鮨玥 (Closed)

女友放大假, 今晚特別訂了位食日本菜, 鮨玥,  日本料理, 位於西灣河鯉景灣.    餐廳近海邊, 空氣清爽,  路旁也可泊車.餐廳用了木質家具,  整齊清潔.一派日式裝修.  設有吧檯, 也可以對師傅而坐.牆上有今日美食推介.烤鱈魚乾  ~  烤得香口, 夠香脆, 配沙律醬, 好好食.  大家一邊食, 一邊飲啖啤酒清涼下.   三得利生啤  Suntor  ~  氣泡多,  帶些麥芽味, 好爽.唐揚日本炸池魚苗   ~  炸到金香鬆脆既池魚仔, 送酒最好不過.  生燒白鱔   ~  熱辣辣, 好香口,  魚皮燒得香脆並帶微微焦香,   白鱔入口肥而不膩, 外脆內軟, 送酒好正. 嚐過烤物, 女友特意選了一款:  鰝鯵薄造池魚王刺身  ~ 超薄切, 色澤靚, 好鮮味, 賣相好好！魚味濃, 把魚片點上酸汁, 懂魚的人一定喜歡.本鮪壽司盛  ~  有本鮪赤身, 中本鮪魚腩, 大本鮪魚腩.我們先吃赤身壽司  ~    入口好滑有魚油香,  食得出好新鮮.中本鮪魚腩  ~  比赤身肥美, 色澤鮮明. 大本鮪魚腩  ~   真系油脂爆燈, 魚身既雪花紋分佈, 非常肥美, 入口軟嫩豐腴.  魚油

今晚放工比較早,  同同事一起去鋰景灣行海邊,  又訂了檯食日本餐.  鮨玥, 侍應有效率地替我們安排座位, 闊落寬敞, 送來熱熱的日本綠茶, 清香解渴.夏日炎炎, 大家喜歡先飲 三得利生啤,   好快送到, 飲落精神爽.鱈魚干,   一流送酒小食, 魚干好香脆, 真美味.  一口一件, 又碰杯.唐揚日本炸池魚苗,  再來一個超級好味香脆小食,  迷你小魚好吸睛,  池魚苗卜卜脆,  沾些沙律醬及檸檬汁, 確實頂瓜瓜.本鮪壽司盛   赤身, 中拖羅, 大拖羅各兩件.   色澤鮮明, 油脂豐富.先由赤身開始食, 最瘦個部分最鮮紅色, 魚肉味最重.  其次食中拖羅略帶少肥, 油脂夠香. 最後食大拖羅,  花紋靚,  油脂比較重, 入口即溶.   手握壽司入口綿密滑順, 好 食.鰝鰺薄造池魚王刺身.鰝鰺系頂級珍貴魚,  師傅的刀工甚好, 每片薄切, 新鮮而透明嫰紅. 擺碟很美, 肉質細嫩,  十分新鮮, 爽脆甜美, 入口很滋味, 我們把魚片沾上特製的酸汁,  帶出了魚的香味,  使我們食慾大增.生燒白鱔燒得很香, 外皮脆卜卜, 鱔肉香甜, 肉質結實卻嫩滑, 大家要趁熱食.日本花魚一夜竿,  

好耐都唔去一次西灣河，做完野食埋飯先走喇生薑燒黑豚肉丼：飯底好好食，每粒飯都非常飽滿，彈牙得來有飯味，而且吸收咗豚肉嘅肥油，更顯美味。生啤：好有麥味，而且容易入口！日本花魚一夜干：燒咗咁耐，都仍然非常嫩滑，而且仲好香脆，仲略帶鹹香。北海丼：一個好豐富嘅丼飯，有12個款刺身，海膽嘅色澤鮮明，入口溶化，口腔充滿海膽嘅香氣。唐揚日本池魚苗：之前從來都未食過，不過幾配合送酒，而且份量非常多。讚！本鮪壽司盛：呢度啲壽司飯握得唔錯，刺身同壽司飯嘅比例，控制得非常好，而且每一件剌身都各有特色，而且新鮮。

鮨玥生薑燒黑豚肉丼：豚肉既腌料好出色，非常入味，黑豚肉度厚仲啱啱好，唔會成口油。肥膏嘅部份，做到煙韌嘅口感，呢個位係最深刻嘅地方。北海丼：個賣相已經贏左啦，有12款剌身，一次過滿足貪心既吃貨呀，海膽顏色好靚，仲非常香甜，又有肥大牡丹蝦，最估唔到，竟然有多塊大拖羅，令成個丼飯再昇華。唐揚日本池魚苗：火候拿捏得非常好，而且炸粉唔會太厚，食到魚苗自身嘅味道，魚肉亦唔會太乾身。Suntory 生啤: 食日本嘢，點可以唔配一杯生啤呀？本鮪壽司盛：由赤身開始、到中拖、直上大拖，口感都由滑淡至入口即溶加上甘香，層次係咁遞升！日本花魚一夜干：外脆內軟，仲要肉質厚滑，齒頰留香，而魚骨仲燒到可以直接食埋添呀，配合特製嘅柚子醬油，再度將一夜干魚的鹹香提昇。

🌕Hello我係Moon🌕喺西灣河最嘆嘅地方莫過於蘇豪地帶啦，😝雖然價錢相對地會貴啲，😳但基本上每間餐廳可以享受到嘅就係絕頂享受嘅食物。😋就好似依間高級嘅日式餐廳，鮨玥。 😗價錢來講都唔算太貴，相信一分錢一分貨換來嘅會係上乘嘅食材😝小食方面首先嚟過吉列廣島蠔，😉粒粒皆飽滿，黃金嘅顏色反映最佳嘅狀態，😝夾一夾都已經有零零丁丁嘅酥脆粒粒慢慢灑落來，🤓一咬除咗有蠔汁爆滿之外更加有超乎熱辣辣嘅感覺，😆即使外皮極度脆卜卜都好但裏面仍然係鮮嫩無比☺️再嚟就一於試吓牛油果軟殼蟹卷， 😛淨係睇外表都非常吸引，😜軟殼蟹有飽滿嘅肉身，🤩旁邊就有增加層次嘅軟滑牛油果，😏帶出軟殼蟹嘅清新，🥰飯卷嘅上面更加有飛魚子，海洋嘅味道霎時間就出現晒😝跟住當然唔少得招牌菜北海道海膽， 😏食海膽就一定要去日本，😎因為甜度係最甜，鮮亦都係最鮮， 😜令人enjoy到好似食緊鮑參翅肚一樣。 😂顏色上面當然亦都係最新鮮最靚嘅橙黃色，聞落去少少鹹，☺️就等於即開即食果一種感覺，😗一啖食落去冰涼嘅感覺在融合咗海洋嘅鮮味，😋由原本淡淡地開始再變微甜，多得軍艦嘅紫菜令到海膽嘅豐盈質感更加突出😋食咗咁多嘢當然要飲返一啲極度清涼嘅冰凍生啤， 🤓大

最近同朋友都好想食日本嘢。聽到朋友嘅推介，發現原來位於西灣河都有間好高質素嘅日本嘢。呢間餐廳叫做鮨玥，聽個名就已經知道佢充滿日式食物啦😂。嗰日我同朋友都食咗好多嘢，其中有啲嘢食我都想推介下！首先我想推介嘅就一定唔少得北海道海膽壽司啦，佢嘅海膽味真係好濃同埋慢慢品嘗都會感受到有幾鮮甜！另外佢嘅牛油果軟殼蟹卷都唔錯架，牛油果夠新鮮，軟殼蟹都夠香脆！至於最畀到驚喜我嘅就一定係日本花魚一夜干😍，會食到佢嘅魚油香味，點埋佢嘅特製醬汁，真係好完美嘅配搭。誠意推介大家嚟呢間餐廳試下，一定唔會令你失望！

成日都喺中環、銅鑼灣、尖沙咀同旺角食飯，間中都想來一點不同嘅。是日收工就嚟咗朋友公司附近嘅呢間日式非連鎖日式餐廳食晚餐。.餐廳位於鯉景灣蘇豪東，呢一帶平日收工人流不算太多，環境休閒舒適，令餐廳有種小沖繩居酒屋嘅感覺，幾Chill。🐟西京平目魚定食（$148）鹹甜度平衡得恰到好處嘅醬油汁將細嫩白滑嘅平目魚魚質嘅魚脂味充分誘發。魚皮香薄紙脆，散發少許清酒香氣，配搭飽滿日本珍珠米粒，同日式麵根黃豆漬物前菜，整體不錯。🐟鰝鰺薄造-池魚王刺身 （15片-$198）切得晶凝通透嘅池魚王刺身，望落非常賞心悅目，入口油脂豐富，肥美中不失爽口，咬落回彈力佳，細膩無筋，鮮度亦係拔群，加入青檸汁更顯鮮甜，非常高質。-----👶🏻B仔整體評價：8/10個👍🏻👶🏻B仔抵食程度：7.5/10個👍🏻👶🏻B仔環境評分：7.5/10個👍🏻👶🏻B仔味道評分：8.5/10個👍🏻👶🏻B仔回頭機會：8.5/10個👍🏻-----

收工同同事飲酒聊天嘅好去處 下酒小食很不錯～～～收工同同事過黎附近飲杯酒，講下老細壞話😛。我地揀選咗近公司得黎，又唔多上班族嘅鯉景灣蘇豪區。～～～🐟本鮪寿司盛：三色吞拿魚一共兩set，每人三件份量剛好。魚脂味由淺到濃，大拖羅尤其油脂充足，有omekase質素，很不錯。～～～🐟唐揚日本池魚苗：酥酥脆脆好香口，配搭酒品好夾。酥香與口內綿遠流長，久久沒有散去，高質，旁邊嘅紫色小蓮藕片也甚是脆口，一口魚仔一口suntory日本啤酒🍺，加上講下老細嘅一兩句壞話，快樂嘅happy hour時間就係甘簡單😁。～～～🐷生薑燒黑豚肉丼定食：雖然係Happy hour時間，但係見到隔離枱食呢一個生薑燒聞落幾香，我哋都忍唔住叫咗一個，醬汁調味啱啱好唔會太鹹，珍珠米粒粒飽滿，索埋生薑汁，正。*個麵豉湯仲有蜆肉嘅。～～～SUSHI YUE西灣河鯉景灣蘇豪束A期太康街55號地下GA10B號舖

今晚同朋友慶生, 佢住太古城, 介紹黎西灣河呢間壽司店. 呢度近海旁, 清新既海浪聲加上優美既風景, 平日既工作壓力都突然消失左. 簡約既和式裝修, 感覺舒服.本鮪壽司盛分別有赤身, 中拖羅, 大拖羅, 大拖羅肥美肉滑, 魚味香濃, 就算赤身都肉質鮮甜, 真係唔錯.鰝鰺薄造-池魚王刺身師傅手工好好, 片片薄切, 厚度一樣. 魚香味鮮, 配上日式柚子醋, 好夾!吉列廣島蠔吉列炸皮炸到好鬆脆, 正宗廣島蠔, 又大隻又多汁生燒白鱔燒到皮超脆, 超級厚肉, 咬落去啖啖肉, 好滿足!薄燒牛舌外面爽脆, 裡面肉嫩, 加上少少海鹽調味, 食多碟都得.北海道海膽北海道海膽出名甜美, 一放入口, 鮮甜味即刻充滿整個口腔, 跟本唔使豉油wasabi.

作為新界人真係甚少過海，唔係朋友帶路，都唔識黎呢度，蘇豪東個名聽就聽得多，黎就真係第一次，原來係要係西灣河站行過去，就係海傍隔離，真係好正，食完仲可以行海傍吹吹海風。今次食呢間日本野食質素好高，好新鮮，性價比算幾高。本鮪壽司盛呢個本鮪壽司盛一次過可以試哂三款口感，大拖羅、中拖羅同埋赤身，赤身食落有口感，而中拖羅軟硬適中，油脂更濃，大拖羅呈淡粉紅色，肉質軟熟肥美，油脂分佈均勻，散發出魚油香味，入口即溶。生燒白鱔白鱔燒到外脆內軟，外面層皮脆卜卜，肉質依然嫩滑，唔需要特別調味都好夠味。薄燒牛舌牛舌口感好爽脆，帶有香濃牛味。北海道海膽呢個海膽份量一D都唔少，非常鮮甜，海水味濃郁，鮮味十足。三得利 生啤

經朋友介紹嚟到港島東蘇豪區既人氣日本鋪頭。先來兩杯Suntory 日本啤酒。我哋先點了唐揚日本池魚苗， 小池魚炸到金黃色卜卜脆，甘香可口， 用嚟送酒作前菜絕對一流。我們點了頂級縞鰺深海池魚王， 師傅刀工精湛，將魚肉切到非常之薄片， 入口感受到肉質嫩滑之餘亦帶有魚油香，配以柚子豉油來吃。跟住落嚟就係最出名嘅本鮪品種吞拿魚做壽司。 有三個唔同部位包括赤身、中拖羅和大拖羅。赤身沒有太多油脂，入口肉質雖然較實， 脂肪量相對最少，但是魚味出眾。中拖羅嘅脂肪比例亦恰到好處， 魚香和魚油嘅味道非常之豐富， 入口即溶。大拖羅的脂肪精華味道濃沃， 滿滿的魚油和魚香充斥在口入面翻滾， 真係可以話係一種享受。身為一個魚生迷當然唔少得叫海膽壽司， 一上碟已經見到一客鋪滿北海道海膽既軍艦。 海膽鮮味十足入口即溶， 味道濃厚甘甜， 一個字"正"。

很久沒有與我的好友聚聚，今晚為方便朋友放工不用趕，我選了她樓下的日本屋酒屋晚餐-「鮨玥 」。一入到去覺得環境很寛敞很舒服。北海道海膽： 一板海膽一送上檯，我們不禁嘩了一聲！海膽味比較濃郁，用紫菜包著一小團飯，再把海膽一啖入口，海膽入口即溶化，很鮮甜美味可口。自家焦糖玉子燒（熱）：雖然燒焦糖鋪面，但味道不會偏甜，配上熱辣辣的玉子燒，玉子燒做得剛好，有雞蛋香，口感甚佳。牛油果軟殼蟹卷：牛油果份量剛好，中間捲着很鬆脆肉厚的軟殼蟹，配埋沙律醬，感覺很清新很夾。

放寬左之後都無乜出街食飯， 今晚難得朋友相約， 跨幾區去到西灣河蘇豪區食日本菜。順便搭下新鐵路線。去豪下先， 叫左北海道海膽。一板都有好多， 配六舊飯， 紫菜同青瓜。海膽鮮甜無腥味，好滑， 配上青瓜口感一流。見好多人叫本鮪壽司盛， 我都唔執輸。三款共六件拖羅壽司， 最鍾意食依款， 又肥， 又油， 又厚切。今次無叫甜品， 反而叫左自家焦糖玉子燒焦糖燒得脆， 晶瑩剔透， 甜而不痴牙， 配上簡單滑嫩的玉子燒， 我直情當焦糖燉蛋咁食。支持支持， 希望所有食肆都捱得住。

住東區的朋友講西灣河有間食日本野的餐廳刺身好新鮮五六日夜晚都好full, 趁平日收工諗住一試，平日原來都好多人本鮪壽司盛-大拖中拖赤身各兩件-大拖入口即溶，飯師傅捏得好好完全唔會鬆散北海道海膽-絕對係今日最難忘的一碟，海膽好新鮮完全冇木味冇明礬味-份量仲要一啲都唔少，加上非常脆口的紫菜，下次一定一定會encore薄造-池魚王刺身片（15片）-師傅刀功非常好！每一塊都係超薄賣相100分！-池魚來貨好靚好新鮮塊塊都爽口彈牙唐揚日本池魚苗-炸粉好薄，完全冇over cook, 要黎餸啤酒一流薄燒牛舌-非常非常肥美，好香牛味好爽口彈牙見佢的食材咁新鮮最後忍唔住叫多二款壽司-蟹膏軍艦：係限定款，姐當然要試！蟹膏係好多好豐滿，唔係死鹹個種平價貨-葱本鮪魚腩軍艦：menu 寫係人氣款，真心好肥美，份量一啲都唔少，絕對對得起人氣二字

同太座喺風雨交加嘅情境下，行車行船悠閒地去到西灣河海邊， 搵間鮨玥日本美食，朋友介紹得，呢度情調唔錯，因為這一帶都係一個蘇豪區，好多放工落嚟飲番杯，減下壓嘅好去處。坐低我哋叫咗兩杯飲嘢，一杯生得利啤酒，日本生啤味道較淡，卻啱口味，槐花麥味也清淡可口，一樽蜜桃紅茶梳打，桃味依然，氣香味可口，啖啖清口腔。叫咗個日本唐楊池魚苗168，意外的份量，送口醇醞一口一尾，不失香氣，一個北海道海膽 95一位×2，海膽味不是人人受落，有幸嚐一嚐，金黃粒粒一片片，好看好吃味香濃，也不失禮。一個日本花魚一夜干115，花魚開邊油輕煎，出油膩不膠口，不見濃度見金黃，嚐之有味。六點刺身248，甜蝦吞拿魷魚，甘魚墨魚各有鮮味。重有本鮪壽司盛265。得見師傅揮刀開，片片魚鮮落木盤，鮪魚片片上壽司，啖啖入口腹滿滿。慢談淺酌，輕鬆一晚。