杉玉 (沙田中心)

Open Now

Now Closed

沙田中心和好運中心商場近排重新裝修和進註新的餐廳食肆。今日來這間也是新進註的是壽司郎高級版叫「杉玉」，店舖內裡裝修很有日本風感覺，木色系列給客人好舒服溫暖感，在此吃飯特別輕鬆。杉玉御膳～～～每日數量限定Omakase握壽司5貫、刺身盛合、天婦羅盛合茶碗蒸、小品料理（3款）$148一整盤色彩繽紛琳瑯滿目很吸睛呀！握壽司很大件又鮮甜，天婦羅炸得很香脆，而小品料理一點都不會馬虎，很滿足啊！天婦羅•壽司定食(8貫）$88這款也是很豐富，熱辣辣新鮮即炸的天婦羅很鬆化炸粉薄薄的不會過厚，還附上海鹽和抹茶粉點吃，很認真和講究，壽司8種不同款色更有一款啱你口味。壽司•湯烏冬定食(10貫）$98而喜歡吃烏冬的就要點選這個啦！烏冬煙煙韌韌很有咬口又彈牙，湯底很清甜又清澈。炙燒鯖魚壽司配醃蘿蔔與忌廉芝士 $28用上特製煙燻效果店員送上時，在客人面前打開呈現朦朧煙燻感覺，很有噱頭而炙燒鯖魚壽司很鮮甜美味還有煙燻味道感覺很正。鹽漬吞拿魚壽司配圓鰭魚魚子醬 ＄35這款鹽漬吞拿魚壽司加了圓鰭魚魚子醬味蕾感覺即時提升。免焗芝士蛋糕配莓果醬 $35這款甜品做型很精緻又好吃，酸酸甜甜的吃完咸點再來一份美味甜品真的很完滿啊

自己一個人食晚飯，想飲少少酒，又想食日本嘢，本身想去元氣，但係因為裝修，所以去咗對面嘅杉玉。一次兩個人其實唔使等位。一坐低就叫咗清酒，茶豆，茶碗蒸，淮山拌吞拿魚，海上鮮島。除咗茶豆煮過頭其他都好食。之後，再encore，叫咗炙燒海膽牛油鮟鱇魚乾壽司同埋池魚骨脆餅送酒，次魚骨好大碗，同清酒好夾，我嘗試要求攞啲蛋黃醬一齊食，可惜嗌兩次都冇，有啲失望。總括嚟講，係一間可以久不久坐低食吓飯嘅港式日本居酒屋。

#港女覓食到沙田聽講壽司郎喺沙田開咗居酒屋—杉玉，今日係第一次去食🤤即刻睇下佢同壽司郎有咩分別啦杉玉屬於居酒屋🏮可以散點如炸物、前菜、壽司，而壽司可以單件點/1 set 3件，set組合可以自己隨心配搭想食嘅款式，唔使驚好似平時食嘅固定set餐咁食到啲唔想食嘅壽司🥺相比起自己一個人去壽司郎，點嘅壽司多數以2件為主，咁就好快食飽左。今日因為我一個人去食，樣樣都想叫啲嚟試，結果就散點左個偽定食出黎啦🤭食到好飽✨ 大啖滿足茶碗蒸 $28茶碗蒸滑捋捋仲滑過我塊面呀，入面配料好多有蝦有魚籽有蜆有雞肉，壽司郎茶碗蒸一向必點‼️✨ 炸吞拿魚心頂 $38見到個名咁特別，即刻落單點黎食，原來係藍鯨吞拿魚心臟嘅稀少部位炸黎食‼️食落口感十足，煙煙韌韌😳就好似雞軟骨咁，當然雞軟骨脆口啲✨ 炸芝海老手卷配飛魚子(期間限定) $34 其實就係炸蝦，放咗喺舊飯上面😑食落去OK，係唔知點解塊紫菜已經淋左，可能本身已經放耐左，咁就爭啲啦✨ 超滿足炙燒【三文魚/海鰻/鹽醋漬鯖魚】$30 ✨嚴選2貫🍣三文魚&中吞拿魚腩 $30壽司基本都好食嘅，但如果係多一個伴，我會揀食壽司郎啦🥸因為同朋友可以點多啲唔同嘅壽司，實行壽司放題咁

呢間杉玉開咗一排都仲未試過，今日lunch time就過咗嚟食😆呢度星期六日都有lunch set，不過相對選擇唔多，缺少熟食，如果唔食魚生嘅朋友仔就可能未必啱食喇～我哋坐喺卡位位置，枱面嘅空間相當闊落😆我叫咗呢個每日限定嘅杉玉御膳 ($148)😋嚟到果然好有驚喜，本身睇餐牌都見到佢好豐富，嚟到嘅時候份量更加嚇一跳🤣首先想讚一讚佢個茶碗蒸，除咗大家見到嘅蜆之外，其實下面仲有少少海鮮，鮮味十足👍🏻三款小品料理好有心思，有薯仔沙律、鯖魚同埋玉子，製作完全唔hea，尤其是個魚整得幾好食😋五件壽司唔算好特別，但感覺好新鮮，唔知點解帶子只係俾咗半塊，感覺有少少寒酸😂而四款刺身都相當新鮮，每款有一塊～另外最驚喜嘅係天婦羅竟然都幾多，而且個炸漿厚到啱啱好，食落口唔油膩又香脆，有魚、魷魚、番薯同埋茄子☺️而男朋友就叫咗個炙燒海鮮丼 ($98)😆雖然呢個排場冇我嗰個咁勁，但係佢都話呢個算唔錯，份量足料，有三文魚、鯖魚同埋油甘魚，油香都幾豐富，唔錯嘅😆佢仲叫咗一件藍鰭大吞拿魚腩 ($30)，油香係夠嘅，不過有啲筋就爭咗少少～我哋都叫咗一個鹽燒油甘魚鮫 ($48)，呢個份量唔算好大，味道都正正常常～第一次食比

又黎沙田開飯, 諗左一陣, 突然想食日本野, 醒起沙田中心有間新開張日本餐廳，又未試過，變來試下, 原來佢係壽司郎居酒屋, 今晚6點半就到餐廳, 門口唔駛排隊,我就直接入去餐廳, 一入到去餐廳員工唔知係度做咩, 冇人理我, 跟住有位員工行過黎, 我就話兩位,佢都依然冇表示我可以入座, 但我見入面好多位, 等了等, 第2位員工先帶我入座,睇黎佢地帶位安排要快小小, 唔好晚飯時候又唔係話好多食客, 都咁慢, 有待改善.一坐底就提醒客人用膳時間為100分鐘,ok, 明白的.睇完餐牌好似好多野可以點, 但又唔知點咩好,冇咩話特別推介既食物, 決定點特約盛合, 貪佢有幾樣魚生壽司, 唔駛諗, 咩都可以試下味道想講一講, 豉油好咸, 壽司一點豉油, 蓋過了新鮮魚生味, 本人就唔太喜歡日本壽司豉油太咸, 魚生都新鮮既, 但就冇咩特別驚喜, 其他地方都食到之後叫了天婦羅卷, 紫菜好食, 但又天婦羅蝦比較多粉, 琳哂, 都係一般見隔離枱叫了油漬三文魚, 加了芝麻, 第一次食, 食落覺得好油, 我個人麻麻地, 就咁魚生好啲再黎叫三款魚生壽司, 感覺都ok ga整體而言, 普普通通, 又唔係抵食

之前經過幾次都話試業3點先開，今日經過見到，即刻同老公入去試吓。我地叫左個每日限量嘅「舟盛丼」（HK$128)+「10貫壽司&茶碗蒸」（HK$158)，味道就一般般，但勝在性價比高（有啲餐百零蚊就食到）。有時想平平地食下日本嘢，呢度係唔錯嘅選擇。溫馨提示：驚自己唔夠飽，可以落單時免費升級做大盛。

同朋友去完1田血拼💸，諗下食咩好， 熱㷫㷫梗係想食啲涼浸浸既野， 碰下運氣去杉玉👀👀，可能今日係平日同埋大家去曬拼搏， 有位耶～ 職員見我地一袋二袋🛍️，安排4人坐位～ 舒服😌對手， 即時QR落單～玩味壽司梗係要點～魚子醬壽司：鹹/肉/微酸 係有層次口感草球： 杉玉薯仔沙律 外層草樣係有偏鹹 需要撈一下吃既，😂我朋友先吃曬塊草皮話乜草地咁鹹既茶碗蒸：是我必點項目，滑滑口感，仲要內裡配料不少⭕️～ 今次仲點左湯麵類有驚喜😍朋友唔酒既，無得一到就來杯啤酒🍻，而呢個價錢食居酒屋係開心既～

杉玉係一間標準到不能再標準嘅日本野。Lunch time，$98 有十件壽司+一碗仔拉麵，十分正常+合理嘅價錢，甚至其實算ok抵。抵嘅原因自然離唔開佢嘅質素，其實都ok。$98十舊壽司+有五隻蜆嘅拉麵呢盤野最令我震驚嘅係，碗拉麵居然有味！佢真係有D海鮮嘅腥味，注意！非貶義！起碼唔似出面其他cheap日本野好似滾水嘅湯咁。嗰5隻蜆居然都ok，size算係咁又有D味。十舊壽司，起碼舊飯係沾過醬汁，睇落高級D左，不過其實舊飯嘅味道毫無特別。魚生正常水準啦，其實我佢D質素覺得好過壽司郎(?) 此純屬個人意見。PS 間野真係冇乜人食，D枱又ok分開，如果你突然想食日本野，又想平平地食，佢不失為一個選擇！

today, I tasted some of the finest sushi dishes in hong Kong in sugidama. This restaurant has given itself as a delicacy to enjoy. I had first tasted the egg. the egg tasted much more smooth, with the skimming of the top layer sliding in your mouth as you chew our the individual pieces of salmon roe contained within. The egg inside also contains various seafoods such as clam and shrimp, all help to add onto the taste of the egg.next came the main course which is very nicely decorated sashimi in

其實佢進駐沙田之後一直好想試，但次次想去都大排長龍無計啦，同埋佢有時係有位但唔放人入去！今次咁啱接近黃昏5點半，買完嘢見無乜長龍就過去望吓，點知等了5分鐘就入到lu~比起壽司郎，咁杉玉其實係裝潢靚啲坐得舒服啲，同埋好日系，但我個人來說都幾鐘意壽司郎的car位，重點係迴轉壽司courier過嚟好開心講返今次叫咗啲咩:1) 天婦羅盛合-有魚有蝦有茄子，炸得好好味，擺盤都好骨子，又有2款鹽任君選擇！2) 炙灼燒芝士-三文魚、熟蝦、玉子飯唔係白飯，係有味飯，不錯, 每款都好好味好香，用了車打芝士，係邪惡但好吸引3) 茶碗蒸(基本上去親壽司郎都叫)賣相已一流，同埋好保温，個蛋好滑, 也有好多豐富饀料，如:蝦、肉碎、帶子、三文魚籽，好味！4）炸串合盛有5串, 炸得啱啱好，包括﹕炸蝦、蔬菜、兩串魚、鵪鶉蛋5) 三文魚壽司, 因為油份夠太好味, encore多碟整體來說很好，服務也周到, 但係都比較鐘意壽司郎很多款式。\(≧▽≦)/

呢間仲係試業緊嘅壽司郎居酒屋，整體而言，全部刺身都好新鮮，亦好肥美！特別推薦嘅反而係熟食，哈哈！首先有茶碗蒸，我每次去日本餐廳都一定會叫茶碗蒸（如果有嘅話），呢到嘅茶碗蒸啲蛋好滑，亦都十分清甜，可能因為入面真係超足料！第二係大根天婦羅，第一次見到大根天婦羅，個白蘿蔔本身已經係煮到入哂味嘅關東煮白蘿蔔，再裹一層天婦羅炸皮，外脆內軟，好好味！不過可能因為試業關係，所以壽司上嘅選擇唔多，期待會有更多菜式！同埋感覺CP值中上，唔算貴，但質素再比壽司郎高！

基本上無服務可言，食完又無人收碟，但又一路上菜，成枱都係嘢。叫加茶又加得一半，茶又淡而無味。唔食生嘢基本上無得選擇，即係唔適合帶小朋友去。食物都ok,但真係唔值呢個價錢。寧願去後面板長好過，起碼正頭正路多選擇。

呢日經過見到原來以前麥當勞個位變左呢間居酒屋，就決定去試下！等左10分鐘左右就入得。呢間係用qr code落單。叫左壽司郎名物卡達拉娜原來居酒屋係sell 服務，服務員會直頭喺你面前燒埋比你睇，都幾正。之後叫左個雜錦天婦羅，炸得幾好食，仲有兩款鹽俾你點。有蝦，魚，茄子。叫左啲壽司，例如黑松露帶子，烏魚子蝦，仲有橙色嗰個唔記得左個名。唯一有深刻印象係個黑松露係一塊塊好大粒，都幾正！之後叫左蜆肉烏冬，好細份，但味道唔錯。又叫左個蜆肉湯烏冬，一般，都係好細碗。呢個唔知咩名堂，好油，一般，點麵包食，麻麻地，又係有蜆，哈哈。呢個手卷都幾好食，大大份，好滿足！塊紫菜都好脆呢個應該係成晚最好食的，啲魚生幾新鮮，尤其係塊toro總結，食一次夠，唔平，啲食物尚算ok，幾特別，唔知點解睇到個餐牌揀唔到想食嘅野

呢日收左工就約女朋友去沙田食晚飯，裝修真係幾靚，同壽司郎係完全唔同level。個日我地唔係好餓，而且我地食量好少。女朋友點左3貫壽司(甜蝦，油甘魚，魷魚)，同2貫壽司(中吞拿魚腩x2)，女朋友就話幾好食。而我點左並玉盛合(中吞拿魚腩，吞拿魚，三文魚，油甘魚，魷魚，熟蝦，帆立貝，玉子)，我覺得整體黎講算好食，魚夠新鮮，係好食過壽司郎。我仲點左茶豌蒸，裡面係好多料嘅，而且好熱辣辣，但個問題係佢份量實在太少。杉玉其實個定價係偏貴，為返一舊壽司係$10以上，我估正常人食應該會埋單$500以上，我覺得呢個價錢會有更好嘅選擇。

之前Lunch time經過見只有1,2枱客，今次下午茶時間完全無人，好奇心驅使下走入去試。。。好彩無令我失望😋💛所有壽司飯本身已經有淡淡醋味，無需任何醬汁下都好鮮甜味美❤️🍣炙燒海膽牛油安康魚肝壽司 ($30)安康魚肝多到一啖食唔哂🫣微微燒香質感，口感細膩綿滑唔腥，配上少許甘香嫩滑海膽同醋飯，入口即溶感又解魚肝油膩🤤🍣超滿足炙燒芝士 ($33)三文魚 / 油脂分佈平均，肉質肥美味道鮮甜熟蝦 / 爽口彈牙，嫩嫩鮮甜玉子 / 厚切大大塊，甜甜地蛋味濃🍣 超滿足吞拿魚($33)我最愛嘅吞拿魚，3種食法都👍🏻❤️吞拿魚 / 無筋啖啖魚香，味濃質感軟生拌吞拿魚軍艦 + 蔥花吞拿魚軍艦 / 魚蓉細滑口感綿綿加上油脂鮮香🥰🍣王道3貫 ($30)油甘魚 / 入口即溶滿滿魚油香味，肉質幼滑鮮甜蔥花吞拿魚軍艦 / 一樣正常發揮，幼滑鮮甜🥰🍣並玉（盛合）($88)包括呑拿魚、三文魚、熟蝦、魷魚、玉子等8款壽司，全部正常發揮新鮮鮮甜👍🏻👍🏻🍜乾海老蜆肉拌烏冬 ($38)內有：櫻花蝦、蜆肉、菜苗一上枱就已經好香海鮮味雖然係拌烏冬但帶有少許湯，湯底非常濃厚鮮甜🤩蝦味好濃而且creamy得黎唔油膩👍🏻烏冬煙韌彈牙又掛