快靚正燒味粉麵茶餐廳 (Closed)

之前已經食過呢間快靚正燒味今日又出深水埗買嘢食咗個下午茶好抵食仲買咗啲斬料返屋企同屋企人食等緊斬料嗰陣時見到門口呢張優惠牌，原來依家晚上六點後燒味單相平飯就會特價每盒$16仲可以加埋湯或者飲品，真係平絕18區仲有呢啲特價燒肉，買黎炆野或者煲湯都好抵！等緊外賣時幫啲燒味影咗啲寫真因為屋企成20個人食飯我每樣燒味都買咗啲分別有乳豬、燒鵝、叉燒、燒腩骨先講乳豬，老闆話係每日由醃製到燒都係自己做，唔係好似出面咁送半製成品黎再燒熟佢！所以乳豬食落個皮好脆，味道岩岩好唔會太咸！燒腩骨肥瘦均勻，皮又夠脆，咸香味好正！燒鵝肉質結實，肥瘦適中！

西九對面有間燒味餐廳叫「快靚正燒味粉麵茶餐廳」，見佢個名咁正，就買左盒燒味返屋企做餸。食咩好呢？叉燒、燒肉就我至愛，切雞望落又幾靚，就揀左依三樣試下佢係咪佢個名講到咁正。叉燒：返到屋企，平時啲叉燒一早干晒，又硬又難食。依間啲叉燒汁又鎖得幾好，返到去偷食左舊，唔錯。過左幾個鐘食晚飯，都仲幾juicy,讚！燒肉：都幾好，皮脆，幾好味！切雞：都好正常，可以一試！特別特別留意返，餐廳想日日新鮮，去到6點，就特價賣燒味飯（見圖），務求益街坊。因為佢日日自己燒啲燒味出黎，唔留過夜，真係幾好心。

有時間鐘意睇下人地的食評，無意地睇到一篇講緊燒味(即兒時叫斬料加餸) ，講真燒味鋪何其多，真係都好難評論質數，當然亦有些出名的燒味店，但你食過又唔覺得咁正嗟，所以食開有信心就會繼續幫襯的，燒味師父見得多幫襯都會比好些的，今次就近近地去左基隆街一間茶餐廳還有賣燒味，見燒腩骨幾靚就外賣回家加餸，斬左一條骨約$100 回家後，到晚上開飯時，燒豬皮還脆肉質亦嫩層層肥瘦隔嗟，食落夠晒味唔會過鹹。突然諗到下次可以買些來拜神拜山時做祭品，應該不錯而且新鮮。

黃昏時間行經深水埗，好多人喺度買餸，今晚決定斬返幾舊燒味返去加餸先😎😎😎見到餐廳門口分左兩邊，一邊可以坐係度堂食，另一邊可以叫外賣斬料。係門口仲見到啲燒味掛哂出黎，望落色澤好靚，個樣又新鮮！.🔺叉燒燒得好香，半肥瘦好正！肉厚但食落口感鬆化，加上蜜汁既甜味，好惹味👍🏻🔻燒腩骨個皮好薄，就算拎到返屋企個皮都仲脆架😋肉質鬆化，加埋少少肥肉，好好食😂🔺燒鵝都唔錯，鵝皮好香脆，有淡淡既油香，肉質肥厚嫩滑，點埋酸梅醬仲正🤤.等候期間見到燒味飯盒外賣單拼只係$25，雙拼都只係$28😲係物價高企既時代仲有咁平既燒味飯，真係好抵！！

近排冇乜點食燒味，突然間心癮想食😂經過深水埗見到都有好幾間燒味，見到呢間個門面好似唔錯，仲有埋茶餐廳，咁就去斬咗啲燒味😙叫咗乳豬，乳豬個皮超級脆😋👍新鮮斬起，忍唔住未返到屋企就食咗幾件😂諗住今晚加餸㗎嘛。叉燒唔係好肥，啱曬我，而且都幾林。個蜜汁唔錯喎！另外燒肉亦都好脆，個皮亦都係卜卜脆，燒肉夠林😬燒骨都唔錯，最鍾意啲蜜汁。深水埗真係好多小店臥虎藏龍，食物質素唔錯，而且價格相對地平，真係要多多幫襯支持！

位於西九龍對面, 橋底下.呢到d燒味用料算係比較靚, 好多時會用瑤柱汁去醃製食物, 如果細心小小食會食到小小味.算係比較多人買, 我去到d料已經斬得7788.主打我覺得係叉燒, 我通常拎返去都會再煮熱先食, 咁樣我覺得好味d , 熱辣辣,唔難睇到, 密汁好多, 整體叉燒比較甜, 半肥瘦,叉燒口感爽口為主! 大件既, 中意可以自己斬細d!燒腩仔比較香脆, 外皮比較脆, 肉比較軟, 肥瘦岩岩好, 有小小肥既肉先會香d.乳鴿好大隻, 1開4, 我覺得要整熱會好d , 有小小騷味, 口感軟既, 我覺得口感係唔錯的.值得一提係, 佢格離係有一間餐廳即食都得, 唔一定要斬料既!茶餐廳+車仔麵!

每次假日老公陪我去買餸都會經過呢間快靚正燒味茶餐廳，有時食飽茶餐後都會買點燒味回家做餸，唔使諗買多些菜及魚夠晒兩口子。新鮮熱辣辣都晚上都保持到，唔需要再翻熱，尤其我鐘意瘦叉燒，口感多汁又有燒香蜜糖肉味， 絕對係送飯煮麵都襯到，尤其老公最愛叉燒油麵。食唔晒亦可以切粒炒飯，非常方便美味。其他燒味就是乎當日有什麼靚嘅，有時出爐燒鴨買下裝黎整燒鴨賴粉比媽媽，燒味師父都笑笑口好 Nice架。還有我自己鐘意嘅燒腩，皮脆卜卜醃得入味！

香港人但凡有乜喜慶事都會買餸加料、斬料，今日剛剛有member 收到政府嘅4000大洋，咁高興，梗係要斬料加餸啦😬呢間「快靚正燒味粉面茶餐廳」，我成日都會來幫襯，佢效率快，燒味靚，價錢正，同個招牌名一樣👍🏻佢有外賣同堂食兩部份，有時我係附近打完波都會係呢度下午茶架🤗今日見佢哋D乳豬好靚，皮薄肉嫰多汁，再斬少少燒腩骨和叉燒，真係睇見都口水流😬再加多半隻乳鴿、白切雞，一於要盡情😍滷水乳鴿味道剛剛好，燒腩骨，唔肥唔瘦，燒出來好香肉味，皮脆肉嫩，正👍🏻至Like呢份燒乳豬🐷，拎到返屋企，表皮仲係脆卜卜，正式係皮脆肉薄，點D乳豬醬就更加惹味，今晚呢餐要多謝特區政府😬

快靚正燒味粉麵茶餐廳2018有一間茶餐廳燒味店推出燒味放題任食一炮而紅,成功彈起當時朋友都食過佢既燒味都讚質素不錯油雞肉嫩入味,皮夠薄叉燒肉厚少油脂,肉質有彈性之餘又甘香,啖啖肉燒肉同燒腩都係夠脆皮,五層肉,一間肥一間肉,香口滋味今次經過深水步專誠走到餐廳斬料加送一盒叉燒少肥,半隻油雞,一份燒肉店家說,每天新鮮製作,堅持水準另外亦可以堂食,本身經營既另一鋪位有港式茶記炒粉麵飯與西多士等下午茶價位抵食份量大外賣飯盒單拼$25,雙拼$28燒肉,燒骨 $90斤 叉燒$90斤 油雞切雞 $100/隻燒鴨$160隻快靚正燒味粉麵茶餐廳#快靚正燒味粉麵茶餐廳#SpeedyGoodRestaurantSpeedy Good Restaurant深水埗基隆街383-385號地下383-385 Ki Lung Street, Sham Shui Po港鐵深水埗站 C2 出口, 步行約4分鐘; 西九龍天橋口側電話號碼2728300927285008#深水埗美食 #燒鵝

今日早放工，行經西九丶見到間燒味店，打算幫呀媽斬料加餸。店舖間招牌十分之大，有分堂食同燒味外賣。而啲燒味透過玻璃窗反射，可以清楚見到啲油雞丶燒肉燒得幾靚。燒味師傅話你可以任搭，不用只買一樣燒味。本身想試下豉油雞，但屋企人不喜歡食，所以最後買了燒腩仔丶燒鴨同叉燒。燒腩仔外皮卜卜脆，燒得很入味，而肉質鮮美，肥瘦均勻，不會滿滿都是肥膏。而咬落去，層皮脆囗而入面層肉都很有咬口。叉燒叉燒很入味，蜜汁很濃郁，而叉燒比較瘦身，合適不喜歡食肥肉的我。燒鴨有鴨香味，不會過淋。外皮較薄身，而帶有少許油脂。油脂丶脆皮同鴨肉一起身，十分滋味。平民老字號燒味，值得一試。

煮飯嘅一大煩惱⋯⋯諗唔到煮啲咩🤷🏻‍♀️買燒味返屋企加餸就解決到啦！深水埗嘅呢間燒咪店開左十幾年了，佢既燒味係自己做的。當然要支持下門前有可以上天橋既扶手電梯，通到西九。人流多，又容易搵門面光亮，店舖分兩邊，一邊係茶餐廳，一邊燒味部右邊門口就係買燒味既地方啦，地方好乾淨燒味餐牌隔住塊玻璃都聞到好香啊買咗燒骨、叉燒、燒腩同油雞油雞好靚，明顯有黃油燒腩皮脆，肉質好好叉燒半肥瘦，蜜糖好甜，有接近焦糖嘅味道肥瘦一淡食落口好正！燒骨比叉燒更焾，沒有叉燒甜，但係香味更出總括黎講，燒味嘅肉質都好靚，今餐好滿足

星期日要真正咁樣去休息，完全唔想煮飯，又唔想去街去咁耐，食啲太heavy嘅嘢，於是就去附近嘅燒味舖，外賣盒燒味飯盒返屋企食就算。我買嘅飯盒係 燒肉拼鹽焗雞髀飯 (跟例湯)當日嘅例湯蓮藕豬骨湯，湯嘅味道好純正，應該冇落味精，好好飲。燒肉拼鹽焗雞髀飯，飯其實唔係好，真係可以話係肉多個飯，鹽焗雞髀大大隻，好夠鹽嘅香，唔會太鹹，皮薄肉嫩，真係好食。燒肉唔會好鹹，皮係脆卜卜，肉都又香又嫩，真係好豐富，好好食。食完真係一餐當兩餐，方便又快捷又好味

今日同舅父食咗個叉雞飯。裏邊比較嘈坐得唔舒服。我叫個老細俾個叉燒飯唔好咁多肥肉，佢畀咗嚿好肥嘅我。我覺得，服務態度唔係好。但係其他嘅飯菜唔錯。油菜還可以。不過如果帶朋友嚟食就會諗過先。有幾時唔會同屋企人。

先幾個月曾經幫襯, 亦是下午茶, 那次是失望的, 叉燒和雞都不滿意, 於是出了劣食評. 以為事情會不了了之. 郤不料到, 店主真的跟進, 留言會改善, 今天因為要避開假期的人潮, 特意離開一些熱點, 因為不喜歡排隊. 下午三時許, 來到店前, 看見店內人客也不少, 有大約廿人, 於是和另一位人客搭枱. 阿姐十分勤快, 立即上前問吃甚麼? 因為有準備而來, 特別柯打同樣的食物, 叉雞麵 + 涷咖啡. 下午茶特價41 大元.十分鐘內都來到, 涷啡是如常的普通料, 沒有大期望. 麵嘛! 是今次的主角, 賣相不錯, 是剖開的雞髀 (加幾件雞胸在底), 加半肥瘦叉燒, 是梅頭的部份. 沒有投訢.再談味道吧, 雞的味道剛好, 入味, 不老, 嫩滑; 叉燒亦很好, 啱味, 偏甜, 不柴, 因為半肥瘦.麵不太爽, 但是沒有梘水味, 普通料, 湯底稍淡, 正合我意. 沒有浮油. 整體來說, 是值得九十分以上, 要求高的話, 可以在麵方面, 爽一點吧; 湯底可以濃味一點吧. 跟一條蔬菜就更完美了.今次要給好評, 因為老闆有改善出品, 要加以讚許的是阿姐和收銀的小哥的服務也勤快和有現在很少見的笑容.

這個冬天不太冷。又係時候食宵夜或者叉燒，燒鵝。聽朋友講佢哋嘅燒鵝瀨粉好出名，唔單止比較瘦，用料上乘，燒鵝瀨粉特別滑口。如果唔寫就真係走寶。值得一提係佢哋嘅叉燒非常之好味，配上特製的，燒肉醬，以及黃色芥辣。新年有時間一定再嚟試多次。😊