四湯八麵

Open Now

Now Closed

平時沒事就會去觀塘APM逛逛，前幾天去逛街看到四樓新開了一家麵店，到了午飯時間，看到門口的食物圖片好吸引我，決定要試試吃看看🤣福建蝦湯麵套餐🦐$118店內招牌，蝦湯好濃郁，蝦🦐也很大隻，面口感有勁道，裏面還有溏心蛋和冬筍，會有一點點辣🤏很大一碗夠有誠意😋海南雞配雞油香飯$73🐔配養生湯套餐我是非常喜歡吃海南雞的，雞肉香滑鮮嫩，配上店內自家養生湯，這個價格非常超值了👍麻辣滷鴨血豆腐 $28鴨血和豆腐都是我的最愛.😍這俩個食物竟然搭配在一起，喜歡吃辣的我，這道必須推薦！凍-桂圆紅棗薏米水 $15再搭配一杯店內自家飲品，喝完超滿足！

和朋友到APM商場閒逛，路過見到新開的餐廳，看到其他食客的烤雞髀飯很吸引，就這樣被吸引進去了。座位不算很多，坐得舒服，剛好有枱不用等待。簡單嘅Menu最適合有選擇困難症的我，每個餐都跟一個四選一的頭盤和飲品。私房烤雞髀配雞油香飯糖心蛋 $83 +頭盤：麻辣滷鴨血豆腐醬油小棠菜 烤雞髀超大隻，啖啖肉，外皮烤得脆卜卜，皮連肉咬下去很有雞油香，雞肉軟嫩很滋味。油飯微微的鹹味，帶點雞油香，本以為無汁的一道飯吃下去會乾爭爭的，就是因為油飯令整體很順滑，不難入口。麻辣滷豆腐很入味，吃到很香的麻辣食材，鴨血質感嫩滑，吸收了麻辣湯汁，夠juicy。南洋咖喱牛肋條飯配糖心蛋 $93 + 頭盤：山椒炸雞很香濃的咖喱汁，牛肋條重牛味，肉質有嚼勁，咬下多汁又不乾澀，佐飯一流，而且大大一碟很飽肚。炸雞粒酥脆多汁，口感香脆，但內裡的雞肉粒保持柔軟不變硬，作為頭盤一流。飲品有多款選擇，我們選擇了無糖豆漿，豆果濃，不加糖的感覺很係健康。

南洋咖喱牛肋條飯配溏心蛋濃郁南洋咖喱味，配搭有嚼勁但軟腍嘅牛肋條。配煮都入味嘅薯仔，同流心溏心蛋， 滋味到想添飯。麻辣滷鴨血豆腐晚餐可以配一個小食，膽粗粗揀咗麻辣滷鴨血豆腐。其中一樣配料八角確實令小食更麻辣。但係鴨血同豆腐非常入味，又冇骨，適合送飯。鹹蛋黃單骨雞翼雞翼表面沾滿鹹蛋黃，味道非常香濃。鍾意食雞皮嘅朋友尤其感到驚喜，因為單骨雞翼食落皮多肉少，大快朵兒。黑芝麻豆乳豆乳本身味道清淡，所以更突顯黑芝麻味。黑芝麻營養豐富，對頭髮健康尤其重要。提拉米蘇杯估唔到麵食店都可以加意大利甜品。最後一杯提拉米蘇杯，特別喜歡杯上嘅cream同朱古力粉。

今晚收工喺觀塘附近 鄰近APM地鐵一出就到 我去創紀之城4樓 見到裝修幾靚幾特別 入去坐低試一試 見到有個晚餐包一個麵 包一杯嘢飲 再包一個小菜 每個餐都係八十零蚊零 仲要唔使+1 佢呢度啲湯底標榜係每日新鮮做 1️⃣我嗌左個藥膳燉排骨麵 （手工麵）配醬油小棠菜我嗰個藥膳燉排骨麵 湯底好濃郁嘅藥膳味 應該排骨燉到好軟霖 食完感覺好滋補2️⃣我朋友叫咗個福建蝦麵（入面有大蝦 豬肉 扎肉丸 糖心蛋）配山椒炸雞🍗配伯爵檸檬茶（凍）朋友嗌過福建蝦麵 佢話食到好濃郁嘅鮮蝦湯底 去買個炸雞 我炸雞係即叫即做 熱辣辣

成8:00先收工，又係去咗APM度睇吓有咩食，平時lunch 都好鐘意去食四湯八麵，夜晚通常等位五至10分鐘，座位坐得比較舒服，店員非常有禮貌，十分讚👍👍👍我通常都會食，我最鍾意食嘅海南雞飯🫶🏻🫶🏻🫶🏻海南雞配雞油香飯我是海南雞飯的忠實fans 😍😍😍皮脆肉嫩另外雞肉都已經去晒骨，食落啖啖肉啱晒懶人。雞油飯用上湯、雞油、蔥、乾蔥等製成，香氣好濃呀。真心十分好味五星推介⭐️⭐️⭐️⭐️⭐️價錢平民化$100有交易，包一個小食再加一杯豆漿，難怪咁受歡迎。🌟🌟🌟🌟🌟南洋咖喱牛肋條飯🍛🍛🍛🍛🍛以酥脆的牛肋條和濃郁的咖喱醬汁為主要特色，配上香氣四溢的飯食，讓人一口接一口地吃。咖喱醬汁帶有微辣的口感，非常開胃，搭配牛肋條的嚼勁和肉香，讓人驚艷不已。讓人垂涎三尺，值得一試！

見d評價咁好，當然來試下。初時以為係 food court，但原來係4/f。由於已取消疫情控制措施，所以2人進食係有機會要搭枱，已沒膠板隔著。這里是QR code 落單，我和老媽子各叫了：紅燒牛肉面 ($75)：湯底好重牛香味，帶丁丁點微辣。其實碗里不是牛肉，是牛𦟌。配上蘿蔔、小棠菜，吸收了牛湯既精華。還有2粒牛丸，但比較“實”和羶，扣分了。。。藥膳燉排骨湯面($68)：湯底好香藥材味，排骨5實，但有些散碎的則“鞋”似湯渣。還好大件的3件，帶骨，則比較好點。至于配料既豬肉丸也ok，但扎肉片則5掂。面底全揀幼面，彈牙度恰當。午餐免費跟烏龍茶 ／ 咖啡。全日免加一。

觀塘APM商場 L4的“食街”新開了一間麵館，除了麵食之外，還有各式飯款和特色小食可供選擇。餐廳不大，午膳時間一到便滿座了，用QR CODE 落了單，轉頭便上菜，節省不少時間。午市套餐“滷豆腐無骨豬手飯配溏心蛋”，滷水汁入味，無骨豬手啖啖肉，豬手皮爽滑，口感很好。“海南雞配雞油香飯配養生湯”，海南雞份量不少，肉質嫩滑可口，雞油飯油香撲鼻，加上微辣醬汁，就特別醒胃。養生湯有濃濃的藥材味。加配小食“麻香辣味雞腎片”，麻辣雞腎，爽口，辣中帶有芝麻香，送飯一流。“紅燒牛腱”，肉質爽而不韌，又滷得入味，是不錯的小食。套餐附送飲品：烏龍茶、熱咖啡這裏的套餐既經濟又美味，招來了很多捧場客。

最近去咗apm買野，經過呢間舖頭，環境簡潔設計，正好晚飯時間，決定入去一試～餐廳主打多款足料滋補湯麵，以自家熬製湯頭搭配創意元素，打造出各種麵食，其中更有手作麵提供。<福建蝦麵|醬油小棠菜|熱高山烏龍茶|提拉米蘇杯> $115朋友叫咗套餐，包括主食和小食及指定飲品，不過都可加購其他item。福建蝦麵湯底蝦香濃郁，麵條為福建油麵，爽口彈牙，掛汁效果明顯。蝦麵配料有蝦肉、豆卜、溏心蛋、魚丸、扎肉片和筍乾等，材料豐富。鍾意蝦湯底嘅朋友可以試吓。套餐可選擇小食，選擇了醬油小棠菜，蔬菜清甜可口，正常發揮。提拉米蘇蛋糕切成小方塊裝落杯，淋上忌廉，甜度恰到好處。烏龍茶味道正常有茶味，唔會淡如水。<南洋咖哩牛肋條拌手作麵配養生湯> $83呢個set麵條有幾款選擇，曯尾揀咗手作闊麵，質地彈性有韌度，而且幾嗦汁，咖哩濃郁，牛肋條有5-6大塊，軟淋入味，充滿牛肉香；藥膳養生湯內有粒魚丸同豆卜，用咗黨參﹑當歸等中藥材加豬骨熬製而成，有些似肉骨茶嘅味道。

本人對海南雞飯情有獨鍾, 仲好記得好耐好耐以前香港啱啱興食星馬菜, 依類餐廳必定會有海南雞食, 最開心係配黃油飯, 到依家長大左我仲好記得第一次食黃油飯味道同口感, 相隔多年, 我竟然搵得返第一次食到既味道第一下真係被餐廳裝修吸引到係門口睇餐牌, 見到有海南雞飯食就毫不猶豫咁入去坐低左晚市套餐選擇雖然唔多, 但好幾款我都心動想叫黎食, 套餐有頭盤五選一, 再揀主食, 另外再送三選一指定飲品, 最後我都係揀左海南雞配雞油香飯配養生湯, 頭盤就揀左山椒炸雞粒, 飲品就另再錢叫左杯凍薄荷柚柚上菜速度都算快, 套餐用托盤盛住, 海南雞質感嫩滑帶油香, 完全一啲骨都無, 雞皮爽薄而不肥, 平時唔食雞皮既我都忍唔住肉連皮一口食, 點埋側邊個酸辣醬汁更加惹味開胃我個人覺得食海南雞最緊要係個雞油飯, 未食已經聞到陣陣乾蔥蒜香味, 油飯粒粒半透明兼夾分明, 口感煙刃, 油香味道濃而不膩, 同我好耐之前食既第一次味道一模一樣, 對我而言, 可算係正宗雞油飯的口感味道, 食完幾口海南雞仲可以食啖鮮沙律清一清個口, 真心好出色, 必定要encore!養生湯其實就係藥膳燉排骨湯既湯底, 內有兩粒小魚旦, 藥膳湯

行完街諗緊一陣食咩好，見到呢間餐廳幾光猛，裝潢簡潔就比佢吸引左。呢到主打湯麵，亦有飯類供應，價錢唔算貴，最平$83就食到一個套餐，當中包一個飯、一個小食及一杯飲品。當日兩個人食左兩個餐，叫左兩款小食及一飯一麵，分別係藥膳燉排骨湯配手作麵套餐($88)同埋海南雞飯套餐($93)，而小食就要左麻辣腎片及山椒炸雞。麻辣腎片涼拌既腎片比較大塊應該用左火雞腎，食落爽口亦都算淋，辣味唔算好強，如果鐘意食辣既朋友可能會厭唔夠辣。山椒炸雞小食黎講有三大塊好足料，炸雞即炸夠脆夠熱而且保持到肉汁，山椒粉味就比較淡，唔係好食到，不過整體調味幾好唔會過咸而已醃得入味，小食推介呢款。藥膳燉排骨湯配手作麵麵類可以選擇粗麵或幼麵，當日就揀左粗麵，入口滑溜唔算好煙韌，鋪頭稱湯底為每日新鮮熬製，奶白色藥膳底飲落藥材味好濃而且唔會死咸，燉排骨燉得夠時間，肉質淋滑入口一咬就散，不過就唔算好入味，成碗麵整體味道幾BALANCE而且無味精，食完成碗都唔會口乾。海南雞飯當日餐廳比左雞胸位，雞肉都算滑，雞皮夠入味，酸辣醬食落幾香好開胃，抵讚既係餐廳既油飯好食，粒粒分明而且有雞油香，面頭仲有D炸蒜撈埋食勁香口。高山鳥龍(凍飲+$3/

apm逛街看見這間以原木色為主色調的風格麵館，這種風格給人一種既溫馨又舒適的感覺，於是試一試。手機落單很方便，可以選套餐或單點，套餐比較划算。🍜宜蘭紅燒牛肉湯麵：是每天新鮮現熬湯底，配上推介的手作闊麵。爽口有韌性的麵條，兩粒牛肉，四大片紋理清晰的牛展肉，再配上濃香和用心熬製的湯底，簡直回味無窮。🍗山椒炸雞粒：外觀金黃色，看名字以為很辣，辣度原來是bb辣。看名字以為是小粒的，其實是比我大拇指還大的塊狀，外脆內嫩。🥘南洋咖喱牛勒肉飯配溏心蛋：咖喱汁不辣，而且很香濃，即使只有汁都可以配一碗飯，牛勒肉起碼四五塊，每一塊肉都很嫩滑和入味。🥓麻香辣味雞腎片：口味很麻香，辣的程度真的很適合我這種不能吃辣的人，份量足夠，口感也不錯。

天氣凍最岩食湯面暖下胃，今日食平時lunch time OL大排長龍的湯麵店。宜蘭紅燒牛肉湯麵-餐廳推介的手作麵真係好正特別掛湯，有咬口-湯底用左新鮮牛骨紅蘿蔔等每日熬製，飲落好順好舒服好真材實料的感覺-牛肉好淋滑牛味濃，牛丸亦好juicy 藥膳濃湯韮菜餃-藥膳湯底好高質，天氣凍飲完真係好舒服，有紅棗同微微當歸味。-韮菜餃好實淨唔會一夾就散哂。餡料好足大量韮菜，跟餐加$28 CP值好高！福建蝦湯麵-用新鮮蝦殼蝦頭熬製而成，蝦殼焗乾，蝦頭爆香，用心之作，鮮甜冇味精感-海蝦大隻爽口，亦有其他好掛湯的配料例如魚蛋豆卜，吸哂蝦湯的鮮味。咸蛋黃單骨雞翼-咸蛋黃同牛油味都好出好香，但唔會油膩-單骨雞翼食起來好方面，亦更入味。

朋友話食呢間台灣野，話好食過food court個間。一去到企係收銀位完全冇人理，同姐姐講想落單先問我地堂食定外賣，之後個姐姐再同個妹妹講有人要叫外賣佢先斯斯然慢慢行入廚房再去收銀位。最後Total叫左4個餐，等左一陣都好快有，仲問左佢拎返張單。返到去先發現入面得2個餐，仲要個2個餐都俾錯既，我要牛肉麵就俾左牛丸麵，咁係咩意思？如果野食未齊點解會俾左外賣我先？又唔同我講仲未齊？？係想要我每次係收銀位check清楚？真係好嬲囉我食food court都冇咁嬲

放工去APM買野，一於食埋飯先返屋企😎😎經過依家好開揚嘅餐廳，有手工麵、飯、藥膳湯麵等等健康，小清新感覺價錢唔貴試試先😎😎座位乾淨企理食物選擇唔算超級多，不過都幾彈性，套餐可以加配多款唔同嘅小食，又可以升級飲品同甜品宜蘭紅燒牛肉湯配手作麵牛展整齊排放，仲有牛丸，紅蘿蔔，小棠菜，賣相靚仔😎牛展非常入味，好食！麵份量好多，質感彈牙南洋咖喱牛肋條飯非常出色！個咖喱汁好香濃，辣味溫和，超好餸飯！牛肋條非常軟熟，而且係100%入味就連舊薯仔，裏裏外外都係咖喱味🤤🤤晚市套餐仲可以揀配一款小食。麻辣滷鴨血豆腐-分量比想像中多，唔會太過辣，過吓口癮，超正🔥🔥山椒炸雞粒-做到香脆效果，而且雞粒冇乜肥膏，啖啖肉😌😌飲品方面，選擇都幾多，可以選配豆漿，伯爵茶，薏米水，洛神花茶等等👍🏼👍🏼整體嚟講，食物簡單好食，喺APM唔錯嘅選擇

經過APM見到好多新餐廳開張，呢間餐廳設計簡約又美觀，上網睇一睇原來係一鍋堂集團旗下既新餐廳，主打自家熬製湯底，主菜就再戈有台灣、馬來等東亞菜式。🍱🐓 海南雞配雞油香飯 配藥膳湯 $78 雞油飯咸甜味兼備，唔會好油膩，雞皮呈金黃色，肉質嫩滑，可惜份量唔算多。藥膳湯以豬骨、當歸、黨嵾等中藥材熬製一晚，清甜得黎都唔難入口。🍜 福建蝦麵套餐 $89一上菜已經聞到鮮甜蝦味，有三隻大蝦，湯底呈鮮紅色，望落都幾豐富，以豆卜、豬肉丸、糖心蛋、做配料，豆卜索曬鮮甜嘅湯汁，咬落juicy又香口，油麵質地爽滑，同蝦湯相當襯。麻辣蓮藕片 (跟餐)即使本身唔鍾意食蓮藕，都會俾佢既麻味吸引到，咬落爽脆清新，🍲🥟 藥膳濃湯餃子 $42第一啖咬落呢個餃子，發覺有好特別嘅鮮味，食真啲原來落咗甜味梅菜，爽口又提鮮，飲埋個藥膳湯底就飽曬~試左兩款湯底都唔錯，味道唔算好濃郁但唔會食到重味精，但主食份量唔算多，跟車仔麵差唔多，所以叫套餐就比較抵食飽肚。