新城潮州飯店

Open Now

Now Closed

好耐沒食過打冷，新城潮洲飯店最招牌的菜是反沙芋和糖醋麵，糖醋麵煮成心形的，兩面煎得焦黃香脆，配搭砂糖和醋一起吃，自己下調料酸甜自己控制。反沙芋要在飯菜吃的差不多時才叫，用香甜脆口的反沙芋做完美結尾。

好耐冇食大排檔，琴晚大概七點去到已經排晒隊，等咗都起碼半個鐘先入到，嚟到呢度梗係要食佢嘅潮州滷水鵝片($138)，蠔餅($78)，同埋炒蜆(時價)。味道質素真係唔錯，嘢食都來得好快，不過我覺得個蠔餅如果多啲蠔會味道更佳👍🏽😋: 4/5🤑: total $300

九龍城🚇呢間新城潮州飯店🤩已經屹立多年，絕對係區內嘅老字號🇨🇳潮州飯店🥢。🚪門口位同好多潮州飯店🥢一樣放滿各種😍打冷食品🤤。當中不乏🥰經典春菜同埋😋各款滷水食物。入面地方唔算太大👌，係一貫老式🇨🇳潮州飯店格局。潮州菜中嘅🤩經典之一「春菜」佢哋係做得👍幾啱我口味，而且唔會太過鹹🤤。春菜煮得好腍😋好入味，加上豬肉🐖十分香口。呢度嘅🐷豬紅份量十足👍，幾抵食💰。入口香軟😍而且十分之入味，少少🤏香辣🌶️好開胃。佢哋嘅🦪蠔餅炸得好鬆脆🤩，而且勁大件！入面啲🦪蠔仔好飽滿又🤤鮮味，好正！鼓椒🔥炒花甲好夠火候👍，花甲肥美😋肉厚鮮味十足🤤，咸香微辣🌶️，好啱我口味！

九龍城唔止泰國菜出名，其實仲有其他好野食～😏今次我哋去咗1996年創立嘅「新城潮州飯店」，開業至今27年，係區內嘅潮州菜老字號，以招牌反沙芋和糖醋麵而聞名，平民小店格局，入夜後座無虛席。潮州春菜（$58）傳統潮州春菜，與腩肉同煮，春菜味道獨特，帶少許甘澀，剛好中和一下五花腩嘅潤感，加上腩肉肥瘦適中，配白粥或佐飯皆宜。☺️韭菜豬紅（$58）豬紅鮮香嫩滑無腥味，不過韭菜份量就比較少。花生豬手（$68）一碟份量都唔少，豬手炆得鬆化，味道香甜味美，不錯吃！食潮州菜，梗係要食滷水鵝！⭐️推薦❗ 潮州滷水鵝（$98/例）用嘅滷水係幾十年嘅滷水膽，鵝肉吸收了滷湯的日月精華，肉嫩入味。😋⭐️推薦❗ 馳名蠔仔餅（$88）蠔餅以半煎炸炮製，蠔餅外層香脆不膩，內裏保持軟綿，採用大粒珍珠蠔，蠔味香濃，軟硬適中，唔會一夾就散。椒鹽瀨尿蝦（時價）有差不多半隻手臂咁大，肉質肥美，打冷點少得啤酒🍻～呢度嘅啤酒價錢合理，青島都只係$25/大支裝，抵！😎👍🏻

店開6:00pm, 我同朋友7:00 就到，二間鋪已經坐滿晒，同時門口都已經排左好多人。 但係非常混亂，無飛仔。唔會知叫到幾號或前面有幾張枱。但好彩我地排左30分鐘左右就入到。今次我地點左最出名的蠔仔粥，糖醋麵及反沙芋。蠔仔粥細size 已經好大碗 ， 可以分4-6 碗小碗。超多蠔仔，用料十足，而且好新鮮。糖醋麵係心型， 非常可愛，麵十分脆口，加上醋及砂糖，別有一番風味。反沙芋，大大碟，每一粒都有砂糖包住，超超超正！下次會同多d 朋友一齊去，試多幾個餸

今日難得嚟到九龍城，冇理由唔識下啲潮州打冷嘢，於是揀咗呢間都幾多人排隊嘅潮州菜館☺️滷水鵝片拼鵝腸，果然係招牌菜，鵝肉超級入味，而且啖啖肉，鵝腸又夠晒爽脆，配搭埋酸爽嘅醋，簡直係味蕾一絕嘅享受❤️潮州春菜好特別，係我第一次食，感覺都唔錯，春菜好似芥菜，識落爽脆清甜；欖菜肉碎炒四季豆，鹹鹹香香，四季豆脆身，兩度餸都好好味🤤另外仲叫咗個豬肚湯，非常之好飲，胡椒味都幾香濃，而且好足料，有排骨、酸菜同埋好多塊豬肚，天氣涼涼哋飲呢個湯一流😆餐廳上菜速度都好快，而且人龍不絕，好受歡迎😍

🌟餐廳：新城潮州飯店📍地址：九龍城衙前塱道30號地下💰價位：～$100 - $200⏰營業時間：星期一至日 18:00 - 04:00📱電話：2716 9949講起潮州打冷，相信大家都會諗起九龍城～該區既潮州菜館百花齊放，加上屯馬線開通，去九龍城區就變得更加方便～今日收工同朋友去咗間充滿傳統特色既潮州菜館「新城潮州飯店」，佢地已經係九龍城區屹立左26年，可以好好感受下懷舊潮州風味！———————————————————🔹滷水鵝片 拼 墨魚滷水鵝片絕對潮州菜既招牌菜式，烹調過程繁複，每次食潮州菜都會必點！鵝片食落油香肉嫩，厚薄適中，而作為潮州菜靈魂既滷水汁咸香味濃，配合啖啖肉既鵝片同爽彈煙韌墨魚，呢個組合真係勁夾！———————————————————🔹炸蝦棗另一傳統潮州家鄉菜式，蝦棗用蝦肉手打至起膠，混合芫茜、胡椒粉再炸至金黃色，賣相一流！食落啖啖蝦肉，熱辣辣，爽口彈牙，勁滿足～記得點埋秘製金桔醬汁，呢個係配搭潮州蝦棗既最佳選擇!———————————————————🔹椒鹽沙追魚/風尾魚潮州人好鍾意食魚，處理及烹調魚類更有一手～第一次試椒鹽沙追魚拼鳳尾魚，兩種魚先用鹽醃制，待魚吹到乾身

呢間老字號潮州菜館，實在無華麗既外表，樸素非常。但除左人情味濃之外，試過佢嘅既菜色，相信都會想返轉頭🫶🏻［韮菜豬紅］好常見既菜色，但係食過最濃味最惹味既一次。豬紅好滑，韮菜好嫩唔會又老又多根。個汁好濃郁又辣辣地，我同老公用個汁撈左成碗飯🤤［胡椒豬肚湯］豬肚好爽口，胡椒味非常夠，仲低調地加左少少人蔘落去煲😳飲完成個人暖笠笠好暖胃，超滿足。［滷水鵝片］滷水汁既味好夠濃。鵝片肥瘦適中，啖啖肉，肉味齒頰留香。仲有埋滷水豆腐。老闆娘叮囑一定要點埋醋同辣椒油，成個味更加突出，正🫶🏻［反沙芋］潮州既特色甜點，好巧工夫架。芋條外層炒到好香脆乾身，但裡面就熱辣辣。外層仲包住一層炒到好脆身既沙糖，好味呀🤤

好耐無黎新城食，而家多人左好多😵😨😨😨 要排隊等位。今日得兩個人黎食，就叫左4樣野。.🍴馳名蠔仔餅 $88勁鍾意食呢間既蠔餅，蠔仔俾得好豪爽，又多又大粒又無沙，蠔餅炸得夠脆但唔覺好油。.🍴咸菜豬肚湯 $58大大碗，呢2日凍返啲飲呢個湯真係好鬼暖胃。.🍴潮州鹵水鵝件 $98必點鹵水鵝，$98呢個價真係無得輸，平絕九龍城，同埋最緊要係抵食夾大份🤭. 🍴椒鹽鮮魷 $128炒野都唔錯架，椒鹽類最好食，薄薄一層粉，食到個鮮味👍🏼

今晚同老友去左九龍城shopping, 路經一間老牌食檔，內裡坐滿食客，反正好耐無食潮州野，不如一試😍果然無失望，傳統地道菜式好有風味😋😋😋必食滷水鵝片，秘製酸醋是靈魂所在🤩再加個鹹肉韭菜花，好惹味🤤唔少得兩碗潮州白粥，平衡番個味蕾☺️有機會經過會再光顧的😬

自疫情後，其實都好難可以約到一班人出黎食飯，今次難得約齊腳，就揀佐一間好local既潮州打冷店過一下男人的浪漫。餐廳位於九龍城，以前一定要揸車先過到黎，自從地鐵站開通黎，過黎食飯真係方便佐好多。平日時間大約8:00到達，估唔到已經座無虛席，非常旺場。打開餐牌，大部分既菜式都圖文並茂，就算外國遊客都可以輕鬆點菜，難怪店內都可見2枱外藉人士。韭菜豬紅 $58非常大碗，豬紅煮得夠熱，底部有大量韭菜，湯底加佐薑煮，鮮甜好味。春菜潮州菜既signature，除佐喺潮州飯店，其他地方真係食唔到，好大碗，加佐肥豬肉煮更鮮甜美味。潮州鹵水鵝 $98鹵水鵝有2款，有骨既叫鹵水鵝，無骨既叫鹵水鵝片，爭$40，我自己就鐘意食有骨既多d，配埋啤酒絕對無敵，個底再墊有鹵水豆腐，其他餐廳多數會俾豆腐多過肉，而呢度就岩岩相反，俾佐勁多鵝，好抵食。潮州炒蟶子 $108餐廳用佐細隻既蟶子去豉椒炒，可以更加入味，好大碟，而且蟶子好肥美。馳名蠔仔餅 $78店員放上枱既時候我地全部都大嚇一跳，真係好大碟，有3大塊，蠔仔既份量好多，蛋餅底煎得香脆，配上魚露真係有幸福感。而潮州菜配上青島啤酒絕對係絕配，一班男仔有講有笑食到差唔多

4大1小想去打冷，山長水遠諗住試下呢間甘多好評的店點知差到連相都懶得影！叫左8個送鵝片…不過不失，唔算出色，好細碟胡椒咸菜豬肚湯…上枱個下見到滾水甘色已經知無味，飲落得少少胡椒味，完全無咸味…像加左滾水的湯椒鹽白飯魚…等左一個鐘三個字先到，由隔離店送黎，吃完一啖已經無再吃第二條衝動，無味的椒鹽白飯魚，連蒜味、咸味都無…一口粉！自己整都好食過佢…蠔餅…還可以，唔夠香口豉油王炒麵…等左個半鐘無黎到走人唔要！蠔仔粥…漏左單🙄！烏頭…無黃油，好細條…收16x ！味度正常，唔香豉椒炒聖子…望落好濃味…吃落像滾水整熟細聖子加醬…但是竟然無味的…吃晒6樣，前後等個半鐘，埋單走人，話d野無黎，對單，對完知道是落單個女士問題，老闆娘就甘同個落單女士講左句：我唔理你，你搞店佢，叫你唔好落單又要做埋…然後落單個女人走左去無理，個老闆娘又走返去收銀處唔理我地…我地成枱人呆晒…自己減返漏單同無黎的野後出去放低錢就走永久blacklist！好好奇d好評邊度黎？同場有另一枱，食左一碟野後等到發脾氣走人…

本身就係潮州妹嘅我，真係細細個食潮州粥、潮州餸大。近年因為媽媽不在，已經少了很多機會食到家常潮州便飯。自從加入潮州菜關注群組，攬到我心思思食日想食，終於今晚約埋家姐去九龍城食潮州菜。八點左右去到，已經坐滿座要等位。老闆娘都好好拎咗啲摺椅比我地坐住等。大概十五分鐘左右終於有檯了。入座後即刻睇吓食啲乜。潮州人家常飯餸 《潮州春菜》，呢個食番兒時屋企的味道。細細個屋企一定有一煲坐鎮，春菜要煮到又淋又入味，放入鹹豬肉，春菜吸收鹹肉香，送粥一流。《胡椒豬肚湯》呢個都係童年回憶，記得細個試過幫手洗豬肚，又要粗盬去潺又要白鑊炒完先煲，工夫都係唔少。另外胡椒最緊要煲夠時間先會爆開，湯先夠胡椒香辣味，飲完十分暖胃有益。加埋潮州酸菜，成個湯鹹鹹酸酸辣辣，又係一個湯，啲豬肚酸菜又可以做一個餸。《滷水鵝片》滷水鵝以前好矜貴，記得細個每逢過時過節，媽媽先會買一隻鵝返嚟自己劏。整滷水鵝要搞足兩日，都算是功夫菜之一。食鵝點都要有少少肥至好味，滷水夠味，入口有花椒八角香。呢間嘅鵝肉嫰甘香，片片厚薄均一，啖啖鵝肉令人齒頰留香。《煎蠔仔餅》真係潮州菜最受歡迎熱門菜之一。香脆惹味，蠔仔鮮甜，加埋芫荽蔥同魚露，大人小朋友都鍾

新城潮州飯店 (九龍城)九龍城衙前塱道30號地下潮州滷水鵝拼豆腐滷水鵝非常入味，啖啖肉爽口嫩，豆腐一樣和味，入口嫩滑，滋味無窮。馳名蠔仔餅煎得非常甘香酥脆，蠔仔鮮甜肥美有微微海洋味，調味非常到位，口感同味道都非常出色！鹹菜胡椒豬肚湯個湯超好飲，超級濃味，豬肚要處理可以話極多功夫，唔洗自己整餐懵就有咁高水準嘅豬肚湯飲，正！潮州春菜 春菜本身略帶輕微澀味，調味得宜就非常嫩口好味，有同豬腩片一齊煮，豬腩片點埋佢嘅潮州醬椒醬簡直好味到震！

今日同老媽子去食佢最愛既潮州菜，搵左間位於九龍城，好多人推介既傳統菜館，試下睇下好無食！——————🐽 春菜先叫一道傳統潮州春菜，菜煮到好林，湯底好鮮味，有小小似酸菜魚既湯一樣甘好飲🐽 胡椒豬肚湯豬肚湯一定要襯熱飲！飲落好順喉唔會有味精感覺，胡椒味重得黎岩岩好唔會太過火，豬肚都好入味🤣🐽 滷水鵝鵝肉好林，吸曬滷水味，食落口中有陣陣滷水香，真材實料🐽 煎蠔餅黎到我最愛既蠔餅，咬落好鬆脆！蠔肉好新鮮肥美，亦唔會太油膩，沾埋魚露食鮮味更加突出