新興棧食家

Open Now

Now Closed

上星期見寒冷襲港, 是吃生滾粥暖胃的最佳時機! 由於人多再加上是生滾粥的關係, 等了15分鐘才有得食, 又凍又餓, 時間真難捱....點了魚腩粥($22)--魚腩輕輕爆過, 份量十足啖啖肉, 吃得過癮~魚卜粥($27)--粗略估計有十幾個魚卜之多, 咁大個人都未試過一次過食那麼多魚卜, 所以吃到尾聲有點膩。

星期六，涼風細雨，一個人走在佐敦，原本想去吃蛇羹、飲蛇湯。但在走入蛇舖前，是一舖之隔的這裡寫著「港九馳名‧粥品第一家」，店內人客不少，阿姐在爐頭一煲一煲的滾粥，看樣子都應試得過，就臨時改變主意，來了這裡。這裡同附近的金源及和味生滾粥幾似，地方是舊式粥舖，麻麻地好坐，而又係魚粥加及第粥的專門店。呢幾日天氣漸涷，要吃多一點能量，就棄魚而要了一碗及第粥加青，順道亦可以與金源及和味比一比那裡較好。都好多人叫粥，而這裡又是逐煲生滾的，所以都等左十分鐘有多至有得食。粥來到，見蔥不算多，正想叫其再加，但用羹一撈就知何解，是料太多的原故~好幾片豬潤及豬心、豬腰、粉腸、三粒肉丸，還有我估是上一碗﹝或下一碗﹞的幾片魚肉，加上舖面的生菜絲，及已加多了的蔥段，老實講，碗是有點小，亦變成罕有的「料多粥少」的場面。先試粥，是魚粥底，但沒有金源的鮮甜，味精有少少，不知是醬油或醃料，亦不嚴重，已算有水準。但就真如其他食家所言是非常稀，如果料多粥底又杰，都不是那麼容易吃得完的，而用料生滾，粥底好難綿的。加上個人喜歡較稀的粥底，所以覺得無問題。但如一定要吃綿粥底的話，不要來試；豬潤爽脆，好味道，雖然比起金源的是較為薄了一

經過一輪大節後，體重創十年來的新高，決定食d清淡d…..食我最唔鐘意食o既粥。Search過食評話呢間有讚冇彈，一坐定後，眼見人流不斷進進出出，亦不斷有外買生意。既然主打食魚粥，當然叫番碗魚腩粥，同一碗豬潤皮蛋粥及一碟炒麵，與老公share食。兩碗粥同樣大碗又熱辣辣，碗魚粥有七八舊魚腩，魚腩好鮮味又大舊，舊魚腩好完整，唔易散；而豬潤我估計有成10舊，豬潤好變參半，有d爽口有d有根的，皮蛋就唔多得，冇皮蛋味外，個蛋心仲係好實。講番粥底好稀好水，仲咸了少少。隔離個食客都向伙計投拆碗粥好水。而碟炒麵係凍的，我相信已炒了好耐，味道一般。食粥除了d配料好之外，仲有粥底才是精髓，雖然我唔鐘意食粥，講比較附近有間又係主打魚粥舖較好。

叫份薑蔥魚卜,包保魚卜迷流口水,無腥味,薑蔥味濃又無爆走魚味,份量有成十一個,只係HK$32. 【讚】加埋魚骨粥. 配搭一流

多得search的新功能(幫主萬歲！)，打入"魚粥"，便列出了此店。今午進店時間2:00pm,開始食粥2:15pm人很多，可說是川流不息－長者居多！粥底綿而稀和生記相似，但比生記更鮮甜！粥底而論妹記仍勝一籌。內有大量魚腩和加了少許生菜，感到好飽肚和滿足。吃完後兩小時仍不口渴，但那鮮甜感還在^ｍ^！在等食期間看貼在牆上的單張，原來此店入選了2004食神挑戰賽！

早在N年前小弟在一位姓蔡的伯伯的書中見過一篇「專食魚的粥店」的介紹，印象很深，原因有二：1.連四圍去，見多識廣既的士佬都揀呢度開餐。2.地方好污穢不堪。但地址卻忘了，亦沒有深究。直到最近才從友人口中得知原來就在佐敦，問明地址後今天專誠來搵食。那是一間在橫街中沒有裝修的殘鋪，門口放下了兩塊萬年前的古董透明膠擋冷氣，灰黑的地板和紙巾煙頭產生極至的和諧，桌上未清理的魚骨宣示著此店的光榮。從店內望出去更正對著最草根的白加士街垃圾站及公廁。如此充滿歷史感和階層性的性格館子，若不是被大大力推介，我是不敢高攀的。為了食，我硬著頭皮充闊佬，反正也沒有甚麼大不了。和多年前書中介紹有出入，現在已有及第粥皮蛋粥等少數非魚類粥品。此店特色是「成條魚食晒」，從魚片魚腩魚雲到魚唇魚鬚魚卜魚骨粥都有。友人推薦魚卜魚唇，並聲明可能很早就賣晒。一問，有，魚卜粥唔該。同檯的大叔叫了魚皮，一看，不是炸的，可能是生或者略略泡過。此味在妹記試過，一絕!此店的薑蔥更多，魚皮印象中比妹記少一點，亞姐幾錢碟?12元?來多一碟!賣晒?冇計。魚卜粥上檯，標準大碗。試一口，夠晒熱!比想像中稀，印象中妹記粥底好好多。不過鮮味真係掂，有很濃魚

呢度環境非常"喇渣",怕污糟就唔好0黎;但講到食物方面,呢度就真係無懈可擊.最出名0既魚粥,魚0既任何部份都有得食,當中魚較同魚嘴係我0既至愛.不得不提仲有薑蔥爆魚腩,一D腥味都冇,又香又嫩,仲有好多件添,份量十足,又抵又好味!