生昌潮州海鮮酒家

Open Now

Now Closed

潮州嘢—其實呢一間一直都好出名，不過近排佢做咗個優惠，夜晚九點後入座有八折。正正因為呢個原因就吸引到我哋過嚟，坐低之後佢都唔係叫好多人可能因為平日嘅關係，都坐得幾舒服。由於我哋人唔係咁多咁今日就揀咗幾樣餸食，滷水拼盤、凍烏頭、小炒王、豉椒炒蜆。滷水拼盤其實有啲貴（八折左之後）不過就潮州嘢都必叫架啦凍烏頭多黃油好味唔洗多介紹😋😋😋小炒王其實每間小炒王嘅配料都唔同不過我對於呢間就一般般豉椒炒蜆好味唔多沙，送飯一流連茶價及三個飯埋單五百幾，折左就係呢個價原價就應該都要七舊水。

當日收工相約一班同事去食附近一間遠近馳名嘅生昌記打冷。個個同事都話生昌記嘅雞煲翅一流，所以一場來到，當然要一嚐啦！我地一行五人係晚餐時段入坐都唔需要等 ，因為室內空間都好大，而且人流快，所以都仲有位。環境方面始終好有大排檔風味，想要乾淨舒服環境就好好考慮啦，不過食得大掛檔打冷，點會淨係睇呢樣野呀。我地一共叫了六樣餸菜，首先上黎嘅係鹽焗烏頭一條。可能我係第一次食，佢嘅咸味好夠，而且黃油不停滴出黎，個個都話好香味。而我就覺得還可以，但愈食又會愈鐘意食之後上咗一碟蠔餅，呢碟蠔餅香脆可口，係略嫌粉漿過多，蠔味唔突出，過咗一陣就林哂，所以我地最後冇食哂。之後送上椒鹽鮮魷。呢個菜真係好大碟同香口，一食就停唔到，而且有個醬汁配上好開胃。再黎一碟炒時菜，賣相雖然唔討好，但油麥菜炒得好入味，而且夠香有鑊氣，都係一流水準。主角終於出場啦，就係雞煲翅！一上枱我地嚇呆咗，原來好大一煲，已經揀咗3-4人份都咁大煲。雞煲香氣濃郁，翅嘅份量十足，我地一人都飲咗兩三碗，個個都好滿足！原本仲叫咗滷味，但因為追過幾次都話人多未上到菜，就連食哂其他食物都未黎，所以放棄咗叫佢上菜。呢度仲有糖水叫，但我地實在太飽，唯有下次再挑

每次黎食生昌必食豉油鵝腸，鵝場肥美！豉油入味！鹵鵝都唔錯嘎但係如果唔想排隊，咁就要早啲去霸位，因為去食嘅人都比較多。係沙田or大圍打冷，必選生昌，暫時未發現有其他打冷俾佢更正

話說老豆蠃馬，請食飯。近近地起食潮洲野。呢間餐廳長期多人，有室外同室內。好多人專登渣車黎食，因為隔黎有露天停車場。四人，兩男兩女，叫左照片既菜，本來叫左一隻鵝翼，但侍應姐姐話今日個啲好細隻，唔抵食，取消左。鵝片超正，必叫，好入味！仲有，呀姐姐介紹個甜品，芋泥，真係好味！下次要再去，夜晚都多人， 早啲去拎位

都好耐冇去生昌食飯， 今日難得舊同學 叫到 就算幾遠我都入去同佢哋食啦。 因為我遲到所以佢哋一早就點咗菜 食住等 當然佢哋亦都係叫咗生昌出名 嘅餸菜啦 凍 黃油 烏頭 蠔餅 韭菜豬紅 花生雞腳 鹵水拼盤 可能今日人多去，我地終於可以叫大拼盤 真心第一次見咁大盤 我哋叫咗豆腐底，當時 侍應 拎出嚟嘅時候，真係成咗山咁高 好 誇張 講番餸菜 花生雞腳嘅辣汁好好味 蠔餅炸到好鬆脆 鹵水拼盤裏面最好食嘅係鵝腸， 豬耳 紅腸 豬大腸 最重要係講 烏頭 真係漏曬油㗎 你去街市好難買到咁靚烏頭， 大家得閒都可以去幫襯下

一想打冷就一定會諗起生昌，性價比高，唔會收得貴而食唔好，比起九龍城我更愛呢度，今晚一大班老友聚頭，可以叫多D嘢食，拼盤都大過平時，但我覺得呢度嘅拼盤其實只算合格並唔出色，不過樣樣有D乜都可以食吓就開心；蠔餅相對做得好，蠔仔夠多而唔會只食到麵粉咁，蠔味亦十足，例牌都好大碟；呢度整螄蚶唔同外邊，上枱有D暖，通常外邊都係凍食，我都係喜歡後者；呢度仲有好多外邊較難食到嘅食物，下次有機會再寫吓

上次公司係度擺左4圍 第一次食就覺得好地道好好味記得當時食呀公 10人一圍但叫左最貴12人餐 結果個個飽到上心口仲打埋包走 第日LUNCH個個都食差唔多既野今次同班狗友係城門河放完狗打的來 因為好少餐廳比狗狗坐(室外) 9.30 個阿姐溫提9點後有8折!好驚喜! 另外兩個朋友自稱熟客都唔知哩個優惠囉!!大家深知哩度D野都大份 但都忍唔住叫左好多野食 本身有3個朋友唔食魚 但條烏頭佢地試試下又OK 叫左兩條 (雖然第一條好似多油D 滷水中拼次次都叫 次次都覺得好大份豬紅同蠔仔粥必食 其他都好食但條魚始終係最正!!!9人5狗食左1625 8折左 平$325!!但同狗仔要坐室外都熱 同附近可能有人食煙>< 下次無狗都係坐入面算

見到有D食评有講什麼：今時今日呢D服務態度係唔得！～～～其實呢D咪就係地度嘅服務態度囉！大聲，西面，漏單唔認數，唔係熟客唔會好service, 好typical香港人態度! 要有服務同招呼，就真係要去返D離地歺㕔！呢間好貼地嘅潮州菜，好食，扺食！睇歺單$1280 /$1680 6-8位 (堅8位用） 已經覺得抵！ 炸棗棗，香脆冇得輸烏頭，大條多肉唔「鞋」口！蠔餅好似廟街，不過好食冇十倍都有兩倍$1680一個歺有兩只潮洲蟹，你仲想點中拼盤，超大，咩都有，鵝肉唔多不過麻煩睇睇，係鵝脾！另加嘅芋泥！該死的好味！勁多白果！整體ok, 全枱9人，有D朋友唔鈡意D服務態度，又話點解要訂歺先有得訂枱，其實你入到人哋間「屋」就要體諒吓人哋D家規！唔好用「我係客，我想點叫就點叫」嘅心態，呢間小店嘅服務其實又几有趣！

沙田大圍只去過一次，都是探病而去。今趟因大家興緻勃勃，遊車河順路吃勻港九新界。開店二十年，盡是街坊或單車友，比起離島海鮮更風味十足。蠔餅、韭菜豬紅、蠔仔粥、雙併鵝肝鵝腸及白灼螄蚶等等都非常有水準，鵝肝卻是少見，連九龍城聞名的潮式酒家都未曾見過。但有幾款一定要詳細推介！糯米蒸大腸我認為只有車水馬龍的人流，也有本事駕馭得著。大腸皮薄、饀料充斥每一個地方，配上醬汁一絕。這道菜式極考師傅手藝，也是真正呈現到潮式食品的根本。鹽焗烏頭魚尾有元朗養殖場的記認，吃得特別放心。每一口都充滿黃油，肥美又肉厚。而且近魚肚附近也沒有腥味。酸甜咕嚕肉主打新鮮菠蘿，連我平日不愛吃都一試愛上，沒有難以形容的酸澀，只有一陣又一陣的菠蘿酸甜。今生無悔白果芋泥一開始倒是名字較吸引，但由於店員吹捧限量發售，就作為晚餐的尾站。糖漿較多、芋泥不算是滑身。 地方很多，但不算太整潔。洗手間一男一女廁。但款式實在多樣化，基本上你想吃店內都有，而且又有簡單小炒，滿足不同人的需要。如果想一試再試不同的潮州菜式，這間卻是不錯，偶有驚喜。

見到有羔燒芋，知道會是不錯的潮州菜，香港現時有賣羔燒芋的地方不多了便決定來試一試兩個人點了花枝蟹早($118)，潮州法式大鵝肝($138)，馳名鵝片($135)，潮州炒咸麵線($98)蟹早，應該是機攪，沒有彈牙口感，有蟹味，凍了後就是蟹柳味麥樂雞，可以不叫大鵝肝，很好食，不油膩，不像法式煎鵝肝般有濃重油香，而是清爽又滑的口感，沒有根，鹵水純香，有餘韻，值得點伴菜的花生不錯，入味不腍，鹵豆腐有點乾，不夠入味鵝片口感較軟，脂肪較厚，老人家只要嚼久一點，也能吃到，而且愈嚼，油香溢出，更香咸麵線外面賣的地方更小了，乾爽不油膩，食後盤子沒油，有九菜花，蝦米等，真的有點過咸，配啤酒會很爽，不過建議要小咸最後因為份量比想像中大得多，於是沒有叫羔燒芋，下次來會再試這店比較適合多人來，雖然每碟價值幾高，但份量很大，其實是滿化算，而且他給了我8折，500元最後400元就結了，哈哈

直接的士駛到大門口，落車即開飯，嘆到不得了。食客不太多，大量座位任君選擇，都係坐係室內較為乾淨企理，不用吸二手煙呢。熱鹽焗烏頭，阿嬸話烏頭仲蒸緊未出爐，所以無得自己出去揀烏頭呢。有人鍾意凍食，都有人鍾意熱食。我即時滴汗，唔係掛？雖然都有食檸檬蒸、泰式明爐、潮州半煎煮、等等。食左十幾年潮州鹽焗烏頭梗係凍魚飯最好味，您唔好呃我啦。新鮮熱辣剛出爐，味道怪怪的，朋友仔同我都覺有陣強勁泥味！魚肉勁濕滴水，溝稀黃油甘香味道。熱熱烏頭既黃油仍是液態，剪開魚皮已經令部份黃油即時流走，極度難食！專登荃灣飛的士過黎食烏頭，平時鹽焗烏頭已經完全放涼，魚肉乾爽嫩滑，結實多汁，黃油澎湃一滴滴，甘甜非常！無需要任何調味料，點天然黃油已經美味登天。潮州醉香蝦，蝦殼蝦頭炸得透徹完全脆卜卜，連殼都唔晒剝，成隻食持別冶味！炒得鑊氣十足，蝦肉保持爽甜嫩滑，仍然帶點肉汁。蝦身沒有酒香，而蝦頭酒味芬芳飄送，好香口惹味好味道！辣汁田螺，味道豐富濃郁，微辣醒神，依個汁用黎浸豬紅必定好味超合襯！美妙辣汁好味至極，調配神秘出色，其實因為個汁，所以才田螺食，對唔住喇田螺。田螺肉嚥韌，已被美味辣汁完全滲透，惹味刺激一粒接一粒食唔停口。我最

聽聞大圍呢間打冷好出名，今日有幸黎會一會。一入去都幾開心，淋郎滿目擺滿唔同既菜式，咁先飲打冷，生熟既野佢分開左兩邊，擺得好乾淨衛生，仲好吸引，特別條烏頭，勁大條好似好好味咁。呢度仲有比較少見既獅蚶，我都係第一次食，鮮紅色既汁，半生狀態唔係人人接受到，但配埋個汁真係幾鮮味，仲叫左個鳳梨蝦，啲鳳梨仲好食過隻蝦，啲蝦好大隻又爽脆，仲有胡椒豬肚湯，呢個唔夠胡椒，唔夠熱，冬天食應該正啲。個鹽焗烏頭真係好正，原條上碟，上枱時侍應一手打開層皮，條魚仲好熱，新鮮魚簡單鹽焗就好好味，仲掛住元朗烏頭呢個牌，淨買呢條魚都唔平啦，非常值呀！

今晚拖男带女, 山長水遠嚟到顯徑呢間人氣大排檔開心團拜， 食店位於村屋又唔近火車站， 地下及樓上都有食枱， 上落樓梯要小心， 樓梯油油地， 有點滑， 今晚一班女人吱吱喳喳吹水 ，搞到我冇心影相， 加上隔離枱班男人講嘢又大聲， 我哋傾偈要好專心。大家都唔想諗， 一於來個套餐。鄉下佬歡樂餐 ($1280 /6-8人）套餐話就話六至八人， 但我哋九個人都食剩好多嘢， 全部大大碟‚ 分量好多， 果然係比大食鄉下佬食的， 哈哈~~~ 個套餐名改得好貼切!**鹽焗元朗烏頭 ~ 正宗元朗楊氏出品烏頭， 鹽焗最能突出烏頭嘅黃油鮮香， 不過我覺得生昌焗得過火咗少少, 烏頭肉有啲over 了。**胡椒鹹菜豬肚湯 ~ 夠曬香辣驅風， 豬肚煲得好諗， 湯頭冇乜押味， 胡椒味夠，好飲。**金牌鹵水鵝半隻 ~ 滷水鵝滷得入味， 半肥瘦， 鵝肉嫩滑， 鹵水汁香而不死鹹， 好味， 下面底部嘅花生及豆腐都好食。**廚神介紹花枝蝦棗 ~ 炸得香口及爽爽地， 有花枝/蝦既鮮， 味道可以， 略嫌唔夠彈牙。**潮式醉香蝦 ~ 蝦先走油再用香辣蒜蓉炒香， 香辣惹味， 何解叫醉香蝦呢？ 完全食唔出酒味。**潮州豬腸釀糯米 ~ 我的

今晚阿仔突然間好想食打冷，諗嚟諗佢屋企附近都冇邊間好食，最後決定揸車去大圍， 如果自己揸車，可以直接泊喺生昌旁邊的露天停車場。 我哋到步後馬上被安排入座室內長抬， 三個人坐得非常闊落，讚我哋點咗以下食物:潮州鹵水墨魚併生腸…… 墨魚有甜味、生腸爽口。淨豬紅…… 由於我們一家都不吃韭菜，所以問老闆可唔可以走韭菜，結果係得嘅，好味！菠蘿咕嚕肉…… 呢碟餸係阿仔正愛，一個人食曬碗飯。 蒜蓉豆苗…… 上枱時仲熱辣辣，好大碟，重分量。整體每碟餸菜都非常大碟，我哋一家三口食唔曬，如果約一班朋友嚟就更加好！

上個月去生昌食左個金湯蓮腿雞煲翅真係好足料，足夠4個人食。今日心思思叫左個外賣返屋企嘆，即刻出事，個外賣碗仲細過個車仔麵碗，份量減半，料就更少，3分2係菜。打電話去問，佢地話外賣碗係咁細，唔同堂食個煲，依個答案太新穎…有圖有真相