快靚正燒味粉麵茶餐廳 (Closed)

燒味絕對是香港人常吃餐廳首三位，平日午飯茶餐抑或放工加餸都會見到燒味的蹤影。 今次來到深水埗基隆街的快靚正。 先來兩碗例湯，例湯非常足料，絕不是味精湯。 鵝脾燒肉飯 燒肉外皮香脆，肥膏及肉的比例適中，肥而不膩。 燒鵝髀啖啖肉，外皮香脆中帶點油香，肉汁豐盛，很久沒有吃過如此高質的燒鵝髀了。 乳豬燒鵝飯 乳豬外皮薄脆，帶脂香而不油膩，乳豬肉亦嫩滑。 燒鵝雖然不及燒鵝髀，但鵝皮脆中帶點油香，陣陣鵝香撲鼻。 燒排骨 因為整體質數非常滿意，所以外賣一些回家加餸。肉嫩多汁的燒排骨，帶點蜜汁甜味，送飯佳品。 整體食物，服務態度都非常好，值得再去。

領教過燒味之後, 留下欠佳的印象, 又要試試這店的炒粉麵了, 因為這店有很多, 排山倒海的好評, 唔試唔心息.今天碰巧是黃金週的最後一天, 所有旅遊區都爆棚, 要吃好西當然唔可以去旺區和名店啦.這在深水埗的好評店在下午三點半郤不多客,  只有兩三位. 於是找一個可以看電視的卡位坐下.價期仍然有特價的下午茶餐, 中式的炒粉麵連冷或熱飲品都是39 大元. 於是要了干炒牛河和涷啡.轉眼間, 涷啡已經在面前, 狂吸一啖, 普通貨色而已. 十分鐘後, 一碟星洲炒米擺在面前, 也不太意外, 這些日子, 要大陸阿姐唔做錯野, 比登天還難. 於是有禮貌地告訴她, 上錯了食物. 她一言不發地拿走.五分鐘後乾炒牛河終於到了. 是真的現炒的. 因為很燙口, 味道不錯, 不過很多油. 算了吧, 出來飲食, 廚師那會照顧人客的健康!一啖一驚心之下吃完那碟危害健康但好味道的牛河之後, 慢慢飲完咖啡, 心想這名店, 如非必要, 不會再來了.

見網上一致好評，今日行過就去試下，差不多兩点大把位，網上講啲燒味不俗就試下啦，四十幾燒味飯唔算特別平，我食燒肉燒鴨飯，一坐低送碗例湯，整碟飯眼看已伏，先講燒肉，一個字“肥”冇味,皮少脆。未算最精彩，燒鴨冇肉多骨最伏係有雪味。忍唔住要碟酸梅醬遮下啲雪味。凍奶茶又細杯似花園餐廳嗰啲，四十幾有啲对唔住食客，感覺似二十元外賣飯盒。不過阿姐服務態度不錯，地方算企理。除非入錯，不會有下次。

今日要成兩點鐘先可以食到lunch 諗諗下仲有半個鐘就有下午茶不如睇下深水埗有冇啲平靚正嘅下午茶, 突然見到一間 燒味茶餐廳 已經差唔多成兩點三 依然水涉不通 應該有咁上下水準先會吸引咁多人喺呢個鐘數都過嚟食嘢。88蚊放題真係好抵食 平時你去街叫一碟乳豬飯都起碼50蚊起條 而且仲可以有燒鵝髀 大家都知一隻燒鵝髀最平都起碼六七十蚊啦 所以我放題性價比真係好高 而且服務質素亦好好 員工會主動問你落唔落單而且相對上菜速度奇快 開頭以為 炒粉麵喺放題是一早炒定到時呢倒不出嚟點樣知你可以feel到我一碟炒粉麵都係即叫即走 果然絕對冇將貨就貨。 整體燒味嘅質素都好好乳豬皮好脆 唯一燒排骨食落去感覺有啲鹹 如果有機會再嚟深水埗 一定會再嚟多一次放題 不過食完之後 可能要第日先 有胃口食嘢 因為真係好飽!!!

今日係阿嫲生日 所以我哋成班親戚一齊約咗上阿嫲屋企 一齊食飯同佢慶祝生日我哋知道呀嫲鍾意食燒味 平時佢都戒咗口咁耐所以見佢生日就希望買多啲燒味俾佢試吓而我就係負責買燒味嗰個有朋友介紹 深水埗嘅快靚正燒味好唔錯所以就去咗幫襯一去到鋪頭門口嘅姐姐已經好熱情咁樣問我想買咩燒味同埋逐一向我介紹咁我就要咗叉燒而負責斬料嘅哥哥 都好友善咁問我要肥啲定瘦啲我話少少肥同埋要窿叉佢好好人咁樣叫我唔好食咁多 話窿野唔健康所以佢俾咗幾件我 但係都好正之後姐姐係上面淋上蜜汁 好吸引呀成件事之後我仲叫咗半隻燒鵝 姐姐又好細心另外袋左一包汁俾我 叫我返屋企唔好翻熱隻燒鵝 叫我返熱啲汁在淋上隻燒鵝到 而且我都叫咗半斤燒腩 姐姐亦都好細心咁樣提我返到去記得要開蓋 如果唔係個皮就會林佢都係個盒入面整左幾個窿方便透氣綜合所有其實真係好高質親戚話全部都好好食

這間好評多多的店實在很吸引人. 數月前試過一次食下午茶餐, 感覺不錯, 今天下午特意留肚再食.下午三點鐘, 入去時人客只有兩三位, 找個可以看電視的卡位坐下, 慢條斯理的看餐牌, 選擇很多, 不過今次的目的是再試它著名的燒味.於是點了燒肉叉燒瀨粉, 雙併是三十五大元, 假如只單味只需三十二, 外加冷熱飲品只加六元. 今次要了涷啡.飲品先來, 於是狂飲了一半, 是不好也不壞, 五分鐘後瀨粉來了, 份量不錯, 不過第一眼便看見叉燒是全瘦的, 已經心裡有數.一試之下, 叉燒是又乾又柴, 味道嘛, 是算好的, 但是郤不能好評, 因為的確是劣品.燒肉嘛, 是腩尾的部份, 肉有軟骨, 味道狂鹹, 鹹, 鹹, 皮也不是好東西, 不脆, 是很韌, 勉強咬得開, 是我不願浪費食物之故. 也可以考驗牙力.碗內有些椰菜碎, 是又老又韌的部份, 又好, 可以增加粗纖維, 照食.到主角的瀨粉, 郤是不錯的, 爽滑, 彈牙. 湯底是普通的豬骨湯, 因為燒臘店當然不乏豬骨.終於千辛萬苦吃完這碗粉, 心裡十分不悅, 燒臘店通常都會把頭頭尾尾的貨色賣給叫碟頭飯和粉麵的餐裡, 把最差的部份拿去煲例湯.但是不應該在一份餐中

我地全家人也愛食燒味, 所以間中也會斬料外賣加餸. 今次我地就去了位於深水埗的快靚正燒味粉麵茶餐廳. 這裡的斬料的款式也有不少, 今次我買了兩隻乳鴿, 一隻炸, 一隻滷水. 另外, 買了一斤乳豬, 半斤义燒, 兩者也要求瘦, 再要多半隻油雞. 乳豬. 皮夠脆身, 感覺好似食薯片. 而肉夠瘦, 但又唔會太硬, 完全啱晒我口味. 乳鴿. 估唔到乳鴿咁大隻, 比我想像中多肉. 肉質夠嫩滑. 滷水乳鴿. 炸乳鴿. 兩者整法, 我自己鍾意炸多一點. 因為較為香口一點, 乳鴿皮帶有微微脆口. 而且味道較為濃一點. 义燒. 同樣揀了瘦义燒. 雖然瘦身, 但肉質完全唔會覺得乾身. 油雞. 時間控制不錯, 所以肉質夠嫩滑. 又唔會太咸.

去黃金買完遊戲碟就想吃個燒味飯，發現在西九對面就有間，很方便。很多人來買燒味斬料。燒鵝燒得好靚，睇到都流口水。燒鵝脾瀨粉($65)好大隻脾，皮脆肉嫩，肉很多，可以大口大口的吃，覺得很滿足。瀨粉很大碗，cp值很高。熱檸樂加薑(加$10)有很多薑，夠辣，正。蒜茸炒時菜($48)是椰菜，可以要求少油少鹽，健康d，都幾大碟。凍檸樂($16)叉燒油雞雙拼($95例牌)，油雞是脾，肉質很嫩，很有味道，又不會很鹹。叉燒有很多，但瘦了一點。例湯菜乾湯唐生菜($15)抵食。有時唔係去飲，都想食下乳豬($158例牌)，呢度都有得食。皮脆脆的，肉質很緊緻。

阿媽屋企掛住打牌無去買餸，電話急call叫我去街市斬料加餸。無問題喇～放工去北河街街市，睇下有無d野平靚正先.去到西九龍廣場對面，竟然俾我搵到間餐廳真係叫「快靚正」喎！咁有緣，就你喇！門口望落非常之乾淨企理。阿媽中意叉燒,阿爸中意燒腩仔,我就中意食乳豬,呢3寶走唔甩喇！之後見佢掛出黎d燒鵝都好靚，就要多半隻喇！師傅好快年，全部野前後唔駛2分鐘就有得拎！掂👍🏻👍🏻👍🏻义燒，$90/斤，個色澤好靚，半肥瘦啱啱好，阿媽都讚好！燒腩仔，$148/斤，個皮燒得好鬆脆，但同時間d肉又可以做到好鬆軟，配埋芥辣食，一流啊！乳豬，$180/斤，個乳豬個皮又係整得好好食，真係好味過平時去婚宴嗰啲多多聲，開飯時極速俾人清哂！燒鵝，$175/半隻，真係唔駛講，睇佢掛出黎個陣已經知道佢好味，色澤亮麗，皮脆肉香，鵝脾仲啖啖肉，無得輸啊！總括而言，街坊嘅價錢，一流酒樓咁嘅質數，d auntie 們全部都話要再encore 啊！

七月節究竟做咩嘅呢，見到大家都好緊張咁，又有啲忙喎，上網search吓... 原來係關燒味事呀... 燒肉、叉燒、燒鵝、燒鵝左髀咁啦... 呵呵～拉埋同事們一齊去，食隻燒鵝左髀先... “有得食好食喇...” 我係咁樣邀請同事一齊去嘅... 得出佢哋齊聲... “Choi ... 七月流流講埋啲咁嘅嘢～” 然後偷笑話：一齊去～🤭😬 事關呢檔嘅燒肉皮出名脆，雖然邪邪地，但美食當前，又點抵擋得過呢～燒鵝左髀又真係好正喎，非常入味... 咦... 後尾枕涼涼地嘅～🌬🤭🤣叉燒入味，夠霖... 切雞雞皮爽脆，雞肉嫩滑～巨型乳鴿王，大大隻好入味～菠蘿冰好多菠蘿肉，清清地唔太甜～足料菜乾湯，足料又夠火喉～👍🏻

每次去女皇外婆屋企探佢，都好想買啲嘢食加料。聽外母話外公最中意食靓叉燒就唸到深水埗嘅快靓正每次黎到都有排隊現象，所以水準有一定保證。老闆比人一種好健談好有heart嘅感覺，落單時會問淸客人需要後，再加上自己個人頂介，就連鋪頭已經增添支付寶付款服務，又有網上外賣平台嘅外賣app,都喺你等師傅斬料時向我分享。同一般舊式燒味店有著大大嘅分別，可以睇出老闆求新嘅心思。其實除左燒腊快靓正仲有賣炒粉麵，碟頭飯，但每次都比佢嘅燒味部所吸引堂食環境也尚算淨潔，同一般茶餐廳無異。掛到滿滿嘅油雞燒鵝而另一張枱就放下燒豬無咁受歡迎部位，每碟$10,師傅仲強調絶對新鮮，絶不隔夜良心小店。講咁耐，今日我就買左，半肥叉燒一斤，的確係招牌肥瘦適中，肉汁豐富，可惜師傅無比叉燒汁我，攪到有缺憾。另一招牌燒腩，薄薄嘅脆皮與瘦肉間夾雜了一層肥膏，脆口肉香後跟住油香溶喺口中燒鴨肉身略為乾，相信堂食好較好。最後嘅滷水乳鴿皇(比起一般乳鴿較大，多肉食),同油雞都唔錯。希望呢位有heart嘅老闆會越做越好。

親戚係大陸落左黎探我地，成八個人食飯，所以呀媽呀我收工時斬料返去。因為收工時間，所以成條街都好多人，亦有唔少人係度買燒味。隔離間茶餐廳都係佢既，堂食同外賣分開兩邊舖。燒味舖應該有既佢都有，仲大大只，掛晒係度，幾吸引，令人覺得好肚餓燒鵝大只，漲卜卜，好肥美！不過呀媽無落order叫買佢，所以無得食啦叉燒燒肉、燒腩仔以下就係我有叫既外賣啦！燒腩仔肥瘦一層層，肉質爽爽地，唔油膩，個皮好脆！乳豬！！係我最愛既燒味！佢呢間做得唔錯，乳豬個皮燒係好脆！唔算好肥，相反仲幾好肉添！圖中份量係一斤，我覺得佢既一斤差不多係平時酒樓食開既2/3只甘多！超正，抵食！！油雞半只好肥美，好大只，半只裝滿一個盒。油雞好入味，唔加佢俾果包豉油都好夠味。雞皮爽口，肉質嫩滑，做得好唔錯！yummy！炸乳鴿推介食乳鴿！佢一只50蚊，唔算話抵到爛。但叫平，因為佢真係好大只，好大只！佢有兩種食法，炸或者原味。如果係炸既會將原味拎去即炸，好香口！個皮唔算話好脆，但真係好香，好惹味！普通原味，如果食過炸乳鴿就會覺得佢平淡啲。但其實佢都係好入味，又大只，有另一種味覺既享受！親戚當晚都食到lam lam脷！好滿足！呢度係我斬料既好地方

有朋友是深水埗老街坊，一向都知我鍾情燒鴨，據說有間老字號，開業多年，出品唔錯，所以今晚決定去斬料加餸，試吓得唔得！間舖都算易搵，係正西九龍中心天橋出口，不過門面就街坊啲！本來淨係諗住買燒鴨同叉燒，因為今晚屋企人齊，決定斬埋燒腩同油雞。師傅兩三下手勢就斬好晒了。返到屋企梗係即係開飯啦！睇相都見到，燒腩$148/斤皮脆肉嫩，送啤酒一流之後就係我最鍾意嘅燒鴨$70/半隻，食落唔太肥之餘，肉質仲好軟腍入味！另外斬料又點少得叉燒$90/斤呢雖然今次我揀咗瘦叉，不過食落都唔會韌！阿媽最欣賞隻油雞$110/隻！皮薄肉厚，兼且味道十足，送飯一流朋友今次真係無介紹錯，而且價錢唔算貴，下次可以再嚟食過！！

燒味係港人至愛，打工仔午飯茶餐、放工加料、晚飯飲宴、豐儉由人，幾十年來都熱情不減。星期六即興返㚈家，媽媽好開心要去街市加餸，為免老人家粗勞，我話斬料回家，佢又ok 喎，皆因老一派覺得加料係高興事，従前社會食得樸素，一年到晚只有大時大節、慶祝升職才會吃到燒味🐔🦆🐷。買燒味我會刻意去深水埗基隆街嘅快靚正，食得傳統自然要搵老字號，快靚正跨越兩代，古法又好，秘方又好，就是喜歡它的味道。呢度嘅义燒肥瘦合度，蜜味適中，肉質咬落有鬆化口感，真係好得👍👍👍爸爸最愛燒腩仔，今日盒焼腩仔靚到不得了，爆脆豬皮咯咯聲，五花腩層層分明，調味剛好，不會太咸，無骨落地，真正啖啖肉我最怕燒鵝厚厚的肥膏，跟師父要求半隻較瘦的，當然無問題，鬆開嘅鵝皮脆中帶點油香，鵝肉不靱，肉質滲著燒烤嘅味道，盒子一打開，人人都會很開心的説有燒鵝吃，真係魅力不凡😍😍😍其實快靚正除左燒味得，乳鴿也很拿手，$50隻自己買料也平不了很多，今天未到七點去到，最後兩隻就給我前面的幸運兒捷足先登，下次要食真要早一點😝今天三盒燒味滿載而歸，斬料途中竟然發現可以用支付寶比錢，實在太瀟灑太方便了，果然係快、靚、正👍👍👍

有人升職加人工 今晚全家一齊賀一賀佢媽媽特登走落去深水埗 快靚正加料！最開心個個應該係我 因為可以食到我嘅至愛燒味完全係香港美食之一 特別係燒鵝❤️指定媽媽一定要買燒鵝嘅我 估唔到佢埋鵝脾俾我 唔肥嘅鵝連皮食簡直一流鵝肉嘅香味 配埋燒汁 連飯一流燒肉又係正野 皮好香脆 加埋少少咸嘅肉 配少少芥末醬已經好好味 而且唔算太肥 岩岩好媽媽當然會對自己好好啦 叫左佢至愛乳鴿重要全隻返黎自己切 佢話咁樣加熱食會好味啲乳鴿本身已經好入味 唔洗點任何野都得