麻辣五三五 (Closed)

話說最近天氣凍咗好多 就嚟食辣野啦費事全晚都食辣野 就叫咗一個醋香雲耳做頭盤 酸酸甜甜 好開胃而主菜就叫左一份酸菜魚 個湯唔會太油膩之餘又夠酸岩哂我胃口呀呢份酸菜魚兩個人食啱啱好 魚肉大大嚿又冇骨 配埋白飯食 真係食下一碗又一碗最後仲有一份口水雞呢份口水雞只係幾十蚊但係份量真係好多口水雞又麻又香 食到停唔到口呀食辣野又點少得飲番杯啤酒呢呢度有少見嘅三德里生啤價錢仲好實惠添 搞到我都忍唔住飲番一杯今次試咗酸菜魚下次要試埋水煮魚先

尖沙咀寶勒巷樓上鋪 店鋪裝修簡約 坐位不多 空間感大比較少吃川菜是這樣裝修所以感覺很舒服涼菜 小炒 干鍋 水煮都有=香油鹽水雞= 雞肉嫩滑彈牙 配上蔥蒜芫茜已經無得輸麻油味香撲鼻 鹽水帶出雞的鮮=避風塘豉椒大蜆=蜆肉肥美 鮮甜 又沒有沙鼓汁香口惹味=酸辣土豆絲=特別要求了加酸 但麻味不減 十分爽口 酸辣開胃 百吃不厭 =干鍋蒙古羊肉=上菜是 干鍋下面用蠟燭加熱著嗞嗞聲慢炒著羊肉嫩滑不靭 是有點大塊青紅花椒 薑蔥蒜 香辣惹味除了辣椒以外 我們把所有配菜也吃光光最驚喜係有Suntory 生啤黑啤川菜熱辣 配上 日本啤酒 搭配起來很夾

見係新開既就打算黎試下，入到餐廳環境唔錯，燈光幾光猛同環境都叫乾淨。間餐廳唔算多人大概係半滿左右。我同朋友坐低嗰陣未夠8點。叫左夫妻肺片、霸王辣子雞粒、避風塘鼓椒炒大蜆、蒜蓉時蔬同兩個白飯 。落完單大概係8點左右，唔使幾耐就上左個夫妻肺片，但係除左咁就冇喇。之後就一直等等等，等左成45分鐘其他菜都未上。隔離枱遲過我地黎都食得快過我地。催左3次先再有一碟野食上菜。大佬啊咁長時間比兩個白飯打發下我地或者講下點解要咁耐時間都好呀。最嬲係個員工既態度，催左3次，頭2次佢都唔嗲吊咁，第3次先有啲實質行動。最後索性唔等喇取消左淨低既兩個菜。唔知係唔係老闆感覺到我地既怒火所以最後冇收我地錢。食物味道係唔錯但係咁長既上菜時間令到我唔會想再幫襯喇。

平時鐘意周圍食川菜既我見到網上宣傳新開既就去左試，同女朋友去前後叫左4道菜，口水雞，水煮牛肉，酸辣麵同辣子蝦。 口水雞同外面分別唔大都叫做好食，水煮牛肉就欣賞佢肉質非常嫩口唔會好老，而家常酸辣麵真係非常推薦大家試下，同女朋友都異口同聲話好食，係會想再去既一間川菜！員工非常友善亦都好細心見到辣子蝦位置放得唔太好都立即幫忙，而聽員工透露先知係今個月頭先岩岩新開。不過可惜既係最想試既水煮魚可能太夜上到去無哂，希望下次會試到

今晚係尖沙咀食飯好耐冇食過辛辣見到餐廳新開就入黎試下我哋兩個人叫咗酸菜魚 中辣 乾炒田雞 避風塘炒辣蟹 位置好方便 餐廳寬敞舒適 酸菜魚先嚟上菜速度非常之快好有效率酸菜魚魚肉好滑 少骨啖啖肉 湯底濃郁酸菜份量好足夠所以味道好濃田雞 極惹味 炒得好乾身 外脆內軟 亦唔油膩避風塘炒蟹份量好足極之入味 蟹肉彈牙鮮味 咁既價錢係好抵食得好滋味整體嚟講性價比高價錢合理服務細心店員好照顧客人需要非常窩心可以再嚟試埋其他菜式下次想試下食干鍋

向來是美食達人的男朋友最近品嚐到一間出色川菜，說對其念念不忘，硬要我陪同他再次一同到尖沙咀的麻辣五三五用餐，聽著他讚不絕口的評價，我便隨他到此餐廳享用晚膳。餐廳的特別之處是紅油是自家提煉的，因此味道香辛之外餘韻辣度亦更強勁，與日常食用的大有不同，比較特別，而且菜式麻辣味香濃同時亦不會蓋過食材原味，均能保持用料原有鮮味。王老吉王老吉是家傳戶曉的老牌涼茶，有天然的草本成份，因此具有清熱解毒、預防上火等功效，配搭麻辣川菜便甚是適合，既能解渴亦可解辣，其飲用時冰涼順喉，清甜回甘。夫妻肺片調味的紅油火辣嗆鼻，惹味刺激，大廚選用牛展、牛肚製作夫妻肺片，再配以花生、芝麻作點綴調味，入口麻辣鮮香，刺激味蕾，食材煙韌彈牙，味道濃郁，而且紅油入味之餘亦不會蓋過食材原味，仍可清楚品嚐牛味香氣。香油鹽水雞雞肉浸於湯底之中，加入大量蒜蓉、蔥花作調味，湯底鹹香惹味。雞隻肉質瘦身，甚少脂肪，雞皮亦比較薄身，較為健康，食用時雞味濃郁，嫩滑入味，鹽水味鹹度製作恰到好處。額外再附帶有紅油，配搭有青蔥粒、白芝麻，沾上進食更增添辛香。水煮桂花魚上桌可見辣油湯底紅通通的，加入大量蔥花、辣椒、胡椒作調味，香氣撲鼻而來，麻中帶辣。

工作辛苦又係搵好嘢食的時候，早早地放工與同事吃晚飯，喜歡辣的同事介紹尖沙咀寶勒巷新開了間川菜食店，今晚開心吃餐麻辣菜。店內環境簡單整潔，霓虹光管裝飾別具特色。點好菜之後開始聽到廚房傳來鑊氣聲，也飄來陣陣香味，這個時候已經垂涎三尺。干鍋系列、水主系列及辣子系列，多種選擇，仲有一些涼菜小食及精美小炒。麻辣毛肚~毛肚入味，爽口唔韌，橙紅辣油味道堅麻辣，大家愈食愈和味。干鍋鮮田雞~小小火爐㷫住上菜，師傅先將田雞油泡，然後加入辣椒、花椒、大蔥、洋蔥等炒香，十分可口，味道唔算辣，田雞份量再多一點會更理想。水煮桂花魚(小辣)~一上枱已經聞到撲鼻油香味，桂花魚大大件，厚肉好滑，正！水煮材料包括大量辣椒、花椒及辣椒乾，其他配菜包括豬紅、筍、蒟蒻粉等。

約咗朋友喺尖沙咀食飯，佢超鍾意食水煮魚，可能已經達到食水煮魚專家嘅程度😆，咁佢就帶咗我嚟呢間樓上嘅餐廳😁$238嘅「水煮桂花魚」唔算好辣，不過好香花椒味，桂花魚肉質結實，大大一鍋裏邊仲有薯粉、青瓜、鴨紅、大豆芽菜、竹筍，當然仲包括大量紅椒同埋好多香料，成鍋都好惹味😋$88嘅「豉油王乾煎大蝦碌」非常香口，有濃郁豉油香味，蝦殼仲煎到脆卜卜，蝦肉就新鮮結實，呢個有小驚喜😋$58嘅「蒜蓉炒娃娃菜」翠綠新鮮😋$38嘅「手拍蒜泥青瓜」簡單好味😋小店嘅食物非常有水準，朋友果然係食水煮魚嘅專家😆，呢餐食得好開心😃

約咗老友記去食四川菜， 食辣嘢一定要搵志同道合，唔使就住就住～朋友介紹喺尖沙咀寶勒巷樓上餐廳『麻辣五三五』 有地道四川麻辣，干鍋， 酸菜魚等四川名物霸王辣子雞丁 $118鮮紅色辣子雞丁忍唔住先打卡， 端上檯陣陣香氣撲鼻， 雞丁炸過， 好入味， 咸香又有少少麻辣， 非常香口惹味，還有脆炸花生也是極佳配菜！Suntory 生啤$48餸菜唔算好辣， 不過來一杯透心涼嘅生啤還是非常啱feel🍻 主角『水煮桂花魚』（ 小辣）$238， 菜式未嚟到嘅時候已經聞到廚房傳出好香嘅花椒油味～ 鮮味，辣味，麻味也是恰到好處， 麻辣得來油要夠香先唔會覺得油膩。小辣程度非常準確，朋友話下次可以試吓中辣。配菜好豐富 ：芽菜， 豬紅 ，水晶寬粉，青瓜，荀～ 主角桂花魚夠嫩滑， 肉質清香， 啖啖肉無細骨， 份量不少，吃得非常滿足！『乾扁四季豆』 $58不要小看材料簡單平凡 ，這道菜其實頗花功夫。加入了欖菜同炒，鹹香惹味， 下酒或送白飯也是 絕佳配搭～餐廳地方唔大， 四川菜crossover酒吧feel有另一番風味。 各款小菜也能做到色，香，味俱全， 下次可以嚟試吓酸菜魚😋😋

喜歡食川菜的同事發現尖沙咀有間新開的麻辣五三五，特意約埋我一齊去試吓，餐廳位樓上舖，主打麻辣菜式，但也有幾款唔辣比客人選擇。水煮桂花魚：選用桂花魚起肉，片片厚薄適中，肉質嫩，味道鮮美，用酸菜煮酸辣開胃，魚肉嫩滑，配上香濃的湯底，還有鴨血、筍、青瓜和粉條做配菜，惹味十足。正宗四川擔擔麵：幼滑麵條在惹味麻辣湯料中， 伴著豬肉碎和蔥花，每吃一口，都叫味蕾跳躍起來，味道濃郁鮮香。馳名樟茶鴨半隻：色澤金紅，外酥里嫩，帶有樟木和茶葉的特殊香味，是四川省著名菜餚之一。還有用炸香的蕃薯片伴碟，香脆可口！小蔥皮蛋豆腐：麻辣醬汁讓豆腐和皮蛋入味，嘗起來辣中帶麻，加上小許蔥花更添美味！

朋友話因為疫情關係已很久沒有外出食飯，今晚來到尖沙咀一於食辣刺激一吓，帶她來試試這間新開的型格川菜館！餐廳裝修一改傳統川菜作風，浪漫有情調， 窗邊位有一排高枱椅，真的頗有酒吧feel呢 ! 時間尚早客人不多，飲杯啤酒傾下計先。必食至愛的招牌菜《水煮桂花魚》$238～辣味撲鼻的紅辣椒， 感覺刺激，紅紅的辣椒辣味十足, 桂花魚魚肉嫩滑，鮮味無比，鍋底有滑滑薯粉及牙菜！惹味小食《 麻辣口水雞》$58 ~ 川味醒胃、麻辣入味、雞件嫩滑入味👍🏻不宵一刻，已給我們吃過清光。紅油豬耳$58～非常爽口，風味濃厚，佐酒一流！蒜片牛仔粒$78～牛仔粒嫩滑味濃 ; 蒜片則爽口惹味，風味獨特，令人回味！蒜蓉炒時蔬$58～菜心清甜， 一道簡單菜色也顯不凡！

最近都吃得比較清淡，今天想吃點重口味的。跟朋友來到這間麻辣五三五吃辣，好興奮。餐牌好大張，食物選擇很多，有辣有不辣的。 首先我們點了這個霸王辣子雞粒，聽菜名就知道非常霸氣。雞粒底下有蠟燭興着，不會太快變冷。辣椒及香料非常多，一股濃郁的麻辣香味撲鼻而來，看着不停流口水。雞粒十分乾香火辣，有酥脆而嫩的口感，很入味，入口又麻又辣的，辣道中等，後勁較多，好刺激，男朋友吃到不停冒汗。我覺得擺盤好看，吃得都會較開心。然後點了個酸菜桂花魚，肉質细嫩，湯酸香鮮甜美，辣味較小，酸味較出。魚肉份量適中，較厚肉而且肉質不會韌，口感十分嫩，油而不腻。點了個酸辣土豆絲作小吃，可以選擇蔥炒或青椒配。酸辣土豆絲麻多於辣，一絲絲入口爽脆，辣道不比辣子雞小，有獲氣，十分香口。最後是四川擔擔麵，肉醬辣香，麵條有彈性又吸湯，食得非常滋味。

最近天氣涼涼地, 又係食辣野時間.今次找到一間尖沙咀新開樓上店 (麻辣五三五). 入餐廳前基本動作體溫酒精搓手, 入座後看看餐牌, 食品選擇豐富, 大部份以川菜款式為主. 😍 水煮田雞🌶🌶😍😍食咗多年川菜館, 呢間似比較近我想口味!水煮田雞很多配菜🤤🤤(粉皮、花生粒、時菜), 最正係個湯底, 果種川辣味配合滑滑田雞脾, 真的食出醉人感覺😋😋😋. 正宗四川擔擔麵四川其他菜式，擔擔麵係表表者, 我很多朋友每次吃川菜都會吃上兩三碗! 辣椒、芝麻醬、多款香配料煮成, 放入拉麵後, 上面加上葱粒更帶出了擔擔麵清香, 另口感更覺豐富. 麻辣豬耳麻得過癮, 我朋友很喜歡吃這道菜, 味道好, 口感好, 而且膠質豐盛, 用來下酒確係無得輸. 麻辣口水雞川味當然雜不開麻辣口水雞, 嫩滑開胃、饞涎欲垂！ 干煱牛肉粒牛味濃郁, 牛肉入味無筋, 一口一粒, 正超級滿足的一晚

同啲老友喺尖沙咀蒲完再試埋間新開嘅川菜餐廳先 散band！ 寶勒巷嘅依間新店，格局似西餐廳，初時有啲懷疑麻辣夠唔夠正宗呢？！但當第一味塩水鷄出台，我就完全改觀喇！味道啱啱好！蔥油好香，鷄肉好滑，質感好扎實！夫妻 肺片 78元麻麻辣辣 幾爽滑！鴨舌 78元不過不失，夠入味！水煮田鷄 2O8元一大鍋咁，份量一般，田鷄啖啖肉，裏面有芽菜，豬紅，粉皮，筍片等。味道好夠！麻麻辣辣好惹味！擔擔麵 48元依個麵度度食都唔同味，係啲醬汁配搭唔同，今晚依度嘅味都幾啱我食，有花生醬香！麵又夠滑！清炒菜心 58元淋中帶爽，好甜！口水鷄 夠入味，鷄肉都夠滑！惹味！炒沙白 88元沙白啲肉脹卜卜，爽口鮮甜又夠鑊氣！麻辣豬耳58元好爽嫩，味道一流！食左咁多款小食，涼菜，水煮，食番杯冰凍啤酒真係痛快！依度啲嘢食真係唔錯！好回味！

香港引入多元美食，不少四川菜餐館也滿地道，水煮魚片、麻辣干鍋等也普及化，不過定價普遍也較高，三四百元一道酸菜魚比比皆是。尖沙咀最近新開一家四川菜，裝潢並不算富麗堂皇，但價錢實惠、份量多、性價比高。蒜蓉炒時蔬師傅爆香蒜蓉再香炒是日時蔬，鑊氣足、菜心爽脆鮮甜、口感較嫩不老、蒜蓉香濃更顯惹味。干鍋鮮田雞麻辣干鍋源自四川，嗜辣的朋友必不陌生。其特點在於味道麻辣鮮香，每件田雞帶有煸炒入味的干香滋味、肉質結實、味道麻香乾爽。青椒清香魚酸菜魚、水煮魚這些口味平常得很，大多口味較重、香氣較濃亦帶點油膩。店家推出一款青椒清香魚，驟看湯頭像清湯一樣清澈，入口清新爽利卻麻中帶辛。湯底滿滿彈牙烏冬，厚切桂花魚片及烏冬也足夠飽肚。總括來說，地點方便、價錢實惠、份量足、味道不錯、性價比高。