鮨勺

Open Now

Now Closed

同小朋友經過五知食咩好 最後遇到間日式居酒屋一心想試下 我哋主食叫左A4和牛炒飯👍🏻使用A4和牛 肉質鮮嫩👍🏻香氣四溢👍🏻米飯粒粒分明，搭配了青蔥與蛋，成碟飯好豐富。份量十足！和牛的油脂融入飯中，口感滑順，小朋友乃都話好好味串燒我哋叫左 豚肉蘆筍卷 燒雞腎 燒番薯 燒雞翼豚肉包住新鮮的蘆筍，外焦內嫩。豚肉仲帶有微微既甜味，蘆筍好清脆👍🏻小朋友都好岩食👍🏻👍🏻燒雞腎既外皮焦香，內裡鮮嫩。每一口都有好濃郁既肉香👍🏻燒番薯仔 番薯口感軟糯小朋友既最愛👍🏻👍🏻系一道解膩的好選擇燒雞翼表皮好酥脆，好多汁。又入味 如果搭配酒，絕對系一流！居酒屋小店的菜品多樣，仲有刺身魚生 下次約朋友gathering都好阿👍🏻👍🏻強烈推薦！

由3月份第一次試完，就開始一直有嚟幫襯仲有介紹朋友黎試。今次專程約朋友黎食飯點知成師傅走咗囉。（我印象佢老細嚟點解走左😭）一直支持嫁麻，竟然唔通知聲我搞錯阿。入到去廚師換晒人當下好尷尬，介紹咗朋友嚟試師傅手勢。睇到OpenRice先知，原來喺有知音人，唔止我覺得唔掂。今晚食完直頭係嬲囉朋友話下次唔好再嚟食物加左價、味道分別明顯大、嘢食係無咗熱誠整。朋友仲話以個價錢，駛乜特登入嚟食。首先個青瓜前菜辣到痴線，同超咸，我好奇究竟個師傅有無試味先比人食。雖然係送嘅，但唔比好過比。以前好好食㗎麻，以家個前菜唔好比人食la。左口魚邊嗰樣唔同晒都算，仲要係唔好食，個左口魚食到火都嚟，收成百幾蚊，加紅色羅白蓉同蔥。賣相好樣衰，味道仲唔好食，三文魚籽同個醬都無咗。醬油鵝肝以個喺成餐飯最好食了但個味始終無之前師傅整咁好食。豚肉糖心蛋味唔夠，而且出面塊豚肉燒得唔好，搞到同入面隻蛋做唔出果種層次對比出嚟。😮‍💨之前外脆內軟，幾十蚊食隻糖心蛋就喺食功夫。牛舌芯望落無咩事，一咬想講粗口🤬，喺咪呃我㗎以串喺牛舌芯？？？好難咬喎牛舌芯？？？認真？？🫵🏻燒雞皮又燶又咸又苦，其實有無自己試過，咁都出得比客人食。之前嚟食，

又再一次光顧小店喜出望外 😍A每次來到小店都有特別驚喜細至前菜滇都有擺盤真係見同師傅傾計就知佢有要求，仲會介紹時令食品小食仲有新鮮雞肝，醬油鵝肝厚切刺生 🤤🤤壽司質素👍我下次會再帶朋友來試🥰🥰🥰

來了才得知大廚不在了，換了師傅😢心感不妙但又不好意思走人作為食客 好想講聲以前主廚太好了standard咁高 除咗食物味道 仲有個氛圍同人情味客人難免都會比較小店來說 廚師絕對是鋪頭的靈魂以前師傅不但熱情又會記得食客喜好而且看得出 食物有用心做 有誠意食客真係感受到同客人有互動先會留得住一班熟客仔對比下現在新師傅感受唔到有熱誠有心不論擺盤 食物質素 味道 就連米飯都差了以前好好味的青瓜前菜現在是不夠味道串燒一般般沒有以前水準是一定刺身份量好薄 而且看著就不是很新鮮飯個人感覺以前好像比較圓 現在好像長了不知是否心理作用由一間有心做的小店一下子下降成這樣 真的很可惜小店的人情味不是鋪頭而是人 相信不止我 很多人都想去找師傅😢

平時都不時會過黎食野。早排午市同朋友三人行點左三式三文魚丼魚生分量細件左，而且無左個醬汁。左口魚邊丼左口魚同平時完全唔同，好似是旦放上去咁，一樣無左醬汁。拖羅蓉丼以前食拖羅蓉會有加切碎左既黃瓜，同個啡啡地酸酸甜甜既醬，以家變成拖羅蓉加蔥花。餐湯同青瓜前菜個味都變晒。加上飯有小小好似未熟。對比下，現在整體野食好普通。晚市有再試下串燒燒牛舌芯係幾大件同厚，但咬唔到，感覺唔係完全牛舌芯。燒白鱔有骨同有泥味，第一次黎食既時候推介白鱔係話完全無骨，同無泥味燒雞皮雞皮好濃，咬落好苦同好喊燒雞心同燒雞肝一般般，因為太熟了。第一次黎食，係一個光頭四眼同帶頭巾既師傅。二個都唔係到應該換左人。氣氛唔同左，第一次黎員工好熱情，有傾有講，師傅又會問好唔好食，同會見師傅主動同客人傾計交流，今晚唔多人，搞到食得好緊張，同第一次反差好大。野食質素大不如前。

在中秋節的晚上，給朋友訂了枱慶祝生日🎁，本來興高采烈的，想要來吃一頓美味的日本料理，結果主廚不見了，掃興之餘，只是在節日的日子也很難找到別的餐廳，也勉為其難坐下來。因為這緣故當晚他們只提供例如燒烤等熟食，平時主打的壽司或刺身都沒有供應。本來沒有了主廚👨‍🍳，餐廳方面應該聯絡客人，但我也沒有多少的投訴，只是覺得，原本的主廚成師傅，廚藝了得，對食客照顧周到。因為這個原因，才特別訂枱招呼朋友，所以希望在這裏分享一下，作為食客，我和朋友們的感受！

今日4人聚會，專登黎試全雞宴。新鮮三黃雞好食到痴線今晚都食左好多野燒白鱔、醬油鵝肝、鮑魚羅白、壽司平時都有食開所以無刻意影。今日主角係全雞宴雞肝、雞心、雞腰、雞柳、雞胸骨、雞冠、雞尾、雞頸、雞喉。一試難忙，好食到痴線。雞味濃香。雞翼、雞上脾，雞下脾筋。最後雞湯，嘩碗湯正到，我仲加烏冬最後終於有甜品自家制茅台雪糕，又係痴線咁好味，第一淡已經好香茅台味，以為差不多，但愈食到尾酒香仲更加出，非常出色。一般小店可以做到咁高水準，整到咁多款式菜，仲要極多功夫菜，真心痴線級別。仲有佢地煮既羅白都好鬼好食。我三個朋友第一次黎滿意到成餐飯狂讚

🍱三式三文魚丼 $78三文魚丼有三文魚、燒三文魚、燒三文魚皮各3塊🍣，全部都好新鮮，三文魚同燒三文魚嫩滑肥美，燒三文魚皮爽口，口感似鰻魚，加上醬汁配搭得非常好👍🏻 ，飯用咗珍珠米，加咗飯素同埋豉油🍚，入面仲加咗少少醋配搭薑片開胃😆仲配上清爽青瓜前菜🥒，仲有味噌湯，味噌湯係用咗蝦🦐、蜆、白蘿蔔仲有昆布熬成，蝦煮到溶，帶鮮味😝，前菜食到底個碟有驚喜，仲有條錦鯉裝飾😻.🐟鹽燒鯖魚丼$58鯖魚燒得好好保留咗肉汁唔會柴😆，好鍾意佢個醬汁同鯖魚配搭得好夾😝，非常之鮮甜，而且唔腥，一樣配菜同味噌湯，味噌湯係魚湯，魚湯好好飲，整得好好一啲都唔腥👍🏻✨超高CP值，食物質素高，刺身新鮮，除咗刺身當仲有其他日式熟食便當，好抵食誠意推介，日式木系裝修，加上燈籠裝飾，座位舒適

最近成日落雨，lunch 唔想行太遠所以嚟左呢間食日本野...之前食過熟食都覺得唔錯，所以今次嘗鮮試下角切魚生飯份量不算多，但係入面的魚生都唔hea, 應該有雕魚 三文魚 油甘魚等等，魚生都算新鮮！佢個飯本身已經有調味，似係赤醋飯，所以你最好最係加少少豉油已經夠曬味。面頭有啲芝麻，感覺上好似有加左少少麻油，增添香味！我唔記左影佢個味噌湯，非常有誠意，係用大量蝦頭去煲，每碗都有1~2個蝦頭，仲有一粒蛤蜊，幾廿蚊嘅價位算係性價比高了。

真係活咗咁多年人都從來未寫過食評但係呢間嘢真心黐線，嘢食唔係話真係特別好食，我同朋友本身都冇乜要求，我唔明啲好評究竟係喺邊度嚟。全程食嘢隔籬枱三個人我唔知係佢嘅熟客定係點樣？就算唔係熟客，全程食嘢，一邊聽住隔籬枱三個人好似食咗100個喇叭咁勁嘈，我理解佢地飲咗酒或者去食飯大家輕鬆傾偈係完全冇問題嘅，但係佢地大聲到根本係可以係影響到食客，點解店員或者老闆係可以坐視不理？我哋食飯都淨係想安心食飯，而唔係想係咁俾噪音滋擾不停要聽住佢哋係咁討論前夫如何（唔係特別偷聽，完全冇興趣想知道佢哋傾偈嘅內容，係咁嗶哩吧啦嘈到我地頭真心痛）

土瓜灣穩世小店 空間不太大 最好預先預約順便問下今日有咩新鮮食材有幾道菜真的有驚喜，必食推薦🌟第一 生蠔🦪因為餐牌沒圖，加上每日新鮮運送完全唔知道係咁巨型！真係手掌✋🏻咁大，好鮮甜因為鋪頭細細，我地叫完蠔引起隔壁全部食客都叫生蠔！第二 醬油鵝肝本身鍾意食鵝肝 呢個價錢兩片真係性價比高 聽老闆講好多人特登外賣呢個第三 燒白鱔皮燒得脆脆，入口魚肉有彈性，無細骨，無魚腥味，正 。仲有雞皮蝦都幾特別～其他串燒，壽司都好味，以上三碟必食咁解鍾意小店，居酒屋就唔好錯過喇！晚餐每人均消$500

呢間小店收埋係紅磡弄巷入面, 店仔細細但係食物質素幾好! 之前食過lunch覺得抵食, 所以又過來encore!記得上次食過D魚生飯都唔錯,可惜最近有D病病地, 所以廢是食生冷野, 所以今次第一次試下D熱食先! 於是就叫左鹽燒鯖魚丼!丼飯配有前菜青瓜同麵豉湯, 麵豉湯係我見過最足料的麵豉湯, 每碗都有2隻蝦頭, 相信係用左大量的蝦黎煲! 另外仲有一隻蛤蜊 同少量海帶, 非常鮮味! 之後就上埋鯖魚同白飯, 白飯似係用日本珍珠米, 口感軟糯, 配有少量飯素, 非常好食~鯖魚都有相當的份量, 厚得黎燒得仲保留到肉汁, 完全無平時鯖魚的腥味! 肉質無平時的鯖魚咁乾柴, 非常有驚喜!埋單都係58蚊, 無收加一, 實在算係抵食了!

鮨勺 (土瓜灣)啟岸隔離一間人細居酒屋，一間細細間環境唔算大，但係個食物質素幾高！未食之前已經有前菜青瓜同一碗湯😻濃烈嘅免豉湯🙈廚師係好用心 外表都好吸引！🔸三式三文魚 丼飯三三文魚×3、燒三文魚×3、燒三文魚皮×3燒三文魚皮部變得脆脆口感釋放出豐富魚香味😻另下飯仲要係唔係普通白飯😋係溝左小小醬唔會好膩又好味既飯🔸雞肉親子丼呢個飯比足誠意！外觀睇落已經滿分💯分量正常男人計係飽晒！嫩滑既雞肉搭配蛋液炮製出濃郁既口味😻豐富層次，蛋液好柔嫩包住雞肉增添滑嫩的口感。地點：土瓜灣崇志街20-30號明華閣地下C號舖🔸味道：9/10🔸環境服務：9/10🔸推薦：9/10

午餐唔知食咩好，經過呢一間日式餐廳，平時見好多人幫襯，今日見有幾個吉位，於是就入去坐低嘗試吓啦！坐低諗住睇吓食咩好啦，本身想食魚生飯嘅蛋諗諗吓早幾日啲腸胃唔係太好於是想食熟嘢就叫咗呢個咖喱吉列豬扒飯！個麵豉湯隻蜆仔都誠意十足，同埋有好多薄切蘿蔔片，以一會麵豉湯，材料都算充足！飲落絕對用唔似係用粉分開嘅麵豉湯。吉列豬扒炸得幾脆嘅，咖喱都好香濃！70幾蚊一個餐嚟講都算中規中矩啦，下次可以試吓其他魚生飯！

Booked a table for two at Sushi Shaku on a weeknight! It was empty when we arrived at 7, but soon filled up with customers! Lovely boutique Japanese restaurant ran by Chef Shing! All skewers were made to order, fresh and great quality! The menu was good size with a lot of sushi and sashimi! But we ordered a lot of our food from the seasonal menu on the board recommended by the lovely waitress- who was very attentively! Food: -醬油鵝肝 Marinated Fois Gras The dish was well marinated with a tangy sauc