名 料理 (Closed)

咁岩比我上網搵到間係大美督嘅日式料理，見過環境唔錯，所以就約埋朋友一齊入去試吓。門口見到入邊嘅位置都幾大，除咗一邊食日式料理，另外嗰邊仲可以飲下啤酒，家庭聚會一流。食物嘅價錢都幾大眾化，質素都唔錯，同市區上樓嘅日式餐廳其實質素都差唔多。叫咗份三文魚刺身食，三文魚刺身好新鮮，入口即溶嘅感覺，份量都算幾多。之後叫咗個壽司拼盤，因為屋企人唔係好食得凍野，所以叫咗份細既，同三文魚一樣，刺身都幾新鮮同埋擺盤都幾靚，令人胃口大開。叫咗份浦燒鰻魚，鰻魚內帶有少許骨，食得出係鰻魚黎，表面一陣浦燒汁，燒完後入口即溶，配埋個白飯一流。最後叫咗幾份串燒，我最喜歡就係牛柳粒，燒完出嚟入口即溶，同埋好入味，如果嚟到一定要試吓。

今日平日，難得收工收得早，同屋企人入嚟大美督行吓，順便食埋飯。聽朋友講大美督開咗間日式料理，所以特登入嚟試吓。驟眼睇啲價錢都幾平，都幾抵食，佢呢度門口可以泊車，揸車嚟嘅朋友都可以直接泊喺度，不過位就唔多，先到先得，如果泊唔到就拍過對面停車場。好有日式居酒屋嘅味道。先試下個雞泡魚乾，燒完出嚟好香，好甜，點埋沙律醬送酒一流。啲刺身叫咗少少試吓，都幾新鮮，份量都算幾大。串燒叫咗蟶子、安格斯牛柳粒同埋燒雞翼，鹽燒雞翼本身都已經好夠味，安格斯牛柳粒連埋個醬，好香，質地好淋，聖子好新鮮。最後試咗個海膽炒飯，海膽嘅份量都幾多，同埋海膽都幾新鮮，食入口有浸甜味，唔似得出邊食嗰啲油浸苦澀味，另外個飯仲有好多海鮮，包括魷魚、孩子、蝦等等，整體來講真係唔錯，性價比都幾高。

今日去開大尾督郊遊，比我地發現到龍尾村呢間食日式料理餐廳。環境裝修都好別緻，用左好多日本既元素，睇到佢地好用心。食物質素方面都好出色，選擇夠豐富。點左盆刺身，平時食慣三文魚，吞拿魚，今次特別點左新解活魚刺身，海膽同帶子。食落口食得出好新鮮，而且帶子夠大粒，大推!蟹籽律有好多蟹籽，岩晒蟹籽控既我。燒物方面，試左燒雞泡魚乾，醬汁烤魷魚同燒羊鞍。雞包魚乾好惹味，愈食愈想再食，最後都叫多碟。烤魷魚唔會太乾，食落爽口，羊鞍都燒得岩口，唔會太鞋口。食物質素好好，令我地都想再試下其他菜式，加追左個午市套餐，試下和牛牛柳條，牛柳條好濃郁既牛味道，而且仲有肉汁，果然無令我地失望! 最後食埋個綠茶同柚除子味雪糕，柚子味香味濃郁，而且味道特別，值得一試!

喺大尾篤通常都係食嚟嚟去去都係泰國嘢同茶餐廳除咗之前新開拉麵之外 而家又開咗一間新嘅日本料理 我一共幫襯咗兩次 一次同朋友食dinner 一次係Set lunch Dinner上次食咗一啲串燒都唔錯 ，明太子雞翼好好食，亦都有嗌金目鯛刺身  最後仲加咗個黑豚肉烏冬 即係吉列豬扒烏冬  食完dinner之後覺得佢啲嘢食真係唔錯 價錢又唔貴 所以就在去食LUNCH Lunch最平58已經有 我哋叫咗個咖哩牛脷飯同雜錦魚生飯 lunch會包免費紙包飲品 加三蚊可以轉檸茶檸水都算抵食 建議可以加十蚊 有前菜同麵豉湯不過我會推薦大家去食晚餐 氣氛會好啲

有日小妹即興地踏單車入大尾篤！於龍尾村租還車有個小型公園可歇息～ 期間發現背後有間《名·料理》，原來是一間日式主打磯燒·刺身😍餐牌有燒物、刺身、海鮮飯 但聽說將會加入更多 ～😍點了刺身（三文魚 油甘魚 海膽 帆立貝...）等等 食材新鮮特別三文魚多魚油，海膽味道濃烈燒原帆立貝 、蟹味噌甲羅燒、奇異果梳打 、燒雞魚干乾 、燒牛利串 、燒牛肉距離大埔墟站只須兩小時，沿路又有涼意 😌爽 YY 的一天! 內外以日式佈置，晚上開著座地燈應該幾有Feel🤩 ～ 聽說稍後會添加爐具😁 於空曠地方又帶點涼意，舒適環境下用餐培添滋味

享受一下二人世界，同男朋友浪漫一下👫🏻黎到寧靜既大尾督，悉心地預約咗日式料理🇯🇵因為平日關係，所以份外寧靜人流偏少，好適合情侶約會🔹刺身拼盤(✨✨重點推介！）🐟🦐帶子、三文魚、赤貝、牡丹蝦每一件刺身都大大件，勁厚切好新鮮，赤貝爽口，無腥味三文魚腩油脂豐富帶子鮮甜，牡丹蝦彈牙🔸甲羅燒🦀啖啖既蟹膏配上蟹肉一流嘅享受🔹串燒🍢牛舌- 黑椒味偏重，咬落爽口牛柳粒 - 燒汁味牛柳粒，入口即溶明太子雞翼 - 專為懶人而設嘅餃子雞翼，釀入明太子，口感豐富🔸雪花牛壽喜鍋🍲天氣近排比較凍坐喺戶外嘅地方烚吓烚吓，個感覺真係好完美　牛肉雪花豐富，入口即溶配菜入味，豆腐滑流🔹梅酒🥃忍唔住嗌左杯梅酒小酌係咁浪漫嘅氣氛下，增添下情趣🔸乳酪雪糕（🍨推介！）聽老闆娘介紹呢個係自製嘅雪糕感覺好似Gelato啊雪糕竟然有拉絲嘅感覺日後又美味嘅柚子味必試之選👍🏻

一直係教大打工都無外賣肯送入黎碌碌下見到呢間餐廳又話外送所以夾左八個同事一齊叫我地前一晚就落定order等店家有充足準備外賣係由一個叔叔揸車送過黎都幾準時，態度勁好我地叫左以下午餐金菇牛肉卷鰻魚炒飯比目魚西京燒牛肉飯每個餐仲包左兩隻雞翼，蟹子沙律同飲品都幾夠飽下次會再叫架我地

疫情關係 冇得外遊 真係好掛住日本呀特別係日本既美食每次去日本都一定會去唔同既居酒屋 🏮料理餐廳 其實早兩日黎既時候已經見到新開左一間日式料理比佢門口既搖搖椅同裝修吸引住諗住湊住bb唔方便 所以冇試今日真係忍唔住喇 揸車入去試試佢我揀左中午時間去門口有空地泊車 一行入去 感覺好舒服有室內同室外座位因為大雨同有小朋友關係 選擇左室內用既木枱 同餐廳既設計 其實都幾似去左日本咁講返食物先黃金海膽炒飯 🍚海膽同蟹籽好足料 唔係得兩啖果種熱辣辣送上 蒲燒饅魚飯🍚大大條饅魚味道濃郁 大大碟和風牛肉飯🍚牛肉唔un 份量唔少 唔會一味得洋蔥牛肉同洋蔥入口味濃 每份午餐都有雞翼同沙律送沙律上既蟹籽都唔少 雞翼有d辣好惹味 老闆仲好nice 值得一試既

一向中意喺大尾督成日搵飯食嘅我哋。成日覺得大美督有一啲新穎好有heart嘅餐廳🥰驚喜發現新開左一間裝修日式，感覺好chill 的日本磯燒餐廳原本我同老公好想坐喺戶外，但因為今日真係超級大雨，冇辦法之下我哋選擇室內。一嚟就嗌左個刺身拼盤😋刺身新鮮美味，尤其是海膽，好多時都怕食到苦味。呢間餐廳嘅海膽鮮甜👍🏼之後就試咗佢嘅串燒，當中我同老公最鍾意佢嘅雞泡魚串燒！ 如果配合飲酒既真一流😣可惜我哋揸車嚟😆唔方便飲酒😆其實雞泡魚含有豐富膠原蛋白，可以強身健體，美容養顏。多食無妨！我哋仲食咗安格斯牛粒串，一啖一口超方便❤️啖啖肉。牛肉非常之嫩滑👍🏼串燒汁配合得非常之好！ 另外蒲燒鰻魚$88 都非常之推介。鰻魚肉夠厚夠滑🤣鰻魚的肉質緊致而彈牙，但係唔會硬☝️總之呢個鰻魚可以媲美日本食嗰啲👍🏻另外仲食咗海膽海鮮炒飯，餐廳好大方，份量多而且海鮮亦都好多👍🏼😋最後我想講嘅除咗喺呢間餐廳嘅食物，呢度嘅職員同埋老闆都非常之Nice !喜歡同顧客溝通👍🏼了解同埋清楚顧客嘅需要❤️希望人造沙灘快啲開，我哋就可以去完沙灘玩又食呢一間😘

今日行完山，決定係大尾篤海邊食個晚餐。比我發現呢度方圓一帶唯一一間居酒屋🏮，咁難得，當然同朋友係呢度解決晚餐。居酒屋最啱就係食下串燒飲下啤酒🍻。我地揀左以下：燒雞泡魚乾（$36），首先前菜食下魚乾，點蛋黃醬，本身甜甜地，又唔會太乾身。燒安格斯牛粒串（$32），呢個牛真係超正，出去食扒都好少食到咁正味道調得咁好嘅牛，油脂旺盛肉質鮮嫩多汁，牛味帶曬出黎！金菇卷牛肉串（$22），外面嘅牛肉就唔係打邊爐啲肥牛，肉質較厚身同結實，配合入面爽口嘅金菇，口感有好大衝擊～燒明太子雞翼（$16），入面嘅明太子好夠，微微帶辣，配合雞肉係極大享受。燒雞軟骨串（$16），爽口得黎調味又惹味。鹽燒海中蝦（$22），大大隻蝦真係不得了，燒完又離殼，味道正宗鮮甜彈牙，帶淡淡鹽味。日式燒茄子（$22），另外有川味嘅選擇，不過我地唔食辣，所以都係正常味好啲。調味方面唔似出面咁落重蒜蓉，反而係靠醬油同木魚絲調味。另外店主推介我地食下呢度嘅刺身，真係附近一帶都食唔到架。有帶子、油甘魚、三文魚、海膽。全部感覺都幾新鮮，味道鮮甜無腥味。飽肚食物揀左鰻魚炒飯（$88），都係日式嘅炒法，較為濕身，味道唔會過鹹，帶有鰻魚嘅啖啖香味。

今日係同男友既紀念日，計劃左去大尾篤踩家庭單車，於是喺大尾篤搵下有咩餐廳。竟然比我地發掘到呢個餐廳！食物好好味！我地係比餐廳既環境吸引先既，門口有大大既招牌，又一大片既流水，行到入餐廳入面係日式既裝修，好似去左旅行咁！😆我地叫左幾款刺身，估唔到會砌到咁靚送到我地面前！好suprised!! D刺身好有鮮味，又厚切！好正！🥳🥳仲有甲羅燒！都係好好味！又多膏！超正！市區食一定唔止呢個價！我地仲叫左燒雞泡魚乾同海膽炒飯。燒雞泡魚乾係我認為黎到呢度一定要食的！因為好有鮮味，仲保持到濕潤，愈咬d鮮味就愈出！😋😋😋最後我地仲試埋燒牛脷、燒川味茄子、燒明太子雞翼😋😋燒牛脷都好正！爽口，又有牛乳香！正！侍應、老闆都好nice🥳呢餐好圓滿☺️☺️☺️香港小旅行🥳當去左日本😆

今年大部份香港人都沒法外遊，相信很多人都會很懷念日本的種種，尤其是她的美食和風情。除了到那間激安店外，最近找到了一個地方可以令我暫時忘記身在香港，精神上來一個日本遊。這就是在大埔新開的磯燒店名料理。名料理座落在大尾督龍尾灘，門口的招牌及直幡加上停車空地，已令我有種身處日本海濱的錯覺。店內的裝潢也很有日本特色; 例如木制餐桌，放滿清酒的壁櫥，看得到店主的心思。當然食物才是主角，首先我們點了一個新鮮運到的魚生盛，當中的伊佐木及鯛魚更是空運來到，能夠在這樣的小店吃到這級數的刺身，很是感激。磯燒海鮮方面，推介蟶子、鮑魚及原隻帆立貝，除了美味之外性價比度也很高。最後還點了幾款燒烤送酒，其中以燒明太子雞翼、牛舌、雞泡干及燒原隻魷魚筒最為出色。尤其是手工菜式燒明太子雞翼，雞皮燒香脆口，但絕不過乾，還能保留肉汁及明太子的甘香。值得提還有清酒一瓶$68，日本生啤$48，老板定價十分親民！提起老板，十分溫文友善，招呼周到，會與客人溝通，知道在這時勢開新餐廳毫不簡單，應該要好好支持小店。 (位置不難找，汀角路往大尾篤方向，龍尾路口轉左，正正在路口的BB開心棧旁邊）

限聚令稍為放寬的第一個周日，我地去咗大美督郊遊。入到去已一點幾，就決定喺附近食啲嘢再玩過。見到有間新開嘅日式餐廳「名 料理」，就入去試試。佢哋門外有個小千秋櫈好吸引，我覺得好寫意，哈哈！先來刺身以我哋喺愛的三文魚作主打，帶子也不錯，各款海鮮也鮮甜之後到熟食鰻魚燒得好香濃和牛嘅油香都好重， 十分喜愛之前嘅都係室內食，之後我哋搬去出邊位置再食磯燒。呢度嘅磯燒係用備長炭來燒海鮮，而磯燒嘅食物都全部係海鮮水產，保持鮮味。我哋笨手笨腳唔識燒都唔緊要，有店員幫手燒，而且態度親切 配合埋一片牛油一齊燒嘅帆立貝真係好吸引還有好多新鮮海鮮，海鮮香甜美味就算唔落調味料都好好味 蟹味香濃，一口一口鹹香味道鮑魚及其他海鮮都好好味！最後我哋有雪糕糯米糍甜品作這一餐的美麗句號呢度都幾風景怡人，坐在外面可遠眺海景。初時擔心在外邊好熱，但其實戶外位置可把一邊的膠幕關上，再開冷風機和風扇 ，所以燒海鮮時不太感覺到熱總結而言，店舖各方面質素也不錯，下次再試佢哋嘅其他菜式