周不時會問你洗唔洗加湯，仲好有禮貌，抵讚😘食飽飽好滿足，如果嚟食嘅話建議要食多啲牛呀！牛真係好軟嫩好滑，一定要試。

天氣突然轉涼，又想烚下烚下，暖暖身體朋友揀左位於尖沙咀河內道老牌火鍋-新東記火鍋店餐廳裝潢簡㓗、光線充足，枱與枱之間相隔好寛，唔會太噪，座位舒適調味料餐車侍應將調味料餐車推來，調味料種類繁多，十分齊全今次試新湯底鮮腐竹米槳鍋，米槳粉可以自己隨意加入去，有得玩又有得食呷一啖湯試下，湯比較清，淡淡滲出腐竹及米香牛頸肉灼一灼便可以食，牛肉幼嫩多汁，又唔肥，啱哂我魚頭雲魚眼清澈，魚頭雲光鮮，賣相吸引魚雲好滑、魚肉鮮甜，超級新鮮，可能用左腐竹湯底，鮮味出哂來四寶丸款款彈牙唔錯，有水凖，尤其牛丸，有咬口茼蒿菜，新鮮，幼嫩爽脆將最後米槳粉放入鍋裡面，一碗粥頓時呈現眼前粥鮮甜又有米香，加埋炸菜粒，更加好味道

新東記聽就聽得多，去就第一次去，今次仲要係個外國番黎嘅朋友話要去食呢間。新東記應該係遊客界好出名，好多食客都唔係香港人，好幾枱都係日本遊客。佢地方好大，有屋內同屋外，我去個日天氣凍仲落雨，都係坐番屋內。一坐底就可以整醬油，成個架放係到任你撈，好多唔同醬料揀。打邊爐最重要都係個湯底，我地叫左雙拼湯底，就係貴個款價錢+$30。我地叫左日本九州豬骨湯同埋四川麻辣湯。兩個湯底都勁足料，大大枝豬骨，上面都仲有好多肉，又有勁多粟米，其實多到唔洗另外叫粟米。而麻辣湯入面亦都有好多豬紅同埋凍豆腐，兩樣吸晒d 湯汁勁好食勁野味。淨係湯底食物都已經有好多。另外兩款湯都好濃好香，佢地加湯唔係加水，而係加上湯，所以個湯底係keep住濃郁，唔會愈食愈淡，反而愈食愈好味。除左湯底之外，黎新東記一定要食牛肉，佢地出面新鮮手切肥牛，成大條牛肉掛係門口，可以睇到師傅切出黎。而肥牛佢都有好多個部位比你揀，勁脊、小肥、中肥、大肥、雪花任你揀，可以揀最埋自己口味，對得住呢個價錢。大碟真係好大碟，密密食都仲有，第一次唔係秒速清碟。我地叫牛頸脊部分，脂肪相對冇咁多，分佈得比較平均，但係肉質好腍，肉味重，係咁多個部位我最鐘意，平時

呢幾日感覺天氣回暖又好掛住冬冬地既感覺就決定同朋友一齊去打邊爐暖笠笠咁打邊爐 呢到有好多唔同既湯底我地就試下呢個日本九州豬骨湯呢個湯底好特別好有日本風味有少少好似飲緊拉麵湯既感覺D料好足好入味係用大大舊豬骨餚製而成 之後仲叫左唔同既野食下鮮嫩肥牛肉頸脊牛選用左頸脊部份雖然唔係特別嫩口但肉質好瘦好適合唔想食肥肉既女仔牛肉味好濃郁就算豬骨湯底同醬料都已經好濃味但完全遮唔到牛肉味牛肉解凍得好好完全冇雪蔵味而且食得出好新鮮唔係擺咗好耐既肉 自製鮮蝦膠好足料蝦肉仲多過蝦膠同時蝦既鮮味好突出或者因為蝦肉佔大部分只係滾幾十秒蝦膠已經熟哂撈上嚟食味道好鮮甜好彈牙 自家製唧唧魚麵好得意又有得食又有得玩呢個唧唧麵唔易斷好煙韌而味道就有淡淡既魚味而且夾雜湯底味道一啲腥味都冇 其實呢到仲有好多火鍋料都好吸引不過份量好足所以都好飽下次要叫多d朋友一齊share食咁就可以試多d唔同既野 除左火鍋料呢到仲有d小菜可以叫我地都食到咁上下就叫左得少少既金蒜醉香雞翼都有六隻好多d雞翼好多炸蒜好脆好香口而且口感同層次都好特別一開始食到鹹鹹地既蒜香味之後就有少少醉雞既酒味唔算好濃亦幾入口最後就係甜味層次好分明 打邊爐最好就係

呢間火鍋店相當唔錯 ，相當有質素！ 湯底有比較清淡的選擇 ；簡單的腐竹湯底 ，清淡而且比較健康！若果覺得得淡，可以加鹽。主角係牛肉 ， 金錢展很 爽脆， 例牌的份量 算是頗多 ，價錢唔算太貴， 都算合理 。但，質量非常好 ，所以相當抵食！ 金錢展肥瘦適中， 肉味道重， 質感一流 ，非常美味！ 打邊爐 飲多樽汽水就最爽 ，我比較鍾意飲忌廉， 而樽裝汽水 二氧化碳比較多 ，飲起來來更加上爽！下次再嚟食，應該要叫多幾個朋友，咁樣嘅話就會再熱鬧啲，大家分暈條數，應該會抵食啲。

好耐無打邊爐了,約左幾多朋友黎新東記, 聽講呢度出名係牛, 好期待!!朋友一早到左, 揀好哂野食, 落完單後,野食即刻到,師傅要手切牛, 所以之後先送到,手切牛比肥牛有口感, 肉質厚實有牛味, 十30秒即 刻食得肥牛例牌湯底係海底椰豬骨煲, 真材實料,好多豬骨,醬爆芝心丸, 入面流心芝士好味道,珊瑚蚌好大隻, 十兩下食得,粟米好甜,黑木耳爽口,鱔片無骨,爽口,唐生菜,皇帝菜好大份,聖子唔可以十太耐, 無沙, 鮮甜,醬料每人$25

How many hot pot places have you seen a 'beef stall' like the ones you see in a wet market? Not many, I would say. This restaurant is clearly a beef expert as it hangs out a variety of different parts of beef, which is undoubtedly impressive. There's also a variety of seafood at the storefront, like prawns too!As with many hot pot restaurants, there's a selection of sauces to choose from. At $25 per person, you can mix in your own preferences of sauce, such as soy sauce, satay sauce, sesame sauc

因為細佬對食牛好要求，我上網見有人推介新東記，於是一家人去試！一入去見到好似牛肉檔的corner，好多新鮮牛肉掛出來！侍應會推調味架過來，有各式各樣的調味料！點菜紙的配料選擇超級多！叫了一酌自家製竹蔗茅根水，竹蔗茅根可以清熱氣！點了皮蛋芫茜湯，清淡能下火的湯底！這裡的牛絕對不可不點，牛肉全部都是本地手切，廚司的刀工了得~牛肉肥瘦給客人選擇，大中小肥。我們選了牛頸脊，另外還有金錢腱﹑安格斯肥牛粒﹑肥牛粒等。牛頸脊好嫩滑，沒有筋位，放到滾湯裡灼一灼就可以，肉味很濃郁，脂肪不多但很稔！紐西蘭羊肩肉薄薄的，不怕有羊羶味，很稔！牛舌片好薄，滾十令秒就能吃，爽口！很喜歡墨汁墨魚丸，墨魚丸大大粒十分有口感，又彈牙！千層涷豆腐好重豆香味！珊瑚蚌色澤靚，好新鮮，非常爽口！脆肉鯇魚，魚肉爽身粉新鮮，但有些骨，小心食就可以~厚身的炸魚皮，咸咸地，好脆！鮮蝦雲吞大大粒，裡面有好多蝦肉，足料，夠飽肚！豬紅份量很多，帶點煙韌口感！靈芝菇沒有草青味，新鮮！

聽聞新東記，每日都用新鮮山東牛肉，唔會用雪肉，所以一場黎到，當然主打食牛肉，所以湯底都唔選擇花巧湯底，直接簡單得牛肉清湯火鍋配料望落都好充足同新鮮，湯底黎到，簡簡單單，但試飲一啖，清甜而濃郁的牛肉味，真係唔錯，食材都好快來到，各樣望落都好新鮮，由其是鯇魚片，透明得黎光澤很好，很漂亮，還有鴨粉腸，真係好肥美，落一落係湯底到，就已經好多粉出黎主角當然都係牛肉上面，我都沒有特別選擇，只選了例牌，牛肉一望落就知好食，簡單浸幾秒，再放落口中，滑嫩的牛肉，咬出肉汁，再到牛肉的牛香味，真係好好食食完最後仲有甜品食，有紅豆沙同綠茶果凍，綠茶果凍不得不提，係有驚喜，除左蜂蜜綠茶好充之餘，係有茶香同茶澀味，開心的結尾

陪汕頭親戚們係K11買完野，佢地話想試下港式火鍋，我上網搵左陣就決定黎近近地又多好評既新東記！佢地食開汕頭牛肉火鍋，我就叫番個牛肉清湯湯底（$70）比佢地食下新鮮牛肉！牛頸瘠（$370）估唔到份量都幾多，油花靚，厚薄適中可以煮一煮就食得！我覺得好食過肥牛，親戚都話同汕頭啲牛肉有得揮呀！見到有蠔食，$80又唔算貴就點左，蠔又係煮一煮就食得了，好新鮮呀！牛心頂我未食過，親戚話係爽口，好奇心俱使下就叫左，其實係似牛肚！但冇咁有牛味！都幾得意！鵝腸同棉花魚肚都唔係到到食得到，好懷念既味道呀，兩樣都好有水準！三色丸係心機之作，墨魚滑勁彈牙，蝦膠同陵魚都好新鮮，$98非常抵食！親戚們話香港既火鍋食物品種好多好多，唔似汕頭火鍋得牛牛牛同埋牛🤣

其實不嬲都覺得打邊爐要多人打先好因為叫幾樣得2個人食 食唔得多但好好彩 俾我搵到間超正火鍋店仲有例牌可以叫添 可以叫多幾樣囉😙😙佢d食物整體都好大份， 又勁足料，最重要係價錢唔貴嘛呢個酒香雞翼 老實說 我放完落去就已經沉底 係食到半路先醒番起 但冇諗過 肉質岀奇地仲好鮮嫩 又有酒香味 嫩滑既程度我揀直唔能夠相信!!!牛丸同響玲比較普通 但打邊爐就緊係要食呢d 啦😛我係雲呑怪黎 我屋企人成日話我食得多慢呑呑😂😂 佢皮薄涵靚 大大粒鮮蝦係入面 勁正呀❤️珊瑚蚌睇個色水都知超鮮味 食得出佢既海洋既味道😍😍 真係一擺上枱就個個都搶一舊呢份牛肉真係唔讚唔得囉😭😭大型火鍋店一定食唔到！d牛好嫩好鮮，重點係好有牛味食牛最緊要係咩？ 係佢個隻牛肉既香味呀 超滿足既一餐😭😭

香港人咩天氣都可以去打邊爐，經朋友介紹下，約左一班朋友去試位於尖沙咀既新東記！火鍋湯底都有好多選擇，例如有沙嗲湯底、蕃茄薯仔湯、麻辣鍋、牛肉清湯，就連胡椒豬肚湯都有！而最平六十幾蚊就有了～我地最終選擇了胡椒豬肚湯！醬料的選擇也有很多～必叫的當然是有手切牛肉牛肉質素很不錯！可以一試而牛舌都好好味 切到好薄另外基本的火鍋配料也應有盡有有響鈴、豆腐、炸豆角、午餐肉等！當晚吃到非常飽喜歡打邊爐的朋友可以試試！

約左3個巴打食飯，最鐘意打邊爐，可以吹耐啲水，啤啤佢🍻有個巴打話佢老細之前請佢地食過新東記，想encore，我地就信曬佢即管去試試佢原來新東記出名食新鮮牛肉！呢碟牛頸瘠（大）$370，岩岩好夠我地4個食！肉質一流但牛味冇好濃，可能係新鮮肉既關係，但入口個口感都已經好正了！我個人好喜歡食鵝腸，去到邊都想試下唔同整法既鵝腸鵝腸煮10秒到就食得，好爽口，正呀呢個三色丸係自家製三隻都好食，好似加左啲好細粒既軟骨咁，食落好彈牙又有咬口，蝦膠最正唧唧魚面都唔知上一次食係幾時了！唧唧下好好玩，又可以自己控制，建議唔好整太短，會碎曬好難夾！仲叫左藍妹啤啤佢，好滿足呀！

朋友帶咗我去尖沙咀食新東記 第一次去 發覺係幾正 服務唔錯 啲調味架放係枱側邊 食住加 叫左四川麻辣同九洲豬骨兩個湯底 夠濃抵讚 可唔點調味料 然後個牛頸脊真係唔”un”好食 推介 第一打邊爐食油鴨脾 放係麻辣湯到係好正 惹味 忍唔住嗌左兩碟😀 跟住個黃油雞件 食落去好似有啲酒味 但最緊要一啲都唔”鞋”好滑 食食下先同個fd講起 湯底濃真係好緊要 因為啲蘿蔔真係好入味哈哈 仲要係keep住加湯keep住濃 啲餸overall黎講都算大碟 散嗌有散嗌既好 係值得再去既一間打邊爐鋪頭

天氣轉冷，又係食火鍋的好時候。朋友提議到''新東記''，牛肉出色、火鍋湯底選擇多。位於K11商場附近，地點方便。有不少遊客光顧。湯底真的有很多選擇，有冬陰公、烏雞和叻沙等，我們點了四川麻辣拼日本九州豬骨。四川麻辣湯中有凍豆腐、豬紅、豬大腸。日本九州豬骨湯中則有玉米、蘿蔔、大大件豬骨和鮮冬菇。每枱必點的肥牛肉（有小、中、大肥分）。點了小肥。雖然小肥的油脂較少，但牛肉仍然鮮嫩，牛肉味濃郁。日本黑豚肉，切成薄片，在湯裡燙一會就熟。不嚡口，肉味甘香。少有火鍋店供應的墨汁墨丸，墨魚味較濃，也比較彈牙。很多火鍋店都有餃子，可是鳯城水餃就比較少。材料新鮮，蝦肉豬肉比例均勻，包得結實不鬆散。吸湯一流的嚮鈴和千層凍豆腐。可惜黑牛柏葉缺貨，未能一試。服務員勤快，不時加湯收盤。