快靚正燒味粉麵茶餐廳 (Closed)

靚你個靚燒味，快d黎斬大舊叉燒~! 比大財團出品有另一番風味。 叉燒呢度嘅叉燒肥瘦分明，食落彈牙肉嫩！微微燒焦既邊位顯得更加香口。 叉燒醬應該係自家配方，比外界的黎得甜口。燒肉 大師級，脆得黎有肉汁，上乘！乳豬肥瘦適中，皮脆肉嫩滿油香，選材有心思。燒鴨色澤均勻燒得靚。 不論鴨殼定鴨脾都充滿肉汁，配以自家調配燒鵝汁，鴨味更濃。 油雞 油雞除左色澤要均勻， 上色上味之餘，就要肉嫩。 呢隻雞做得好，事關雞細細隻咁， 相信餐廳對火候控制十分嚴謹。

唔係家庭聚會都未必咁齊人，為左同班親戚聯誼，媽子竟然話要親自下廚招呼佢地，但點知最後都係揾着我黎搞。臨時臨急唯有斬料加餸應付班大帝。快靚正名副其實真係快靚正，由落單到拎走前後都唔使５分鐘。味道仲好唔錯呢。店面同普通燒味店大同小異，但左右分開為堂食同外賣。燒鴨燒鵝滴晒油咁，真係十分吸引。眼見師傅手起刀落斬斬斬，不消一會就將各式各樣燒肉／叉燒／雞鴨斬好切好。所有燒味放晒係師傅面前，揀要邊樣就即刻取下切件。最緊要就係快！燒鵝。半隻燒鵝油脂充足，雖然拎到返屋企有少少腍，但放入焗爐加熱返，香味依然。肉質結實羶味唔會太勁，沾上冰梅醬以酸甜味道中和油膩感，真係好食。油雞AND切雞。因應大家口味各要左半隻，兩樣都好嫩滑。就算雞胸都唔會好柴，尤其係油雞上色均勻，偏甜嘅醬油味道比蔥油更惹味。叉燒。有瘦叉同半肥瘦叉混合，呢樣係大家都讚不絕口嘅一道。因為燒得香口之餘帶少少燶邊，肉質腍中帶咬勁絕無鬆肉粉腌製嘅可能。單單配上一碗熱騰騰嘅白飯已經滋味十足，咸甜適中嘅蜜汁更加係撈飯之選。小小的一餐斬料加餸，令到大家都食得好滿足，今次媽子又係班親朋戚友面前攞晒分了。

長大於深水埗嘅我,其實附近有咩未食過??呢間其實食過好多次,成日熟口熟面都會同老闆員工吹下水咁,佢地嘅燒味全部所係自家店鋪內每日新鮮即燒即整,百份百香港製造,面且用料上盛,靚肉靚手勢...真心食得出師父心機!其實有兩間鋪貼埋一齊,又有車仔面又有茶餐廳menu,好多源化,而家仲有埋外送 網上外賣平台,網上外賣平台,連支付寶都有埋,其實真心貼地貼潮流又方便,早知我唔洗look落樓下買啦,叫外賣安坐家中,反正老豆出左花紅叫加餸。推介燒肉-皮脆肉嫩,肥瘦適中,斤量足燒鵝-皮薄油香,肉質燒得剛好juicy叉燒:半肥半瘦,甜甜香香而不油膩老豆食到lum lum 脷 老豆萬歲

親戚嚟屋企食飯，媽咪叫我去斬料，去番平時去開嘅快靚正斬料。師父好好傾，又會介紹今日咩靚買左三種嘢燒肉，皮脆肉滑，醃得又好味，又唔會好多肥膏，肥瘦適中，好正！燒乳豬，啲皮都仲係好脆，肉質好嫩，又唔會好大豬味最正係個燒鵝， 皮好香，肉質唔鞋，尤其隻脾，啲骨位勁好食送左2碗飯。屋企人都話快靚正啲斬料好得，全部清哂！

又到星期日探外婆既日子，今次到我買餸加料，今次都係買快靚正，食左咁多年食慣呢個口味，最中意佢地既出品唔會太咸，同埋夠新鮮，一定唔會乾，而且屋企人又中意食，就無特別去試其他~好彩早一步黎未多人，岩岩買完就有條人龍仔~開心大發現而家可以比支付寶，拎住一袋二袋唔想比錢找錢麻煩，用支付寶就最好，重點係有得儲印花令人流口水既燒味~次次都必食乳豬，我至愛~每次反到去都仲脆，沙皮乳豬脆卜卜，肉質嫩，肥瘦適中，點埋乳豬醬食真係無得輸公公中意叉燒酥化啖啖肉，阿姨就中意燒骨夠香口，所以每次都係買哂兩樣，本身話要多汁既，點知反到來開盒一齊，點解無汁既，可能聽錯左走汁有d失望，因為佢地既蜜汁係好好味，撈飯超正燒腩仔都係必食，肥瘦層層相間，個皮又係好脆，不過都係現場食最脆最正~重點真係唔太咸，一家大細都岩食~乳豬飯/燒腩飯呢d建議係佢地餐廳現場食更脆更好味~~

今日陪老公食”男人的浪漫”，當然揀間老字號的，今日就來到西九龍廣場附近這間快靚正燒味粉麵茶餐廳食午飯。餐廳是連舖，斬燒味的那邊人頭湧湧，街坊都在排隊買燒味，所以我們都坐在另一邊舖。感覺這裡比一般的燒味店乾淨而且有兩部電視，不少街坊食客邊吃邊看電視很自在。配搭眾多，款款都想吃。《乳豬雞飯 $65》乳豬外皮似薯片一樣薄脆，而且沒有焦位，火喉到家，脂肪夠薄，帶脂香而不油膩，乳豬肉亦嫩滑。至於雞肉，餐廳仁慈的給我脾位，所以雞肉特別香嫩不油膩，配上蔥蓉一流；白飯夠熱，粒粒分明不乾身，有嚼感。《叉燒燒鵝瀨粉 $48》燒鵝肥美汁潤，而且食落有鵝油香味濃，醃料都算入味，肉質較實在；今天的叉燒較瘦，帶點韌，肉味香濃，如果要半肥瘦的應該惹味。《+$4紅豆冰》我最愛飲紅豆冰，這裡的紅豆夠味道而且夠蓉，甜度適中；《+$4凉粉冰》這裡有港式經典特飲凉粉冰，當然要試試。因為燒味太正，忍不住要再斬料加餸回家和家人分享。《乳鴿 $50/隻》店員提到給我們乳鴿汁，回家只要加熱醬汁就可以，乳鴿蘸上醬汁好夠味，冷了也不會乾硬，依然保持到水準，肉質同樣夠嫩。《燒腩 $148/斤》燒腩個皮好酥脆，肉質肥瘦平均又嫩滑，味道不會過

去開深水埗買嘢，見經過又知道個晚會同一家大細係屋企食飯，就去斬料加餸！見乳豬同燒肉睇落都幾靚，所以買多少少返屋企。乳豬外表脆卜卜，正！豬肉好嫩，沒有豬騷味，不過就肥左少少。屋企有細路仔，佢地就最鐘意食乳豬，就算是肥少少都轉眼清光乳豬。我個日買左燒腩，諗住要食就食好d..燒肉皮同樣是脆的，皮肉不會分離，味道不會太鹹，味道適中。不過，都係有少少位肥左d..不過，食燒味都傾向係肥少少的，偶爾吃吃真的很滿足！

係深水埗買完電腦野,打算行返去西九龍食野眼前有間快靚正茶餐廳, 俾個名吸引左, 趕時間既我, 就係度食LUNCH好了豉椒斑腩炒麵 $50  (包是日例湯&餐飲)麵底烘到卜卜脆, 而味道略然咸左d班腩同配料都幾多, 物超所值蓮藕豬骨湯,, 一D都唔油膩又清甜好足料的老火湯一陣成班FD上黎食飯, 懶得煮咁多送所以斬幾味燒味返去做送斬左半邊燒鵝 肉質厚又香又濃, 唔算好肥半隻燒鴨皮香肉嫩, 色澤均勻, 又夠入味!! 燒腩仔 外皮非常脆口, 肥瘦適中返到屋企要打開佢, 燒腩仔先會保持到脆口

行開深水埗，食燒味斬料，一定揀「快靚正」。價錢公道，份量又多，而且燒味全部都係餐廳每日新鮮爐燒，保證唔係工場出品一行四人叫左例牌叉燒，半肥瘦，肥瘦相間，叉燒夠淋，醃得入味，甜度適中，絕無半點痴牙例牌燒腩，外皮燒得好香脆，而且瘦肉脂肪比例均勻，肉味濃，就連五花腩最底層嘅硬肉都做得好鬆軟，配埋芥辣一齊食，好滋味例牌燒鵝，肉多肥厚，咬落多汁，滿口鵝香帶點鵝既膻香味，可能有啲朋友唔鍾意陣膻味，但我鐘意食鵝過於鴨就是因為呢陣香膻味，而且餐廳燒既時間掌握得很好，肉質唔嚡口點埋酸梅醬食，一絕例牌油雞，醃得顏色均勻亮澤！果然雞夠嫩滑，皮亦夠薄，冇多餘肥膏，同樣推介同行友人都說餐廳的例牌份量十足！笑說一碟份量等於某某大集團的兩碟的份量而且見到好多人都叫燒味飯，啲飯堆到成座山咁高斬料又足！經開附近必定再來光臨！

早幾日贏咗六合彩有所以今日就去咗深水埗都買電子產品獎勵下自己啦跟住見到一間燒味餐廳堂食好似都好多人出面又有人排隊斬料，我就諗住斬番少少今晚加餸啊屋企跟住我就揀咗一隻燒鵝$360再加多$80叉燒同埋燒腩仔乂燒好好彩咁樣買到半肥瘦位啊！佢啲汁好甜婆婆都大贊好味！因為夠晒林老人家都食到燒腩仔：個皮燒得好脆，肥嘅位置唔會太多，鹹味啱啱好燒鵝：好耐冇食過燒鵝喇，燒鵝嘅皮燒得好靚肉質亦都相當好同普通燒鴨真係爭好遠我覺得$360其實都食得過會再去買㗎有機會！大合照：

✿╮❤╭✿ ✿雜感女生 好味日記✿ ˚*•✰。快靚正燒味．乳豬起三飛。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 深水埗開業15年多的快靚正燒味 街坊說：麵食粉麵飯很是吸引，足見味道有一定水準 今次本小姐來此一吃 為的是招牌燒味 @ 生日飯之斬料 點幾款回家「餵食」一眾親友 大人生日飯，一定要有主角：乳豬 內香外脆，脂肪不多，肉質酥香嫩滑 乳豬皮脆卜卜，香口到震 燒鵝 這一款燒味是家人最愛 半隻燒鵝，肥厚嫩滑 鵝香撲鼻而來，入口就是爆汁感受 啖啖油香，非常下飯！ 燒鵝皮的甘脆令人回味再三 令家中小朋友口水直流 一定要數鹵水乳鴿 顏色均勻，味濃皮嫩 小小的骨頭還是很有味道 惹人垂涎 燒鵝、乳鴿然後起三飛：切雞 中國人宴會怎能無雞？ 此雞香滑鮮嫩，油光令令 皮滑香鮮，入口多汁，好吃好吃 對於唔想出街食的大人們，他們的生日飯，一定要有斬料 食到滿咀油光先至有快感，下次再來，一定要斬斤叉燒！

星期日早上肥妹仔去左搵姑媽飲茶, 飲完茶差唔多十點買埋餸返屋企就要食午飯喇!!! 肥妹仔途經西九中心對面嘅一間燒味舖,肥妹仔我買返幾樣試下。乳豬半斤 $90乳豬皮燒到脆卜卜非常香口, 個厚度適中， 肥肉同瘦肉嘅比例各一半啱啱好, 個乳豬嘅肥肉係燒得好香，一啲都唔肥膩， 而過乳豬肉就非常滑嫩，一啲都唔鞋， 肥妹仔我估個乳豬肉應該有輕輕咁醃過， 唔會好鹹,點埋乳豬醬,甜甜地好好食!叉燒半斤 $45呢半斤叉燒係肥叉嚟嘅,肥叉最好食嘅地方係在於佢嘅肥膏嘅比例係多個瘦叉，咬落去會非常軟淋，肉質亦都會比一般嘅叉燒滑!!! 肥叉嘅外表有一層蜜糖包住，甜甜哋，非常好色水!燒鵝半隻 $175肥妹仔 我叫咗半隻燒鵝， 燒鵝皮燒得非常香脆，而燒鵝肉就好滑嫩一啲都唔韌， 鵝嘅油香味好重， 肥妹仔我食咗隻鵝髀, 個味道醃得啱啱好，唔會過鹹或者無味， 肥媽係煮咗一大兜瀨粉畀肥妹仔我去送呢隻鵝髀，正宗燒鵝瀨粉，好好食!!!燒骨一支 $90燒骨就係 肥爸最鍾意食嘅燒味之一， 佢既外皮都係燒到卜卜脆, 但係瘦肉嘅比例就比較多,而且個味道亦都比較鹹， 點芥末醬好好食!!!

家裡聚餐，斬料加餸都總是會幫襯快靚正，因為阿媽指定要食呢度的叉燒，自設爐頭，全部自家制，真係十幾年堅持如一，現在香港都好難得有如此老店。但是雖是老店，卻會與時俱進，一間燒味粉麵餐廳，可以用支付寶啊，太利害👍買左好多，準備回家享用。叉燒是鬆軟滑潤，油脂和瘦肉間交叉衝擊著味蕾，微甘蜜汁和炭燒香讓人齒頰留香，選用的部位肥瘦恰當，咬下去肉香、焦香漫溢在口中，舌尖還能感受到蜜汁香甜，份量充足。熱情的老闆介紹自家制的貴妃雞和白切雞是用瑤柱汁浸，份外惹味，微鹹雞皮和滑嫩肉質，雞胸肉厚而不柴。烤乳皮光油亮金黃酥脆的外觀，加上滑嫩可口不油膩的肉質，再搭配上店內特製的乳豬醬料，口感香氣一流👍由頂層脆皮、肥膏、嫩肉、軟骨到最底層的瘦肉，層層分明。採用上等豬腩肉，肉質軟嫩，脂肪分布均勻，咀嚼間感受到鹹香入味及嫩滑肉質。街坊價錢，份量好多，真係可以食幾餐。

今日同朋友一行四人落去深水埗買電話卡，買完都見係食飯時間，就同埋朋友去附近揾下野食，見到間茶餐廳都幾多人入去，又見價錢幾經濟就入去醫下肚！相信餐廳都係做街坊生意為主，兩個鋪位都坐滿左人！原來呢間餐廳已經喺深水埗超過10 年歷史，餐廳提供以燒味為主既菜式，仲有炒粉麵，同茶餐廳美食，價錢都幾經濟！店內環境乾淨企理，員工落單快，服務又幾周到，怪唔知得有咁多街坊嚟捧場！天氣太熱，我就叫左杯紅豆冰飲先，紅豆起晒沙，甜度適中，唔錯！每人都有碗菜乾例湯送，呢碗湯有d驚喜，份量十足菜乾同豬骨同樣多，味道清甜唔油，幾好！叉燒首先出場，賣相吸引，肥瘦適中，蜜汁甜味恰到好處，也沒有燒得過火，食落軟稔，有咬口，半肥瘦部份很好食！份量也很大！餐廳上菜效率都幾快，燒腩仔都跟隨送到，賣相吸引，份量之多真係喜出望外，重點係重要好食！外皮脆卜卜，帶點焦香，而且近骨既部份燒得入味，咸咸地幾惹味！燒餓份量都係頗多，鵝味十足，鵝肉有咬口，帶點油香，我覺得唔點酸梅醬都ok! 生菜都係咁大碟，真係唔到你唔服！最後出場係油雞，外皮鼓油味入晒味，相信加入左玫瑰露，肉質嫩滑，份量都係令我哋喜出望外既多，而且隻雞都係有返咁上下份量，食

終於又到星期五 辛苦左成個星期 係時候斬料慰勞下自己同屋企人 今日就陪媽媽行街市就見到呢間快靚正茶餐廳 人來人往 都唔少客架所以就一於喺呢間度買啲返屋企掛起個啲燒味望落全部都唔錯架 所以就每款都斬咗少少返屋企燒腩仔真係好正 性價比高趁熱食外皮香脆 肉質彈牙 肥瘦適中返屋企後加上佢哋嘅芥茉漿又係另一番風味佢哋嘅叉燒都係好正 肉係半肥瘦 嫩滑彈牙 加上蜜汁既味道 唔錯唔錯另外都帶咗一隻滷水乳鴿同半隻豉油雞滷水乳鴿只係$50 一隻 但一啲都唔細喎 而且滷水好入味而豉油雞好濃味就咁食已經好鍾意而且雞肉質地好嫩滑呢度只係燒鵝嘅下裝 但已經好大份 燒鵝醃得好好 啲肉質都幾彈牙結實 唔會乾 而且睇返側面唔會好多肥膏 咁樣食落都唔會怕肥味道咁好真係要試吓喎