舍利鮨 (Closed)

已經好耐冇去過日本了，但係又好想食日本級數嘅壽司，所以近近地喺新界區裏面搵咗一間比較新一啲嘅omakase日本餐廳。元朗呢間舍利鮨聽聞呢度嘅師傅係首席級數，想試佢嘅手勢好耐。環境好新淨簡約，用上淺白色嘅木材做主調，氣氛比人一種好和諧感覺係會食得好舒服嘅晚餐。夜晚嘅Omakase有2個價錢，分別係15品嘅$1300，同20品嘅$1600，今次就揀左$1300，有前菜，刺身，料理，壽司，湯品同甜品。特別想講有幾款令我印象深刻嘅壽司，牡丹蝦，用匀成隻蝦每一滴精華造就呢一件壽司，蝦肉飽滿鮮甜帶黏，混合埋蝦膏食更香！🤤中拖同大拖接住上，中拖油脂比較少，但鮪魚味好突出，再食埋件大拖羅，油脂同魚油香完全喺口腔入面爆發，好好食🤤秋冬先食到嘅季節性香箱蟹係今晚嘅MVP，香箱蟹，即係雌性嘅松葉蟹，蟹籽比平時見到嘅深色但非常飽滿！十分香濃，好想一口接住一口食😳蟹肉，蟹膏同蟹籽一齊食嗰種鮮味完全釋放出來，難忘！

冇得去旅行, 周圍搵好味既日本餐廳就變左我呢一年黎做得最多既行程!!! 呢日搵到黎元朗呢間omakase, 一路都好中意食omakase, 因為可以睇住廚師精心咁準備食物, 成個過程都非常透明, 同埋同廚師既互動真係食omakase 既一大樂趣! 坐吧枱就可以睇哂呢個咁精彩既過程! 餐廳既裝潢未入去都令人知道係日本餐廳, 裝潢以木色為主, 吧枱位置排排坐圍住廚師, 就算隔離坐左唔識既人都加左透明隔板隔住, 防疫衛生都做得幾足! 可以放心享受下美食! 今晚既餐單有牡丹蝦, 白蝦, 深海池魚, 大拖羅! 兩款蝦都真係非常鮮味! 食入口個種鮮甜味食個口到停留勁耐都仲有! 唔捨得飲茶/水沖走陣鮮味! 兩種魚都好正! 我超中意大拖羅, 大拖羅既油香真係好好好正! 入口即化, 都唔駛用力去咀嚼! 呢晚真係超高既享受, 希望晚市堂食可以快D有番, 咁我就可以再次有我既偽日本之旅!

Omakase 廚師會嚴選時令食材🤤🤤超級鍾意食日本嘢嘅我今日出糧！梗係要食好啲啦~呢間環境好靚！！ 夠哂有feel👏🏻大拖羅是整條吞拿魚擁有最多脂肪的位置😍😍一啖食落去真係肥美鮮的味道啊🤩🤩勁好食！松葉蟹肉加蟹膏🦀 真係而家睇見都流晒口水呀 ...日本松葉蟹肉、蟹膏😍😍有唔同層次嘅鮮甜味更加打開味蕾🤤🤤醬油漬刺身漬汁太好味了😋放在刺身上再吃質感柔滑軟嫩，魚油甘香🤩🤩赤貝赤貝刺身食落肉質更爽厚🤩🤩味道更鮮甜！

FB彈出之前去日本旅行既靚相相，我呢個旅遊精好想去日本呀。無得去旅行，唯有搵間好啲嘅日本餐廳止下癮，朋友就帶我去元朗既舍利鮨，店內裝修以簡約和風設計，好別緻，出面街外又見唔到餐廳入面，唔會好似比人眼望望甘。我地坐壽司吧枱，咁樣可以望住壽司師傅用心整壽司，師傅又可以簡單介紹佢既出品。海膽壽司，呢度既海膽係拍賣級數，食落真係鮮甜，真係落重本。剝皮魚+魚肝醬，都係高級野。由其係魚肝醬，非常香同埋肥美。深海池魚，新鮮，魚脂平均。呢度食材係日本魚市場每日直送到香港，質素有一定保證！

好耐未食過Omakase，知道啊元朗開咗間新嘅，就晏晝走去試吓。晏晝食無夜晚咁貴又其實都冇乜大分別，所以搵左日晏晝同個朋友去試試。叫得廚師發辦就係廚師拎當日最新鮮嘅食材出嚟，今日就試咗個海膽，白子，赤貝，松葉蟹肉+蟹膏同埋三文魚子海膽飯😍首先見到廚師拎左個勁大板嘅海膽出嚟，聽師傅話呢一個海膽係日本拍賣級嘅級數！由日本直送嘅海膽食落真係特別正，而家冇得去旅行唯有喺香港繼續食住等！之後試咗一個比較特別嘅白子，食完我搵一搵原來白子係魚類的生殖腺！但係食落去嗰下完全唔知道，因為好鮮甜，而且好滑口。呢個白子刺身真係唔錯😋食完刺身就食壽司，第一件係食赤貝壽司。一個新鮮爽口嘅赤貝真係好正。個赤貝外層爽脆，食落就有好濃厚嘅鮮味同埋海水味！師傅仲同我哋講，顏色愈紅的赤貝就愈高級。唔怪之得咁好味。第二款食嘅壽司係松葉蟹肉+蟹膏，從業牌一直都係我心目中好喜歡食嘅蟹。呢個壽司睇得出師傅用咗好多心機拆蟹肉加埋啲蟹膏。個壽司鮮味極濃，蟹肉鮮甜好食，食完仲想食多舊🙂每次食Omakase，都會有以下呢一個三文魚子海膽飯。兩種都咁正嘅食材加埋一齊係會有加乘嘅作用嘅。頭先講過呢度嘅海膽係拍賣級，但唔止呢度嘅海膽得，三文魚

舍利鮨 (元朗) 📍元朗安寧路38號世宙商場地下6號舖得知元朗開左高級壽司🍣店，是由江戶前壽司廚師發辦，而食材是從日本🇯🇵漁市場空運直送❤️決意朝聖。門面走簡約和風，帶有一種神秘感。一入去被其裝潢吸引住，優雅大方簡約系設計，比人一種好舒服既感覺，吧台設計有助增加食客同師傅交流。印象最深刻係呢三款壽司🍣，新鮮程度令人難以忘懷。（排名不分先後）牡丹蝦蝦膏：蝦肉晶瑩剔透如白玉，蝦身肥美，味道濃郁鮮甜，口感黏稠彈牙嫩滑，滿口的甘甜味，仲可蘸上毫不吝嗇的蝦膏，提鮮，好有驚喜。金目鯛：魚皮帶點韌度，肉質軟滑，味道鮮甜，油脂豐富，不溫不火。鰤魚腩：在日本，鰤魚被認為是最高級壽司食材中的前三名，本身鰤魚已經好正，而魚腩的部位更正，肥嫩而濃郁。大拖羅：顏色粉紅，脂肪比例較高，魚香持而恰到好處的魚油脂，非常甘香，充滿油香。總結： 師傅巧手準備佳餚 賞心悅目用料上乘

入元朗搵朋友，佢帶我搵食，仲話自己最近升職，請我食飯🤤我梗係話食日本野啦😝去咗食omakase，以下幾款令我好深印象。首先係my fav拖羅，肉質非常鮮美，入口即化，世界級享受🤪日本刺身點少得海膽，呢個仲係拍賣級海膽黎！食落去鮮甜無比🥰好幸福！鰤魚腩又係好肥美，我朋友都大讚，仲encore左🤪🤤最後呢個係香箱蟹，有蟹膏+蟹肉+蟹子，蟹味十足，極為滿足！📍 舍利鮨 Sushi Shari地址：元朗安寧路38號世宙商場地下6號舖

近年日本廚師發辦Omakase係香港越開越多。我都好鐘意食，因為師傅都每日挑選新鮮既刺身，整比客人食，每次都有驚喜。我今日黎到元朗舍利鮨試一試呢間既Omakase, 呢度既⻝材都係每日由日本漁市場直送到港，質素絕對有保證。呢度裝修簡約，通埋封閉式設計，有高度私隱。新鮮食材配上特製赤醋飯，突顯左刺身既本身既鮮味。今次師傅發辦，我地試到拖羅、白子、赤貝、牡丹蝦+蝦膏、深海池魚，樣樣新鮮。一路睇住師傅整，一路食特別好味。滿足。

疫情下冇得去日本🥺同朋友心血來潮就簡左食日本菜 去左呢間位於元朗嘅Sushi Shari餐廳食omakase😋店鋪裝修簡約但有日本和風風格 坐住係吧枱可以望住師傅即整壽司成個氛圍好舒服 食材新鮮 值得嚟試下～.👉🏻 牡丹蝦蝦嘅口感好爽口 味道都鮮甜雖然望落去比較細 但食落口個下會覺得好滿足 少食多滋味😻.👉🏻海膽 (拍賣級海膽)Omg係我最中意食嘅海膽！海膽味道濃郁 口感幾creamy食完唔夠想再encore haha.👉🏻剝皮魚+魚肝醬剝皮魚即沙鯭魚 質感較厚配魚肝醬食可以減低油膩度👍🏻👉🏻中拖羅中拖羅係魚腩中間最肥美嘅位置一食落口會感到有少少油脂 入口即溶———————舍利鮨 Sushi Shari元朗安寧路38號世宙商場地下6號舖

之前係FB見到依間新開OMAKASE, ⻝材日本直送到港, 即刻BOOKMARK左, BOOK定位HAPPY FRIDAY黎食! 餐廳都係裝潢都係用番傳統和風既木系, 簡潔舒適又不失格調, 師傅精神翼翼招呼客人, 坐係BAR枱同師傅互動感覺親切又自然, 唔會有唔自在既感覺, 當然最緊要係可以欣賞埋師傅專業既手藝啦! 第一件壽司入口已經冇懷疑過依度食材既質素, 由淡味至濃味既魚, 配上 赤醋飯, 更加帶出每件魚既鮮味, 高質!赤貝 師傅係面前將赤貝拍兩拍, 聽聞作用係可以帶出其鮮味! 赤貝新鮮不在講, 口感爽彈鮮味細膩, 出色!筋子橙紅筋子粒粒剔透有光澤, 好飽滿咁聚埋一齊, 賣相吸引, 一口吃下滿口咸鮮味道, 濃而不咸既鮮味真係好正!牡丹蝦牧丹蝦肥美厚身, 口感軟嫩有質感, 鮮甜味道充斥口腔。人越大食野真係重質不重量, 依度既omakase就可以正正體驗到!

近年香港開始流行Omakase的日式料理，這類的日式餐廳越開越多，我都未有機會吃過，上次終於的起心肝，預約了平日的晚上吃吧。可能新開的關係，價錢不算太貴。廚師發辦除了有刺身及壽司外、還有各種日式料理、前菜、熟食、甜品等。不過既然是由師傅精心挑選當天的魚類，那當然重點介紹刺身及壽司吧。深海池魚：深海池魚薄切，肉質帶點油脂，爽口細膩。三文魚籽配海膽：兩者都是濃味的食材，海膽味濃郁，每一塊細細片疊起，旁邊還有魚籽的襯托，一咬下去鹹鹹香香的汁都溢出來。牡丹蝦：蝦肉鮮甜、爽口。小肌魚：小肌魚較濃味，經醋醃製過，減低其腥味，肉質富有彈性。中拖羅：拖羅比吞拿魚赤身的脂厚，油脂分佈均勻且不起筋，入口啖啖魚油。

疫情去唔到旅行，但好想食日本嘢元朗新開一間日本菜-江户前壽司廚師發辦一入去成個裝修好日本風，好似去咗日本咁😜材料全部都係日本新鮮直送，食Omakase可以望住廚師好認真咁處理啲食材，人生一大滿足~筋子 我係香港第一次食，原板咗上菜~睇到都好治癮筋子顏色鮮紅到暗紅嘅色澤，味道比鮭魚卵更加鮮甜！筋子真係要新鮮先好食，呢間的確做到😜宮城鹽府吞拿魚手握壽司宮城鹽府吞拿魚依家係捕獲期，食落不論色澤、油脂分佈、鮮度都係最佳！根室秋刀魚北海道嘅秋刀魚多出一層皮下脂，令到口感嫩滑更口實，肉嫩帶甘甜鮮味！估唔到元朗都食到咗高質omakase ~環境同食物都好有質素！終於唔洗去日本，都可以食齊日本各縣嘅刺身、壽司😜

友人生日，去佢屋企玩順便食好野同佢慶生。佢屋企附近開咗間食omakase嘅餐廳，就一於去試吓。三文魚子配海膽 - 兩樣都係我好鍾意食嘅嘢，一次過滿足晒兩個願望。海膽好鮮甜，一啲都唔腥，配合埋大大粒嘅三文魚子，好juicy！松葉蟹壽司 - 第一次食，啖啖肉，好鮮！牡丹蝦壽司 - 蝦肉煙韌彈牙，上面有一層蟹膏醬，令壽司層次更豐富！拖羅壽司 - 好厚身，魚油好豐富，好滿足。帶子 - 火炙過嘅帶子，加埋香脆嘅海苔，完美配搭。海苔中和返帶子嘅油膩感，好fresh。慢煮鮑魚 - 好軟熟，煮得好入味。

疫情下餐廳大洗牌, 好多有心又有特色既新餐廳冒起! 上星期屋企人生日, 就帶左佢去元朗世宙商場既舍利鮨Omakase, 係近來我食過最高質既日本野! 冇得去日本, 但有每星期日本直送到港, 超級新鮮既食材都好呀! 當晚食左 $1600 Omakase, 款式都多, 但令我印象最深刻就係以下幾樣😍雜錦魚生卷👉🏻你睇佢個樣好普通, 但係內有乾坤, D魚生多到呢 😂 D飯反而係薄薄一層包住, 由頭到尾都咁足料, 1D都冇揸流灘!間八👉🏻長過兩米既大型鰤魚就叫做間八 Kanpachi, 味道鮮甜, 係公認為頂級壽司食材黎嫁!👉🏻一放入口就想像到佢生前係大海暢泳既畫面😂生蠔👉🏻平時比較多食法國/南非生蠔, 日本我都少食, 但感覺真係有D唔同👉🏻睇佢個樣就知Creamy, 果陣甜味都唔同其他品種, metal味輕D反而我仲鍾意!最重要係餐廳真係好舒服, 係元朗少見既grand地方!

在香港的日式餐廳吃廚師發辦，價錢並不便宜，不是常吃，之前住元朗的同事提過這家新開的餐廳性價比高，適逢生日，今年又沒有出埠，沒有機會去趟日本旅行，那就到訪了一家寧靜高級的日本餐廳，吃頓好的，慶祝一番。雖然坐在吧檯位不太習慣，但座位蠻舒服的，而且服務好。是日晚上的餐牌由廚師發辦，刺身及壽司新鮮滑嫩，厚切不帶魚腥味。精選是甜蝦、吞拿魚、海膽軍艦、赤貝刺身等，還有些魚不太常見及吃得到，我都不太記得名字了。味道方面，通常會由清淡到濃郁魚味的刺身。壽司的話，師傅手握一小撮醋飯，本身師傅也會塗抹一層薄薄的山葵在飯上，有些還會蘸上秘製醬汁或是岩鹽，不用額外添加醬油了。整晚坐在枱前看著師傅手握各種壽司飯及手切刺身，大顯神功，無論細膩握飯手勢或是切刺身的刀功也絕對是視覺享受；食物鮮味、高質，絕對是味蕾的享受。