鴻星中菜 (羅氏商業廣場) (Closed)

鴻星一直是我們鐘情的酒樓, 食物質素, 服務及舒適度都好少失手！最近開始在荔枝角出入, 也常光顧剛裝修好的鴻星. 但這間鴻星平日的點心比較少選擇, 幸好假期會有少量特別點心! 希望鴻星會增加點心的選擇 😋😋

今晚老細請食🧧開年飯，例牌嚟呢間鴻星因爲覺得服務好喔😝！第一道菜梗係發財好市，發菜都夠我地每人一小撮食攞個👍🏻好意頭，蠔鼓都好大隻；之前嘅酥炸蟹鉗🦀真係炸得好酥脆，一咬個炸皮就散晒，每個人都食得好論盡，不過蟹味🦀就真係食唔到喇；再嚟就係冬菇瑤柱燴花膠，冬菇好軟身好入味，花膠就好有咬口；跟住就係清蒸龍躉🐟，條魚真係蒸得啱啱好，啲肉好嫩滑；終於嚟到我最愛😍嘅西芹合桃炒帶子，今次啲帶子冇咩鮮味，反而合桃炒完都好脆口加返啲分；最後當然上甜品紅棗糕，呢道菜已經好少係酒樓見到，或者係我唔留意，每次食都覺得佢嚟得太遲，因為佢唔太甜亦好重紅棗味，好軟身但唔黏口，不過食到最後只可以勉勉強強食到一件咋😭！

是日帶小吉覆診，當然，要先吃早餐吧，文迪想飲茶，那不如近近地，來鴻星海鮮酒家吧。閒日的早上，人客不太多，只是有不用上班的長者。我們仨在這裡，感覺是幾特別的。蓮蓉西米焗布甸：8分 黎生的金句是不會空肚食早餐，但其實我們是不用怕空肚食甜品的。這天一早起來，就先來客甜品，蓮蓉西米焗布甸是也。剛剛焗起的，自然是熱辣辣，蓮蓉夠香甜，布甸質感亦對辦，以一客甜品來開始新一天，真好。蜜汁叉燒腸：7.5分 文迪最愛吃蜜汁叉燒，基本上，每次飲茶也會來上一客，是日當然也沒有例外。這裡的腸粉，質感不俗，夠薄身，而入面的叉燒，肉質不會太實．如果蜜味能夠突出一點的話就會更加好。皮蛋瘦肉粥：7分 吃早餐，傳統智慧還是要吃點粥，那就來客皮蛋瘦肉粥吧。粥尚算煲得幾綿，但就不夠米香。不過皮蛋就勝在下得夠多，下火一流。

2019年2月17日（星期日）長輩生日🎂， 實行齊歡興、同慶賀!食物焦點自然落在壽包上。壽包上枱要等至少15分鐘，都係值得嘅！造型超可愛，氹到壽星笑到見牙唔見眼，大家爭住拍手掌同影相。 之不過，啲壽包唔夠熱，唔駚熱到燙手但係連個包面都唔熱就有D離譜喎！都係因為太開心，上枱無即時檢查！點心質素高，水準以上就是了！難得一見嘅錦鹵雲吞都有得食！最吸睛係應節豬仔同Q版石頭魚餃，靚到唔捨得食!但係查實又食唔出石頭魚餃同蝦餃有乜嘢唔同喎！小菜出色燒鵝香脆多汁，好受歡迎，但其實餚肉最正，豬皮爽兼啖啖有酒香！蒜菌炒四季豆，不同材料都佈滿牛油香味，好好味！樓面唔夠人手，夥計面窿窿就唔係幾好啦！

阿E生日，我地一家要去到荔枝角同佢慶祝生日，同埋佢話想食海鮮餐🤪，就叫左一個有d 海鮮嘅餐，有鮑魚，龍蝦，扇貝，鴨，菜 ，糯米飯，仲有個棗紅糕添。另外再叫咗個炸豆腐，同埋有個蝦。飽。。

以前喜歡帶屋企人去，因為有得book枱；嘢食都好味；雖然不算熟客；但如果去家人飲茶；佢係首選。裝修後第一次去；但感覺不同了，首先門囗那位reception態度麻麻地；book咗枱去到話執緊檯都唔緊要；要我地大大小小到門口等；執好又唔出去通知。好彩D侍應態度幾好攞返分。但點心質數比以前差咗；但價錢又貴咗。覺得物非所值

前陣子鴻星裝修, 今日經過見到新面貌, 不知食物水準有否提升?只有兩口子食飯, 吃不了太多餸菜, 最後點了個龍蝦伊麵跟蜂蜜叉燒。叉燒賣相非常吸引! 不過味道就難食是因為有陣豬'除´味湧出來! 肉質不軟, 有點韌。 百多元一碟叉燒, 怎可能比街市的燒味檔差!? 真的非常難食! 但畢竟也不便宜, 所以也只好硬著頭皮吃光。他還說我邊吃邊黑面, 當然啊！一心想食美味叉燒, 但難食還要勉強自己, 心情不壞才怪。龍蝦伊麵就比較正常, 上湯烹煮不會太膩, 味道不錯! 份量上基本一個人也可以吃光整碟。龍蝦不是大隻那種, 肉不是太多, 還好肉質尚算彈牙, 且帶點鮮甜, 還不錯吧! 不過被那個豬'除´叉燒嚇怕, 加上價格亦頗貴, 埋單差不多500元, 但就只有兩個菜, 個人覺得不太抵食, 今次之後, 都不會再來了!

終於等到鴻星再一次做大閘蟹宴,一見到佢推出優惠就二話不說訂位去食lu!!!!! 我哋order左每位$455嘅餐,套餐包括兩皇一后大閘蟹，仲有蟹粉湯包，帶子湯羹，包蝦仁，仲有臘味飯添啊！！一坐低就有人問我地飲花雕定係飲橙汁，由於聽日仲要返工嘅關係所以我哋淨係揀咗飲橙汁，然後就上咗我哋嘅大閘蟹啦，餐廳嘅貼心安排每一次只會上兩隻大閘蟹，見我哋差不多吃完先在order下一轉以為今年大閘蟹辭咗供港質素會冇咁好，但都係爆曬蟹膏㗎㗎....超級正餐廳仲提供左熱嘅薑茶，薑味濃而且唔太甜，已經定左位下次再食lu

之前常到這裡飲茶，昨天是裝修完後第一次。之前雙熟的知客不見了，有舊人企在知客岡位，但無招呼我，自己搵位坐，好多空枱。點心款式少了很多，我嫣媽喜愛的粥、腸粉、煎糕和煲仔飯全都欠奉，我感覚點心全是中央廚房預制的。但味道還是不錯。價錢也加了一成有多！由於點心選擇少，暫時都不會再來了。順帶一提，上次在這裡吃晚飯，感覺是太多油特别是其中一味抽皮蒸排骨。

見荔枝角的鴻星海鮮酒家剛裝修完，藉著星期日特意與老公及奶奶試試。整間餐廳主色為粉墨綠色，枱椅間隔同以往差不多，不會太迫，亦未致很鬆動。以前的吧枱及即時煑食的長枱取消了，可容納更多枱，這可能是不用等太久的原因吧！點心選擇同以往差不多，少了砂窩飯（我奶奶至愛），變成蒸飯。最奇怪是我們想叫鮮蝦蒸腸粉，服務員告知是沒有拉腸粉😦，最後我們叫了其他點心。第一個是飲茶必叫的义燒包，包皮不厚，緊緊包著豐富的义燒肉，混和香甜的义燒汁，好味！👍🏻👍🏻👍🏻接著的山竹牛肉球，雖然知道不太健康，但我們仍叫是因為知道牛肉球比較稔，奶奶易食。這個點心，它與其他茶樓差不多，沒有驚喜，我亦略嫌牛肉味不濃。這個鮮竹卷樣子不錯，但我會評為不合格。首先是芡汁太稠和濃，有點粘口。雖然腐竹皮夠薄及包著的肉都多，但汁太濃，只食到𧐢油味而不能食到肉卷本身的味道。👎🏻臘腸鷄盎頭飯味道唔錯，臘腸不肥而鷄肉嫩滑，加咗少少豉油，香氣撲鼻。飯餸比例也足，可以推薦。😃😃😃我們亦叫了蟹子燒賣皇及豉汁排骨蒸陳村粉。兩者比較，陳村粉做得更出色，排骨又稔又滑，陳村粉亦好薄，加咗豉汁，十分惹味。燒賣亦有鮮蝦，蝦肉與豬肉比例勻稱，味道OK。可惜我地掛著食而

My friend was craving for dim sum, so we chose this restaurant located at Lai Chi Kok. Arrived at the restaurant around 13:30. We had 4 people in totally and we got table right away. Wasn’t a lot of people considering on Sat, was about 70% full. Overall, will rate this restaurant 3.5/5 (must try BBQ pork)BBQ: juicy and tender with nice BBQ sauce. Pay Fried Radish Cake: nice ingredients and pan fried nicely. (Great match with xo spicy sauce) Steamed Shrimp Dumplings: quite tasty with reasona

好少去荔枝角，咁啱去開又唔知附近有好似，咁就同幾個朋友去咗鴻星飲茶。呢間鴻星期六中午時間唔多人，唔洗等位都幾正！我地都係點咗啲正常點心，蜜汁叉燒，香煎蘿蔔糕，沙爹魷魚，蝦餃皇，糯米雞，咸水角，就嚟到端午節緊係要要叫隻瑤柱火腿糭食啦！平時食鴻星嘅產品比較多，中午飲茶真係第一次。原來呢度飲茶會有前菜，有兜炸白飯魚花生，盛惠4蚊一位，未點嘢食已經食哂...哈哈鴻星蘿蔔糕一向都好食，鐘意佢裡面有一舊舊蘿蔔。蜜汁叉燒燒得夠香又夠多蜜汁沙爹魷魚略為有啲淡蝦餃皇比想像中細，但隻蝦都夠鮮瑤柱火腿糭大大隻瑤柱，大大隻咸蛋黃，可惜唔流油

新年食開年飯，最怕只能夠食套餐。所以年初五這裡還有不少點心選擇，真的很好！↑狗年新年有特別的點心～我們點了2份「金蠔狗仔包」🐶其實1份有2個，桌子太小不夠位的關係，我們把它們放在一起↑薯仔炒牛柳粒看著不錯！↑必需一讚當日的炸點心做得很好！上菜是脆的！雖然新年人流多，但不會預先炸起～↑另外炒腸粉也值得一提！腸粉皮夠薄但不會黏在一起，輕輕炒過而帶點焦香味，再撈豉油，好食！↑菜餃的餃皮稍嫌有點厚，而且太軟，一夾就爛了。其他點心就跟平常差不多，新年繁忙時間能保持一貫水準，算是不錯👍🏻

所謂不時不食，在不同季節，這酒樓均有不同的以蟹為主打的招牌菜式推出。但這次蟹卻居次席而成贈品，主角卻是古都烤鴨。整體菜餚碟頭份量不大，我們10人吃的是12人飱，但卻僅可夠飽，若是12人一定不夠吃！再者烤鴨太瘦太乾欠肥美！而生炒糯米飯則太濕和「淋」，可能糯米浸或蒸的時間太長，可說乏善足陳！相反，免費隨宴附贈的阿拉斯加蟹卻獨領風騷：）替此席挽回積分！蟹味肥美鮮甜，凍食更能存其菁華，若有清酒佐膳，更為美事。不過，單是這蟹已值回票價了！

到左秋天，又係食蟹嘅季節，雖然今年大閘蟹被封殺，但都無阻我食蟹嘅興致! 今次去食鴻星的古都烤鴨宴，但重點係佢個餐入面隻阿拉斯加蟹!首先上的係古都烤鴨，以北京填鴨的方法去食，呢隻鴨雖然細隻D，但都皮薄餡正，鴨的油份剛剛好!另外就細呢個一鴨兩吃，用鴨肉煲湯，味道雖然淡D，但呢個季節最需要湯水滋潤一下!主角到! 呢隻蟹好大隻! 雖然已經凍左，但蟹肉非常鮮美，而且好多肉，好似成條大蟹柳咁!啖啖肉!鮮甜多汁!唯一真係整左好耐，等成半個鐘先有得食! 隻後都有其他海鮮，味道都唔錯，但無特別驚喜!