南苑海鮮酒家

Open Now

Now Closed

好味指數😋😋回頭指數 ⭐️開心指數🤗🤗一大班人去朋友屋企gathering，朋友話下晝時咁啱見到呢個海鮮豬骨煲好似好正咁，就訂咗一個，可以按預訂時間送貨！🍴海鮮豬骨煲（$488）一打開，嘩！都幾大煲wor！先見到一條躺平嘅沙巴龍躉，有一隻蟹，有七隻鮮帶子，仲有蝦，都幾多料咁wor！開始翻動煲海鮮，入面有兩大舊豬桶骨、花蛤、粉腸、豬肚、雞腳、粟米，好似都幾足料！宣傳單上寫明「大帽山下的美食」，好熱切期待！先試下個湯底先！係胡椒豬肚湯，味道非常濃郁，好香嘅胡椒味但又唔會太嗆鼻！我飲咗勁多碗！大家都認為胡椒豬肚湯底係聰明嘅做法，因為可以蓋過魚腥味！我自己對於魚腥味的確唔太敏感，但有其中一個朋友比較敏感嘅係覺得有腥味！跟住試下D海鮮，基本上係幾失望嘅！條沙巴龍躉唔知係咪唔啱咁整，肉質有D嚡，確實有少少腥味！蟹係冇咩蟹味，亦都冇咩鮮甜味，仲要冇咩肉；帶子就比較細隻，肉質唔夠清爽，有少少韌；蝦都唔太新鮮，唔夠爽口彈牙；花蛤好細隻，冇咩肉食，都唔鮮甜！似乎所有海鮮都唔多掂！😔不過講到最最最差嘅，一定係雞腳！一定係要測試大家嘅牙力！每個朋友試咗基本上係冇人咬得開！仲要完全冇味！痴線！😩要讚嘅係粉腸同豬肚

團年飯食盆菜，諗住元朗呢間老字號點都唔會太差，點知中伏。首先送貨唔上門，比成千幾蚊4-6人盆菜要響樓下停到車嘅地方接已經好唔方便，所謂極上，係有蝦，蝦是不新鮮的，鮑魚味道及口感一般，海參好細條，冇味道，唔好食。雞鵝唔新鮮鞋口的，個盆勁多豬皮，芋頭，蘿蔔太大舊唔入味⋯⋯成個盆比較好的係學記魚旦同腩肉。老實講冇下次～0～

中秋提早食飯，選了新界圍村盆菜一試，選擇了較高级鮑魚，海參，元貝有一種8百多元。疫情下只送到家樓下，ok。 份量足，雞，燒鴨不夠新鮮。鮑魚两節手指大，不夠淋，味一般。元貝好味又淋， 但海參帶酸味較，肉好薄。豬肉不夠淋。蝦冇味。其他都足味。整体中等價錢用中等貨。

Restaurant Review📋Food🍽Roast Goose and Pork🐖Belly炭燒燒鵝拼炭火燒化皮腩仔- Added $10 to upgrade for Goose Leg. Finally, I only got the lower portion of the Goose Leg. Must remember to request lower portion or whole thigh next time as the lower portion is more plumpier- the upper portion I taste did not have much fresh. The skin was not crispy. Bit disappointed- Roast Pork🐖Belly has crunchy skin, a well balance⚖️of fat and fresh. Quite salty but very tasty😋Roast Pigeon🕊紅燒特級乳鴿- The skin was not crispy. Bit dis

如果唔係住呢度附近嘅村民、根本冇必要特登入黎食～住呢度唔想出錦田or元朗、先係唯一嘅選擇！唔係打風、或者特別事故、懶得出去！都唔會再黎幫襯！叫咗3餸套餐$260蚊、啲餸冇味嘅、全部要靠額外點醬，先有味！碟通菜根本冇辦法食、第一次係冇味，然後叫阿姐入去加返d味、出返黎變咗一碟氣泡通菜！而且有d怪味、夾咗一舊試咗！食唔落、然後唯有埋單走了！埋單成$300幾、難食兼唔抵！唉～下次寧願喺屋企求其食d嘢、都費事去嘥錢！

食過「南苑」好多次，終於記得影相。 之前一有「想食南苑」既心意就會即刻揸車去食，今次亦唔例外！但係換黎既係失望😞，佢得番乳豬好食。（仲有盤菜都👌🏻）眾人懷住興奮既心情，例牌order招牌乳豬，其他就隨心。Total叫左六款美食。。 乳豬🐷： 出名既食物完全無失準，皮好薄好脆，脂肪比例啱啱好，唔算太油膩👍🏻。 白菜苗：正常味道，都有鑊氣！。欖菜一字骨： 本身食開既蜜椒一字骨已經無再係餐牌上，所以被迫轉口味。只係欖菜過多有些微鹹。本身肉質會硬d，鍾意食淋既朋友唔啱喇。之後黎既餸菜，已經唔想分開介紹。 魚塊，貴妃雞都好鹹。連平時最食得鹹既朋友都忍唔住話好鹹。d雞鹹到基本上每人試左一舊就無再食，剩晒係度。 好傷心💔可能要等半年等佢換番個廚先再去食過。

二月四日(年卅), 大嫂在南苑訂了一個“極品加大盤菜”。店方應承，中午十二時左右送貨。點知，等了又等，等了又等都未見踪影，打電話去問，店方話人手不足，未能送貨，叫我們下午五點親身去南苑攞。本人親自開車由元朗揸車到大帽山腳，到達時，下午四點四十五粉。以為已經準備好，當時已聚集大概有十個人客，遭遇和我一樣。我等到五㸃零五分，再問櫃面員工，大概要等幾耐，她說：就得架啦，一陣間就嚟。第一批盆菜在五㸃十五分到達，以為可以取貨走人，點知，只得大，中，細，三個份量的盆菜，没有我訂購的“極品加大” 於是，我再等。等到五點半，第二批盆菜終於到達。结果令人失望，依然没有“加大”。最後，終於等到五㸃四十五分，我家訂的“傳統極品加大盆菜” 終於攞到手啦！立刻揸車返屋企團年飯。來回浪費了差不多兩個鐘頭的時間。回家翻熱了盤菜後，立刻開始團年飯，Oh Shi....... 冬菇酸酸叔叔，支竹又係....... 唉........$1888 一個盆菜，貼錢買難受!

提早慶祝母親節，避開人多嘅情況為左就爸爸返工方便d就黎左錦田嘅呢間南苑海鮮酒家有泊車位，去到有人指示你泊邊到，覺得唔錯其實已經黎過都有4，5次呢度最出名嘅係炭燒乳豬即叫即燒，保證脆卜卜今日最高氣溫34度，師父唔怕辛苦密密燒，不得不讚乳豬皮入口脆卜卜, 脆得咬開時有聲, 乳豬肉肉質嫩滑，好juicy, 又夠入味。除左乳豬，仲有其他炭火燒嘅燒味，之前食過叉燒好味。金銀蛋莧菜清清地，鹹蛋同皮蛋都好足料，味道剛好椒鹽鮮魷採用新鮮魚炮製，粉漿夠薄，食落外脆，內裏嘅魷魚煙韌有咬口，火喉控制得宜，鑊氣十足最驚訝係呢度竟然有豬手食，我諗唔係間間海鮮酒家會有得食掛🤔，呢個黑椒鹹豬手，鹹豬手夠稔，黑椒汁夠香，而個肉質夠嫩滑，一試難忘最後叫左楊洲炒飯，飯炒得好，炒得粒粒分明，香氣四溢又足料，唔錯其實之前覺得呢度d餸菜會偏鹹，但今次黎就覺得好食左，冇咁重味。6個人，6個菜，埋單盛惠$865，幾抵食

今日試左傳統細盆菜(6人份量)的外賣，我地6個人都食唔曬因爲整個盆菜實在太唔吸引。1. 盆菜中應該最入味的枝竹和豬皮淡而無味，大失所望。2. 面頭的雞肉和燒鴨肉味不足，部分雞件還有雞毛令食慾下降。3.蝦簡直是一敗筆，外觀吸引，但一咬落去一陣白烚的水味出左黎，隻蝦的肉質普通但成隻蝦一啲味道都無，比白烚蝦更差。4. 湯汁亦都唔夠味，唔能夠為整個盆菜帶來色彩。5. 較底的蘿白唔夠入味但有原本的甜味，炆的腩肉尚算入味，但部分肉質會較硬身以及較乾身，這兩部分尚算勉強可以接受。因為初三所以要加一，總數$911，原價$828，同樣價錢下次會選擇嘗試其他盆菜！！

今日華哥同暉姐請我地去参加佢地堂區嘅改進工程籌款千人盤菜宴，咁有意義既善舉，我地一早就舉腳参加。教會d教友真係好齊心，成千人参加，我真係肅然起敬去到發現盤菜宴係由南苑到會，南苑d盤菜幾出名，我聽過但未食過。睇吓張菜單，都好多野食喎南苑派出職工到場服務。有盤菜、有汽水礦泉水，纸巾碗筷牙簽樣樣齊。大家流晒口水等待加熱中嘅盤菜。南苑員工撕開錫纸，可惜早左少少，面頭d食物仍有d凍，一於一路加熱一路食喇嘩，巧多料呀，都算對板，菜單所列食材，全部齊晒喎要食飯嘅可以去大飯桶道but,我地食盤菜夠晒囉，冇人去but飯。係咪好好食？都唔錯嘅，中規中矩咁喇，所有菜單上嘅食材都有齊，南苑職工又會嚟加吓湯，令d食物更加入味。我地認為楕圓形嘅魚蛋最好味，豬皮就多左d， sap吓sap吓，食吓又講吓笑，好愉快咁度過一個中午。我同華哥同暉姐講，如果下次再有d又有得食，又可以做善事嘅教會活動，I will be the boss佢地都話vely骨喎。

呢間店除左係酒家之外，入面仲有茶餐廳既野食，不過環境其實都幾唔乾淨，見到曬出面dirty碗...就係呢個菠蘿包，我一定一定like爆佢，所有材料都係最簡單最普通，但卻係天下美味。首先最吸引的一定係個包先，夠熱、夠新鮮、夠漲卜卜，而且菠蘿糖皮仲好脆添。跟住就可以簡料，價錢夠曬平，呢個價錢出面食半份早餐都唔得。我梗係一次邪惡到盡頭啦！炒蛋、芝士加一大舊牛油！！！炒蛋好creamy好濕潤，份量好似仲大過「足三襾」，好食過翠x多多聲。之後老媽子叫左個肉餅飯，同樣係「足三襾」咁款。厚厚既肉餅好多肉汁，肉完全唔會孩口，仲成塊面咁大。伴碟既菜仲多到可以另成一碟，真係分曬俾成家食都得。

炭烤新鮮叉燒：老遠把老人家送來都是為了這家的炭烤叉燒！一上桌就看到燈光下面通紅油亮的叉燒，好不醒神。這家的叉燒沒有半肥瘦，也沒有燶邊，何好味之有呢？肉偏瘦，層次用口可以咬開來，軟腍入口即化，新鮮的肉尤其豐腴。叉燒對這回事，應該各有各自好吃的定義吧！對我來說就很滿意。欖角一字骨：又是「贏左個勢」的一道菜，師傅好不吝嗇的下了很多黑漆漆的欖角，新鮮炸好的排骨咬下香脆，欖角的鹹香呼之欲出。其他的菜就...「大件夾抵食」，不用特別試了。這裡如果沒有車應該很難來吧。有心的朋友經過才試一下吧。全家人是不折不扣的叉燒鐵粉！曾經留意過酒店索價三百多的叉燒：可能很好吃但是不值，普通有心燒放入話應該就已經很好吃了！說到底也是童年回憶，小時候逢要「加餸」爺爺就會「呼」一聲的去樓下買半肥瘦，看著我們孫倆吃的樂滋滋的自己也笑成一團。

初8同家人慕名而來，訂了傳統盤菜，盤菜就應該食傳統的才知實力，知道有好有壞評價，但同事推介食過它的盤菜，很惹味，所以就入八鄉一試，首先到達門口覺得有些簡陃，鄉郊地方裝修不重要，最緊要食物，不過埋到坐位覺得有點不衛生，地下也是油油的，很易滑到，都不打緊了，盤菜上桌，火爐就開始番熱，我們靜待錫紙出煙，一等就等了20分鐘，我本人覺得個Gas爐唔夠猛，應該佢先係廚房番熱才放出來比較好，結果大家當然等不下去，因為已經8點很餓了，就打開錫紙，果一刻感覺盤菜賣相良好，滿心期待，先食了件白切雞先，仲凍的而且無雞味⊙_⊙蠔豉好濃味但同盤菜食物味道完全唔同，應該煮好放面，最期待豬皮，芋頭，蘿蔔， 真係食到呆了，為什麼淡淡淡，沒味道可言?廚師是否漏了加獻汁炆? 成盤最大問題就係過淡，蝦像白灼蝦，沒有煎過的，燒鴨，燒味就沒有突出，豬腩是盤菜靈魂之一，入口一層層脂肪都很鬆軟，但沒有南乳味道，沒有梅菜味道，不夠惹味，也食不到門鱔味道，魚蛋比想像中新鮮彈牙随圓形的，枝竹係我唯一覺得好味的食材。最後我們全家要問服務員要了一碗豉油，加進去才食得下，可能我們口味不健康，最令我難忘的是，傳統盤菜價錢係$1088， 飯，飲品

由於是一餐普通晚餐，沒有打算寫食評，所以也沒有拍照，但試過後發覺要讚揚一下。經常經過也被門口個招牌吸引住，“古法炭燒乳豬”，但由於只得2人晚膳，故今次點了超值三寶系列，有古法龍躉炒球，薑汁炒芥蘭和炭燒腩仔。三碟餸都屬於大碟，燒腩仔肉同肥膏都好均衡，皮脆帶鹹，正。芥蘭食落甜甜地，有薑汁味，係略嫌老咗d，咬落有渣。古法龍躉炒球，正到不得了，是一塊塊斑塊，肉質結實，無骨，啖啖肉，用西芹炒的，我地要了蝦醬點西芹，蝦醬一到，是灰色的，但一試過後十分驚訝呢個灰色蝦醬竟然如此鮮味，三碟餸有種“食極都食唔完”嘅感覺。

前兩日,一眾同事入了老闆家團拜,因為人數都幾多,就叫了一個大盤菜分享盤菜我都有食過幾次,以前有朋友住圍村,一年都有幾次可以入村食,外賣家中都好似買過一兩次,質素都覺得麻麻,沒村內的好吃,加上家我妹轉了素食,之後就沒叫了.....今次我們叫的是極品圍村盆菜 (14人份/ $1688)相片是由店家Facebook 找來的實物!!!!勁巨大!!!堆到好似小山丘咁高,忽然覺得好大壓力!!!!為免阻住同事進食,我只拍了一張相片.....因為料真的好多,我只把吃過的就簡單評論一下吧!原隻吉品鮑 -- 大小大概比$5大小小,好似無煮過,口感比較韌同沒有明顯的鮮味,似食擦紙膠!一品瑤柱甫 -- 都叫大粒,基本上是原粒上的本灣大明蝦 --都幾大隻,明顯有拖過油,肉質ok沒有梅的感覺,不過就無咩蝦味蒜蓉西蘭花 -- 只有大概5小件,份量好少普寧豆醬支竹/家鄉炆腐皮 --真的他媽的多,估計一個盤菜落了至少兩斤.....(多到媽媽聲不絕!)手打大魚蛋 -- 彈牙,不削,感覺不錯蠔皇炆花菇 -- 個花菇柄竟然沒有切走,目定口呆,不算厚身,普通貨色家鄉炆上腩肉 -- 肥肉瘦肉相間,肥肉是3/4,只有一行瘦肉,我會